📖 ZKIZ Archives

上周更新 (5 May - 11 May) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/05/5-may-11-may.html
本周恆指繼續上升, 星期五收市幾乎在全周最高位; 但更值得留意既係美元兌日圓終於打爆100大關. 今星期屬年內第3度上衝此心理關口, 如今一舉攻陷, 短期內上升動力應該甚勁. 關注日圓持續貶值而帶來既投資機會, 單以本地市場而論, 高息股票似乎仍然係不二之選. 公用股及房託基金如電能(6), 領匯(823), 置富(778), 越房(405), 泓富(808)等股價接連破頂; 低檔次但盈利穩定如新意網(8008), 貿易通(536)及路訊通(888)等股價亦甚為強勢.

個人組合主力置富(778)則周四公佈首季業績, 表現不錯, 比個人預期稍好. 市場對此亦有正面反應, 股價周五升近4.5%. 一眾REITS近月備受追捧, 但公司本身亦非完全無風險. 基本上除領匯(823)之外, 其餘一眾REITS皆分拆自大地產商. 如置富及泓富拆自長實; 越房拆自越地(123); 冠君拆自鷹君(41), 陽光拆自恆地(12)等等. 而置富去年向母公司收購麗城, 和富; 越房被越地注入廣州IFC等交易, 都反映出此類REITS存在目的仍係傾向以提升母公司利益為大前題.

股價低位運行, 股息率理想, 相對上風險可以接受; 股價節節領放, 股息率自然隨之而下降, 值搏率其實已經愈降愈低. 寫字樓出租率受經濟週期影響較商場大, 因此投資REITS個人儘量不考慮冠君(2778)或泓富(808). 因此領匯(823)仍屬本地REITS中最值得信賴一隻, 置富則作次選. 兩者股息率有一段距離, 當然以後者作持倉主力; 但若然兩者差距收窄, 則要重新考慮. 論估值, 置富目前預期2013年股息率範圍約4.3%~4.4%; 領匯則約3%. 若然今次升浪帶動置富2013年預期息率跌至4厘甚至更低, 兩者選其一, 我寧願重新考慮領匯.

組合亦傾向逐步沽出永安(289), 主要考慮到公司業績, 股份流通量及一手成本價問題. 公司去年下半年業績除聯營公司利潤貢獻環比大跌之外基本上問題不大; 物業投資業務則要等8月底中期業績公佈後方能揣測今年增長. 短期無明顯催化劑, 現價$25.1, 相對資產淨值仍然大幅折讓, 但論往績股息率4.5%不算特別. 股份交投量一向偏低, 加上一手成本價佔自己組合總值超過5%, 變相"焗住買大左". 縱合業績, 交投量因素, 若以股息回報為主要考量, 永安(289)現價其實不算特別吸引, 因此策略上會趁高沽出剩餘持股, 套回現金以尋找其他替代品.

其他替代品, 上文都有提及過, 新意網(8008), 貿易通(536)及路訊通(888)都在考慮之列. 對比幾隻REITS, 三股較好既地方係零負債, 萬一步入加息周期, 盈利亦不會因為利率上升而有所影響, 略作比較:

- 新意網剛公佈2013年第三季季績, 表現符合預期. 現價$2.13, 預期今年股息率最高會接近5厘, 算不錯;

- 路訊通2012年下半年收入2.2億, 環比增長1成; 毛利率及純利率亦分別進一步擴闊至37%及22%. 公司去年賺7千5百萬, 過去3年盈利複合增長竟達24%, 而且派息率長期維持100%. 現價$1.22, 往績股息率6.15%. 預期2013年最少賺8千萬, 股息率則起碼有6.6%. 同屬新地旗下小公司, 路訊通預期回報似乎比之新意網更好;

- 貿易通2012年下半年收入1.3億, 環比升近3成, 但純利率跌至31%, 乃近年新低. 全年純利8千萬, 現價$1.76, 往績股息率5.8%. 預期2013年純利變動不大, 因此股息率大概只能保持, 吸引力一般;

股票投資組合 (1) - 目標與框架 PARTIPRAL - ROAD TO FINANCIAL FREEDOM

http://partipral-hk.blogspot.hk/2013/05/1.html

上周更新 (12 May - 18 May) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/05/12-may-18-may.html


上週組合加入路訊通(888), 銀河娛樂(27); 賣出永安(289), 部份聯想(992), 另外高位套現置富(778); 目前現金水平約12% (前週19%).

