結婚十年再發表愛Kay宣言 張繼聰：繼續搞笑令你快樂
1 :
GS(14)@2017-01-22 02:17:14「由我開始玩音樂嗰日開始，我都係追尋我夢想。有時行過嘅路呢，就好似越努力，跌得越痛。今日呢個獎話俾我聽，我冇做錯到。」「我想多謝我嘅父母。你哋係最好嘅父母，令我識得去做人哋父母。」「最後，我想多謝我太太，同埋我個仔。……喺過去嘅一年，我聽過好多祝福嘅說話，都聽過好多，好難堪嘅說話。我記得有一晚，我睇住我太太瞓覺，係一個好大壓力嘅晚上，我好難過。我唔知我可以講乜嘢說話去安慰佢，但我同我自己講，我一定好好照顧我太太，照顧我個仔。」「就算時光倒流幾多次，我都會娶你做老婆。我愛你。」2007年1月20日，張繼聰謝安琪奉子成婚，當時女方事業發展領先，好多人就話「女尊男卑」乜乜乜。後來BB出世，兩人初為父母，壓力更大。但老土啲講，佢哋冇放棄到。2008年1月1日，那個時候，張繼聰仍然被冠姓謝，唔係姓張。嗰年叱咤，佢拎咗作曲人大獎，同唱作人銀獎。喺領取作曲人大獎時，張繼聰哽咽發表以上愛妻宣言。2017年1月20日，兩人結婚10周年。已經由謝繼聰變番張繼聰嘅張生，於社交網再次發表愛妻宣言。佢話：「感謝你成為我的妻子及最好的朋友。晃眼十年，因為有你同行，就算走過高山低谷，我都覺得沿途風光明媚。能夠有如此靈魂伴侶，讓這趟地球之旅變得幸福圓滿。」寫到這裡，張繼聰貼了一個唇印emoji，並寫道：「我會繼續喺我哋嘅婚姻生活裏面搞笑，令你繼續成為快樂的太太，Happy10th anniversary, I love you honey。」仲有個幾兩個月就生得嘅人妻Kay就仲未有愛的回應。題外話，想問下點解啲明星但凡結婚周年貼圖，都係貼傳媒報道嘅相咁奇怪嘅？
來源:
http://hk.apple.nextmedia.com/entertainment/art/20170121/19904419
愛妻陳豪三年抱三 張繼聰時光倒流都要娶Kay
1 :
GS(14)@2017-01-24 03:00:16黎諾懿前日(21日)就拖住腹大便便嘅老婆李潔瑩，去到中環睇BB床，為呢個雞年BB做好一切準備，愛妻之情表露無遺。而其實圈中亦有唔少出名嘅「愛妻號」藝人。
張繼聰
07年1月20日，張繼聰同謝安琪奉子成婚，當時好多人都話男方襯唔起女方，仲叫佢做謝繼聰，但日前係佢哋結婚十周年，張繼聰就喺fb到再發愛的宣言，留言話：「就算時光倒流幾多次，我都會娶你做老婆。我愛你。」冧死人咩！
陳豪
陳豪同陳茵媺13年結婚，之後三年抱三，誕下梓燁、浩鋒同凱婷，兩仔一女，一家五口好幸福咁生活，陳豪呢個多個公，仲不時咁做埋湊仔公，咁帶埋老婆仔女去行街Shopping。
杜汶澤
阿澤同田蕊妮結婚多年，兩夫婦不斷互相扶持，阿澤患上香港極罕有病症米勒費雪症候群時，阿田對老公不離棄。而阿澤亦大讚老婆，所以周不時都會送啲驚喜俾佢，好似阿田36歲生日時，阿澤就親自下廚，煮九大簋冧老婆同宴請朋友。
胡諾言
胡仔同陳琪結婚多年，婚後先後誕下兩女，但喺14年，陳琪不幸流產，差啲連子宮都要切掉。幸好陳琪之後養好身體，去年成功懷有第三胎，當時記者問陳琪，佢老公係咪錫晒佢，陳琪答得好開心：「梗係啦！我話晒喺屋企都好重㗎。」日前佢哋仲為小王子搞咗個百日宴㖭，認真Sweet爆！
來源:
http://hk.apple.nextmedia.com/entertainment/art/20170123/19906229
Kay：多謝佢為大家帶來歡樂
1 :
GS(14)@2017-02-07 05:15:51■Kay大讚魯芬是大家的開心果。資料圖片
