工人燒焊燒着雜物 果欄三級火 波及逾10欄檔
1 :
GS(14)@2016-09-06 04:35:39■消防員向起火欄檔射水，黑煙直沖逾10層樓高。溫瑞麟攝
【本報訊】油麻地果欄一個正裝修欄檔，昨午工人燒焊不慎燒着雜物起火，火勢一發不可收拾，波及十多個欄檔，消防到場將火警升為三級，焚燒約5小時才被救熄，事件中無人受傷。有果商擔心火警令中秋水果供應緊張，推高價錢。記者：黎家駒 劉永明昨午4時24分，近石龍街一個欄檔突冒煙，火勢迅速蔓延，濃煙滾滾而上約十數層樓高，其間傳出多次爆炸聲，消防派出150人，合共8煙帽隊及8條喉灌救，果欄大多是鐵皮屋，堆滿發泡膠及紙箱，令火勢越燒越旺，約13分鐘後將火警升為三級，40多人自行疏散，消防亦移走風煤樽等危險品。火警期間，警方封鎖窩打老道西行，介乎上海街和渡船街全線，以及新填地街北行，介乎永星里和窩打老道的全線，現場一度擠迫。目擊者Rick憶述，途經果欄時看到濃煙突然直沖而上，鐵皮屋火光熊熊，「啲火蔓延得好犀利，燒到啪啪聲，好大煙」，他估計該處約有不少鐵皮屋受波及，消防深入搜查，帶果欄內的人離開險境。火警於晚上9時19分救熄。
■現場火勢猛烈，部份果欄鐵皮屋燒至崩塌。劉永明攝
火場附近現壓縮氣樽
在果欄工作的孔先生表示，起火位置為一間開業多年的欄檔，近日正進行裝修工程。事發時有工人在燒焊，懷疑意外燒着雜物，初時只有煙冒出，但不久濃煙沖天。孔又說，昨天是周日假期，加上果欄在夜間開工，所以火警發生時果欄內少人，沒造成傷亡。消防處九龍西分區指揮官盧錦榮表示，起火位置在果欄西南部，火場面積20乘30米，在附近發現屬於第二類危險品的壓縮氣樽，火警原因仍在調查中。
被列為二級歷史建築、103年歷史的油麻地果欄，正名為油麻地水果批發市場，範圍由渡船街至新填地街、窩打老道至石龍街為限。1913年已有人在此進行食品交易，不只賣水果，還賣蔬菜、雞、魚、雜貨及米等，至60年代起菜欄、魚欄及雞欄悉數遷走，獨剩果欄。
■多名果商及工人趕到現場了解火警情況。
2016年審計報告曾指，行政局1969年曾通過將果欄遷往政府興建的市場，一度計劃遷往長沙灣及葵涌，但因用地轉變用途而擱置搬遷，一直拖延至今已有47年。2007年至2013年政府各部門已接獲1,533宗有關油麻地果欄投訴，認為有需要考慮搬遷計劃。過去，果欄曾發生至少兩宗較嚴重的火警。2014年7月4日，一名70歲果檔商人，在油麻地果欄店內進行香蕉催熟工序，駁喉將乙烯輸入有香蕉的房間後，將乙烯樽利用升降台運走時，氣樽漏氣遇火花爆炸，老翁灼傷雙手手臂及頭臉，一度命危。2012年3月6日，一名蝸居果欄的50歲姓葉男子，因涉及一宗盜竊及藏械案需出庭應訊，惟他棄保潛逃被通緝，被便裝警拘捕時，他情緒激動以天拿水自焚，面及手部被燒傷，需送院敷治。
來源:
http://hk.apple.nextmedia.com/news/art/20160905/19760427
9省市明推新政 嚴限引入低技術人員在華外國人分三級惹爭議
1 :
GS(14)@2016-09-30 08:08:49「歌神」許冠傑《同舟共濟》曾唱「實在極不願，移民外國做二等公民」；時移世易，一些在中國工作的外國人連「二等公民」也不如！中國明起將內地的外國人，從「高端人才」至「低技術人員」分成A、B、C三類人；新制度引起在華外國人的熱議！
