📖 ZKIZ Archives

沙膽虹手記：最佳選擇

1 : GS(14)@2012-07-07 15:58:35

Realforum 呢度做野都是咁，邊個做的就找邊個，唔好樣樣搞到我就得
http://www.sharpdaily.hk/article/news/20120706/109155
《明報》報道梁振英山頂大宅有僭建前兩天，梁振英深夜曾打電話畀《明報》總編輯劉進圖，問《明報》記者是否做緊佢間屋僭建，劉進圖證實之餘，仲問梁可唔可以翌日畀記者入大宅視察，點知大話精假惺惺答應後，翌日即刻拆咗間僭建玻璃屋。劉進圖被梁振英過咗一棟之餘，亦負上通水畀梁的指控。
前日在《蘋果》會議上討論到呢單新聞，董社長突然問沙膽虹，如果梁振英打畀你，你會點？沙膽虹愕咗一愕，話如果個古仔只係做緊，仲未做完，就梗係唔應該講啦；但係如果翌日出街，就應該……沙膽虹本來諗應該都可以嘅，點知董社長即刻就打斷沙膽虹：「咁你就要學啦！你唔應該答佢，叫佢搵番記者。」果然薑越老越辣，沙膽虹明白了，記者做緊單新聞，出街前自然會找特首辦求證，梁振英或特首辦有回應，可直接搵記者，又何須兜大圈找老總呢？若非別有所圖，也是曖昧！不予回應，叫佢搵番記者，絕對是最佳選擇。
沙膽虹
PermaLink: https://articles.zkiz.com/?id=280102

沙膽虹手記：買樓有著數

1 : GS(14)@2012-08-21 14:59:10

度到水就話...
http://www.sharpdaily.hk/article/news/20120821/124833
梁振英出招，宣佈明年開放五千個名額予月入三萬或以下白表家庭免補地價買居屋，居屋率先炒起，連帶公屋、細價私樓統統狂升，不但豪宅、大單位業主享受到經濟繁華加低息環境的成果，就連細價樓、居屋、公屋、板間房等全都齊齊賺錢，總之有樓揸手，無論乜樓，都水漲船高，最慘的仍是無殼蝸牛，一直相信政府會壓低樓價讓他們上車的，就只有繼續望門興嘆！
賣咗公屋的，想轉買居屋；賣咗居屋的，想轉買細價私樓；賣咗私樓細單位的，想買較大單位，享受嚇套房滋味，此乃人之常情，因此這一輪由居屋引發的換樓潮，勢將透過換樓需求會不斷由細單位往上燃燒，慢慢會推動七百呎以上的單位升值，然後是千呎的。
未買樓的仍應否入市？沙膽虹覺得，有能力付三成首期又供得起的，仍應該考慮置業。畢竟低息環境仍起碼會持續多一兩年，其間供樓主要是供本金，即自己供番畀自己，利息只佔小部份，較租樓著數。兩年後可能利息繼續低，又或者自己工作表現好，升職加薪，到時就算加息亦冇有怕。
若然有閒錢在手，想一筆過買樓收租的，就不如買地產股，現在中原樓價指數已破九七年的頂，報一○六，高出當年高峰時的一百，相反大型地產股如新地，距離頂價仍低三成多。須知道買樓最大好處是有貸款，而且利率低至兩釐，即是有平錢去達到槓桿效應；而買股票做孖展，利息則高達八釐，而且隨時被call margin，要做到買樓的槓桿效應絕不可能。
沙膽虹
PermaLink: https://articles.zkiz.com/?id=281130

