【瀕危美食】Jamie Oliver都投降！全世界只得3人識整嘅意大利麵
1 :
GS(14)@2016-12-28 08:12:57有種意大利麵叫Su filindeu，做法只在阿巴拉尼家族的婦女手上流傳，現時全世界只得三人識整。麵線出名極幼細，闊度為天使麵一半；不過由於太難整，早前已被國際組織列為世界上最罕見最瀕危的意大利麵。就連英國名廚Jamie Oliver都忍唔住去學整，不過試咗兩個鐘後就舉手投降，指自己做咗20年意大利麵，都未見過呢種做法。
瀕危意大利麵只有三種成分，分別是粗粒小麥粉、水同鹽。究竟有幾難整？每日朝早7點起身整麵嘅Paola Abraini指，整Su filindeu要將粗粒小麥麵糰重複拉伸，並折疊出256條粗細均勻的麵線，之後放喺一塊圓形板上，一層疊一層咁交叉擺放。Paola指，當中最難嘅部分，就係調整麵糰的粘稠度，勁道唔夠就要蘸鹽水；不夠濕潤的話就要蘸普通水。佢話呢個過程需要好幾年經驗，先至拿捏得好。佢仲話，呢種麵會夾羊肉湯一齊煮，同時搭配佩科裏諾芝士，以濃湯形式提供畀當地朝聖者。至於另外兩位識整嘅人，就分別係阿巴拉尼嘅侄女同妹妹。記者﹕湯珮然
麵線出名極幼細，闊度只有約天使麵一半。
呢種麵會夾羊肉湯一齊煮，同時搭配佩科裏諾芝士，以濃湯形式呈上。
就連整咗20年意大利麵的英國名廚Jamie Oliver，試咗兩個鐘後亦舉手投降。
來源:
http://hk.apple.nextmedia.com/su ... t/20161228/19878559
【$88午餐】Jamie Oliver香港開Deli「配合港人狂野時速」
1 :
GS(14)@2017-10-30 00:43:27全亞洲第一間Jamie's Deli進駐尖沙嘴，毗連海洋中心的Jamie's Italian。
全新旅遊專頁，即like籽想旅行：
https://fb.com/travel.appleseed全亞洲第一間Jamie's Deli進駐尖沙嘴，毗連海洋中心的Jamie's Italian。這次難得和Jamie Oliver做到訪問，他興奮的介紹說：「香港作為第一站，除了因它的多元文化外，也因為它的生活節奏有如狂野時速。你知道很多人不想每次午餐都到餐廳去，因為很趕時間。Jamie's Deli是更簡單的，是想給人方便可把食物拿走吃的，我們的菜式都是特別選來就是為了達到這目標。」比起2014年引入的Jamie's Italian，Deli可算是親民平價版。客人可以從透明食物吧看到所有選擇，再自選不同組合，主打外賣健康「快餐」，亦設堂食位置。沙律選擇都有十款，但比較乾身，多汁juicy的款式不多，但價錢在同區中不算貴，$68三款沙律（各100g）及$78四款沙律（各100g）。而熱盤比較吸引，最抵的選擇是以$88組合價選兩款沙律（各100g）加一款熱盤或$98選三款沙律加一款熱盤。如出爐薄餅，單點價也要$48，邊邊焗得很香脆而且中間鬆軟。
Jamie's Deli的廚藝發展廚師Atisha Greer說：「我們的菜單每兩星期會調整一次，然後看看客人有哪些比較不喜歡的，會再轉換。」除沙律和熱盤外，也有數款意式三文治。當中最好味的推介是Caprese意式三文治（$45），小番茄加上火箭菜再配水牛芝士，味道很夾又清新。中午時段也見有很多OL和旅客來排隊，訪問了幾位食客，也認為比起同區的其他餐廳較快捷和健康，份量也很足夠，惟建議可推出更多不同種類的選擇。
客人可以從透明食物吧看到所有選擇，再自選不同組合，主打外賣健康「快餐」。
$45好味推介Caprese意式三文治，小番茄加上火箭菜再配水牛芝士，味道很夾又清新。
熱盤很吸引，當中檸檬焗香草三文魚扒單點價也要$58，最抵的選擇是以$88組合價選兩款沙律（各100g）加一款熱盤，或者$98選三款沙律加一款熱盤。
記者：張佩君攝影：劉永發
來源:
https://hk.lifestyle.appledaily. ... e/20171026/20194504