置富繼續GOGOGO, 投資者仍然處超級亢奮狀態. 上週亦提及過, 置富優缺點分明. 無超級增長力, 股價愈高, 股息率便愈難趕上; 近月急升分分鐘已透支整年升幅, 難得有好價便值得陸續套現. 投資股票估頂估底最難, 因此永遠分段入, 分段出, 唔好扮聰明. 難以預測置富仲可以升幾多, 但2013年4厘股息率乃個人底線, 一旦超越便會陸續離場.

賣出永安, 置富, 換馬至路訊通(888). 上週除淨後有一定沽壓, 但問題不大; 未跌到加注位, 可以暫時不理. 繼續搏恆指新貴, 買入銀娛(27). 避免組合中前場兵力驟增, 被動沽出部份聯想(992). 理紙(2314)調整, 管理層股東會發放正面消息, 繼續牢揸.

有關銀娛(27), 其實仲有一點要補充, 就係期權. 銀娛本身有期權可買, 純粹搏染藍後有指數基金追貨, 其實用期權出擊會更合理, 主要都係成本問題. 理論情況如下:



明顯地期權會比正股更抵買. 取深度價內CALL而非價外, 一來相對上風險較低; 二來易於計算回報; 最重要係唔知基金買盤力度有幾大, 但換馬生效前銀娛引伸波幅則肯定會上升, 價外CALL變相比正常情況昂貴, 因此今次操作用深度價內期權會較為合適. 另外要注意, 有玩開銀娛期權都應該清楚此股期權買賣差價一向超級闊, 等6月14號收市前沽出, 很大可能賣唔到最理想價位, 所以計算預期回報時, 亦要打多少折扣.

上週四收市後MSCI公佈季檢結果, 翠華(1314)入選小型股指數, 有多少爆冷. 在我角度而言此股屬超貴, 根本無可能買得落手, 註定永遠絕緣. 正如留言所講, MSCI換馬相當難捉, 因此新貴自己不會沾手; 仍有可搏機會, 焦點反而應該放在香港指數被貶股 - 永亨(302).

美林估計, 今次永亨由香港指數被貶至小型股指數, 基金需要沽出接近1,100萬股; 對比永亨平均成交, 沽貨量竟達30.9日! 因此雖然永亨上星期四下跌近4%, 但當日成交不足200萬股, 幾乎可以肯定未沽完. 再留意近月沽空情況 (Analystz.com), 亦可以略見原來4月尾已有淡友開始部署沽空永亨, 沽空比率一直維持50%以上, 到MSCI季檢前幾日才稍見收歛:



回顧過去5年永亨(302)往績P/B, 最低當然係金融海嘯時期, 曾跌至0.8; 及後反彈, 但最高只能達至約2.5倍, 其餘大部份時間則於1-2之間游走. 若只計最近3年, 即撇除海嘯時期, 最低P/B則為0.97倍, 平均約1.47. 永亨現價$75.4, 往績P/B 1.17倍, 以歷史數據比較, 似乎處於偏低水平, 而且距離底部不遠.




永亨目前市值僅2百多億, 本地銀行股中屬二, 三線類別. 加上派息比率偏低, 要追到中銀(2388), 恆生(11)等龍頭P/B 2倍以上估值, 根本上不大可能. 再用大新銀行(2356)作比較, 後者目前市值約145億, 較永亨細. 目前P/B僅0.8倍, 看似比永亨更抵買; 但過去3年大新平均P/B為0.7, 最高僅1.08; 原來估值上一向比永亨更低. 今次指數基金換馬會扭曲永亨短期估值, 搏特殊事件後公司回復正常估值水平, 單計牌面仍算有得搏, 尤其等股價愈接近NAV, 值搏率就愈高.

有投機永亨想法, 其實係因為自己上一轉都有買過MSCI香港指數受害股恆隆集團(10). 最後整套交易回報率7.5%, 與同期恆指比較其實並無特別; 但勝在夠膽買得大, 所以對整個組合仍有一定貢獻. 有過上次經驗, 今次搏永亨(302)肯定會等變動生效日或之後才出手. 上次買恆隆集團有恆隆地產(101)作參考, 而今次則以永亨自己NAV作參照; 作戰期同上次一樣, 為期3個月, 信心十足.

