葉翠翠笑B似花生
1 :
GS(14)@2016-12-24 10:55:38葉翠翠、郭晉安和趙頌茹昨日在銅鑼灣出席童裝店花生騷，葉翠翠懷孕近5個月，在活動上有小朋友好奇地輕拍她肚皮，翠翠表示平日甚少到公眾地方，聖誕會在家中開派對，提到BB，她說：「照嘅時候醫生話健康，最初兩個月時去照，BB成粒花生咁細，老公話似佢喎。」郭晉安表示聖誕要開工，以往節日他會充當聖誕老人送禮物，又爆女兒對幕前工作有興趣：「阿女好鍾意跳舞，學咗半年K-pop，平安夜會有公開表演，我開工去唔到，惟有提早錄片鼓勵。」安仔不抗拒仔女入行，但要先讀書，至於兒子則喜歡LEGO，志願是去丹麥設計LEGO。採訪：王連連攝影：仇志德
來源:
http://hk.apple.nextmedia.com/entertainment/art/20161224/19875088
過年留家安胎 5月生得翠翠做慈母 囝囝有求必應
1 :
GS(14)@2017-01-31 16:01:54■葉翠翠預產期在5月，她明言休息一年再努力追女。攝影：郭賢興
【《蘋果》專訪】現年35歲的葉翠翠，前年7月嫁拍拖僅十個月的建築師男友周曉東（Raymond），榮升人妻，翠翠講明會積極造人，上年11月宣佈有喜，陀「小雞丁」的她，將於今年5月榮升人母。
■葉翠翠爆老公已幫未出世的囝囝買了兩年的衫仔。資料圖片
■翠翠自陀B後，上圍升級不少。資料圖片
嘗試餵母乳
日前翠翠挺着巨肚接受《蘋果》訪問，她說今年過年跟以往大不同，以前一定會去行年宵，但今年選擇留在家中，她說：「?家好易攰又成日要去廁所，所以留喺屋企好啲。」不過，翠翠新年前已跟老公去了日本旅行，她笑說：「老公血拼能力比我仲強，去程行李15公斤，返嚟80公斤，全部都係BB嘢，阿仔啲衫可以着到兩歲。」問翠翠會否餵母乳？她說：「會先嘗試畀BB飲母乳，但如果冇或者唔夠就飲奶粉，我都係飲奶粉大，?家啲奶粉都好好。」至於，是否已準備好做人母？翠翠哈哈笑：「我同老公講，我會幫你湊大個仔，但係唔會半夜起身餵奶同換尿片、抹pat pat同逼佢做功課嗰啲都交畀佢做。」
追多個豬女
當然翠翠只是說笑，她再認真表示已跟老公分配好忠奸角色：「如果囝囝第時問我乜嘢，我都會話OK，但要佢問爸爸，因為老公會係一個嚴厲嘅爸爸。」雖然囝囝未出世，但翠翠已講明會再追囡囡，笑言因為想生豬年出生的「豬頭」，故會休息一年先再開工。採訪：鄉奈仁
來源:
http://hk.apple.nextmedia.com/entertainment/art/20170131/19913186
大肚翠翠坐住買BB用品
1 :
GS(14)@2017-02-05 10:39:38■葉翠翠預產期還有三個月，老公近日一有空就買嬰兒用品。
葉翠翠將於5月產子，日前孖老公周曉東去銅鑼灣替囝囝買BB用品。當日約傍晚6時，兩公婆在一間店選購BB車及床，之前翠翠爆老公購買力強，當日亦由周曉東主力挑選，相信因為大肚易倦，翠翠一度坐在一旁等老公，最後二人揀足兩個多小時才離開。
■大肚婆易攰，葉翠翠坐住同老公揀BB床。
翠翠接受《蘋果》訪問，她說：「老公話驚過多一、兩個月我個肚再大會行得辛苦，所以有時間就幫BB買埋啲嘢。」問她那天是否很倦？翠翠謂：「都係呀，?家真係唔企得太耐，嗰日行咗三個幾鐘，不過多數老公揀，因為佢比較細心。」採訪、攝影：徐錦池、吳耀輝
來源:
http://hk.apple.nextmedia.com/entertainment/art/20170203/19916017
老公陪產剪臍帶翠翠開刀勁震 誕7磅半B仔
1 :
GS(14)@2017-04-13 00:23:59■葉翠翠笑言因為在產房太緊張，對老公表示不想再生。
