被問隆胸Jessi霸氣回應：又有咩關係
1 :
GS(14)@2016-07-06 07:59:04韓國女歌手Jessi出名身材有料，早前佢演出節目時就被好友徐仁英「胸襲」，而徐仁英摸完Jessi個胸之後，就毫不留情地公開問：「假嘅？」早前Jessi跟徐仁英一齊演出節目《認識的大哥》，二人於節目中大展真性情，表示私下會成日鬥嘴。當Jessi要行前向節目成員交表格時，徐仁英就伸手擋，就咁掂到Jessi個胸，徐仁英即時問：「（個胸係）假嘅？」面對係唔係隆胸嘅問題，Jessi就充滿自信地答：「真定假又有咩關係？！」Jessi答得咁理直氣壯，節目成員跟徐仁英都即時爆笑。
來源:
http://hk.apple.nextmedia.com/entertainment/art/20160705/19681758
指中央不再欽點 可公平競爭被問參選特首 曾鈺成：拭目以待
1 :
GS(14)@2016-07-09 06:21:59【本報訊】正當政圈盛傳政務司司長林鄭月娥獲中央默許備戰下屆特首選舉。立法會主席曾鈺成昨再引述一名中央官員說話，指中央於明年特首選舉不會再欽點特首人選，只要是中央接受的候選人就可以公平競爭。而林鄭及曾回應會否選特首時，不約而同以「拭目以待」回覆，惹起政圈更多猜測，自由黨田北俊相信，若中央真的不欽點下屆特首，勢將減低梁振英當選機會。記者：姚國雄
曾鈺成接受有線電視訪問時表示，他從一位京官口中得知，中央不會再指定特首人選，「佢話下一次（特首）選舉，無論係咪普選，我哋（中央）都唔會由中央去指定：嗱！呢個就係中央要嘅人，只要嗰啲候選人係中央政府接受嘅，甲、乙、丙候選人，就畀大家去真係公平競爭」。
一改拒選態度
曾解釋北京之所以不再欽點是因上屆選舉，不少支持唐英年的人均以為他是中央屬意人選，但中央突改變心意，令他們難以轉身挺梁：「發生呢件事之後，（中央認為）唔好再搞啲咁嘅嘢。」他不點名指林鄭和財政司長曾俊華一起選特首並非不可，但會對管治造成一些困難。他又認為梁能否連任，亦與9月立法會選舉建制派取得多少議席無關：「有啲人話建制派輸咗好多位，議會更難搞，要有一個好硬嘅行政長官先頂得住。但你淨係靠一個硬字，係咪就解決到問題呢？呢幾年好多例子都說明唔係咁樣嘅情況。」至於早前盛傳曾鈺成是下屆特首備選，多次表明不參選的曾鈺成昨一改之前態度，以拭目以待回應，現應先看立會選舉結果：「好戲在後頭，未到9月邊度有戲睇，如果你係想睇行政長官選舉，啱唔啱？」早前發表「香港願景」被指是參選政綱的林鄭，昨再被問到會否選特首，她重申要大家拭目以待，「我冇補充，講咗好多次，我答咗好多次又唔信，曾鈺成主席都用我嗰句，拭目以待啦」。自由黨榮譽主席田北俊認為，若消息屬實他會十分歡迎：「從香港民主角度講，民主咗好多，係高度自治，港人治港，由中央揀三個，由港人Make the decision，甚至曾鈺成自己有足夠提名都可以去選。」民建聯譚耀宗則指以往多次選舉均由選委決定投給誰，從沒中央欽點。
來源:
http://hk.apple.nextmedia.com/news/art/20160707/19684526
被問港交所打擊殼股 曹貴子：唔想回應
1 :
