拋良心金句醒衞蘭黎明：我唔係榨汁機
1 :
GS(14)@2015-04-10 09:17:55■黎明昨在台上大讚佩戴的名錶輕過膠錶的偉論。
黎明（Leon）、蔡加讚及梁芷珊昨日現身中環，出席愛彼女皇盃記者招待會，久未在香港露面的Leon更是此賽事的大使，他心情甚好，在台上及傳媒訪問時都滔滔不絕，在台上大講不怕失敗精神的金句：「命運叫你不敗，就永遠不敗；命運叫你敗，你就冇得避。」Leon清減了不少，在訪問時透露因要接拍黃真真新戲，於7日內早午晚三餐計卡路里，將體重控制回156磅，減肥成功。
■黎明與衞蘭合作期間，曾多次為她在紅館開個唱。 資料圖片
■黎明在台上與鄧鉅明（左）及梁芷珊（右）在愛彼女皇盃前影合照。
■蔡加讚忙湊6個多月的囡囡，暫未有計劃再多追一個。
感情諗得多唔會嚟
Leon提到掌舵的A Music旗下歌手幾乎所有都約滿離去，他表示：「唱歌要迎合齒輪，新人要講運數，向新方向進發，唔可以靠舊一班資源支撐。」他更以衞蘭為例：「時間長咗，都10年，係時候轉換自己環境，冇guarantee喺公司永遠永久，時間到就要走，每個人離開有佢價值，對人又好，對自己又好，人必須要長大，對得住人，對得住自己，唔係榨乾佢嘅橙汁機，我哋團隊幫到佢，做有良心、有道德、心安理得，冇乜唔開心感覺。」問到他感情生活，他亦有金句：「一樣，唔好諗咁多，唔諗有機會就嚟，諗得多唔會嚟，每個人時間同際遇唔同，好似華仔可以結婚生BB，啱到就OK，每個命唔同，世界上有開心，亦有唔開心嘅嘢，進修自己多啲，呢個世界冇人蠢，個個都聰明。」採訪、攝影：溫敏芝
來源:
http://hk.apple.nextmedia.com/entertainment/art/20150410/19106838
永恒金句：5大經典Loop
1 :
GS(14)@2016-01-24 17:05:30大哥瑜一句「足金X猴」，被網民loop足12年，仍遠不及陳豪一句「同朕check吓」般經典。
同朕Check吓
陳豪於03年主演古裝劇《帝女花》，當中爆出一句「同朕check吓」，被網友翻loop再loop，越睇越爆笑。
錯獎尷尬
關心妍在《2008年度勁歌金曲頒獎典禮》中以為自己得獎，撲上台搶關菊英的獎項，瘀爆全場。去年底環球小姐選舉發生頒錯獎事件，關心妍亦戥奪錯冠軍獎的哥倫比亞佳麗尷尬。
娃娃舞
娃娃舜15年前憑《娃娃愛天下》的甩骨舞和霸氣唱腔，一曲成名，03年曾傳他死於沙士，去年他奇蹟被網民捕獲，更被電影公司力邀協助宣傳《猛龍特囧》。
好犀利呀
去年吳若希與魔術師Louis主持的《至尊街頭魔法王》，經常飆高音說「好犀利呀」、「點解嘅」，引起網友熱烈討論而爆紅，難怪她大口氣說：「我啲人氣咪咁儲番嚟囉」。
自唱生日歌
04年球星岩布仙尼獲亞視邀請出席台慶，與亞視同日生日的他被朱慧珊要求唱生日歌，他無奈的哼出「Happy birthday to me」。早前毛記分獎禮，河國榮都重演來娛賓。
來源:
http://hk.apple.nextmedia.com/entertainment/art/20160124/19464736
【日日聽金句】半億買上水豪宅 黎明做鄰居！
1 :
GS(14)@2016-03-05 01:20:08藝人黎明2009年，以3500萬元買入上水御林皇府單號屋，喺佢隔籬屋嘅業主係人稱「豪宅化妝師」嘅岑啟基，家陣佢打算換貨，想將呢間實用3003方呎嘅屋仔放售，意向價5300萬元。岑生話，當年買入間屋，是因為近高爾夫球場，俾父親打波，作為渡假之用，但目前父親年事已高，甚少涉足球場。間屋少用，現在想換貨，有意換入港島南區，純粹鍾意有海。放售的洋房樓高2層，5房4套，連天台，維持當初歐洲式設計，裝修費逾千萬元。岑啟基被譽為「豪宅化妝師」，專為豪宅做設計，近年作品如信置（083）大埔天賦海灣1期及2期洋房、大鴻輝亞皆老街加多利峯。
來源:
http://hk.apple.nextmedia.com/financeestate/art/20160304/19515746
【童叟無欺】Keep住微笑爆金句
1 :
GS(14)@2016-05-08 02:56:13【講剝衫】
黎明金句多人人都知，但今次他排除萬難開到騷，感受自然更深，亦因此令他在每場爆出更多金句，每句都好真好pure！
【29/4】