上周更新 (19 May - 25 May) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/05/19-may-25-may.html
組合單位值: 92.16
組合週回報: +0%

上週組合加入信星集團(1170), 加注大快活(52); 沽清置富(778), 聯想(992). 目前現金水平約18% (前週12%).

上星期一指數急升過400點, 其後連跌4日, 已經跌穿月頭起步位. 港股今轉調整主要由日股帶動, 日股單計今年曾經一度升近5成, 累積升幅如此大, 就算高位急跌過千點, 都可能只係短期調整, 不必過份恐慌. 不過日元, 債息同告回升, 早前受惠放水概念而升得甚勁既本地REITS應該會進入回氣期, 暫時不宜沾手.

聯想星期四公佈去年業績, 全年收入33.8億, 季度收入7.8億. Q4乃傳統淡季, 但銷售環比下跌16%, 則比去年差. Q4毛利率擴至12.3% (Q3: 11.77%/Q2: 12.11%), 比想像中理想, 帶動全年核心盈利升23%至5.7億, 比個人預期稍好. 現價$7.38往績P/E 約17.4倍, 個人預期2014年純利約5.9-6.4億左右, 即預期P/E 最低15.5倍, 估值中等.

聯想業績算不錯, 個人電腦市場我從來都認為不用擔心; 不過要市場給予聯想一個偏高估值, 則一定要視乎公司手機業務能否保持強勁增長. 內地智能手機繼續普及相信毫無懸念, 聯想手機銷售增長理想, 但若然要繼續提升市佔率, 面對強勁對手, 難免會有割價壓力; 如果因此主題而給予聯想過高估值其實並不合理. 所以若然純粹搏內地手機概念, 其實倒不如買手機零件製造商會更好.

組合買入信星, 純粹係因為公司客戶之一SKECHERS第一季銷售增長理想, 搏今年要回補庫存, 信星應該可以受惠. 注碼不敢落得大, 因為只知SKECHERS係信星其中一個大客, 但實際佔公司生意額多少則無從稽考; 而且信星零售業務仍處放血階段, 對業績影響甚大. 今次買信星投機味較重, 而且起碼要等到11月公司公佈半年業績先可以知道賽果. 半年流流長可以慢慢買, 第一注就唔駛太搏.

今星期指數雖然下跌, 但熱炒股份為數不少, 反映資金仍然留戀股市, 暫時不用睇得太淡. 相信機會處處, 自己提升現金水平後, 目前已鎖定好目標準備隨時再衝入場. MSCI今個星期五收市前要完成換馬, 預期當日永亨(302)會面對強勁沽壓, 但就算股價是否大跌, 都應該先買第1注; 恆指新貴銀娛近期隨指數回落, 但如果跌得過份, 愈接近換馬日, 值搏率其實又有所提升; 三隻本地餐飲股大家樂, 大快活及稻香上星期已經開始不斷破頂, 求大注搏大贏, 三者乃近期上佳選擇.

派得好投資組合月結 (May 2013) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/05/may-2013.html
投資組合現時持股狀況:


19% 大快活集團 (0052.HK)
17% 港華燃氣 (1083.HK)
12% 路訊通 (0888.HK)
11% 理文造紙 (2314.HK)
10% 稻香控股 (0573.HK)
4% 信星集團 (1170.HK)
4% 時代集團控股 (1023.HK)

23% 現金

投資組合單位面值: 94.31
月回報: +3.72% / YTD: +4.41%)
(上月月結: 90.93 / 2010年7月1日起始值: 60.00)

派得好投資組合每日表現


恆指五月份先衝高後急回, 尤其最後一星期走勢甚差, 以幾乎全月低位作結. 指數轉弱, 但熱炒, 創新高股份仍然不少, 市場氣氛其實比表面好. 展望六月份, 三月份年結公司將會公佈全年業績. 踏入另一個業績高峰期, 應該又會有一堆公司跑出, 被市場重估. 因應指數不穩定而有必要提高警覺, 但相對之下更應該聚焦機會.

