公職金句王曾任高院副庭長
1 :
GS(14)@2016-10-27 05:51:17【本報訊】退休法官胡國興長期於法律界及司法界工作，退休前官至高等法院上訴法庭副庭長。他言論「出位」，過去獲政府委任多項公職，無論任選舉管理委員會主席，或截取通訊及監察事務專員期間，不時大爆金句，包括多次狠批執法機構違規截聽，又坦承選管會是「無牙老虎」。有政治學者看淡胡選情，認為胡欠政治支持，亦欠缺公共行政經驗，年紀偏高，不會是中央屬意人選。
坦承選管會「無牙老虎」
胡國興1970年獲香港大律師資格在港執業，1987年獲委任為御用大律師。進入司法機構前，他曾在樹仁學院出任法律系兼職講師，及法律及商業學系系主任。1992年獲委任為高院原訟法庭法官，至2012年退休。近年仍多次獲任為高院原訟法庭暫委法官。胡國興1993年起獲任命為選管會主席達13年。2002年特首選舉前夕，他坦承選管會為「無牙老虎」，無權干預中央領導人公開支持某一候選人。2004年立會選舉大混亂，出現票箱不足、票站人員以間尺及燒烤叉塞入票箱壓平選票等情況，事後遭猛烈批評，但他道歉後拒下台，稱臨陣退縮是不負責任。2006年《截取通訊及監察條例》生效，他成為首任截取通訊及監察事務專員，任內形象鮮明，對保安局及執法部門絕不手軟，多次要求當局給予專員更大權力，又公開批評執法機構違規情況，直斥執法人員「持傲慢囂張的態度」，甚至「近乎抗命！」胡身為「公職王」亦多次為政府「救火」，曾獲委任調查1996年嘉利大火及1998年新機場混亂事件。但2007年他獲委任調查李國章及羅范椒芬的教院風波則「甩轆」，於初步聆訊被質疑與李及羅范相熟，他事後承認因截取通訊及監察事務專員身份，與時任廉政專員羅范「有持續性工作關係」主動辭職，由另一法官楊振權接手。胡國興退休前受訪稱公職多只因自己「認叻」及「唔會托手踭」，堅稱「我不是政府的人」。中文大學政治與行政學系副教授馬嶽看淡胡國興選情，指胡欠缺政府行政經驗，任公職期間不算突出，年紀較大，「除咗選委因為覺得任何人都好過梁振英，唔覺佢有乜賣點」。他說胡與政黨少交往，與商界少交流，「睇唔到佢有乜政治支持可以勝選」。選舉期臨近，馬估計短期內有更多人宣佈參選。全國港澳研究會副會長劉兆佳不認為胡出選與中央有關，胡宣佈參選不代表已獲中央祝福。■記者鄭啟源、麥志榮
來源:
http://hk.apple.nextmedia.com/news/art/20161027/19813728
【勁過黎明】大劉啜核金句
1 :
GS(14)@2016-11-25 07:36:44論講金句改花名，其實大劉不讓黎明專美，他改的花名會包含深層意義。
殯儀之星
02年，大劉現身拍賣會時解釋「殯儀之星」是他指某富豪喜歡出席有頭有面人士的喪禮：「譬如蓋茨（Bill Gates）有親戚死，有人就飛去西雅圖入殯儀館同Bill Gates影相，即係人有錢就死都要黐埋去。」
黐枱王
大劉於02年大爆有「黐枱王」，他謂在超級富豪飯局中，有人喜歡黐枱博影相。
專業小雞
02年呂麗君為大劉產女，但對被踢爆送樓給女友一事相當不滿，他直指放料者是「專業小雞」，對方過去曾花大劉近8,000萬元，如今不再風光，所以放料報復。
華倫地牢
為愛將凌緣庭澄清與鄔友正拍拖一事，以華倫地牢譏某人自以為吸引。
面皮厚過恐龍皮
大劉前日形容前女朋友呂麗君不要臉，其面皮厚過恐龍皮，睇錢比生命重要。
來源:
http://hk.apple.nextmedia.com/entertainment/art/20161125/19844637
方東昇又嚟《世界零距離III》再爆金句
1 :