今年35歲的葉翠翠昨日一索得男，為建築師老公周曉東誕下7磅半重「小王子」，原來預產期在五月初，兒子提早面世。昨日榮升靚媽行列的翠翠，即刻在網上報喜：「小王子已來到我們的家庭了，一切平安！比預期的早了一些出世，他有7磅半，十分活躍手舞足蹈，樣子和我老公一樣，圓圓的小臉，十分可愛。生產的時候，非常緊張，整個人都在顫抖，但第一眼望見小王子的時候十分奇妙，知道一切的努力都是絕對值得的！」
■葉翠翠昨日開刀，為建築師老公周曉東誕下7磅半重兒子。
■葉翠翠指遲些會開始試餵人奶。資料圖片
兒子似老公
翠翠接受本報訪問時說：「其實預4月尾5月頭生，咁BB搶閘，噚晚（前晚）入咗醫院，今日（昨日）醫生同我開刀，因為頭仔未轉落去，好似坐喺度咁，所以都一定要開刀。BB磅重有7磅半都開心晒，開刀期間好緊張係咁震，之前見啲人生BB話感動會喊，又影相咁，但自己親身經歷係緊張到乜都唔知。」老公周曉東十分緊張，全程陪伴一齊入產房，翠翠說：「老公好好呀！全程陪住我同鼓勵我，有剪臍帶，覺得要紀念一定要剪！」BB似邊個呢？她說：「一生出嚟自己未睇到，不過老公好開心話『嘩！真係好似我呀！』，我等姑娘抹乾淨俾我睇，都真係好似我老公嘅，佢好開心！」
遲些餵人奶
因為開刀，翠翠指遲少少開始試餵人奶，問她會否即刻追多個？翠翠說：「生緊嗰時同老公講，本來諗住生兩、三個，但?家都係唔好喇！不過，都係嗰時因為太緊張先咁講，真係諗住生兩、三個嘅！」採訪：小米
來源:
http://hk.apple.nextmedia.com/entertainment/art/20170412/19987413
計劃追多個女翠翠產後變女王 老公爭餵奶
1 :
GS(14)@2017-04-16 14:41:11■葉翠翠上周為老公Raymond一索得男，他昨接妻兒出院時，不忘向老婆送吻。
現年35歲、05年港姐冠軍葉翠翠，前年嫁建築師周曉東（Raymond），上周二翠翠一索得男，在跑馬地養和醫院誕下7磅半重「小王子」，兩人昨日接囝囝出院。昨午2時許，穿上乾濕褸的翠翠包到冚離開，單手抱着囝囝的Raymond緊隨其後，一家三口合照時，Raymond兩度親吻老婆。Raymond先抱囝囝上七人車，他望着囝囝時一臉冧爆。
■熟睡中的翠翠兒子輪廓分明，她表示暫時改乳名「小東東」。
■葉翠翠昨回家，即讓愛貓及愛犬親親小東東。
互聯網圖片
住院費加碼
翠翠留下接受訪問，問到是否已為囝囝改中文名？她說：「未改，但乳名叫『小東東』，Raymond Junior，乜都要跟晒我老公。」翠翠表示雖有餵母乳，但也有給小東東吃奶粉，但餵奶粉時老公爭住做「奶爸」，猶如女王的她說：「佢話我唔識，等佢餵，所以我未試過用奶樽餵同掃風。有時BB喊，老公又好開心，因為拍兩下BB就唔喊靜咗。佢話BB好似佢，所以更加鍾意。」翠翠謂陪月一星期後才來。問老爺見過小東東？翠翠說：「未呀，佢哋喺上海，BB早咗出世。」由於小東東提早出世，住院要重新安排，翠翠說：「本身book咗普通單人房，佢早咗出世，變咗要住頭等單人房，醫院費要加碼。原本搵咗師傅擇時辰，啲錢又嘥咗。」
后冠做禮物
翠翠生完未夠一周，已計劃再生，她說：「等小東東1歲，想追多個女。我有個港姐后冠，如果畀個女，佢會keep住，如果畀個仔，佢會畀老婆。」到底Raymond有甚麼獎勵她？翠翠說：「應該問佢，如果佢肯做晒夜間保母就得喇。」有指初生BB一但取出世紙後就要馬上搵學校，翠翠就心中有數：「之前叫咗老公安排，佢話唔使咁急，所以我交畀佢搞。」翠翠仍未決定會否為小東東搞百日宴。
■Sammi（右）前日探車婉婉兒子，抱住BBQ時笑得好開心。互聯網圖片