魯芬與劉心悠及謝安琪（Kay）同樣入過高登女神榜，被封為BB。連續4年贏高登女神冠軍的Kay，曾跟魯芬合作過兩次，她昨表示：「佢每次都好開心，帶動現場工作得好愉快，佢嘅造型都好獨特好搶眼，我想多謝佢為大家帶嚟開心同歡樂。」劉心悠昨透過經理人指年前拍電影《天生愛情狂》，有晚收工與導演葉念琛等外出食飯，剛好遇到魯芬和鮑起靜坐在鄰枱，劉心悠回憶當日有魯芬在場，整個氣氛都變得很開心：「佢好開朗，現場氣氛好開懷，突然收到呢個消息好shock，希望佢一路好走。」而高登網昨日有多條追悼魯芬的發帖，獲不少高登仔留言。採訪：李森
來源:
http://hk.apple.nextmedia.com/entertainment/art/20170207/19920093
Kay吳若希 產前飯敍
1 :
GS(14)@2017-03-23 06:51:13■許廷鏗前晚陪3個孕婦Kay（右二）、吳若希（右一）及化妝師（左一）食飯。互聯網圖片
大肚人妻謝安琪（Kay）、吳若希（Jinny）前晚相約許廷鏗和化妝師飯敍，問到臨盆在即的Kay有否向Jinny分享懷孕心得？她昨在電話說：「Jinny特登澳門返嚟，我哋食飯傾偈講吓笑，幾開心呀，我冇乜點分享心得呀，唏！邊有咁叻呀。」原來三人是同一化妝師，剛巧化妝師又大肚，Kay說：「覺得呢件事好有緣份，好有紀念價值好難得，我哋就任性少少，個肚籮咁大都出嚟食餐飯。」
Kay的預產期是本月尾，她說：「其實所有嘢準備好晒，我心情都準備好，當然越嚟越近，少少緊張。但好開心，可能之前生過第一個小朋友，所以好多嘢都淡定啲，食嘢瞓覺休息各樣都好好，純粹體重飆升好多，醫生話合乎標準，所以成個過程都係好開心。」採訪：皓騫
來源:
http://hk.apple.nextmedia.com/entertainment/art/20170323/19966853
張繼聰讚初生女叻老婆Kay停工冇時限
1 :
GS(14)@2017-03-24 17:08:00■張繼聰昨在Ig分享再做人父的喜悅，囡囡張靖十分可愛。
現年40歲的謝安琪（Kay）昨午3時許在沙田仁安醫院剖腹誕女，小公主重7磅半，取名張靖，英文名叫Karina，再為人父的張繼聰於傍晚5時在醫院外向傳媒報喜，大派曲奇餅，他開心說：「多謝大家祝福，我都好似經歷新階段，BB喺3點幾出世，7磅半，開刀。」
好亂驚會喊
張繼聰自嘲9年前兒子出世時，自己似飲醉酒講好多次多謝：「今次坐開少少，都差啲撞到儀器，好感動，囡囡好叻，好快出世，好大聲喊，自己有剪臍帶。我同太太都好開心感動，自己keep住硬漢啲，感覺太太好偉大，見到過程好肉赤，兩個夠晒數，除非科學發展到男人可以代生。」他透露太太已餵第一次的母乳，自己抱着囡囡時被捉着手指：「我同太太傾偈，佢望住我喊，其實自己要小心處理，唔會錫晒個女，唔會唔理老婆。太太生完好攰，自己呢刻都係好亂，如果早半個鐘落嚟驚講講吓會喊。」講到囡囡取名張靖，張繼聰說：「我由細到大好鍾意呢個字，太太都係，好恬靜，英文名本來諗咗，點知有晚發夢小妹妹話要同媽咪一樣K字頭叫Karina，嗰時未知仔定女，好似囡囡報夢自己揀。」有報道指Kay今次生完就結紮，但後來又打消計劃想再追，他否認：「從來冇呢個打算，覺得兩個夠晒數。」
■再做人父的張繼聰昨日宣佈囡囡已出世，又向傳媒派曲奇餅。
■謝安琪為9歲的兒子張瞻添了一位小妹妹。資料圖片
?囡囡瞓覺
