“神龙系”掌门陈克恩港股市场卷土重来
http://money.163.com/09/0606/03/5B3HL12600253B0H.html
在2004年，中国相关监管部门对神龙发展违规事件进行调查后，证监会对其控股股东陈克恩及陈克根兄弟做出过市场禁入的处罚。时隔四年多后，陈克恩这位曾经在A股市场上叱咤风云后黯然陨落的资本高手又重新现身港股市场。
每日经济新闻6月6日讯 提起陈克恩，大家对这个名字或许还有些许陌生，但是，若提起福建的“神龙系”上市公司神龙发展因涉嫌违反证券法规被中国证监会立案调查的事件，相信在证券市场上有过多年经验的投资者们一定不会忘记。
在2004年，中国相关监管部门对神龙发展违规事件进行调查后，证监会对其控股股东陈克恩及陈克根兄弟做出过市场禁入的处罚，其中陈克恩被勒令在三年内不得担任任何上市公司和从事证券业务机构的高级管理人员职务。
时隔四年多后，陈克恩这位曾经在A股市场上叱咤风云后黯然陨落的资本高手又重新现身港股市场。这一次，陈克恩操起了他发家的老本行，准备将一块新西兰的乳品业务注入到中国金汇矿业这家香港上市公司中来。
新西兰乳业公司借中国金汇矿业之壳上市
昨天，一则收购公告，令中国金汇矿业这家在港股市场上名不见经传的公司股价复牌后暴涨近四成，虽然午后其股价有所回落，但该股全天的涨幅仍达到9.901%，报收1.11港元。
昨天早间，中国金汇矿业发出公告宣布，以总计约1亿纽元的代价，向新西兰公司 UBNZTrusteeLimited收购UBNZAssetsHoldingsLimited20%权益及其债务。同时，中国金汇矿业还以1港元的低 价，获得授权可购买余下的80%权益，行使有关权利的代价约为4亿纽元。
公告显示，UBFM主要业务来自持有及管理在新西兰生产、销售及分销牲畜、乳脂固体及相关乳制品的业务。
从表面上来看，这只是上市公司的一桩正常的资产购买，但为什么中国金汇矿业这家主要从事矿产业务的公司会远赴新西兰购买其从未涉足过的乳品业务呢？不久前该公司刚刚发布了盈利预警，称其截至2009年3月31日为止的年度业绩将出现大幅亏损。
虽然公告中中国金汇矿业认为，对上述业务的需求将可继续保持增长动力，而收购协议可扩展公司的业务范围及盈利基础，并分散集中在现有业务的风险。但是，《每日经济新闻》记者发现，这桩看似普通的买卖，实际上与港股市场资本高手们惯用的“借壳上市”手法十分相似。
在公告所披露的内容中，对于行使购股权的代价，中国金汇矿业提出了多项支付方式，而主要集中 在由公司向UBNZ发行可换股票据来完成。值得注意的是，中国金汇矿业将发行的所有可换股票据可兑换的股数，占该公司经扩大股本的71.88%。若购股权 行使，那么，中国金汇矿业的控股权也将易手。
“神龙系”掌门陈克恩月前已接管金汇矿业
值得注意的是，《每日经济新闻》记者在翻阅近几个月来发布的公告时发现，事实上为了给此资产注入埋下铺垫，就在不到一个月前，中国金汇矿业刚刚进行了一次董事委任。而操作上述资产注入的背后资本高手陈克恩也正是在一个月前正式进驻中国金汇矿业的董事会担任要职。
5月7日，中国金汇矿业宣布，JackKeenChen先生已经获委任为该公司的联席主席、行政总裁兼执行董事，并由当天正式生效。
在中国金汇矿业的董事委任公告中，对于这位JackKeenChen先生的主要经历做出了如 下描述：“1990年出任福建省神龙乳品饮料有限公司董事局主席、1998年至2001年出任福建省福联股份有限公司董事局主席、1997年至2002年 出任香港神龙国际集团有限公司董事局主席……”