以往外國人（不包含港澳台）可循獲得「外國人入境就業許可」，以及「外國專家來華工作許可」兩種途徑前往內地長期居留工作。而國家外國專家局近日公佈，為了簡化管理制度，將把兩種許可統一整合成「外國人來華工作許可」。當局自明日起，在北京、天津、廣東等至少9個省市啟動新制度試點工作，並將在下年4月1日起正式在全國推行。新制下最讓各界關注的，卻是對外國人實施的新分級制（見右圖）。當局指，將遵循「鼓勵高端、控制一般、限制低端」的原則分類，並設立一套包含工資、教育水平、漢語水平和年齡等標準的評分機制，惟目前仍無進一步公佈分類評分細節。
外籍教師：我非常反感
「我將被歸入哪類人？」不少在華的外國人或許有這種疑惑。其中美國《紐約時報》引述北京一名人力資源公司顧問估計，外國人在華擔任老師或多被劃分為「B類」。對此，正在北京一家幼兒園任教的美國人詹姆斯表示：「一開始我對被歸為B類非常反感」，更把感覺形容成「我只是一名B類外國員工」。另一名不願具名、目前在北京一間大學擔任英文老師的美國人則向《蘋果》自嘲：「我會慶幸自己不被歸為C類，但也會為自己不能成為A類感失望！」她指，自己對當局用上「急需短缺的人才」字眼形容B類最有感覺：「我在這裏教了10年書，仍只被分類成用來填補短缺！」她續認為，內地的大學普遍未能提供足夠的人工福利去吸引外國人才，並指過往見盡很多「未夠班」的外籍老師來內地任教：「我覺得新制推行是要控制改善來華的外國人才質素，不過也可能令部份學校缺少它們需要的外籍老師。」
限教育人才疑防宣揚政治
本港時事評論員劉銳紹對《蘋果》指，當局推新政有其實際人才供求需要，可算是「國際慣例」；並指A類所形容的「高端創新」，應是科技及制度管理等現時內地最缺乏的人才。至於教育文化等行業，有指當局或想限制相關人才來華以避免他們宣揚政治，劉則認為這只是「一廂情願」的想法，「而家好似只要識英文就可以嚟中國教語文，令到教學質素參差不齊，有啲濫」，供求下當局或要對此有所限制。不過他補充，當局或較抗拒吸納如社工等「帶有社會批判功能」的外國人。■記者 曾昭坪
來源:
http://hk.apple.nextmedia.com/international/art/20160930/19786172
唔拍就賠2,000萬吳啟華被呃接拍三級片
1 :
GS(14)@2016-10-14 06:52:19現年52歲嘅吳啟華，83年簽約無綫後，首次擔正嘅角色就係同劉德華、趙雅芝合作嘅《魔域桃源》，劇中吳啟華第一次做反派角色，由於演技奸到出汁，所以之後嘅劇集好似《大運河》同《流氓大亨》都係繼續做奸角，其中喺《流》劇中，做萬梓良失散多年細佬嘅吳啟華，用盡陰招陷害大佬，睇到一眾師奶觀眾咬牙切齒。87年，吳啟華同無綫鬧反，繼而轉戰拍電影，不過吳啓華所拍電影，令人最深刻嘅，必定係兩套三級片，首先係91年同「波霸」葉子楣拍嘅《玉蒲團之偷情寶鑑》，同埋94年同翁虹拍嘅《滿清十大酷刑》，吳啟華嘅三級男星形象從此定型。雖然自己有份拍嘅《玉》片，當年票房收近$2,000萬，創下三級片紀錄。但對於自己拍過三級片，吳啟華曾經喺訪問中，話好後悔接拍，仲話當時係俾人呃去拍，如果唔拍，就要賠$2,000萬，為咗呢件事，吳啟華想過退出娛圈。好彩到98年，吳啟華重返娘家，終於接到好籌，接拍《妙手仁心》，做情深款款程至美，入屋兼加分，之後再拍第二、三集，成功轉型。
來源:
http://hk.apple.nextmedia.com/entertainment/art/20161014/19800149
【裸露闖影壇】與妻合拍三級片
1 :
GS(14)@2016-10-15 12:11:44【露下體】■跟無綫解約後入影圈搏殺，於93年和鍾淑慧拍三級片《滅門慘案之孽殺》，超激露下體。