GS(14)@2017-01-12 08:03:25無綫新聞主播方東昇，自從上一輯《世界零距離II》，被發掘到佢風趣搞笑一面，係咁喺節目大搞爛gag金句，好似「抱得美人龜」、「歲月不饒人，起身見頭暈」等等。方東昇嘅神隱笑點，前晚又再喺大台爆發，佢同記者黃曉瑩、陳沛珈主持嘅《世界零距離III》將由星期一至五晚，晚上十點半播放。查實呢輯節目，去年已於互動新聞台及TVB新聞台播出，依家翡翠台呢個係足本播放。唔知呢輯《世界零距離》，能唔能夠緊接鼎爺主持《阿爺廚房》嘅餘威，收視報捷呢！講番「昇爺」方東昇先，今輯《世界零距離III》佢哋先去到非洲埃塞俄比亞，探討當地0依家嘅生活。現時埃塞俄比亞經濟發展已經得到改善，人民生活質素亦有提高，節目中，昇爺同陳沛珈、黃曉瑩仲為觀眾展示當地另一面，包括試食著名嘅「英吉拉餅」，當地人一日三餐都會食佢，但以往有人話「英吉拉餅」嘅味道就好似「臭襪」味，咁昇爺試食後，佢就拋下一句金句:「一試無妨，再試投降」。節目內，昇爺除咗拜訪咗埃塞俄比亞總統穆拉圖外，佢仲拜訪咗「長跑皇帝」基比斯拉斯，佢哋仲上咗高山嘅森林跑步，昇爺就跑到上氣唔接下氣，金句又再次出現喇：「上氣不接下氣，高手教你理順條氣」。跑完山，佢同基比斯拉斯再去做Gym，喺跑步機上，見到昇爺就話：「路遙知馬力，啲汗係咁滴」。最後昇爺再講到埃塞俄比亞原來盛產玫瑰，佢就話當地人知道「原來花開，真係可以富貴」。半個鐘嘅節目，昇爺都有唔少金句，唔知今集佢又派幾句金句呢！
來源:
http://hk.apple.nextmedia.com/entertainment/art/20170111/19893350
指黎明金句勁過炒家App
1 :
GS(14)@2017-02-06 07:25:20■阿喱（左）指黎明猶如藝術家，好多事情不作計算。 資料圖片
【本報訊】張家豐（阿喱）2009年加入黎明旗下東亞唱片製作，2014年完成電影拍攝工作後，選擇祼辭，「咩都試過晒，唱片、演唱會、電影都做理，工作咗都4至5年，覺得自己滑咗啞，希望創業好耐，想捱苦。」他嘆謂，若果永遠站在員工角度，永遠不會明白老闆在想甚麼，故此把心一橫出走。記者問：「跟咗黎生咁多年，乜真係冇感情㗎咩？」阿喱回答話，同黎明感情好好，現時仲保持聯絡同見面，記得當年向黎明提出辭職創業想法時，黎明彈返句金句畀佢，「努力，兄弟就一世。」好多年前傳阿喱用紅酒冧掂黎明，阿喱就話其實當年因為一個電台節目同黎明相識，就係網上廣播劇《Last Order Cafe》，今時今日YouTube仲有留底，因緣際會，黎明用高薪將阿喱挖走擔任總經理。
總經理頭銜看似犀利，但阿喱強調東亞唱片製作員工並不多，更似是一個家庭式運作公司，而擔任總經理一職的他只是小角色，不過跟黎明工作則福利多多，「成日都有白松露、紅酒，車位免費，咖啡靚。」在社交媒體尚未流行前，大家認識的黎明是四大天王，facebook廣泛應用後，大家發現明蝠俠原來可以咁搞笑，去年大型戶外演唱會事故，大家認識黎天王親力親為，以及危機處理能力。阿喱稱，大家眼中黎明慢條斯理，實質上動作快過火箭；外表好冷酷，實質上好有趣；金句多多，卻是一位真正的藝術家，「好多事情唔去計算，諗到做咩就去做咩，如果要賺錢就唔會去搞咁多嘢。」至於黎明金句，阿喱聽唔少，他形容黎明犀利過李白，「連李白作詩都冇咁渾然天成，天才嘅嘢係度唔到㗎，如果你太過計算，反而做唔到佢嗰啲金句。」但他亦分析，黎明金句不少是將九句說話，濃縮成兩句說話，得到奇妙爆趣效果。
「黎明有好多嘢係從心出發，出心為藝人好。」阿喱敬仰黎明，談到老闆有沒有值得改進之處，他答得巧妙，說黎明每天都向前衝，根本沒有時間後悔過去的事情，「但佢太辛苦，長命工夫長命做，同埋可以好多嘢一齊做，唔使攬上身，要信任團隊，放手畀團隊，要畀佢哋犯錯，要畀佢哋呼吸成長。」阿喱憶述，同黎明工作上鬧過交，而且會據理力爭，「係有少少冇大冇細」，討論熱烈時，阿喱更會夾雜粗口，但黎明氣上心頭，會否同樣粗口多多？阿喱陰笑：「我聽唔到有」，不過很多時候，黎明猶如金句，即使是阿喱，也不是事事理解，「藝術嘅嘢，冇乜準則，即係冇乜對與錯，但如果嗰刻冇人明黎明，佢會唔開心。」
來源:
http://hk.apple.nextmedia.com/financeestate/art/20170206/19919165
股神致富金句重溫句句袋錢入你袋