从中国金汇矿业公告提供的有关新获委任董事的资料来看，这位JackKeenChen先生实际上就是曾经担任A股上市公司神龙发展董事长的陈克恩。
据了解，陈克恩在2002年移民新西兰，一直都在新西兰从事公益性事业，并正式成立新西兰华 人华商圆桌议会，为旅居新西兰的华人华商在新西兰的商务活动和经营工作，成为华商与新西兰当地政商两界协作和沟通的桥梁，也使华人华商在新西兰的社会地位 得以提高。由于他对新西兰国家和社会的多年贡献，得到执政党的公认，因而请到执政党的现任党魁——费而高夫作为该议会的庇护人。
另外，在新西兰期间，还对当地的乳制品行业和市场进行了深入的了解，成功地引进新西兰的乳制品进入中国市场，并创立了“澳牛”的乳制品品牌。
市场禁入三年期已满陈克恩又回来了
事实上，翻阅陈克恩的历史后，我们可以看到，这位资本大鳄曾经担任神龙国际投资有限公司董事局主席，而该集团曾控制了福建的两家上市公司神龙发展及ST中福，这就是当时被业界熟知的“神龙系”。而后来伴随着“神龙系”的坍塌，陈在A股市场上也早已经是“劣迹斑斑”。
2004年10月25日，神龙发展在的澄清公告中表示，截至2003年9月30日，公司累计 担保3.8亿元人民币、1800万元港币，其中违规为股东及其关联方公司担保5200万元人民币、1800万元港币。其后，针对神龙发展涉嫌违反证券法 规，中国证监会决定对该公司进行立案调查。2004年11月4日， 上海证券交易所对当时神龙发展的主要控股人陈克恩及其兄弟陈克根进行公开谴责。
值得注意的是，在当年，中国证监会也曾发出通告，决定对陈克恩兄弟进行市场禁入的处罚。据证 监会此前公布的处罚决定，“鉴于陈克根、陈克恩违法行为性质较为恶劣，情节较为严重，中国证监会认定陈克根、陈克恩为市场禁入者，陈克根五年内不得担任任 何上市公司和从事证券业务机构的高级管理人员职务，陈克恩三年内不得担任任何上市公司和从事证券业务机构的高级管理人员职务。”
现在，证监会对于陈克恩的市场禁入的处罚已经解除，陈克恩又回到了市场上来，在入主香港上市公司中国金汇矿业后，这位曾经的福建省富豪、资本大鳄还将有何动作，我们拭目以待。
港股變「狼市」 贏錢要有堅定信念 黃國英 (Alex Wong)
http://hk.myblog.yahoo.com/alexwongkwokying/article?mid=13504
上期講過Market Wizards裏的Michael Marcus，此君操盤，實屬神級，十年回報兩千五百倍(留意：是倍，不是%)， 傳奇非常。身受多劫，曲折離奇，終能悟道。初出道時不理好醜，但求就手，瘋狂盲炒，輸到破產。最終體悟「坐這山，望那山，一事無成」之恨，在於心浮氣躁、 缺乏耐性：出手太濫，值唔值搏，一律照搏。後嚴訂出手原則：基本因素、技術走勢、大市氣氛，全部相就時，方下大注。精選交易，配合風險控制，終令Marcus成一方之雄。
老掉牙的80/20定律告訴大家：80%回報，來自20%交易，貴多不貴精，死做爛做另外80%對大局沒影響的交易，只是徒虛精力。有此感想，源於同事回顧自己一個模擬倉的表現，發現回報中起碼一半，來自兩隻股票：理文(746)及六福(590)。餘下的交易，功過相抵後，才提供了另一半回報。