原名吳槐岸的吳岱融是80年代新加坡當紅小生，87年轉戰香港拍劇創下事業高峯，與無綫解約後曾拍三級片露下體。
【拍偉仔】■88年拍劇集《絕代雙驕》演花無缺，而梁朝偉就扮演小魚兒。
【娶淑慧】■95年迎娶拍拖多年的鍾淑慧，曾自比兩人是神鵰俠侶。
【做老竇】■97年兩人的兒子出世，自此鍾淑慧淡出娛樂圈專心相夫教子。
【被襲擊】■01年吳岱融在夜總會遇襲，當時傳婚變的鍾淑慧到醫院照顧闢謠。
【熟佬味】■08年與郭晉安等北上拍劇，留了鬍鬚的吳岱融開始有佬味。
來源:
http://hk.apple.nextmedia.com/entertainment/art/20161015/19801122
【肥版偉仔】銀河十星演三級超人彈出
1 :
GS(14)@2016-10-27 06:02:32現年61歲的李中寧，86年加入無綫，由於貌似梁朝偉，有「肥版梁朝偉」之稱，當年他與郭富城、邱淑貞、胡越山、李婉華和邵仲衡等五男五女被力捧做「銀河十星」，後被無綫炒魷。李中寧88年拍過電影《求愛敢死隊》，90年突然豁出去接拍何藩執導、邱月清及邱玉茹主演的三級片《三度誘惑》，他扮演「三級超人」，一脫成名，得到過千萬票房，李中寧脫出血路，其後再拍《鬼叫春》、《雞年大姦情》和《新七擒七縱七色狼》等。及至95年拍完電影《信有明天》後便離開娛圈，到英國開餐館，兩年前回流香港，近日被爆做保安員。
來源:
http://hk.apple.nextmedia.com/entertainment/art/20161027/19813071
【三級男星】單立文做西門慶出位
1 :
GS(14)@2016-10-27 06:02:38與李中寧同期拍過三級片的男星，都已憑拍劇集成功洗底。
單立文
人稱豹哥的他87年在電影《聊齋艷譚》演西門慶而出位，近年他轉拍電視劇，戲路廣泛由搞笑到嚴肅都有。
黃秋生
91年接拍《聊齋艷譚續集：五通神》，94年憑《八仙飯店之人肉叉燒包》成為首位三級金像影帝。近年他回歸電視圈拍劇，亦跟余安安合作舞台劇。
陶大宇
跟陳穎芝於92年合作拍三級片《哎吔女朋友》，之後憑劇集《刑事偵緝檔案》成為一代「師奶殺手」，最近作品是今年播出的《隱世者們》，與吳啟華、宣萱等演出。
吳岱融
吳岱融近期復出公仔箱，最近以《巨輪II》奸角高天鷲，成為新一代奸王。93年跟太太鍾淑慧合作拍過《滅門慘案之孽殺》等三級片。
來源:
http://hk.apple.nextmedia.com/entertainment/art/20161027/19813072
李中寧博盡演三級片處男作票房過千萬
1 :
GS(14)@2016-10-28 06:24:15曾是千萬票房影星，61歲的李中寧，在90年三級片大行其道的日子，他與亞姐邱月清、陳寶蓮(已歿)、秦虹做對手戲合演三級片，處男作《三度誘惑》更錄得千萬票房，佢喺戲中嘅「三級超人」更是一鳴驚人。據91年李中寧接受訪問稱，當時拍三級片，片酬係六位中數。由臨記晉身娛樂圈嘅李中寧，遭無綫棄用後轉戰三級片。但李中寧自言，拍三級片不止是為酬勞，而係佢覺得，一般男演員演這類電影，演得太差。睇番呢個成廿幾年前嘅訪問，當時李中寧話，嗰啲三級片男星(當然指香港)，「遮遮掩掩、晤自然，又唔夠勁度。」李中寧認為自己可以做得更好。「拍三級片已經唔再係單單為咗錢，錢固然重要，不過能夠令自己更有代表性就更好。」為錢賣命、賣色相，李中寧直認不諱。