REITS, 公用股五月份遭到連環洗倉, 領匯, 電能月內等跌幅竟達一成以上, 以公司業務穩健性而言, 出現如此跌幅實屬罕見. 事後解釋, 美債債息抽升似乎係收息股暴跌元兇; 而現實點去理解, 基本上所有持有電能, REITS, 長建(1038)既投資者於五月中前都係贏大錢, 收息股股價連創新高, 其實已經提供極大誘因予投資者獲利離場. 雖然如今已由高位回落, 但其實目前股價仍然比今年起步位高出超過5%. 若說今轉調整乃出自基本因素扭轉, 我比較傾向認為調整未完.

唔能夠將睇法轉成打法, 不能用作交易既意見, 其實同廢話無分別. 個人認為公用股, REITS等調整未完, 依家唔買得; 但更重要既問題係, 咁幾時可以買?

搏股價低位回升? 我既睇法係, 繼續留意債息走勢. 如果美債債息繼續衝高, 根本無誘因吸引到資金重新流入收息股市場;  純粹為收息? REITS股息率不足5厘, 公用股不足4厘, 若然踏入加息週期, 盈利影響更大. 路訊通(888), 新意網(8008)同樣具備業務穩定, 派息率股息率雙高條件, 加上處零負債狀態, 豈不是更佳收息選擇? 近期兩股股價遭其他收息股拖累而出現回吐, 相對之下, 兩股死守價值更高, 甚至趁低加注亦無不可.

MSCI上週五完成換馬, 一如早前提及, MSCI新貴根本完全無路捉, 無謂枉費精神. 但今次有一樣事件非常值得備忘, 就係香港電訊(6823)於星期五收市前兩分鐘極速抽升超過一成. 今次香港電訊突然急升, 事件背景係該股已經於去年11月納入MSCI香港指數之內; 而今年4月份股東李澤楷配出超過1億股, 導致市場流通量大增, MSCI要重新調整其比重, 令該股上日出現尾市掃貨掃到癲既"異象".

今次事件發生前完全無為意, 如今冒遭咒罵馬後炮風險, 都一定要對此事件備忘, 原因係同樣情況將來很大可能會再次出現. 尤其瑞聲(2018), 太古地產(1972)等, 將來出現配股絕不出奇. 下次搏唔搏係另一件事, 但起碼唔可以再好似今次咁懵盛盛, 收市後半個鐘先如夢初醒.

投資組合今個月錄得理想回報, 除因為捉到置富(778)最後的探戈之外, 餐飲股大快活(52), 稻香(573)連環探頂亦功不可沒. 難得等到突破, 當然繼續牢揸. 當維他奶(345), 翠華(1314)都可以炒至30倍P/E以上, 兩股預期P/E只大約17倍, 相較而言, 是否揸得更安心?

MSCI完成換馬後, 永亨(302)已成為個人頭號買入目標. 買入原因詳見前文, 搏價值修正, 其實三個月已經係極限. 目標明確, 簡易操作; 另外銀娛(27)已經差唔多升抵目標價, 組合提前沽出. 距離恆指換馬尚有兩星期, 有機會或者可以再走一轉.

上周更新 (2 Jun - 8 Jun) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/06/2-jun-8-jun.html
組合單位值: 91.94
組合週回報: -2.51%

上週組合加入永亨(302), 網龍(777), 創科實業(669), 銀娛6月$40 CALL OPTION, 加注稻香(573); 沽出部份理紙(2314). 目前現金水平約1% (前週23%).

恆指本星期大跌3.6%, 組合跟隨回落. 指數表現欠佳, 但用心感受, 會發現市場絕非一面倒恐慌. 個人觀察名單中, 市值較大如申洲(2313), 銀娛(27), 創科(669), 港燃(1083), 合生元(1112), 龍源(916), 信義(868), 瑞聲(2018); 或市值較小如網龍(777), 金山(3888), 信利(732), 舜宇(2382), 亞衛(1045), 聯泰(311)等等於今次跌浪中仍算守得不錯. 尤其當指數看似跌得勢兇夾狠之際, 有部份股票低位往往承接力甚強, 更甚至可以組織反攻, 仍然有人夠膽買, 要話今次調整係另一次股災前奏, 我認為證據不足.