現時市場情緒極飄忽，中小型股波幅高、流通性低，先回調 兩三成，再抽破頂，已成常態。有篇文章稱現時市況為「狼市」：升就鬥快買，跌就鬥快斬，鬥狠鬥快。就算睇啱基本因素，也要不為價位起伏、新聞消息所擾，堅 持己見，耐性百般消磨，方成正果。十隻股票，最多得一隻長升，一旦被震走，組合回報隨時減半。
刻下要贏錢，信念(conviction)最重要。借用同事口頭襌：If you aren’t freaking convicted, don’t buy a single share.唔convicted，一剒就頂唔蒲斬頭。回想過去半年，大家做過幾次「燒臘達人」：斬斬斬？而極強信念，必源自精研深究，建立自己獨特的優勢，是結合了解行業，睇廠/舖、見管理層加大量閱讀、計算而成，不是求其跟兩份大行報告，或揭吓報紙了事。今非昔比，上個牛市，美國透支廿年榮景，造就03-07年一榮俱榮、雞犬皆升的「盲牛市」：只要夠stubborn，死坐爛坐就變股神。海嘯後，只有極少行業跟公司，有力逆流而上，十居其九，不是過氣股皇，便是偽增長股。寧缺莫濫，寧慢莫快，取易不取難，買熟少買生，變成生存法則。
檢視公司的營運，也可活用80/20定律。一直不看好霸王(1338)，當然不是所謂「產品風險」，而是公司在營運上，沒集中火力，猛攻核心：上市之初，霸王賣點，是內地洗髮水市場，極具發展潛力；而公司的中草藥洗髮水，定位獨特，市佔率仍有限，一段時間後，或可成中國P&G。可是一期業績下來，本業進境有限，公司未謀對策，反而突然轉招，又推涼茶，又吹噓中草藥清潔用品、化妝品，周圍點火頭，亂晒大籠。
眾分析員相當受落，股價輾轉升上$6。沒有絲毫悔意，當時在收費股評寫過：「想一想王老吉，為何不賣洗頭水？」20%重中之重未交功課，倒過來出力做80%周邊產品，逆練80/20定律，不論投資、營商，都是大忌。自己喜歡估值不便宜的利邦(891)，無非取其專注、專業、專精的發展模式而已。
(本人客戶持有理文(746)及六福(590))
投資港股：少年得志 阿牛
http://hk.myblog.yahoo.com/yomagyomag/article?mid=2295
中國人有句好奇妙嘅說話，叫做：少年得志，家門不幸。
有好多人根本只聽過上截，未聽過下截；亦有好多人聽完下截唔知點解。
原來說話嘅意思好嚴重，就喺話如果一個人太細個已經成功不特止唔恭喜佢，而且仲要戥佢屋企擔心，因為對佢自己，對佢屋企直情達到災難嘅地步。
呢句嘢用喺炒股票上一樣適用。
話說去年國家攪家電下鄉，於是乎各家電股紛紛在熊市都未完結就爆升。
當中以751創維同1169海 爾最勁。創維的消售以影音器材為主，海爾就各種大小家電都有；嚴格來說，各自的地盤是有分別的。個人覺得，影音的市場比家電市場優勝，因為睇電視，是生活 質素的重要里程碑，比較用雪櫃，冷氣，要實際得多。而且農民們慳儉，對用電量大的雪櫃，冷氣，不無抗拒，對他們來說，雪櫃，冷氣無大用處，因為他們吃的是 新鮮蔬菜，不用雪櫃保鮮著吃剩的食物；冷氣也是一樣，無乜大用，反正他們戶外工作時都大汗疊細汗，也不需要多花幾元電費，開冷氣睡一個清涼的夜晚。
自去年七月開始，賣電視的創維由兩蚊升左五倍，升上十蚊。
海爾就由個幾升四倍，升上六蚊。
論業績，其實海爾反而增長比創維更勁；海爾增長了170%而創維只增長60%，不過由於創維毛利較高，有20%，比海爾的15%高四份之一，所以創維的純利升了120%而海爾只有90%。但股價方面，創維於今年四月創新高之後，就逐步下跌，到今個月最差時只剩四蚊，五個月之內，跌足六成，可算傷亡慘重。相對海爾，在四月創新高之後，上上落落於四至六蚊之間，現在也維持到六元。