沙膽虹手記：住宅樓根本冇得炒

1 : GS(14)@2012-08-31 10:37:50

http://www.sharpdaily.hk/article/news/20120831/128882
炒樓人士一般都傾向低調，唔想將自己身家曝光，更唔會公開寸政府，一來財不可露眼，二來唔想稅局開正「快勞」調查有否避稅，但前日卻有位初生之犢炒家，透過中原地產代理，安排記者逐家訪問，大談自己的炒樓經，話自己最近沽出兩個太古城單位，扣除雜費和上繳政府百萬元額外印花稅後，仍賺九十萬，又話三十二歲的他，曾買賣過二十個物業，過去三個月就沽出咗五個，還預計梁振英會出招，樓價明年會跌兩至三成。如此高調的炒家，令沙膽虹十分好奇他甚麼葫蘆賣甚麼藥？而且佢講到炒樓好似好容易賺錢，更令沙膽虹擔心有人信以為真，撲去炒樓而焦頭爛額。事實上，住宅樓根本冇得炒！
照呢位炒家咁講，佢賣出持有一年多的兩個太古城單位，賺了九十萬，至於另外三個單位淨賺多少，他沒有透露，可能也只是數十萬，五個單位加加埋埋市值分分鐘近二千萬，一買一賣的佣金、釐印、貸款利息、管理費、地租、額外印花稅共一百多萬，扣除所有成本才賺一百多萬，可謂天一半地一半，本大利小，收益與風險根本不成正比，已間接證明了額外印花稅實施後，住宅樓已好難短炒。更何況銀行已有正面信貸資料庫，現在根本不可能像過去般在五間不同銀行借五個物業貸款，而互相不申報；若要坦誠申報，同時做五個樓按，即使現時利息低企，亦要有雄厚財力和超高薪金才能獲批，特別是擺明車馬炒樓而非自置的物業，銀行批核更嚴，所以要像這位炒家能同時炒五項物業，又獲銀行貸款，非高薪厚祿或財力雄厚不能做到！咁高調的炒家，想唔俾政府查都難！
沙膽虹
2 : Sunny^_^(11601)@2012-08-31 10:45:14

佢講既野咁似昨日我地講既野...
3 : GS(14)@2012-08-31 10:50:07

他們日日望住那幾個網?
4 : Sunny^_^(11601)@2012-08-31 15:48:16

3樓提及
他們日日望住那幾個網?


我覺得有可能呢.
5 : GS(14)@2012-08-31 15:52:45

其實他們肯定有睇我地
PermaLink: https://articles.zkiz.com/?id=281317

沙膽虹手記：爆破先兆

1 : GS(14)@2012-08-31 10:38:31

http://www.sharpdaily.hk/article/news/20120830/128409
樓市升勢最近有點瘋狂，唐樓、公屋、居屋、私樓紛紛創出新高呎價，一日反價幾次被追價成交的有，幾枱客等業主睇樓收票的有，未坐滿兩年額外印花稅（SSD）監仍然獲利賣出的亦有，跟九七年八、九月間樓市的瘋狂程度不遑多讓。當時要買新樓盤要額外多付百多萬認購費，經紀帶住幾枱客在樓下目及實業主單位有否開燈，一見有光就衝上去畀票，以及經紀大清早等業主出門遊說業主放盤，教人感覺現時樓市真的有點爆破前的瘋狂徵兆！
九七樓市頂峰期間，正值亞洲金融風暴開始之際，泰銖七月首先淪陷，繼而菲律賓披索、印尼盾、南韓圜，但香港樓市仍炒至十月才爆破；與今天歐債危機仍未解決、希臘財政形勢仍然嚴峻之際，呎價不斷創新高，跟九七年八、九月炒到癲十分相似；只是九七期間供樓利率是最優惠利率加二釐半，即高至八釐，而現在供樓利率僅兩釐，等於當年的四分之一，供樓人士負擔能力大大增加，對樓價有支持作用。
話雖如此，若樓價繼續不理性不健康狂升，即使利率處低水平，亦會有負擔不來的一天，更何況利率不可能一直這麼低，即使兩年內不飆，三、五年內亦一定狂升，利率低企越久，將來狂升並停留在高位的時間就會越久，樓價始終敵不過地心吸力而回落！這點是肯定的。沙膽虹認為有實力有住屋需要的仍可置業，但千萬不要因為見到個市急升按捺不住而入市炒樓。
政府想壓抑樓市炒風，推出額外印花稅，對持有物業不足兩年的人士，徵收百分之五至十五額外印花稅，怎知又好心做壞事，除了令炒家難賺錢之外，亦令市場盤源大幅減少，令心慌慌的置業用家要搶貴樓！如果唔係有呢個額外印花稅，炒家賺百分之十就會出貨，現在沒百分之十五至二十都打唔平正常釐印、佣金和額外印花稅，盤源自然少，樓價怎不乾升？
沙膽虹
PermaLink: https://articles.zkiz.com/?id=281318