前週提升現金比重後, 加上深信仍有大堆股票有可能發圍, 自己今個星期打法變得相當進取. 如早前所講, 投機性買入永亨(302) - 雖然作戰期以三個月為限, 但純靠NAV做買入考量, 愈跌愈低時根本一定唔會捨得沽出, 所以有可能係會步上不歸路, 注碼適可而止. 銀娛調整, 提供左一個幾唔錯既買入點去搏染藍前最後一星期股價會重新發力. 正如早前所講, 今次搏銀娛屬特殊事件, 非常時期用非常手段, 用期權肯定會比正股好. 索性用組合0.5%-1%去放手一搏, 目標起碼對開對半.

網龍今年首季手機網上業務總收入1.45億, 環比上升42%. 收入主要源自手機廣告及手機遊戲兩大類別. 前者季度收入70M, 環比上升18%, 同比上升200%, 締歷史新高; 後者季度收入68M, 環比上升47%. 野村早前發表研究報告, 引述管理層預期相關業務今年可以錄得理想增長, 全年收入達6億至8億人民幣. 假設網絡遊戲業務可以維持Q1表現, 即公司全年收入約14.5-16.5億; 純利率保持, 今年最高賺3.5億RMB, 現價預期市盈率約21倍, 以增長股而言, 估值可以接受; 控制注碼, 作中短線持有.

其餘持股方面, 趁稻香調整, 於$5.6左右加注, 目前已經買齊, 靜侯再次破頂; 本來星期一已經沽出部份港燃套現, 但後來見整個燃氣界別於今次指數調整浪中表現相當硬淨, 決定買回; PMI數據+兩份大行報告將理紙(2314)打穿近期橫行區. 市場明顯睇法有變, 就算幾有信心, 都唔可以太一意孤行. 理紙估值唔算昂貴, 減輕注碼後索性合埋眼, 再坐遠一點.

上周更新 (9 Jun - 15 Jun) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/06/90.html
組合單位值: 90.77
組合週回報: -1.27%

上週組合加注網龍(777), 買入銀娛6月$39 PUT OPTION; 沽出銀娛6月$40 CALL OPTION, 時代集團(1023). 目前現金水平約3.8% (前週1%).

恆指上週再跌近3%, 反彈無力之餘恐慌情緒更有蔓延跡象. 星期四早市頭半小時可算係今年最恐慌既一個交易時段, 當時基本上不論強股弱股一概被大舉拋售. 當日出現小股災, 領匯低位大舉反彈算係亮點所在. 今次跌浪中領匯等REITS屬第一批大跌股票, 可以暫時扭轉劣勢, 證明當時情況並非太壞, 無需急於跟風斬倉. 而最後下午連其他股票亦開始由低位反彈, 算係暫時脫險.

自己前週觀察, 發現跌市中仍有大量股票仍然高位徘徊, 因此決定提升持倉水平. 今日檢討, 當日所謂撈貨行動其實足足早左接近兩星期. 指數上週繼續跌得如此急如此勁確實出乎自己預期, 而且上星期五個股反彈力度普遍不足, 更加值得提高警覺. 整體投資氣氛繼續轉差, 難保強股遲早都會遭到拋售. 經過上星期後, 股票估值偏貴的話其實已經有減持必要. 自己持倉中網龍(777), 創科(669), 港燃(1083)估值都係算貴, 雖然後者業務上有一定防守力, 但以目前市況而言其實無必要持倉太重; 寧願明早適度減持, 輸少當贏.

銀娛今個月有染藍因素令其股價大幅跑贏其他濠賭股如金沙(1928), 新濠(200)等. 尤其若以金沙作指標, 銀娛更加顯得強得不合理. 恆指新貴表現特佳, 連我都睇到, 相信市場上有更加多投資者有參與玩呢個PARTY. 星期一指數變動正式生效, 我非常懷疑究竟仲有冇人會於如此高位繼續追買銀娛. 股票無買盤推動, 最終只有下跌一途. 自己星期五收市前沽清銀娛CALL OPTION後隨即反手開PUT, 注碼不多, 純粹搏銀娛係另一個聯想翻版, 染藍後股價由高位大幅回落.

信星盈喜通告無甚特別, 股價急升一段後便倒跌收場, 27號公佈業績, 屆時再作分析; 本地餐飲龍頭大家樂會於25號公佈業績, 對重倉成員大快活年度表現有一定啟示作用. 績前就無謂加加減減, 維持倉位.