以賺錢能力和業績來說、只能說各有千秋，無可能解釋到創維下調六成的原因。雖然一說就是創維生產過剩，以至庫存太多，減過吓價，但是海爾何嘗又冇咁情形吖？五十步笑百步而以。
唯一解釋到的理由就喺根本半年升四，五倍，喺唔健康嘅，搵個藉口就可以下跌嘅喇。在呢個熊尾牛初時，如果買嘅股票攪啲咁嘢，阿牛就冇本事賺佢錢喇。
今年四月，牛市先剛剛進入牛市二期，正在建倉，守倉之際，點諗到家電股已經油盡燈枯，要緊急走貨！
由高位跌六成，根本就喺由牛市三期，爆煲，急傳入熊市的行為。
在牛二攪啲咁嘢，點handle呀？
家電股少年得志，買嗰個就家們不幸喇。
9/15 6:00PM 剛收到有心嘅Blog友提供左條link俾阿牛，講啲企業點樣做假，各位讀者都適宜睇吓，順便多謝提供資訊嘅朋友。
投資港股：夕陽無限好 阿牛
http://hk.myblog.yahoo.com/yomagyomag/article?mid=2300
投資港股：夕陽無限好
我地中學時候學計代數，大家怕且都仲記得少少，就喺要求啲未知數，unknowns，出嚟。要求到unknowns就一定要俾一啲已知數值，knowns，俾我地。冇左呢啲已知數，就唔駛計，冇得計㗎喇。
炒股一樣，來來去去都喺嗰四樣unknown：
1)幾時買
2)買乜
3)最高會喺幾多
4)幾時賣
幾時買，就喺最簡單嘅一條，答案就喺最平嗰時買。但因為我地唔知幾時最低，所以只好熊市最低嗰陣買。
買乜，就喺上幾星期阿牛之之坐坐，講左成個月嗰啲嘢，邊隻好，點解好，點好法。簡稱揀股。
最高喺幾多，冇人知。呢條問題有啲人撈埋第四條來答，就喺如果唔知幾時應該 賣，就自訂一個高位，賺夠就賣。呢個辦法有兩個唔好處；第一，就喺賣左之後如果佢繼續升，就會唔開心；一次就冇所謂，兩次，三次，四次，終於就失去理性， 到價唔捨得賣，或者賣完高追。第二個危險更仆街，就喺價未到，市已經冧左。
所以呢條橋唔得，幾時出貨就靠答第四條好過。因為第四條嘅答案就喺等到牛市三期臨尾，就爆之前沽貨。咁就乾手淨腳。
『少年得志股』，衰就衰呢度，就喺佢冇辦法等到牛三，同大市同步，跟大隊收工。佢自己『彈性上下班』，所以炒佢地，就要作出幾時賣貨嘅正確決定。呢個決定喺冇人capable嘅！最大嘅可能性喺買又買得貴，到頂又唔知賣，結果坐喺度睇戲，睇住佢上上落落，南柯一夢。
你可能會話，咁牛三末期點睇？咪一樣會睇錯唔識落車。
唔啱。
機會好微，因為啲跡像會好清晰，睇唔到喺自己唔信自己雙眼啫。正如而家個樓市一樣，唔信佢會爆就純喺『唔想信』而已，邊個唔覺得佢高吖，唔通真喺好似啲agent咁講，最多靜兩個禮拜，跟住個市又上過？
夕陽無限好，點會唔知太陽即將下山吖！
《登樂遊原》 李商隱
向晚意不適
驅車登古原
夕陽無限好
只是近黃昏
李商隱，晚唐詩人，與杜牧合稱小李杜，相對唐初的李白，杜甫的大李杜。樂遊 原，喺唐初盛世時，首都長安郊外的一片燈影樓檯，遊樂之地。即喺長安嘅廸士尼樂園。但到唐末李商隱時，兵禍連年，樂遊園早已荒廢，已成廢園。李商隱黃昏跑 到這裡，走上小山，望番落嚟呢個廢墟，心情可想而知。佢個心十二分明白，唐朝實在已經病入膏肓，冇得救㗎喇。
股市、樓市一樣，時候一到，夕陽無限好。
投資港股：鐵江現貨(四) 阿牛
http://hk.myblog.yahoo.com/yomagyomag/article?mid=2786