此外，車婉婉上月誕下兒子「BBQ」，前日鄭秀文（Sammi）去探BBQ，婉婉昨日貼相上Ig，相中見到Sammi抱住BBQ，笑得好開心！採訪：黃曉妍攝影：仇志德
來源:
http://hk.apple.nextmedia.com/entertainment/art/20170416/19991253
搞網購被投訴呃Fans錢翠翠嬲爆：我阻住佢做生意
1 :
GS(14)@2017-05-07 15:26:26■翠翠不時在網上推介自己使用的護膚品。互聯網圖片
上月誕下囝囝的葉翠翠不時在社交網分享扮靚心得，最近更轉做KOL搞網購，上月開帖表示聯絡了廠商，可幫fans以折扣價訂購3款護膚神器，本報收到讀者投訴，質疑翠翠欺騙fans的金錢：「葉翠翠幫fans訂貨話冇賺錢，實在太過份，她說的產品大約800元至1,000元，而且不會收任何費用，會免費寄給fans們，包括運費，哪有可能她可以完全免費為fans服務？如果每樣產品，她可以賺到100元至200元，已經賺到笑！」
■除了介紹護膚品，翠翠早前分享BB欄杆的用後感。互聯網圖片
■翠翠在fb搞網購，經常幫粉絲攞優惠。互聯網圖片
有人刻意扭曲
日前本報向翠翠了解，她表示：「我諗佢係嬲我冇幫佢買，因為嗰件產品真係好受歡迎，自己要照顧囝囝小王子，我冇時間覆到咁多人，又或者係可能我阻住佢做生意，因為我個page成日幫fans攞優惠，可能咁啱係開正佢個範疇。其實都好奇怪，件事又未發生，錢又未收，但又會有人咁樣做，相信佢應該係別有動機。」翠翠覺得有幾點要澄清：「我介紹好好用嘅黑眼圈護膚品，叫fans自己上網買，點知100個買完100個都話買唔啱，產品原來變壞咗冇效，有網店仲用我名義介紹，但其實我根本冇用過，所以自己搵廠商，但廠商話已經冇賣，就算?家好多人話我賺一、二百，好似知道係呢隻，根本其實佢唔知，因為廠商兩年前已經冇賣，同埋我一早講咗連運費，所以啲人刻意扭曲，呢個真係冇辦法。」
■上月產子的翠翠已和無綫結束賓主關係，之後她便轉做KOL。資料圖片
■生了小朋友的翠翠，仍繼續養貓。互聯網圖片
公眾人物要忍
餘怒未消的翠翠，昨凌晨到早上接連在社交網反擊：「這世界甚麼人都有，只要做好自己就可以了。請大家放心，我不會因一個怪人而影響咗」、「在娛樂圈咁耐，每次只係有人講冇我講，做公眾人物第一件事要學的就是忍！我都係一個普通人，都有父母，都有感受，都只係一個普通媽媽，同你一樣，買嘢想有優惠。」不少fans都留言撐她。採訪：小米
來源:
http://hk.apple.nextmedia.com/entertainment/art/20170507/20013116
翠翠冇代購斥行騙者
1 :
GS(14)@2017-05-18 01:10:59葉翠翠最近經常在facebook推介美容產品予網民，不過早前有網民質疑她代購護膚品有賺錢，幸大多數網民都力撐她。昨日凌晨翠翠在facebook貼出網民私訊給她的對話截圖，原來有網民收到自稱是翠翠助手的私訊，表示代翠翠收錢替大家買護膚品，網民付了820元後收到產品，但得悉翠翠未曾替人代購，相信自己被騙。翠翠接受《蘋果》訪問表示：「非常震驚，搞到我凌晨兩、三點先瞓覺，主要係有粉絲inbox自稱係我助手，收咗錢又寄咗貨畀佢，但我根本冇助手同我做呢啲嘢，我都唔知情。」她又說已呼籲幾位受害者去報警，她說：「咁樣同行騙係冇分別，我永遠用自己facebook戶口回覆，同埋冇幫任何人買嘢。」採訪：小米
來源:
http://hk.apple.nextmedia.com/entertainment/art/20170517/20023344
Next Page