凸肚飲咖啡都要刪？城嫂Moka有鋪刪相癮
1 :
GS(14)@2017-05-01 11:57:44郭富城喺上月18號同方媛（Moka）結婚，終於成家立室。有傳城嫂Moka有喜，將會喺香港為城城生BB，雖然未公佈喜訊，但有Moka閨蜜透露，Moka陀緊嘅係女。城城喺婚後仍然工作繁忙，頻頻出席各地活動，但Moka就啱啱相反，只係更新下instagram，鮮有露面。而Moka其實更新得好小心，對自己身材嘅變化做足保密功夫，好似前日咁，佢原本已經貼咗張上半身露事業線近照，但太陽眼鏡中就隱約見到佢個微凸嘅肚，呢張相，最終移師咗去profile picture，要仔細睇到個肚，唔得喇。其實Moka唔係第一次改變心意喇，有時呢頭收到通知，轉個頭上去張相已經唔見咗。至於留得嘅相，除咗有結婚前一日嘅紅色矮踭鞋同愛犬之外，仲有前晚10點左右嘅靚相，可能Moka覺得呢兩張相夠靚，所以有得留低。至於要睇Moka嘅全身相，都唔係冇嘅，Moka喺微博宣傳自己網店服裝，就有好多自己做model嘅相。不過睇真啲，佢呢啲宣傳相，好多都係得背脊或者係腳，有時坐低又啱啱好遮肚，至於大家都好奇嘅小腹，對唔住，唔俾你睇。難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170501/20007489
城嫂Moka玩煮飯仔報紙墊枱勁貼地
1 :
GS(14)@2017-05-14 10:50:56天王郭富城喺上個月18號低調娶大陸網紅方媛（Moka），雖然係新婚，但由於城城已經接落唔少job，所以唯有放低盛傳已懷孕嘅Moka，獨自去開工。而Moka亦因為老公唔喺身邊，索性返上海娘家，有爹哋媽咪睇住。新婚眨吓眼就半個月，Moka都有keep住更新社交網，前日貼過同女性朋友嘅合照後，噚日輪到煮飯仔嘅相，佢留言話：「今天變身家庭小主婦，一個多小時弄出來的三菜一湯，家常菜很健康。」嗰三餸一湯包括蕃茄炒蛋，同一碗相信係紫菜豆腐湯嘅嘢，睇落都幾OK。不過，網民嘅焦點並不在於城嫂嘅手勢，反而喺墊枱嘅物件——報紙，有網民話：「鋪報紙吃很有家鄉的味道」、「原來都吃的好家常，也都會用報紙鋪桌。好感+（加）」；但亦有「反對派」，話「鋪報紙有點難看，大失雅色」、「不要用報紙」等，一人一句，各種意見都有。
Moka的確係一個好示範，證明嫁咗畀天王唔代表要奢華生活，原來都可以好貼地，但細心啲睇再翻查番，Moka用嚟鋪枱食飯嗰張報紙，好大機會係2012年9月出版嘅報紙，屈指一算，都有成5年咁滯，歷史可能仲早過Moka識城城！城嫂慳家到用儲咗5年嘅報紙嚟墊枱食飯，大家話，慳家慳成咁，城城真是有福了！（睇怕唔會張相係5年前影落，到噚日先po啩……）
來源:
http://hk.apple.nextmedia.com/entertainment/art/20170514/20021049
城城講Moka陀B：天賜嘅禮物
1 :
GS(14)@2017-05-21 00:59:10現年51歲的郭富城，上月跟29歲內地女模方媛（Moka）結婚，一直有傳Moka陀B，城城被指已訂養和頭等房給老婆待產，城城昨晚在圓方出席「第六屆香港薩蘭托國際電影節」，大會頒發Salento Cinema Actor Award-City of Tricase獎項給城城。正忙拍電影《無雙》的城城，表示該片會拍到年底：「之前陪咗太太過咗母親節，一家人食飯，媽咪叮囑我要好好保護自己嘅家庭。以後再問我有關家庭問題，我唔會再答。我以前都講咗我成家之後，好多嘢都係順其自然，就算有新成員都係天賜畀我嘅禮物。如果有一日，你見我扶老攜幼，畀我祝福得啦，希望大家體諒。」到底現在是否有新變化？城城說：「我已答咗。」採訪、攝影：張俊銘
來源:
http://hk.apple.nextmedia.com/entertainment/art/20170520/20026962
坐650萬超跑食川辣Moka孕肚見光捉實城城
1 :
GS(14)@2017-06-10 12:55:45【緊靠老公】■郭富城與內地妻Moka日前現身灣仔，Moka一見有記者即匿在老公背後。
郭富城與內地太太方媛（Moka）新婚一個半月，懷有「城種」的Moka專心陀B，有指她今胎陀女，預產期將是9月，城城已預定養和頭等房等她在港分娩。城城雖忙與周潤發拍莊文強執導的電影《無雙》，但他一有時間當然要陪大肚老婆。
■城城先安頓好Moka，才開司機位翼門上車。
【清楚見肚】■城城去年9月購入的650萬麥拿倫辣跑，掛上自訂「SKY」車牌。