1 :
GS(14)@2017-05-07 15:22:55「股神」畢菲特投資旗艦巴郡本港晚上10時舉行股東大會，連續第二年網上直播股東大會，讓環球投資者緊貼畢菲特投資脈搏，讓大家洞察股神的投資先機及大智慧。畢菲特掌舵巴郡逾半世紀，歷年股東大會、致股東的信及專訪金句百出，句句袋錢入你袋。投資世界不是太複雜，只要知道自己投資什麼畢菲特：「想投資成功，你可以唔識現代投資組合理論、期權定價或新興市場。你最好，其實乜都唔知。不過，一般商學院或好多金融財務班，都用上述理論做教材。由我們的角度，『投資初哥』只要學識兩樣野：如何評估業務、如何評估市場價格。」《1996年巴郡致股東的信》所謂「價值投資」是多餘畢菲特：「我哋認為『價值投資』係多餘。如果唔係找尋價值行動，至少充分證明付出價格係合理，咁唔係『投資』係乜嘢？持續「買貴」股票，又希望好快再用更高的價格賣出，呢啲就係投機。我哋認為呢樣唔係違法，亦冇違反道德，亦冇財富增值效應。」《1992年巴郡致股東的信》堅持買低成本嘅指數基金，因為……畢菲特：「當華爾街人管理數以萬億美元嘅基金收取高昂管理費，只有經理級嘅人賺取巨額利潤，並非客戶。大型或小型投資者應押注低成本嘅指數基金。我經常建議吸納低成本嘅標普500指數基金。要讚讚身邊嘅朋友，佢哋未必賺好，但多數遵從我嘅建議。」《2016年巴郡致股東的信》買股票不只限留意股價畢菲特：「用合理價錢買到一間優質公司股票，好過用低價撈到質素一般嘅公司。」《1989年巴郡致股東的信》不用理會股市升跌？因為……畢菲特：「股市長遠睇，點都係會向好。回顧美股喺上世紀經歷過二戰、經濟大蕭條同油價暴跌等，道指咪一樣由60幾點升過1萬點。」《2008年紐約時報訪問》無視所有市況預測畢菲特：「我哋（我與芒格）一直以來認為，股市預測者唯一價值，就是跟風水師傅一樣，『睇起嚟幾好』。目前，芒格同我繼續認為短線市況預測係毒藥，應鎖於安全地方，遠離小童及成人，尤其喺市場上表現好似小童嘅成年人。」《1992年 巴郡致股東的信》美國持續興旺基本上「十分肯定」畢菲特：「過去238年，有邊個睇衰美國經濟而賺錢。若以美國經濟現況與1776年相比，將令你目瞪口呆。單計我出世後，美國實際人均生產總值增加六倍。我爸爸同媽媽於1930年嘅時候，夢想不到囝囝出世後可以見到。」《2014年 巴郡致股東的信》人人唱淡就唔好買？巴菲特：「並非一間企業或股票不被睇好，走去買就係聰明；有時候逆市而行與盲目跟從同樣愚眛。意思係要思考分析，不是人云亦云。不過，正如Bertrand Russell所講，套用係股市都好啱，『大部份嘅人寧死也不願思考』，事實確是如此。」《1990年巴郡主席的信》公司不變應萬變？畢菲特：「一直以來獲利採取嘅策略係不變應萬變。箭牌香口膠嘅公司策略鮮有改變，非常吸引我，因為互聯網發展下都不受影響。類似業務我都好鍾意。」《1999年商業週刊訪問》點揀優質股至好？畢菲特：「用合理價錢買到一間優質公司股票，好過用低價撈到質素一般嘅公司。」《1989年巴郡致股東的信》要有長遠目光畢菲特：「投資者目標應該以合理價格，買入易於理解嘅業務，而且收入喺5年、10年或20年後會持續增長。但細心發現，就發覺有上述條嘅公司唔多。如果真係搵到，應該持有呢類公司股票。同時要抵抗誘惑。假如你唔願意長摣一隻股票10年，咁摣10分鐘都唔好諗。」《1996年巴郡致股東的信》培養及建立好習慣畢菲特:「連串習慣開始時唔易察覺，直至想改先發覺太沉重。所以，喺你嘅年紀，應培養及建立你欣賞嘅習慣同興趣，全部由你自己掌握。」《2007年某MBA課程講座》經典中經典畢菲特：「當別人貪婪時恐懼，當別人恐懼時貪婪」此句話一出，成為投資界經典。《2004年巴郡股東大會》
來源:
http://hk.apple.nextmedia.com/financeestate/art/20170507/20013642
【雞同鴨講】自爆唔明黎明金句
1 :
GS(14)@2017-06-10 13:46:46■樂基兒與前夫黎明性格南轅北轍致分手。