但提到經營副業，李中寧就話:「我賣命、賣色相都可以搵到晤少，根本唔需要為小數目去做。」但李中寧並不是「道德能」，做副業，冇問題。「大家都係出賣自己嘅身體，無乜唔同。我可能係打生打死，多兩處傷痕，都係用自己身體嚟換錢，只係揀嘅方法晤同。唔通將自己由二樓撻落嚟會光榮啲咩？」李中寧個point係，陪客同撻落樓同樣可悲，咁點解唔可以搵一個令自己舒服啲嘅賺錢方法？李中寧有自己的執著，包括——女藝人向高層投懷送抱———佢覺得呢啲係競爭手法之一，無可厚非，但對於啲人咁樣做，李中寧覺得係生命中的恥辱。
來源:
http://hk.apple.nextmedia.com/entertainment/art/20161028/19815027
拍廣告回歸 無悔演三級片鍾淑慧：我寶刀未老
1 :
GS(14)@2016-11-08 05:54:11■現年47歲的鍾淑慧日前為護膚品牌拍廣告，退隱十一年的她笑言自己寶刀未老。
現年47歲的鍾淑慧，近日因老公吳岱融人氣升而帶挈她復出拍廣告。日前鍾淑慧為廣告進行拍攝，雖然退隱娛樂圈十一年，但她笑言自己寶刀未老，拍攝過程十分順利。對於90年代與吳岱融接拍過多部三級片，鍾淑慧坦言從未言悔：「又唔係賣弄，對我哋嚟講，係一個好大嘅挑戰，覺得唔係乜嘢嘅一回事。」
吳岱融近日憑《巨輪II》人氣翻生，令退隱娛樂圈十一年的太太鍾淑慧妻憑夫貴，獲馬來西亞護膚品牌力邀她做代言人。日前鍾淑慧在馬來西亞接拍廣告，退隱多年的她未因此生疏，她前日在電話中說：「嗰日係1點開始影，影到夜晚7點，有拍video同影相，喺咁短時間做咗咁多嘢，都好順利。相信我都寶刀未老，全部係喺三take以內搞掂晒，始終要配合燈光同埋其他問題，不過係好順利拍晒，我除咗嫌自己有啲略肥，so far都滿意。」
婚姻曾亮紅燈
90年代鍾淑慧與吳岱融以情侶檔姿態一起拍攝《滅門慘案之孽殺》、《替天行道之殺兄》和《弱殺》三部三級片，由於吳岱融近日在《巨輪II》姦出位，激發網民喪煲他與太太拍過的三級片。問鍾淑慧可曾後悔拍三級片？她說：「其實又冇囉，當年我都有份參與呢個劇本，有共識點樣去拍，而且我哋嗰幾部戲嘅題材都係真人真事，當然要加入啲電影元素，真係唔少得。作為一個演員，我覺得又唔係賣弄，而且喺嗰個時間，對我哋嚟講，又係一個好大嘅挑戰，變咗覺得唔係乜嘢嘅一回事，事實上喺外國嚟講，某啲位都係合情合理，都係好正常，我自己係喺絕對接受嘅情況下接拍，所以唔可以話有乜嘢後悔唔後悔，呢啲嘢係自己去決定，對演員嚟講係一個經歷。」鍾淑慧與吳岱融於95年11月28日在新加坡註冊結婚，翌年2月14日返港擺喜酒，這段快將二十一年的婚姻，並非一帆風順，當年有傳吳岱融因事業陷於低潮而終日借酒澆愁，喪蒲喪玩，二人婚姻亮紅燈，幸得鍾淑慧不離不棄努力登台接騷撐起頭家。對此鍾淑慧未有多講，但就默認婚姻曾出現問題，她說：「我相信一對夫妻邊度會冇磨擦，喺婚姻過程梗會有啲，我哋結咗婚都二十幾年，一定會有磨擦同唔開心，過咗去就冇嘢，唔需要再提。」
■吳岱融與鍾淑慧90年代以情侶檔拍三級片《替天行道之殺兄》。劇照
■鍾淑慧與吳岱融月底慶祝結婚二十一年，兒子吳政樺現已19歲。微博圖片
【94年】■鍾淑慧坦言未有後悔當年接拍三級片。資料圖片
■復出拍廣告的鍾淑慧駕輕就熟，僅花六小時便完成拍攝。
避提獨力養家