GS(14)@2016-08-11 05:55:04【明報專訊】由兒科醫生變成股壇活躍人士，康健國際（3886）創辦人曹貴子近年落力發展慈善事業之餘，亦經常被傳同唔少殼股扯上關係，佢噚日現身自然有人問佢點睇港交所（0388）「出招」打擊殼股，不過佢笑笑口一句「唔想回應」就閃咗啦。
旗下基金會捐錢畀教育大學
曹醫生旗下「曹貴子基金會」捐咗筆錢畀香港教育大學，大學將校內行政大樓命名為「曹貴子基金會大樓」，噚日就舉行命名典禮；曹醫生話，之前已經有捐款畀唔同項目，今年就主力資助香港教育大學，因為其他大學已經有好多人關注，加上教育大學主力培訓老師，將來可以幫助唔同學生，比只係資助個別學生嘅範圍更廣同有意義。
曹醫生亦都唔願意透露捐款金額，話「做善事係講心唔講錢」，唔想以個別捐款作為標榜。佢希望有機會參與教育大學嘅未來發展，亦唔排除日後會有更多資助項目。
email:
[email protected]
[小琴密語]
來源:
http://www.mpfinance.com/fin/dai ... 9622&issue=20160811
九西論壇被問特首缺點 蔣麗芸：我對梁振英認識唔深
1 :
GS(14)@2016-08-16 06:21:02■蔣麗芸
【立會選戰】【本報訊】15張名單爭6席的九西，按港大民研計劃的滾動民調，目前支持度高於法定當選門檻的僅民建聯蔣麗芸及經民聯梁美芬兩張名單。一直被視為忠實「梁粉」的蔣麗芸昨於選舉論壇回應特首梁振英有何缺點時，劃清界線稱與對方認識不深，並盡顯紅色愛黨心，稱中共若倒台，中國會好慘。梁美芬則指因講真話被誤會而令人感覺「乞人憎」，並堅稱選舉宣傳相片無「大執（修圖）」。記者：陳雪玲
商台昨舉行九西選舉論壇，先由主持人向每名候選人提問，當中梁美芬被問到選舉宣傳照修圖後與真人樣子有出入時，梁即自言「小執係有，大執就一定冇」，還向主持人陳志雲說：「你都見到我真人應該同我啲宣傳相幾似。」陳隨後追問她覺得自己哪部份最「乞人憎」？梁推說是大家對她有誤解，如有人指她支持小三TSA、提出「懲罰選民論」等，「佢話（我）係鼠啦，其實我係治鼠、帶專家嚟……」
「中共倒台，中國會好慘」
蔣麗芸則在論壇展現其愛國愛黨的赤心。熱普城黃毓民因為到新西宣傳而缺席論壇，排在黃名單第二位的馬愉生質問蔣知不知道「made in PRC」的意思？蔣回答是中國製造，馬即說現在不少產品避用「made in China」，改為PRC是因為中國製造令人反感，指蔣麗芸與梁美芬等的議席都是PRC製造，同時質問蔣：「若中共倒台，中國仲係唔係中國？」蔣稱：「中國永不能倒……我想話畀你聽，假如中國共產黨倒台，我哋中國會好慘，首當其衝就係我哋香港，大陸會好亂，你諗都唔好咁諗。」但一直被視為忠實梁粉的蔣麗芸，被追問覺得特首梁振英有何缺點時，稱與梁振英認識不深，只是工作上見過面，反說此問題要問梁振英身邊的人才知道。主持一再追問時，她僅說：「唉……我諗佢……我唔係好清楚……」至於立法會主席曾鈺成指她聲音刺耳，蔣回應指曾所說的實是「個咪刺耳」，自言把聲幾好聽，很多人讚她唱歌「入咪」。新思維狄志遠則被各方追問是否獲得中聯辦支持、甚至過票？狄志遠一再否認，反指被抹黑，強調：「溫和泛民得到建制支持，因為推動到和而不同。」狄續指出「甚至有啲人話中聯辦畀票我，咁係侮辱選民嘅選擇。（畀你要唔要﹖）我哋唔贊成中聯辦介入香港事務。我唔要。」該區其他參選名單，請參閱本報立會選戰網站