■Moka雖身穿鬆身外套，但已見到腹部隆起。
放棄打邊爐
日前，本報捕獲城城和Moka在灣仔出巡撐枱腳，當晚約9時許，城城身穿灰tee、短褲，而Moka就穿上灰色鬆身外套、Nike運動褲、波鞋及揹着Chanel小手袋，二人齊齊戴上黑色cap帽，離開灣仔駱克道一間食四川菜的菜館，一向愛打邊爐的城城相當遷就老婆，未知是否老婆愛嗜辣就轉口味陪她食四川菜，據知，二人選坐食肆內的貴賓房，食足兩小時走人。二人步出食肆時，城城行先，而Moka就殿後，臉上充滿笑容，城城發現有記者影相，就面色稍變，即以身擋住老婆，Moka雙手肉緊捉實城城手臂，更迅速匿在老公背後，以老公背肌遮孕肚。其間，城城邊行邊戴上黑色口罩，記者上前問他是否約了老婆撐枱腳、Moka的預產期時，二人都只是面露笑容，未有回答問題。最後，他們步行到後街取車，原來城城將650萬的麥拿倫銀灰色辣跑泊在此處，他先打開翼門給老婆上車，與記者道別後，就行去司機位上車離去。
抽中新馬籤
此外，城城喜事繼續來，昨日馬會公佈17-18年度中籤馬主名單，城城再度抽中，他抽中自購新馬籤，之前他已曾養過「愛的呼喚」、「愛將」，不過均因傷已退役。採訪、攝影：孔志豪、吳耀輝
來源:
http://hk.apple.nextmedia.com/entertainment/art/20170607/20046771
Moka前年尷尬避鏡頭上月蹺實城城買禮物
1 :
GS(14)@2017-06-10 12:55:47郭富城喺今年3月被《蘋果》發現同方媛（Moka）秘密入紙，4月低調喺半島酒店擺酒拉埋天窗。城城同Moka呢段感情公諸於世，係由前年12月一張車廂拖手相開始，仲sweet爆留言話「這樣開車要慢一點！」公開認定城嫂地位。當時戀情可能啱啱萌芽，城城對女友好肉緊，有傳媒喺佢哋認拍拖前，已經見到城城開車送Moka到機場，由於Moka當時未習慣面對記者，就顯得有啲尷尬，城城就出面為女友開路入機場。不過兩人感情越親密，遇見傳媒時就越大方。好似上年9月，城城開完演唱會後翌日，就孖女友喺銅鑼灣食飯，離開時見到記者，城城淡定認同女友食飯，反而Moka就醒目拉開距離，而城城就體貼咁邀請女友上車。再到咗上年11月，城城揸車送Moka去養和醫院，Moka就輕輕挨住城城肩膀行入登記處。最sweet嘅一次就要數到上月母親節，城城同Moka結咗婚一個月，兩人就喺中環置地行街，Moka蹺實城城揀禮物送俾媽咪。
來源:
http://hk.apple.nextmedia.com/entertainment/art/20170607/20047365
郭富城難為Moka移居上海
1 :
GS(14)@2017-08-04 06:36:12■有指郭富城已在上海買豪宅，待Moka產後移居當地。資料圖片
郭富城今年4月迎娶方媛（Moka），擺酒時Moka已肚凸凸。早前有傳城城已預定養和醫院讓Moka來港生B，並找來五個陪月照顧，申請太太來港定居。不過昨日有周刊指城城在上海買入三千萬元豪宅給外父、外母居住外，更決定跟太太移居上海靜安區，更為此買入同區一個五千萬元單位。城城有此決定是因為Moka大部份親友都在上海，她又不習慣面對傳媒，容易有壓力。不過熟悉城城的人覺得以他的生活習慣，移居的可能性不大。對此，城城經理人小美說：「城城剛完成電影《無雙》的加拿大外景拍攝，他的生活及工作重心都在香港，所以一些傳聞性質的報道就不回應了。」採訪：李森
來源:
http://hk.apple.nextmedia.com/entertainment/art/20170804/20110689
Moka挺八個月肚影寫真
1 :
GS(14)@2017-08-18 07:55:12■有指Moka為避耳目，外出時會坐Uber。資料圖片
郭富城與上海?模方媛（Moka）奉子成婚後，一直好低調，但日前在內地宣傳新片《破局》時，就鬆口表示會努力做一個好丈夫和好爸爸，而Moka下月會在香港分娩。懷有8個多月身孕的Moka，日前被周刊拍到身穿白色鬆身長裙，去柴灣工業城的studio拍寫真。Moka為遮肚，穿上高腰裙，小外套裏面襯deep V，外套解一扣，遇上大風吹開外套，她的豐滿上圍馬上藏不住。拍完照後，Moka去銅鑼灣吃日本燒烤，但一見記者拍照就一臉緊張，由助手擋駕避追訪。報道指Moka在港時，如城城要開工，她就會坐Uber避開耳目。撰文：鍾國仁
來源:
http://hk.apple.nextmedia.com/entertainment/art/20170818/20124501
Next Page