提到當年獨力撐起頭家傳聞，鍾淑慧說：「而家呢個年代都冇話邊個撐起頭家，亦都冇話男主外、女主內，甚至係男主內、女主外都冇乜所謂，大家一家人都唔會計劃呢啲嘢，邊個OK咪邊個上囉。呢啲嘢其實好似打波，邊個體力OK，咪打住上半場先，邊個想唞嘅，咪打住下半場先囉，甚至乎大家都OK嘅，咪打住雙打先囉，一齊去拼搏，唔可以獨力去做。我而家日日都喺度暢泳、行街同休息，佢日日都做到好辛苦，病住都要開工，呢啲又點計呢？」採訪：魯吉
來源:
http://hk.apple.nextmedia.com/entertainment/art/20161107/19824849
李麗珍拍過三級片林穎嫺嫁老外又寫書
1 :
GS(14)@2016-11-18 17:56:3580年代黃百鳴、麥嘉及石天創立新藝城，84年電影《開心鬼》好受歡迎，翌年就力捧袁潔瑩、陳加玲同羅美薇三人以「開心少女組」出道。86年換走羅美薇，加入何佩兒同林穎嫺，變成四人組合仲出唱片《開新油戲》。由於《開心鬼》系列電影好受歡迎，所以當時有份參與嘅羅明珠、李麗珍、柏安妮、林珊珊、傅明憲、黎姿等等都被視為「開心少女」；現時「開心少女」們有不同嘅發展。袁潔瑩今年47歲嘅袁潔瑩喺《開心鬼》時期受力捧，之後進入大台後星途都唔錯，但早年曾患厭食症，體重暴跌；經治療後體重回升，更成為豐胸廣告代言人。14年袁潔瑩更接拍大台劇《女人俱樂部》，現時就主力打理中醫美容生意。陳加玲今年48歲嘅陳加玲緋聞多多，廿幾年前曾跟商人羅傑承拍拖，又先後與藝能副總裁葉偉忠、藝人黃子揚等傳緋聞；其中同羅傑承嘅戀情最為轟動，更因金錢問題對簿公堂。林穎嫺今年47歲嘅林穎嫺係87年港姐季軍，亦係88年大台嘅「銀河十星」之一。不過，當年林穎嫺毅然放棄事業到美國讀書，最終選擇家庭退出娛圈，到美國發展事業，及後與Tom結婚。現育有一子兩女，近年仲出書，分享育兒心得。李麗珍今年50歲嘅李麗珍出道後嘅經歷真係好經典，由清純形象轉型去大解放，影過露毛寫真，喺93年又接拍三級片代表作《蜜桃成熟時》。又同許愿有過一段「美女與野獸」嘅婚姻，兩人喺2000年離婚。及後同填詞人潘源良撻着，不過今年6月爆出二人第四度分手。
來源:
http://hk.apple.nextmedia.com/entertainment/art/20161118/19837637
月薪九千欠稅四萬麥包曾為醫老父拍三級片籌錢
1 :
GS(14)@2016-12-18 11:04:24「怪管家」、「矇查查」、「麥偵探」，都係90年代經典兒童節目《閃電傳真機》裏面嘅角色，呢啲角色都係由麥包扮演，鬼馬得意形象深入民心，之但係點解麥包哥哥當年要淪落到拍攝三級片呢！講出嚟你可能覺得好老土，但呢個又真係事實，咁究竟係咩原因呢？今年48歲嘅麥包，原名麥長青，87年參加無綫電視《超級新星大賽》，雖然落敗但都有加入大台，90年仲被安排到兒童節目《閃電傳真機》，同期嘅主持有譚玉瑛姐姐、黎芷珊姐姐同朱茵姐姐等。節目裏面，麥包經常要扮鬼扮馬，頗受小朋友歡迎。但96年，佢突然淪為三級片男星，接拍咗三級片《極度獸性》，戲中麥包仲要同女演員上演一幕火辣辣嘅床戲，認真該煨！事後麥包解釋：「唉！其實我欠政府啲稅，本來預咗筆錢㗎，點知老竇要入醫院做手術，咁咪唔夠錢囉。我已經分期付款還錢，不過我份人工都唔夠我每月還嘅數目。」據了解，當年麥包係欠稅局四萬幾蚊，以佢當時喺大台每月九千蚊嘅人工，咁有人開出咁有利嘅條件，話明佢唔使脫，所以咪接拍咗套戲囉！點知到拍攝時，電影公司就臨時加戲，咁麥包就無辜辜咁做咗三級片明星喇！
來源:
http://hk.apple.nextmedia.com/entertainment/art/20161218/19868893
Next Page