投資港股：鐵江現貨(四)
Blog友，股代周瑜先生，今晚俾左個留言阿牛，話：
市場消息，俄國礦企鐵江現貨<01029.HK>擬將招股價由原來每股2.2至3元，降至每股1.8元；大股東亦不會配售舊股。
公司原計劃發售13.25億股，當中包括2.55億股舊股。按此計算，集資額由原來最多39.75億元降至19.26億元。
好大獲呀
呢段嘢喺AAstocks今日中午嘅新聞稿。當中最後嗰句喺阿周先生嘅comment，阿牛估佢個『獲』字打錯啫，應該喺『鑊』先至啱。照估計阿周先生意思喺『大乜鑊』 。而唔喺『大收獲』。冇問題，睇得明就得喇。
不過阿牛反而覺得未必喺『鑊』，應該真喺『獲』都未定。
首先鐵江招股，最近嚟計都怕且喺至醜樣嗰隻，大家應該都有聽聞過。咁如果我喺管理層，就橫豎都喺囉，一定用上限訂價，賣到盡，然後good水鬆人。喺有料到嘅，攞左錢，努力做嘢，用行動証明俾大家睇；喺冇料到嘅，呷左水，番俄羅斯慢慢meat。
咁點解要降定價，減街貨，連『先舊後新』配股都放棄埋呢？
答案喺：想炒起佢。
但公司連斗令都冇，咁點炒呢？
即喺話庄家另有其人。
大家話乜人呢，喺咪策略性股東最有可能呀！
阿牛都講過，間嘢啲料咁差，首要條件就喺不能俾佢破發，否則永不超生。要唔破發，就要死頂著；所以HKD1.8就好頂過HKD3.0好多。HKD1.8炒上HKD3.0就喺升60%，如果HKD3.0發行，死頂著HKD3.0就只喺叫做在發行價徘徊，用嘅錢就差不多；但喺你話邊樣好聽啲吖？
我估鐵江同策略股東有『默契』，即喺超額多少，就幾錢出，唔超額又點，好差又點點點……
如果阿牛估啱，在上市前兩日就有人出暗盤價高HKD1.8兩成，即喺兩個一毫半。在大家猶疑之際，一上市就高開兩成半，即喺兩個二毫半，然後死頂住，中午炒上兩個三毫半，下午鬆鬆手，由得佢跌番落兩個一毫半收市。跟著連續幾日，漸漸炒上二個七，等街貨歸邊後凍結在兩個半左近，遲啲搵機會再推高一浸出貨。
如果真喺咁，阿牛個部署將在上市前一天，十三號星期三，先用亂炒基金嘅全部錢，買入893中國鐵鈦。因為十四號一早，鐵江上市如果上升，893多數陪跑，升番二、三個%。咁十四號上市日，近中午先沽晒啲893套現，夾賺佢幾%，有幾多執幾多。跟著下午收市前，三點九，全部錢買入鐵江，大約HKD2.15。跟住等一等，揸幾日，HKD2.6左右賣，賺四毫半子；加埋鐵鈦嘅大約3%，共賺24%。
不過有好幾個情況要注意：
1) 如果暗盤價唔得，就唔入893，寧願放棄3%，等上市再決定玩唔玩。
2) 如果上升唔夠預期咁多，就照買，不過『止賺點，按比例調低』。
3) 如果第一日收市升太多，多過30%，即喺兩個三毫半，就完全唔買，因為怕水位已經唔多，寧願拉倒放棄。
4) 如果買入後麻麻地，唔炒上兩個六，而個市又唔好，就分分斬倉叫停。不理賺蝕。
呢鋪喺咪幾有趣呢。
P.S. 少少修正：只要暗盤價出左，確認高兩成，就可以買893，廢事893炒高左，買貴嘢；唔一定十三號買，早啲都得。
P.S. 2010/10/9 鐵江延期上喎，麻麻地喇，新股嘅氣氛越嚟越差。
投資港股：鐵江現貨(五) 阿牛
http://hk.myblog.yahoo.com/yomagyomag/article?mid=2880
投資港股：鐵江現貨(五)
隻鐵江本來今日星期四上市，而家有變，要從新認購，下星期四先上市。咁多事實，咁多攪作，個樣就似模似樣，似有人『做嘢』。雖然講fundamentals，鐵江就得啖笑，但喺股市唔喺講fundamentals嘅，特別喺短線的時候。