講微笑：多謝大家支持我，我成日覺得好多時候，自己好想靠自己，遇到問題要keep住微笑去經營一件事，但其實係好難笑得出，但都要keep住笑。放心，漫漫悠悠歲月，我個人好記恩，我一定回報大家。
【30/4】
講握手：握手唔係好難，都係一件好簡單嘅事，但要睇乜嘢場合去握，係一件好難決定嘅事，我喺呢度用心靈嚟同大家握手。如果我喺呢度同大家握手發生咗乜嘢意外，後面嘅人就要陪我哋一齊犧牲，本來我想親身落嚟同你哋握手，但而家係行唔通。講加油：上一排要去外國做個真人騷，節目入面要做好多危險動作，身邊好多人叫我「Leon！加油！」，但我覺得，叫我「加油」，即係叫我去死，所以都係叫我good luck！講剝衫：大家有冇發現我喺台上時間多咗？因為我冇換衫！（有觀眾叫佢除衫）我從來都唔覺除衫係鹹濕，人一出世就係冇衫着，係人嘅眼神同思想支配咗。
【1/5】
講萌：我去過唔同地方做唔同綜藝節目，就俾人話我『你好萌』，萌即係以前我哋講嘅cute，不過後面就加個「叔」字，萌叔！對核心外圍講嘢：野餐唔緊要，有人帶埋紅酒，parma ham，最緊要唔好燒雞翼，同燒有關都唔好燒嘞！講粗口：講粗口好認真，廣東粗口有啲係好難聽，但英文就冇事，可能你慣咗英文粗口教育，其實國語廣東話韓文都有粗口，有啲特別情況下，係特別到你冇辦法解釋自己，你就要加個字落去，冇人會怪你嘅！
【2/5】
講廣東話：其實內地好多朋友的廣東話好叻，唔使同佢哋講普通話都聽得明，好多時同事跟佢哋講普通話，大家根本聽唔明，不如佢哋講廣東話好過！帳幕升唔起：不如大家停一停，借呢個機會，同身邊嘅人傾偈。
【3/5】
講結婚：有家庭嘅就要好好珍惜自己嘅老婆，亦都唔好一結咗婚就老虎上身（講緊為人老婆），呢啲要視乎性格。後生嘅時候一定衝動，嗌交嘅時候可能會踢門呀，撞牆呀，是但一樣都會。
來源:
http://hk.apple.nextmedia.com/entertainment/art/20160507/19601484
離地金句：十優港姐晒命對白
1 :
GS(14)@2016-05-21 17:49:35【隊酒俾仔圍】■麥明詩在節目中被男仔包圍，她說：「劍橋生活就係咁㗎喇！飲酒，跳舞，開香檳，同埋讀書！」電視圖片
麥明詩在節目《星星探親團》中，其對白三句不離「劍橋」、「十優」，令不少觀眾批評「晒命」及「堅離地」。1.「17歲隻身到英國，逐步實踐理想，孭住十條A就入到劍橋？冇咁易㗎！成功需苦幹！」
2.「劍橋生呢個名，絕對得來不易㗎！」
3.「非一般嘅劍橋生，當然有非一般嘅劍橋生活啦！」4.「大家知我係港姐冠軍，知我係十優狀元，但我而家最想同大家分享嘅，係我喺呢間英國頂級學府所經歷嘅三年大學生活。」5.「中學讀緊女拔萃嘅我，原來諗住本地升學，但09年會考成績都唔錯啦，英國Crowthorne一間寄宿學校（威靈頓公學）就收咗我喇。」6.「呢間係英國嘅貴族學校，全校有一千學生，一成半係留學生，收生門檻好高，堪稱頂級大學嘅搖籃。」
7.「讀一個學期要一萬鎊，一年有三個學期，即係一年要三萬鎊，好彩我攞到少少獎學金可以幫補吓。」
8.「選劍橋難定選港姐難？如果我會考冇咁嘅成績，我就唔會搵到間咁嘅寄宿學校啦；如果我冇入到劍橋，我諗我未必會贏到港姐，所以好奇妙㗎成件事。」
來源:
http://hk.apple.nextmedia.com/entertainment/art/20160519/19617510
【綠豆重溫-後篇】林海峰夭心金句 南方舞廳都想再睇
1 :
GS(14)@2016-07-06 08:12:07「有人用一生的時間留着一個人，但對方只用一剎那就決定離開。」林海峰深情演繹，寧舍揪心。
《瑪嘉烈與大衞系列綠豆》每集都有由林海峰旁白的愛情金句，有些似是描述幾位主角的心境，但觀眾都十分有共鳴，甚至希望有人能整理好，好好記下。
就連原著小說作者兼劇集編審南方舞廳都笑言表示希望有短片串起旁白！第11集開始，瑪嘉烈與大衞的隔閡漸深，雖然仍然同居，但身體這麼近，心卻偏偏遠在天邊。大衞單方面努力維繫這段感情，不想揭穿甚麼。可是瑪嘉烈最後還是選擇離開。南方寫給林海峰的旁白有一句這樣寫：「人與人之間最適當的距離就是適可而止，走得越近，感覺會越遠，無論你有多愛那個人，也不可以太親近。」重溫前面25集的金句後，今晚收看第26集大結局，可能會有不一樣的感受。記者：葉青霞