問到Kay是否停工三年？他說：「冇諗過幾時復工，見佢望囡囡眼神，一兩年走唔甩。」昨晚張繼聰在Instagram貼抱着囡囡的照片，Karina在父親懷中熟睡，非常可愛。麥浚龍對於契女出世，他開心說：「等Kay坐完月先去探佢同BB。」採訪：張俊銘、盧妹攝影：畢紹基、徐錦池
來源:
http://hk.apple.nextmedia.com/entertainment/art/20170324/19967780
鄭秀文探Kay 抱B女現母愛
1 :
GS(14)@2017-05-06 11:38:38■Sammi抱B手勢純熟，母愛出晒嚟，難怪網民叫Sammi生番個B。互聯網圖片
謝安琪3月為張繼聰誕下小公主張靖（Karina），產後專心湊女兼調理身體，賺錢重擔由老公張繼聰全權負責。前日雷頌德（Mark）太太梁家玉和鄭秀文（Sammi）結伴到訪張家。Kay昨日回覆本報，指Sammi和Mark嫂探她和小公主：「係呀，Sammi好好呀，其實佢喺我陀BB期間都有好多鼓勵呀，成日send啲love love畀我，佢份人好sweet好warm㗎！同埋Mark嫂啦，因為佢係我嘅鄰居啦，佢好好人。」
■雖然背景爆晒光，但都遮唔到三個靚樣。互聯網圖片
試繃帶綁骨法
Kay提起小公主特別開心，她自言產後冇減肥，但就去試新療法：「因為陀BB嘅時候，啲骨會開咗，所以我冇減肥，但就試吓將啲骨綁番埋一齊，係一種好天然嘅方法，用啲繃帶綁住，好似腰封咁，咁我就覺得好好，復原得好好囉！」張繼聰回應本報時，指不覺太太肥：「生完BB，坐月時最重要係健康囉！所以身形嘅嘢好有彈性㗎啫。我都提倡所有媽媽，生BB前後都以健康為主，唔好一定要好瘦呀，要快減肥呀！影響健康更加唔好。」
來源:
http://hk.apple.nextmedia.com/entertainment/art/20170506/20012069
未修身最佳好友！Kay 吳若希一人一個名牌袋
1 :
GS(14)@2017-07-05 03:49:40謝安琪(Kay)今年3月為張繼聰誕下次女張靖(Karina)，前日張繼聰和Kay在迪士尼樂園，為Karina舉行百日宴。
Kay着了一件白色喱士裙，明顯比之前瘦，但餵人奶的她乃要補充營養，就算舉鐵減磅，身段依然豐滿。不過，有仔女就萬事足，上鏡時有其它焦點就可以轉fo。Kay鬆身白裙，視效上的碓容易拉濶身型，她搭配厚底鞋增高，再拎了Chanel黑白色復古風手袋遮一遮，成功轉移視線！同場到賀的吳若希和男友Alex喺手拖手入場但非常驚青。生完的她著了顯瘦的黑白直紋和黑裙，搶fo手袋就是大大個Hermes Birkin。
來源:
http://hk.apple.nextmedia.com/entertainment/art/20170703/20077014
張繼聰Kay夫妻檔值6000萬
1 :
GS(14)@2017-07-09 03:56:59張繼聰近來影視發展順利，經濟能力不遜色於老婆謝安琪（Kay），自從Kay誕下次女後暫別樂壇，兩公婆日前為女兒張靖舉行百日宴，Kay有女萬事足，表示無限期停工，由丈夫擔起頭家做一家之主。近日張繼聰和公司即將約滿，隨即成搶手貨。昨日有周刊指張繼聰分別獲蕭定一、洗米華及楊受成招手，三間公司共同開出以「夫妻檔」作條件，希望邀得Kay一同加盟，有公司更高價開出6,000萬搶簽兩公婆，據知該公司可以安排張繼聰開拓內地市場拍劇賺人仔，而張繼聰亦有意想舉行演唱會。撰文：卓寶花
來源:
http://hk.apple.nextmedia.com/entertainment/art/20170707/20081229
Next Page