呢幾日嘅新股麻麻地，前兩日上市嘅2266麗悅，同1733永暉焦煤，齊齊插水。永暉比招股價跌9%；麗悅招股價HKD2.2，但第一日收市HKD1.88，即喺低14.5%，喺今年除左873國際泰豐之外，首日跌最多，最難睇嘅一隻新股。
呢隻股票喺035遠東發展分拆出嚟嘅。佢引起阿牛注意喺因為佢又有兩位本地策略性投資者，一位喺四叔李兆基先生，另一位喺鄭裕彤先生，每人入股一億。
在上市之前，嗰一兩日都有消息佢暗盤價低招股價三、四%，其實咁樣對個上市價，已經有啲啟示，但喺又好似冇乜人擔心，可能因為隻股票個profile本來唔差，在香港、大陸、同東南亞有三千幾間酒店房，做遊客生意。呢樣嘢阿牛就覺得有關人士疏忽左啲，凡事都唔應該咁托大，小心啲得㗎！
佢集團其中一間本地酒店就喺麗悅酒店，位處灣仔。阿牛睇過佢個homepage，一間普通房得18平米，喺好細好迫嘅一種房，都要人USD277一日，寬頻加USD20，然後再加一服務費，共HKD2550一日！如果有人住，就真喺都幾好賺㗎。我地平常住嘅酒店，細晒都有30平米一間房，呢個差唔多喺國際默認嘅雙人房標準。18平米，細得好誇張㗎喇，連行李喼都放唔落；麗悅仲勁嘅就喺，15平米『標準房』都有，但價錢阿牛就查唔到。
好喇，第一日，股價自由發揮之下，變左咁樣：
雖然嗰日個市上升二百幾點，結果隻2266都喺低收一成半。跟住到左第二天，報紙都賣埋，話唔喺好靚，咁於是乎引起『各方好友』嘅關注，在第二日大市下跌嘅情況下，逆市炒高7.45%，收市報HKD2.02。所以：輪到隻鐵江，就真喺暗盤唔好低開，否則千祈唔好跟。當然如果暗盤高開，就照原本計劃，買入鐵鈦打頭陣。
好喇，假設真喺低開，其實喺可以考慮撈底，因為各位策略性投資者，仲蝕得金過我地，跌得太低，好多『各方好友』會關注，於是乎股價有機會反彈。
035遠東發展，喺邱氏家族嘅。佢地呢家人嘅慳儉，俾阿牛印象好深。首先喺好耐好耐以前住過佢地嘅長洲華威酒店；都已經一九九幾年代；阿牛第一次見到香港有酒店熄晒燈，熄晒冷氣慳電。
第二，早幾年，阿牛睇過佢地有個樓盤叫清水灣山莊，啲樓喺以『清水樓』形式交吉；人地啲示範單位天花龍鳳嚟呃人，佢個示範單位，就俾間清水樓你睇，成個厠所爛容容，幾乎鋼筋都睇到咁滯，印象深刻。
第三，阿牛睇過一篇專訪，講佢老爺，邱德根先生；佢屋企大廳有一排戲院用嘅『彈摺櫈』，喺拆元朗最後一間戲院時，攞番屋企嘅。阿牛以為老人家念舊，都好正常啫，因為邱老先生喺做戲院起家嘅。點知佢自己話俾記者聽：
『啲櫈唔喺好爛，仲坐得，唔好掉左佢，咪拆返嚟自己坐囉。』
唔記得話俾大家聽，麗悅酒店即喺新華社舊址嗰度，跑馬地墳場在佢後面，唔夠廿呎。
投資港股：鐵江現貨(六) 阿牛
http://hk.myblog.yahoo.com/yomagyomag/article?mid=2902
尋日講隻麗悅上市，佢個模式其實喺好值得我地花多幾分鐘，睇清楚作為鐵江下星期上市嘅借鏡。
我地又睇番佢幅圖。
首先隔夜嘅暗盤價低招股價~4%，即喺HKD2.1左右。咁一開市咪再俾人質低多4%試兩蚊囉。呢度其實有兩樣嘢，第一，真喺千唔著萬唔著，唔應該俾暗盤價插水。第二喺，個股價咁近兩蚊，呢啲整數喺重要心理關口。如果隻股票歷史夠耐，守得好穩，呢啲就喺支持位；但喺而家喺新股，兩蚊就喺阻力位。