http://hk.apple.nextmedia.com/legco2016/region
各候選人回應質疑
Ｑ：立法會主席曾鈺成批評聲線刺耳？【民建聯】蔣麗芸「佢（曾鈺成）係話個咪刺耳，幾好聽吖我把聲……好多人話我把聲入咪，唱歌時入咪。」
Ｑ：外界質疑選舉宣傳照P圖？【經民聯】梁美芬「真係好開心呀，大師（陳志雲）都有興趣喎。我諗應該嗰個相小執係有嘅，大執就一定冇，你都見到我真人，應該同我啲宣傳相幾似。」
Ｑ：候選人簡介會泛民衝擊時青政自拍，類同建制派在牛頭角四級火現場自拍？【青年新政】游蕙禎「（自拍）係講緊同我抗爭理論有衝突，所以我必須向市民及事件中受害者有交代（致歉），咁同牛頭角四級火建制派自拍係兩回事。」資料來源：商台九西選舉論壇
來源:
http://hk.apple.nextmedia.com/news/art/20160816/19738040
爆娛圈潛規則36D伍慧珊坦承被問價
1 :
GS(14)@2016-08-17 08:01:29唔係要一竹篙打沉一船人，但娛樂圈中可以以「潛規則」上位（你懂的）嘅傳聞的確不時都聽到。「規則」係存在，但係咪要陪老細食飯出遊甚至過夜……係個人選擇。好似喺大台做足16年綠葉、現年38歲嘅伍慧珊咁，多年嚟好多時都係喺古裝劇中演「妹仔」，但昨日有周刊報道，話佢入行21年嚟，的確有「中間人」向佢「問價」，或者係暗示不道德交易，去換取工作機會，不過，「有料」嘅伍慧珊就話自己守身如玉，點都唔會走上呢條「捷徑」，仲話自己應付呢種問價題目應到煩，更諗到「絕世好橋」——求其講個天價去回應，人哋就唔會揀中佢。伍慧珊喺周刊訪問中，亦坦承其實好多「中間人」都係佢身邊嘅人，但好好彩冇人強迫佢，佢又話喺飯局中會被人問三圍同戴bra嘅cup數咁。伍慧珊雖然唔出名，但個樣點都熟口熟面，佢喺4年前決心離開大台，過檔港視拍過《警界線》等劇，曝光率同知名度高咗，令佢可以返內地登台搵真銀，而佢上個月更因為喺新片《幼兒怨》嘅開鏡中，以一襲透視裙嘅打扮，成功以36D搶走「露慣露熟」嘅36G崔碧珈焦點。
來源:
http://hk.apple.nextmedia.com/entertainment/art/20160817/19739838
被問下屆特首心水 只稱「支持最好嘅」「梁粉」羅范拒表態撐CY
1 :
GS(14)@2016-10-10 04:24:59【本報訊】正當多名核心「梁粉」先後表態支持特首梁振英連任，上屆特首選舉擔任梁競選辦主任的羅范椒芬，昨拒絕表態挺梁連任，強調自己永遠支持最好的候選人，如今未有候選人可供她選擇。有學者認為，由於中央仍未對下屆特首選舉有決定，作為港區人大的羅范椒芬現不會挺梁，以免日後中央有決定時「冇彎轉」。記者：姚國雄
特首選舉在5年前的10月，已揭開戰幔，梁振英當時尚未宣佈參選，但羅范當時已大讚梁振英，說很高興和欣賞梁不被勸退，又說無論梁最終能否勝出，他「在歷史上已經贏了」；但5年後的今天，梁振英同樣未宣佈參選連任，但羅范已不肯公開再挺梁。
稱橫洲搬貨不比搬人易