調整部署 PARTIPRAL - ROAD TO FINANCIAL FREEDOM

http://partipral-hk.blogspot.hk/2013/06/blog-post_28.html
今個星期一, 二根本係難捱到暈, 不止一次想低位全線斬倉離場算數. 最後決定捱, 係因為有過面對股災經驗; 但最後等得到反彈, 今日諗返其實係相當夠運. 當日根本唔知反彈幾時黎, 就算前晚制定應市策略, 都要諗多幾個情景. 結果最後岩好開中對自己最有利一瓣, 淡市中算係拾回多少自信.

今昨兩日忙於將手上股票掟走, 投資生涯上從未試過如此於一, 兩天內大幅拋售股票 - 事過境遷後回望, 今日唯一感覺就係輕. 預期七月份股市會繼續出現大幅波動, 坐擁現金, 輕身上路, 心理上會好過得多.

其實我並不希望再有股災出現, 因為只有指數平穩起伏, 個股才有望百花齊放. 經歷急跌之後, 起碼要出現一段長時間橫行才可以斷定是否見底, 因此根本不用心急買貨. 目前唯一既應市策略就係, 萬一七月股災再臨, 我要肯定我唔會成為陪葬品.

大快活業績比預期中失望, 但隨著開業成本愈來愈昂貴, 只會愈來愈少新競爭者加入; 而現時市場只會被強者逐步蠶食. 諗通呢點, 大快活, 稻香, 大家樂本地業務肯定只會愈做愈勁, 除非品牌遭到破壞, 否則本地飲食股實在無太多值得顧慮既地方. 其餘中長線持倉之中, 基本上只差路訊通(888)就完成減倉行動. 根本不可能完全放棄股票, 但起碼持股要有足夠抗逆力, 方可渡過難關.

十二碼一係入, 一係唔入; 大陸今次一係死, 一係唔死. 死的話, 內銀, 建材, 資源股肯定跌到飛起; 唔死的話, 第一個復甦界別一定係內房. 兩天反彈後, 調整部署, 好倉換馬至一線尾內房海外宏洋(81); 淡倉主打工建招三行搭中國建材. 前者用星期二低位作止蝕; 後者用今日高位作分段撤退起步點. 長倉期權目前佔組合1%, 最多輸清光; 但只要短打內房有1成升幅貢獻, 便起碼可以打個和.

高現金水平配合好淡平衡出擊, 七月份部署基本上暫時已經完成. 長假期後或有另一片天與地, 屆時再作微調.

現時組合:

長線持倉: 32.6%
中線持倉: 7.9%

短線持倉: 9%

- 中國海外宏洋(81)

期權淡倉: 1%

- 工商銀行 07/13 4.70P
- 建設銀行 07/13 5.00P

業績簡評 - 維他奶 (0345.HK) [2012-2013] PARTIPRAL - ROAD TO FINANCIAL FREEDOM

http://partipral-hk.blogspot.hk/2013/06/0345hk-2012-2013.html

• 香港分部:
• 2012年上半年收入/利潤: 832,215,000 / 157,231,000 (18.90%)
• 2012年下半年收入/利潤: 839,619,000 / 158,851,000 (18.92%)
• 2013年上半年收入/利潤: 903,518,000 / 161,573,000 (17.88%)
• 2013年下半年收入/利潤: 893,070,000 / 158,439,000 (17.74%)

• 中國分部
• 2012年上半年收入/利潤: 599,891,000 / 74,290,000 (12.38%)
• 2012年下半年收入/利潤: 414,179,000 / 15,314,000 (3.70%)
• 2013年上半年收入/利潤: 700,256,000 / 96,617,000 (13.80%)
• 2013年下半年收入/利潤: 473,972,000 / 25,809,000 (5.45%)

股災之後 PARTIPRAL - ROAD TO FINANCIAL FREEDOM

http://partipral-hk.blogspot.hk/2013/06/blog-post.html
足足兩年未見過既股災六月再度出現, 奈何始終未能避開此劫, 組合回報創下今年新低.

今次股市垂直跳崖式下跌, 表面證據睇甚有機會係2011年8月翻版, 只係主角由美國換做中國而已. 中國信貸危機愈演愈烈, 有機會如上次般一樣最後無事, 但亦有機會達至無可挽救之地步. 長線投資股票, 最怕遇上大波動市況. 價值被徹底扭曲, 無疑製造執平貨機會, 但若然本身已經一褲都係, 碰上股災式大瀉, 過程其實相當難捱.