結果第一口價開左HKD1.99，跟住都未見過兩蚊。所以鐵江貶值去到HKD1.8，其實喺好事嚟，有腦嘅行為，變左兩蚊個位喺『上破』，唔喺『跌穿』，如果血肉長城守得住兩蚊個位，咁就好穩陣。
講番嗰日隻麗悅，俾人喺咁質，質到中午已經散晒，最差喺上午臨收市，衰到HKD1.76。下午一開市，其實有人嘗試頂住，一路由兩點半買到三點，買番上HKD1.9，大家睇成交量都睇到，嗰半個鐘喺做左好多成交。 HKD1.9條血肉長城整好之後就守住，到臨收市，再不惜代價守住個九嘅關口。
問題喺呢度喇，假設隻鐵江一模一樣，咁我地講左第一日下跌，喺唔追入嘅。到收市跌十幾%，究竟買唔買得過，搏反彈呢？
阿牛建議就唔好制喇，因為如果有料到，第二日喺會強勢出擊，第二日買都未遲。
到左第二日，就要密切留意開市價。第二日如果有人『做嘢』，咁就一定高開；我地第二朝高開先買都未遲。當日高開，一定唔會好多，可能幾分錢，但喺一日流流長，開市做左個靚位之後，有排頂，有排守，所就冇咁快炒上嘅喇；要到臨收市先郁㗎喇。
咁我地仲要睇住佢喺咪守得住開市價，定喺虛火。如果守得住，中午收市前就買貨。
我地又睇下第一日跌9%嘅永暉焦煤。
佢第一日就有啲唔同，佢一開市，跌到HKD3.36，跟住俾人急速買番上HKD3.5，然後守住，喺下午番嚟三點半過後先守唔住，俾人沽到HKD3.38。
佢第二日又喺高開番，然後成日守實，下午就炒上HKD3.6。
所以遇啱上市唔靚嘅，第一日就唔好諗佢，第二朝先睇佢有冇高開，同守唔守得住，先決定買唔買。
假如買左，又幾時賣呢？
到左第三日，兩隻嘢，基本都冇晒力，一隻上升HKD0.02，另一隻跌HKD0.02。所以阿牛建議，到第二日，下午三點四十五分，就合埋眼，冇眼睇出貨。
咁賺幾多呢？
5%至7%。
辛苦一個晏晝，搏一個反彈，薄切一片，喺得咁多喇！ 
投資港股：鐵江現貨(七) 阿牛
http://hk.myblog.yahoo.com/yomagyomag/article?mid=2920
我地今日又睇吓另一隻股票。
呢隻喺遲一日十四號上市嘅956新天綠色能源。公司喺在河北攪天然氣分銷的，兼且攪埋風力發電，喺熱爆嘅環保能源範疇。隻嘢超額就超好多倍，喺今年第四大凍資股票，十分受投資者睇重。之但喺雷聲大雨點小，未上市已經潛水，暗盤價比招股價的HKD2.66低一成，得兩個四；結果上市捱足一日，努力守足一日，以HKD2.64微跌收市。
佢個招股價其實訂得唔錯，HKD2.66。嗰六毫六子，在五毫過少少，下破兩蚊十分困難，就算衰到貼，都喺好似而家咁低開一成；在兩個四呢啲位其實都好難鏟落兩蚊，咁樣容易防守好多。相反，要上破三蚊，就喺13%，唔喺太難，如果上左之後，跌番落嚟嘅機會唔大。
當日下午，佢已經好努力咁盡量想扯高收市，不過都喺差少少，達唔番到招股價HKD2.66。到左第二日，佢都喺高六分錢開市，開二個七；之但喺到下午，佢就波平如鏡，冇左尋日嗰兩隻股票嘅升幅。
所以如果我地好似昨日咁，在第二日中午入左市，到下午，就原全冇升幅，連我地原本鐵板燒嗰一片薄切牛肉都冇埋，淨番塊鐵板。
即喺食白果！
阿牛就建議白果都照食，在第二日收市前了斷左佢，最多蝕使費。如果唔狠下決心，就分分鐘要長揸，即喺中長線投資落隻股票度。我地原本喺冇意圖咁樣做，亦都唔覺得隻嘢喺我地長線投資嘅對象，只不過喺想趁上市時，兵荒馬亂，揾少少著數。
千萬不要搞錯自己意圖。因為有另外一種食物等緊我地：
食薄牛肉定喺食白果，喺個天安排俾我地嘅。
食蕉喺自己攞嚟嘅。