沙膽虹手記：守住證券市場的一國兩制

1 : GS(14)@2012-08-31 10:38:58

http://www.sharpdaily.hk/article/news/20120829/127971
港交所才剛批准業務聲稱涉及國家機密而不能充份披露資料的中國高精密（591）復牌不久，該公司又馬上被證監會勒令停牌，生死未卜，最苦的就是股民，他們以為港交所的裁決就是最後決定而放心入市，結果馬上被綁，真的冤枉。沙膽虹希望，在證監會港交所高層換班的同時，亦應盡快釐清上市公司監管權力誰屬，以免兩兄弟因角色不同而各有標準，令投資者無所適從。
沙膽虹並非贊成中國高精密可以打著國家機密的旗號，凌駕於透明度和資料充足披露。如果真的涉及不能公開的國家機密，最好乾脆不要來港上市，要集資就問中國政府集，又或者去其他市場上市。或許去紐約上市都可行，曼聯計劃發行A、B股在香港上市，大股東打算透過持有面值小、投票權高的B股就可控制球隊，而主力出售A股集資，但香港已經唔准再用A、B股上市，曼聯最後成功在紐約上到市。中國高精密或許可以一試。但香港股市為免作為米奇老鼠樂園，就真係要揸正嚟做，連國際核數師都發覺有業務無法核數而保留意見的，投資者保障何在呢？
另一間總部設在北京的標準水務，○九年籌備在香港上市，最後連保薦人和核數師都辭職，上市擱置，市場譁然。由於申請上市要入Form A1，一干人等全部要簽生死狀，即使上唔到市證監都有權追查。核數師要求以國家機密為由唔肯向證監交出文件，證監會前天決定狀告安永。高透明度和充份披露資料是香港證券市場的基石，香港一定要守住。可幸香港證券市場還是有一國兩制的！
沙膽虹
PermaLink: https://articles.zkiz.com/?id=281319

沙膽虹手記昨日一篇又講樓

1 : GS(14)@2012-09-04 09:48:27

http://hk.apple.nextmedia.com/news/art/20120903/18006872
認識一位朋友，他二○○○年以四百萬元買入了一個住宅單位，最近賣出，賺了四百萬。為何要賣？是否認為樓市見頂？他的想法是不管樓市是否見頂，他拿住賺得的四百萬，租住一個相若的單位，每年租金三十萬，夠他租十三年。何況他拿著這筆錢，再加上原來的本金二百多萬，投資在盈富基金，每年收股息亦差不多二十萬，夠交三分之二租金。他有信心呢世唔憂住，寧願揸住現金勝過揸住層樓，彈性較大！
亦認識一位三十出頭的年青伙子，他才剛入市，以三百萬買了一層四百呎的單位，付一百二十萬首期，向銀行借一百八十萬。以現時年息兩釐計，每月供利息三千元，其餘供款都是供本，即係供番畀自己，而該單位月租要九千。他的如意算盤是每月起碼慳番六千元，唔係幫別人供樓，自己供番畀自己，條氣順啲！
有人辭官歸故里，有人漏夜趕科場，誰對誰錯？沙膽虹覺得，這難言對錯，畢竟買樓是一個投資決定，除了涉及對後市睇法，亦要視乎自己的狀況和對生活質素的要求。步入中年打穩陣波亦無可厚非，後生仔正值當打年紀，薪金跑贏通脹，即使高價入市買樓，亦唔愁供唔起！
（後記：Ipsos公佈去年十月至今年六月報紙讀者人數調查，不計網絡及手機閱讀人數，收費報紙中，《蘋果》名列第一，而免費報紙之中，《爽報》則屈居亞軍。）
沙膽虹
2 : Sunny^_^(11601)@2012-09-04 11:31:24

第一位既人兄,唔知佢仲有冇做野.

但係咁租樓法再+埋冇工作收入好易坐食山bong.

佢有幾百萬既cash收息,但係生活$呢??一個正常既中產(住開800萬既樓應該都唔只中產)應該每個月使7000-10000到.仲未計去旅行...