她昨出席商台節目時，被主持追問支持誰人做下屆特首，羅范始終不肯說支持梁，她說：「我支持最好嘅候選人，（即係邊個）睇吓有邊個最好，我永遠都係支持最好，所以人哋問我，我回顧2012年，我覺得3個候選人最好都係梁振英。」之後主持再問她，今次特首選舉是否仍然支持梁振英？羅范始終不肯說：「今次我未睇到有候選人出現畀我揀。」當年率領梁振英競選團隊出席「小桃園飯局」，游說新界鄉事派支持梁振英，昨日當談到涉及鄉事派龐大利益的橫洲事件，羅范明顯維護反對在橫洲大規模興建公屋的鄉事派，認為要在滿佈貨櫃的棕地起樓不容易，認為搬貨不會較搬人易，「幾個貨櫃後面有好多貨車司機，好多貨倉管理員，攞貨嘅人，其實係涉及好多家庭，唔好認為搬貨物容易過搬人」，指政府也有難處，不要一開始就以陰謀論看事情。對於外界揶揄梁振英是「港獨之父」，羅范指港獨意識是源自雨傘運動，認為年輕人希望可選特首，減少中央干預，但認為他們不清楚分裂的意思，「高度自治並不等於完全自治，高度自治喺《基本法》寫咗邊啲係你自治範圍，就係嗰啲」。理大社會政策研究中心主任鍾劍華認為，羅范拒絕表態挺梁，明顯是中央就特首選舉未有決定：「費事到時中央決定咗冇彎轉，羅范呢類建制派，都係睇中央決定㗎啦。」
來源:
http://hk.apple.nextmedia.com/news/art/20161009/19795532
被問退休 林鄭：不公開覆述
1 :
GS(14)@2016-11-23 07:46:51【本報訊】政務司司長林鄭月娥早前出席建築師學會60周年晚宴時，表示自己將會退休，林鄭昨被問到有關言論時並無否認，只說不會在公開場合再覆述，她又未有正面回應會否考慮選下屆特首，強調自己與整個政府團隊，會努力在本屆政府餘下任期完成施政承諾。
避談會否選特首
林鄭月娥早前在建築師學會閉門晚宴致辭時，表明自己將會退休，又叫在場人士不要再游說她繼續做下去，希望在場人士可繼續建立更好的香港，林鄭言論被政界視為堅決不留任訊息，亦有人猜測為選特首試水溫。她昨日以署理特首身份出席行會時，被問到有關退休言論，林鄭未有否認，只說不會公開作評論，又稱外界也說那些話是她在閉門情況下，與多年合作夥伴及朋友所說的話，「我唔會喺公開嚟覆述」。對於國家主席習近平與特首梁振英見面時，並無明確表態支持他連任，會否令林鄭產生參選特首想法，林鄭未有正面回應，只稱習近平對梁及特區政府工作肯定，令她感到非常高興，她與特區政府會在餘下7個多月任期內繼續努力，完成特首在本屆政府各項施政承諾。■記者林俊謙
來源:
http://hk.apple.nextmedia.com/news/art/20161123/19843081
財爺辭職9日未批 行山候「天機」梁被問撐林鄭「到時候再講」
1 :
GS(14)@2016-12-21 23:33:35■曾俊華昨行山時遇上瑪利諾修院學校女生，同做「心心」手勢。曾俊華facebook圖片
【特首跑馬仔】【本報訊】截至昨日為止，辭職第9天仍未獲中央批准的財政司司長曾俊華，「靜候天機」等入閘選特首之餘不忘呃like儲人氣，昨早到山頂晨運時被「野生捕獲」，更在社交媒體貼出與師生同做「心心」手勢相片，形容「成個人立刻青春晒」。特首梁振英昨則兩度稱已第一時間將曾請辭一事上報中央，不猜測未批准原因。記者：陳雪玲
■大批巿民行山時偶遇曾俊華，大排長龍等候合照。攝影札記專頁圖片