P.S. 阿牛行開幾天，暫時覆唔到大家嘅留言，敬請原諒。
投資港股：鐵江現貨(八) 阿牛
http://hk.myblog.yahoo.com/yomagyomag/article?mid=2927
講左兩日新股上市，講左啲低開守唔到招股價嘅弱勢股。今日講吓高開嘅強勢股。
十三號嗰日有三隻新股又上市，最靚喺580賽晶電子電力。招股價HKD1.76，暗盤高開近兩成，上市首日以HKD2.5收市。當日開市已經有兩個二毫七，跟住一直向上，基本上一直炒上，冇乜點回過，只喺中午稍為定一定，下午再升4%。全日低位喺開市嘅兩個二毫七，最平穩喺中牛十一點半至十二點，守在兩個四毫二，接近成半個鐘。
到左第二日，十四號，小裂口高開五分錢，做HKD2.55，跟住就做左全日高位HKD2.63，接住慢慢回落，全日最低喺十一點嗰陣，做左十分鐘兩個四毫幾，跟住好緩慢同輕微咁上升，上番兩個半樓上，一直到收市。收市喺HKD2.53，叫做守住股價，但喺升幅欠奉，乏善足陳；第二日基本上冇貢獻。
我地如果同嗰兩日恆生指數比對一下，就見到指數都喺『V』字型。楊丞琳都話喺。
中午十一二點最低。所以賽晶股價，基本吻合大市走勢，只不過加多一個上升成份在內而已。
驟眼睇吓，我地想揾個位入市，揾個位出貨，執番一片『薄牛肉』，跟本都好困難。如果細心望落去，第一日開市嗰陣，如果可以衝入去掃貨，喺可以買到兩個四樓下嘅貨。咁樣到第二日收市賣貨，賣兩個五毫三，都有7.5%，算喺有啲執吓。之不過，大家得6分鐘時間！手快有，手慢冇。
如果我地睇吓昨日講隻新天，一樣有咁情況，開市有幾分鐘急速扯高。新天就有14分鐘；大家執生喇。
投資港股：鐵江現貨(九) 阿牛
http://hk.myblog.yahoo.com/yomagyomag/article?mid=2930
讓阿牛歸納一下過去幾天的新股上市策略，來厘定我對鐵江現貨上市的炒賣策略。
首先，亂炒基金已經花了一半買入297中化化肥，所以只剩一半，即喺porfolio嘅2.5%。阿牛亦沒有意圖抽調其他錢加碼。
到下星期三，上市前一天，密切留意暗盤價。如果開紅盤，即喺暗盤價高過HKD1.8，咁就全部錢買入893中國鐵鈦。
前兩天有Blog友問，如果暗盤出得遲，買唔切鐵鈦，咁點好。呢個問題問得好，因為阿牛本身大把鐵鈦股票，自己借俾自己就攪掂，根本唔駛買；只要借幾多，過兩日補反幾多便是。如果閣下冇鐵鈦在手，我贊成睇到暗盤價，喺去馬先至好入鐵鈦；遲遲睇唔到，就寧願放棄左呢第一part算數；唔值得一早買定。
好喇，到上市嗰日，一開市就立即入貨，喺用鐵鈦嘅等值買入；跟住坐喺度睇戲。呢個時候，即喺有鐵鈦，又有鐵江，但喺錢就得一半；如果炒過股票嘅朋友就知道，只要同一日沽出鐵鈦，咁就三日後自動會對數，冇所謂嘅。
隻鐵鈦，就以下午收市前，三點九，賣出就最有可能賺錢。亦即喺話，當日全日唔須要做嘢，行行企企，可以做吓其他嘢唔駛咁緊張。
買左之後就等第二朝一開市，趁佢開高少少，頭嗰十分鐘；最好疊正第八分鐘就立即出貨。賺多賺少就要睇個天錫唔錫我地喇。
如果暗盤跌破底價，咁就坐定定，乜都唔好郁，等上市再算。
上市第一天，亦唔買貨，隔岸觀火；到第二日，一開市小裂口開高，就立即入市。然後到當日下午三點半，不問價沽出；完成整套動作。
有賺嘅，好彩時20%都有可能，唔好彩時，蝕1%至2%亦未可知。
簡單嚟講，就喺用暗盤價高低分開兩種玩法；而兩種都喺睇住個時間做人，唔喺睇股價做人。
咁玩法，喺咪新奇好玩呀？
Next Page