PS:湯兄既生活方式當然唔使擔憂...
PermaLink: https://articles.zkiz.com/?id=281374

沙膽虹手記：投資者自求多福 沙膽虹

1 : GS(14)@2012-09-20 23:53:52

http://www.sharpdaily.hk/article/news/20120920/136046
無論聯儲局主席伯南克在關鍵時候推出QE 3，是為挽救疲弱的美國經濟也好，或是為總統奧巴馬連任做勢兼保住自己份工也好，總之他已開始每月最多買四百億美元按揭債券，並表示美國超低息利率會維持至二○一五年，即係還有三年！無論與美元掛鈎的香港是否喜歡這輪QE 3，伯南克亦不會理會，更加不會先問財爺曾俊華和金管局陳德霖，反正是香港喜歡跟美元掛鈎，又不是美國逼你咁做！無論政府怎樣大叫投資者小心、評論員是怎樣批評QE 3無用，超低息利率維持多至少三年，對廣大供樓人士肯定是喜訊，約兩釐的按揭貸款利率加極有限，揸住樓的業主不會急賣、付得起首期的又想買，在賣少買多的推動下，樓價近日就連番破頂！
港元與美元掛鈎，將金融決策權拱手讓予美國，美國要救經濟、奧巴馬要連任、伯南克要續約，他們絕對不會理香港資產價格會否炒到爆。這次宣佈每月四百億美元的無限期的QE 3，可以買多久就買多久，沒有訂下失業率回軟到多少就停的指標，香港隨時炒到癲。有樓在手要不要賣，未上車是否要上車？現在沒有人敢答，全賴個人承受能力和運氣。升得高的終於都會低墮，資產價格始終會下跌，泡沫必會爆破，但摸頂永遠最困難，沒有人知道頂峰在那裡，直至見頂後大跌才知道！目前樓價天天創新高絕不正常，但不正常的狀況可以維持一段時間，問題是多久而已！香港經過這次繁榮之後，可能有排衰，若然美國經濟見底復甦，美國瘋狂關水喉，美國亦唔會理得香港人死活，到時資產價格可能跌到七個一皮。投資者或置業人士惟有自求多福。
PermaLink: https://articles.zkiz.com/?id=281553

沙膽虹手記：探完朋友想食填鴨

1 : GS(14)@2012-09-20 23:54:25

http://www.sharpdaily.hk/article/news/20120917/134648
中秋佳節臨近，沙膽虹拿著禮籃去探望東尼。東尼為《壹週刊》寫〈天下第一倉〉十多年，直至兩年前不幸中風才停寫，與沙膽虹亦師亦友。
他中風後右邊身行動不便，需靠輪椅代步，但他左手仍然有力，甫見到面，他離遠便伸出左手，沙膽虹用力握住，見他臉上笑容，心也安定下來，知道他雖然無法行動自如，不能開懷大吃大喝，但仍生命力強，活得開心。
東尼太太Jenny亦驚訝他如此能接受自己的現狀。「佢EQ真係好高，雖然咁嘅狀態，都從來唔會
2 : 鉛筆小生(8153)@2012-09-21 18:48:31

東尼是我很喜歡的一個人, 縱使5,941,2628失利
3 : GS(14)@2012-09-22 10:54:18

2樓提及
東尼是我很喜歡的一個人, 縱使5,941,2628失利


我都幾like佢，特別是睇過佢經歷之後
4 : 鉛筆小生(8153)@2012-09-22 10:56:32

3樓提及
2樓提及
東尼是我很喜歡的一個人, 縱使5,941,2628失利

我都幾like佢，特別是睇過佢經歷之後


其實佢係好叻

同埋比較穩重
5 : GS(14)@2012-09-22 10:58:16

4樓提及
3樓提及
2樓提及
東尼是我很喜歡的一個人, 縱使5,941,2628失利

我都幾like佢，特別是睇過佢經歷之後

其實佢係好叻
同埋比較穩重


我覺得他選股好似好簡單，但想通後其實真是好準
6 : 鉛筆小生(8153)@2012-09-22 11:03:15

5樓提及
4樓提及
3樓提及
2樓提及
東尼是我很喜歡的一個人, 縱使5,941,2628失利

我都幾like佢，特別是睇過佢經歷之後

其實佢係好叻
同埋比較穩重

我覺得他選股好似好簡單，但想通後其實真是好準

根本不用想太多
7 : GS(14)@2012-09-22 11:04:54

他那種是好簡單，但一定發達
8 : 鉛筆小生(8153)@2012-09-22 11:05:42

7樓提及
他那種是好簡單，但一定發達


佢發左啦
9 : GS(14)@2012-09-22 11:26:42

8樓提及
7樓提及
他那種是好簡單，但一定發達

佢發左啦


佢發達唔一定關於價投嘛
10 : provleng(11142)@2012-10-04 16:42:03

我覺得佢只係睇住十隻,八隻股,但全部都睇得好深入,好通透.投資無可能次次準,但買/賣都寫得出整篇文章來解釋,而且持之以恒,希望佢生活愉快!smileysmiley
11 : 多啦(32995)@2012-10-04 17:41:23