自己並非睇到世界末日, 但個人係極度不喜歡持重倉渡過如此波動市況. 有過2011年經驗, 自己相當有信心今次跌浪可以做得更好.

二, 三線連續兩日大洗倉, 已經證明市場極度恐慌, 而極度恐慌往往有利短線技術性反彈. 反正已經輸到嘔, 目前一定係衝入場用即月末日期權同佢搏過. 不敢肯定反彈會否於半年結前出現, 所以要配合正股出擊. 自己偏好用藍籌股作反攻箭頭, 因為買二, 三線根本唔知開邊隻, 又唔夠本錢打散十幾隻買, 索性搏指數股就最直接.

今次跌浪風眼在中國. 因此短線而言一定主力買大陸股; 另外香港地產股早已比指數先跌, 亦有權成為挾淡先頭部隊. 內銀, 內險, 內房, 本地地產四揀三, 自己選擇用平保及兩大藍籌內房股做正箭頭; 恆隆(101)則作輔鋒. 搏見底反彈可以輸到重傷, 因此止蝕位要守得緊. 今日低位乃最後防線, 萬一跌穿, 正股便要立即撤退.

短線睇上, 人行出手, 有權挾返成千點都唔出奇. 除用藍籌股+期權作絕地反擊之外, 亦要有心理準備將中長線持倉鬆綁. 要相信價值, 但亦要明白當股災出現時根本係覆巢之下無完卵. 人心變價格自然會變, 市況處於大幅波動, 所謂價值可以完全被市場情緒蓋過, 而持倉過重只會令自己錯過低位買貨機會.

除非斬手指戒賭, 否則當然不可能完全清倉離場, 個人目標係將組合持倉水平降至30-40%左右, 目標持倉如下:

長線持股:

大快活(52): 10%
港華燃氣(1083): 5%
中線持股:

信星集團(1170): 2%
時代集團(1023): 2%
瑞聲科技(2018): 2%
網龍(777): 2%

反彈過後, 七月重演六月走勢絕不奇怪. 淡市之中不能完全捱打, 當係對沖又好, 投機又好. 下月操作一定係主力LONG PUT OPTION. 重申今次風眼在中國, 做淡首選當然係大陸股. 出現信貸危機, 銀行一定係最大劑. 買期權內銀股之中首選招行(3968), 因為最大價會較易操作; 其次搭多隻指數權重股建行(939)或工行(1398).

本來內房股都係信貸危機下最令人生畏既界別, 但相對之下負債超高既建材股受累機會係更加大. 雖然中國建材(3323)已經跌得好多, 但若然真係出現中國末日, 股價肯定低處未算低.

簡單而言, 我自己做淡既話會瞄準呢三隻就算數, 太多心, 最終反而一事無成.

以上情況純粹假設, 目前只係制定策略, 但實行起上黎係唯有見步行步. 更差既情境係反彈時間推遲出現或力度遠比想像中細, 個人暫時可以想像到既操作方法係:

1. 跌多一千點先反彈

可以想像到最差既情況, 因為自己目標係等指數反彈先沽出中長線倉位. 指數再次急跌的話中長線持股係無可奈何要再捱一棍; 而短炒之藍籌股反而容易處理: 打中止蝕位即斬. 但整體而言肯定傷亡慘重.

2. 反彈於七月初

出現此情況, 因為末日CALL已經輸清光, 所以肯定未能完全受惠今次反彈. 姑勿論屆時反彈幅度如何, 指數升, 一定先將中長線倉位減持, 最後再將短炒之藍籌股沽出.
3. 反彈力度不足

於人心膽怯情況下出現短癮反彈或力度不足其實係有機會出現. 由於自己步驟係先減細, 再減大. 因此出現此情況最大損失係短炒大股要輸錢, 但若然中長線倉位可以成功減磅, 其實已經值得慶幸.

目前好大可能係另一個投資逆境, 但過得一個就可以過到第二個. 前年, 上年都唔死得, 今次都肯定唔會死. 如何演繹劫後餘生, 會係大家都要面對最大既問題.