來源:
http://hk.apple.nextmedia.com/su ... t/20160706/19683279
張國鈞：講金句慧根不及樹根
1 :
GS(14)@2016-09-13 07:57:43■張國鈞受訪時稱非常感激鍾樹根的支持。
【本報訊】民建聯張國鈞今屆立法會選舉於港島區領軍出戰，由原擬退黨參選的鍾樹根抬轎，終以4.1萬票奪港島區建制第3席。張國鈞受訪時稱，非常感激鍾樹根的支持，「佢係冇講過我一句壞話」。雖繼承鍾的席位，但張明言未如對方有「慧根」能成為金句王，自嘲當年的「北極企鵝多」只是失言。上屆以兩名單出戰港島的民建聯，曾鈺成及鍾樹根成功當選，共奪逾6萬票。今屆因應港島區少一席而縮至一張名單，由張國鈞牽頭、鍾樹根排第二，總得票驟減兩萬多，只排第五。曾鈺成選舉當晚仍落區為他催票。42歲、身兼民建聯副主席的張國鈞承認，知名度不及港島區票后、奪逾6萬票的新民黨葉劉淑儀，指投票日上午已發現不少屋邨投票率不高，反映支持票未盡出，加上地區不時有人指「民建聯夠票」，惟有由曾鈺成最後動員；由於目的是建制保三席，對結果亦滿意。曾揚言考慮退黨參選的鍾樹根，不滿被迫退居第二，風頭更勝張國鈞。張訪問期間特別感謝鍾的支持，舉例指在漁灣、小西灣等有不俗成績，「呢啲票坦白講，係鍾樹根嘅票」，又指整個選戰中，「鍾樹根係冇講過我一句壞話」。他甚至為鍾在選舉期間遊埠作解釋，指鍾早在報名前表明，8月中要為太太慶祝60大壽，需離港一星期。
認「北極企鵝多」失言
雖成功「取代」鍾樹根成為議員，張卻笑稱未必繼承鍾的「金句王」衣鉢，「我諗我未必有咁嘅慧根」，「要做金句王都要睇性格嘅」。他自嘲過去的「企鵝論」（指北極人少企鵝多）只是失言，「（若果）期望我喺議會入面有好多金句娛樂大家，就可能令大家失望」。他稱希望擔當各方的溝通橋樑，形容性格「和得人」，意即容易令人覺得他「有得傾」，「起碼佢哋（外人）覺得同張國鈞傾偈，唔係浪費佢時間，唔係門面工夫」。他指教育和房屋政策是其未來工作重點，同時認為傳統的街頭戰與網上戰都不可或缺，因為不單止青年，不少長者亦開始使用網上平台，網絡亦覆蓋不常在家的選民，未來會搞好網上戰。■記者呂浩然
來源:
http://hk.apple.nextmedia.com/news/art/20160913/19769247
黎明金句讚美安全車4分鐘揸走BMW
1 :
GS(14)@2016-10-10 16:14:32■黎明（右）昨日似乎很愛坐着的安全車，未坐上車前摸了又摸。
黎明昨日重返中環海濱，以嘉賓身份出席電動方程式賽車（Formula E）活動，戴皮cap帽、黑超襯恤衫的黎明，在台上拋金句：「一陣我會盡量好安全咁揸車，因為跑道要留返畀嚟緊參賽者使用，加埋呢架係safety car，我會更多safe。」司儀叫他講解3個E代表甚麼，黎明指E等於Energy、Environment和Entertainment：「好環境會帶出有能量娛樂，代表呢個地方係香港。」
■黎明昨日以嘉賓身份出席Formula E活動，現身不足4分鐘即快閃。
表現很有興趣
之後黎明坐上BMW I8的safety car，左摸右摸表現得很有興趣，而同行的F1賽車手Bruno幫黎明扣好安全帶，之後兩人讓傳媒拍照後，黎明即關門開車，前後現身不足4分鐘快閃。另同場還有劉嘉玲、溫碧霞夫婦、王祖藍和老婆李亞男、何猷啟、何超盈、余文樂、張敬軒等，霍啟剛和老婆郭晶晶更拖手恩愛到場。記者問樂仔有否興趣參與盛事？他耍手說：「唔想，覺得有啲危險，平時揸車喺街上有凹凸位，自己都試過差啲出事，又試過架車差啲跣親，覺得唔係賽車場，就唔係咁好，對我嚟講個人就有啲驚。」
■余文樂試過駕車遇凹凸位差點出事，坦言對賽車怕怕。
■霍啟剛和郭晶晶拖手恩愛到場，大晒幸福。
樂仔避談買車
有傳樂仔早前豪擲650萬購入香港僅10部的「McLaren675LT」限量超跑，他避答：「唔講呢啲。」更扯開話題跟軒仔談新碟，又說將開拍新戲《春嬌救志明》，但發生少少事故：「劇本未到手，因為本來計劃去外地三個地方拍攝，不過中間遇上一啲問題。」採訪：卓寶花攝影：仇志德
來源:
http://hk.apple.nextmedia.com/entertainment/art/20161010/19795951
Next Page