等了又等，上周一辭職至今尚未獲中央批准的曾俊華，連日不斷透過社交媒體貼文及相片保持人氣，為入閘爭取更多籌碼。他昨天在facebook圖文並茂，指平日上班前會在家中邊做運動邊看新聞，現時休假，終於可以外出晨運，昨早便到山頂盧吉道，還遇上一班瑪利諾修院學校的師生和家長。本身是喇沙校友的他說：「MCS是喇沙的好鄰居，在山頂也碰見，真是有緣！同學叫我一起做這個手勢，拍完照才知這叫做『整心心』，成個人立刻青春晒！
梁稱兼顧財政司工作 做到凌晨
有在場的瑪利諾修院學校學生事後向本報指，昨參與步行籌款時巧遇曾俊華，當時問對方知不知道為何中央仍未批准其辭職，「佢話哈哈唔知點解呢呵」；之後再追問對於新民黨葉劉淑儀經常罵他，有何感受？曾就說：「冇咩意見。」「攝影札記」專頁則可見，有巿民行山時偶遇曾俊華，排成長龍等候合照，令山頂晨運徑出現一幕奇景；版主更形容隊伍「圍咗差不多成半個鐘都未完」；更有女粉絲的熱情親近則令曾俊華欲拒還迎。外傳梁振英不同意曾俊華辭職，或影響中央批准。梁振英昨早出席行會時被問為何曾俊華辭職至今仍未有消息時稱，曾俊華辭職後已經第一時間上報中央處理，但現時未有消息。問及一旦政務司司長林鄭月娥若如曾俊華同樣請辭，會否對政府運作造成影響，梁全程只說目前財政長司司長的工作由財經事務及庫務局局長陳家強署理。他又自言日前看《施政報告》草稿至凌晨3時，指有關工作涉及財政司的工作，而他早前曾說過，曾俊華辭職對其工作造成「相當大影響」。梁振英昨晚啟程上京述職前，在機場再被傳媒問到曾俊華辭職未獲批一事，他再度重申已第一時間上報中央，相信中央有自己考慮，不猜測原因。至於會否鼓勵政務司司長林鄭月娥參選特首，他回應：「呢個到時候再講。」對於曾俊華辭職至今未獲批，民主黨主席胡志偉指，有主要官員提出請辭後，中央至今不批准，只會令港人覺得中央想干預特首選舉，連候選人出選都要受到限制，認為做法「絕對不能接受」，他指財政司司長一職已有陳家強署任，故曾俊華辭職不會影響政府運作，強調中央越遲批准，只會令人覺得中央想大力插手香港選舉，做法「非常不智」。
來源:
http://hk.apple.nextmedia.com/news/art/20161221/19872315
被問兩司長辭職 煲呔封嘴
1 :
GS(14)@2017-01-14 11:59:00【本報訊】曾蔭權涉貪案審訊昨踏入第4天，除了妻子如常陪同到庭外，曾的胞弟、警務處前處長曾蔭培亦現身。曾蔭權平日鮮有回答記者問題，但昨被問到兒子會否到庭時，一反常態與記者閒談，指兩名兒子需上班，並稱任職醫生的長子需替病人動手術，未能到庭。記者問到對於政務司長林鄭月娥及財政司長曾俊華辭職有何看法時，曾蔭權「劉德華上身」將手指放嘴唇上，示意不回應。
胞弟曾蔭培到庭支持
曾蔭培昨表明不接受傳媒訪問，當記者追問他是否來支持胞兄時，他僅以「嗯嗯」回應。及後曾蔭權和曾蔭培在法庭會議室傾談，曾蔭權邊講邊指手劃腳講解法庭設施。控方日前開案陳詞提及曾蔭培，指曾蔭權在任期間，行會曾討論邊境碼頭及公共巴士條例，他因胞弟分別任新巴及渡輪公司高職而向行會申報。■記者黃幗慧、蘇曉欣
來源:
http://hk.apple.nextmedia.com/news/art/20170114/19896595
Next Page