樂基兒宣佈嫁拍拖兩年的運動型男友Ian，其實她的感情生活上，曾出現過不同類型的對象，如前夫黎明就屬文靜內向型，二人拍拖三年，於08年秘婚震驚演藝圈，黎明與她性格南轅北轍，一動一靜，成長環境與性格都大不同，故生活上出現分歧。黎明出名多金句，Gaile早前曾在ViuTV節目笑言：「其實全部都唔明白，因為我唔識中文。」與黎明離婚後，Gaile曾在峇里認識了新西蘭籍做地產的Denim Mchardy，展開一段滑水情緣，她曾帶Denim返香港及到三藩市老家見家長，惟二人於14年分手，Gaile才回流返港定居。
來源:
http://hk.apple.nextmedia.com/entertainment/art/20170610/20050715
【iPhone十年】蘋果教主金句回憶 One More Thing驚喜不再
1 :
GS(14)@2017-07-01 10:30:15蘋果教主喬布斯轉眼間已經離開了我們差不多六年。
沒有教主喬布斯相信沒有今天的蘋果，2011年10月5日在iPhone4S發佈後一天，教主喬布斯正式離開了我們。自2007年起第一部iPhone誕生，不經不覺已經第十個年頭，教主的金句你又認識幾多呢。
2007年喬布斯在發佈會上說：「今天蘋果要重新發明電話，結合了iPod、電話及上網功能的是一個裝置。」事實亦證明了iPhone後的世界變得不一樣，打機、上網、睇片，原來可以這樣方便。教主當時強調：「發展的軟件技術OS系統，比任何其他電話快五年。」雖說快人一步，但喬布斯亦都這樣講過：「好的藝術家抄襲，偉大的藝術家盜取。」究竟抄和偷有甚麼不同呢，很多批評者就指當年Macintosh抄襲Xerox的圖像介面。後來Apple高層就說大家只看字面不對，喬布斯想說不要重複別人的東西，而是要變做自己的創作才叫偉大。
成功背後喬布斯在1985年亦曾經被迫離開蘋果，但他卻認為：「被蘋果解僱是人生遇過最美好的事情。」離開蘋果往後五年同樣改寫了他的命運，先成立NeXT，然後投資了Pixar，間接讓全球首部3D動畫《反斗奇兵》在1995年順利出世。1997年喬布斯回歸蘋果並當上了CEO，帶領蘋果一步一步成為科技巨頭，iPhone、MacBook Air及iPad，每次發佈會喬布斯總是帶給人額外的一件事情（One More Thing）。轉眼間iPhone發展已經十年，近年的iPhone被批評欠缺創新元素。十周年的iPhone會不會帶蘋果走進新的里程碑，有待九月份揭曉！
每次蘋果發佈會，喬布斯總是帶給人「One More Thing」。
十周年的iPhone是這樣嗎？
記者：翁怡富攝影：梁志永2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170628/20070663
馬雲又爆金句：月掙一二十個億很難受
1 :
GS(14)@2017-12-03 18:14:40【明報專訊】經常都語出驚人的阿里巴巴創辦人馬雲，噚日出席論壇時又爆金句：「一個月掙一兩百萬讓人很高興，但一個月掙一二十個億很難受。這個錢已經不是你的了，你沒法花了，你拿回來之後又得去做事情。」
查實今次都唔係馬師傅第一次呻有錢過頭，話說2014年阿里巴巴上市後無耐，佢接受傳媒訪問時就已經話自己「非常痛苦」：「（做中國首富）這是很痛苦的，因為當你是世界最有錢的人，身邊所有人都是因為錢而接近你。」
小琴唔係唔同意馬師傅嘅說話，嚴格嚟講係我都驗證唔到，不過對於喺低端人口連居住地方都無嘅中國嚟講，呢句說話難免令人覺得有啲刺耳。話又說回來，又話「錢不是我」、「別人因為錢接近我」，馬雲早排拍《攻守道》唔知又點睇？李連杰、甄子丹係咪都係因為錢接近佢呢？
email:
[email protected]
[小琴密語]
來源:
http://www.mpfinance.com/fin/dai ... 1296&issue=20171201
Next Page