RESPECT 呢位猛人~ 有時搵錢之餘都要享受下就真~~
12 : GS(14)@2012-10-04 22:14:27

10樓提及
我覺得佢只係睇住十隻,八隻股,但全部都睇得好深入,好通透.投資無可能次次準,但買/賣都寫得出整篇文章來解釋,而且持之以恒,希望佢生活愉快!smileysmiley


至少好過Issar
13 : GS(14)@2012-10-04 22:14:42

11樓提及
RESPECT 呢位猛人~ 有時搵錢之餘都要享受下就真~~


他享受過，但今次他第2次中風
PermaLink: https://articles.zkiz.com/?id=281554

沙膽虹手記：讓他們炒吧

1 : GS(14)@2012-11-07 01:03:26

http://hk.apple.nextmedia.com/news/art/20121106/18058999
車位價格上升，不少人歸咎是政府出辣招打擊住宅樓，令資金轉戰車位商舖，這或許是其中原因，但更重要的是投資車位回報率高和麻煩較少。《蘋果》昨天報道有投資者斥資逾二千萬一口氣掃入北角威景台四十八個車位收租，回報率五厘，即使扣除管理費、差餉，實際回報亦有近四厘，遠勝於放在銀行幾乎沒有利息。美國聯儲局講明二○一五年前不加息，這是香港人將過去十多年來巨額儲蓄投入資產市場的重要原因。而車位現時回報仍高，投資較不麻煩，不用像投資住宅樓般數年就要「化妝」維修，還不時被租客投訴東壞西壞要馬上處理，即使轉租客較頻，亦不用帶客睇樓，對怕麻煩的投資者是較佳選擇。
政府一直以來的錯誤政策，自以為鐵路沿線上蓋屋苑就不需要那麼多車位，從開始規劃時車位比例就嚴重不足，則是導致車位租金飆升的罪魁禍首。鐵路沿線的上蓋物業升值最快，業主財富驟增，自然想擁有一部私家車，增加家庭活動空間，甚至夫婦各一部，令鐵路上蓋物業對車位需求更殷切，價格怎會不貴？就連西九豪宅群中的凱旋門，單位價格以千萬起，車位亦比例只約四成，乾柴烈火，怎會不炒？要炒，讓他們炒吧！
沙膽虹
PermaLink: https://articles.zkiz.com/?id=281884

沙膽虹手記： 爽組合一版變兩版

1 : GS(14)@2012-12-22 13:46:01

http://hk.apple.nextmedia.com/news/art/20121220/18107792
跟何車午膳，一貫的在十二時至一時休市時段，今次也不例外。一碗螺頭湯、兩碟點心、一碗瑤柱蛋白炒飯，清淡簡單，談談來年的爽組合安排。
「明年爽組合諗住大搞，搵咗沈振盈、張士佳、邱古奇、周顯、錢雋，再加埋你同我，再搵多兩個讀者開倉，砌夠九個，開足兩版，每季結算一次，每月淘汰一個。」沙膽虹說。
何車聽見，馬上耍手擰頭，堅持自己唔玩住，起碼停一季再說。但他拍手贊成爽組合大搞，一版變兩版。「一季結算一次較好，家一年太長，到最後都在拉布。最好容許一成資金買認股證，較刺激之餘，亦有得追。即使你大幅領先，如果可以買認股證，上個月將一成資金買落思捷供股權，分分鐘幾個開。」何車講到炒股票，永恒的眉飛色舞。
「洗版亦好睇，可以加強，彈讚皆可，總之要夠抵死。沙膽虹寫乜未必有人想睇，但觀眾點睇沙膽虹組合，例如俾沙膽虹介紹隻股票累死，就有興趣。」何車續說。
快一點開市，伙記遞上單來，合共四百七十，沙膽虹搶住想付錢，何車一句：「我主場。」就付了。
沙膽虹
2 : wilsonchui(9055)@2012-12-22 13:51:48

仆街啦張劍虹內幕交易冠軍
3 : qt(2571)@2012-12-22 13:57:43

哈哈！！！
PermaLink: https://articles.zkiz.com/?id=282057
Next Page
ZKIZ Archives @ 2019