學友歌迷帶隊掃40張飛
1 :
GS(14)@2016-10-15 12:12:21張學友 資料圖片
張學友12月香港演唱會再度加場，昨日開售12月31至1月2日的加場門票，銷情放緩。昨日尖沙嘴通利琴行外有近百人排隊，早上10時開始派籌，11時35分已有70人入內買飛，之後職員貼告示指所有價格只餘單人位。謝先生十分氣憤：「排咗個半鐘買唔到，得番單人位，梗係失望，原本諗住乜價錢有就買。」首批買飛人士是由一位後生仔帶領的南亞裔人士，他不肯透露姓名：「排咗近10日隊，今次籌集咗40張貴飛會自用，好鍾意學友，打算睇晒23場，有一、兩場買唔到。」並表示很喜歡《李香蘭》、《餓狼傳說》等歌。採訪：卓寶花攝影：陳俊強
來源:
http://hk.apple.nextmedia.com/entertainment/art/20161015/19801093
演唱會開鑼 粉絲示愛學友踢死兔 紅館勁舞
1 :
GS(14)@2016-12-06 03:56:09■張學友昨晚在歌迷的尖叫聲中，為演唱會揭開序幕。
現年55歲的張學友昨晚在紅館為23場「A Classic Tour世界巡迴演唱會」香港站揭開序幕，除了好友鍾鎮濤、杜德偉、梁家輝帶同妻女外，還有那英、學友的契爺胡楓、曾華倩及田北俊夫婦等撐場。身穿黑色踢死兔、戴禮服帽的學友於8時15分準時開騷，今次舞台開四面台，他由兩層的舞台中間升上台，打頭陣唱了經典歌《我與你》及《非常夏日》，與黑白配造型的舞蹈員載歌載舞。
走近觀眾堆
之後，學友換上黑色皮褸及皮褲再唱《今晚要盡情》，同時有噴紙效果。他邊唱邊行近觀眾握手，之後再返上舞台中央，在巨型紙船旁唱歌。其後轉過場景，學友在大床道具和沙發旁唱《這麼近那麼遠》，他在短時間內換上多個造型，更緊貼「睡衣」的時尚熱，穿上如晨褸造型的金色長褸唱《愛火花》。
■舞台設計華麗，學友從台中升起與舞蹈員又唱又跳。
■學友準時開騷，田北俊（左）仍在排隊入場。
■鍾鎮濤和杜德偉現身捧場，一見面即握手打招呼。
■學友昨午紮起小辮子，在紅館外進行拜神切燒豬儀式。
風騷食燒豬
此外，在開騷前大約下午5時許，學友與團隊在紅館進行拜神儀式，頭頂紮起小辮子的他精神奕奕，身穿黑色風衣及運動褲誠心化寶、上香及切燒豬，更邊食燒豬，邊行去圍觀的粉絲揮手、舉V及豎起手指公，而粉絲亦向他說「I love you」回禮，氹得學友笑到瞇眼。場外有不少販賣紀念品的攤位，例如衞衣、Tote Bag、證件套、文件夾、保溫壺、CD同黑膠唱片等，當中黑膠唱片與衞衣最貴，售價350元。採訪：王連連攝影：葉君海、陳順禎
來源:
http://hk.apple.nextmedia.com/entertainment/art/20161205/19854989
闊別5年紅館再開嘉年華學友返主場：腳都震埋
1 :
GS(14)@2016-12-07 07:41:10■學友的23場香港站巡唱前晚假紅館開鑼，返到主場的他大唱經典廣東歌，跟舞蹈員載歌載舞，氣氛high爆。
現年55歲的歌神張學友闊別紅館5年，前晚再踏足自己的主場香港開騷，為23場的跨年演唱會揭開序幕，寶刀未老的學友狀態大好，唱出多首經典廣東歌，勾起全場觀眾集體回憶，縱橫樂壇32年的他揚言不能丟架，高呼：「終於返到嚟我主場，腳都震！」
張學友於6年前舉行「張學友1/2世紀世界巡迴演唱會」，橫跨兩年唱足146場，創下12個月內觀眾總數超過204萬人次，打破健力士世界紀錄大全。相隔5年，學友前晚再踏主場香港舉行「A CLASSIC TOUR學友．經典世界巡迴演唱會」，之前公開售票火速沽清，一票難求，門票更被炒貴8倍賣8,874元。
■學友花盡心思製作個唱，連舞台設計都參與構思，煙花效果目不暇給。
■學友演唱會加入嘉年華元素，一班小丑圍着他出場。
■55歲的學友寶刀未老，唱足三粒鐘才完騷。
大合唱High爆
學友前晚一口氣唱出多首廣東hit歌，他說：「大家好嘛，終於返到嚟我主場！歡迎嚟到經典之旅，之前唱幾多場都好，返到嚟腳都震！唔可以喺鄉親父老面前失威，有啲係外來人，我失威嘅，丟你哋架都唔開心，我會畀心機！」接着學友解釋甚麼叫經典演唱會，笑說：「有你哋喺度，已經係經典。朋友話唱多啲經典歌，但我計過有6、70首，唱到聽朝，雖然我知你哋想，但我50幾歲，體力頂唔順喇！」多年沒開四面台個唱的他，興奮跟觀眾打招呼：「山頂嘅朋友你哋好嘛！廿幾年冇講過喇！」55歲的學友全晚又唱又跳，唱《頭髮亂了》時風騷扭腰，唱《祝褔》時更化身鬥牛勇士舞白布，從後擁着女dancer，到演繹《忘記他》時，眾女dancer着火紅deep V襯黑絲性感伴舞，encore時學友唱出連串金曲，觀眾大合唱令紅館變K場，氣氛high爆。
■返香港開騷的學友，笑言在主場腳震，一定盡力演出，不可以丟架。
■學友受訪時表示前晚演出給自己80分。
■已為人父的學友，與女舞蹈員跳舞都是點到即止。
逼羅美薇睇騷
完騷後學友接受訪問，對於開心返主場開騷，他說：「明顯講嘢時大家反應多啲，都感動嘅。如果喺內地唱國語歌，觀眾就會跟住唱，喺香港就相反。」他給自己演出80分：「自己有啲緊張，因為之前做咗十幾場，就算有啲緊張、甩漏都OK嘅，有啲細微嘅位要執吓。」至於今次騷換了多套戰衣，目不暇給，他說：「個台好靚，其實係我諗嘅。」問到製作費用了多少錢？學友說：「成個tour好長，會成個台搬去，真係唔知幾多錢。多好謝主辦單位放晒手畀我去做，所有我講嘅嘢，除非技術上做唔到，其他嘢都做到晒。」記者笑問製作費巨大，是否要減歌酬？學友笑說：「冇，係多過之前，多好多㗎。」屋企人有否捧場？學友說：「媽咪嚟咗，小朋友因為要返學就冇嚟。」老婆羅美薇呢？他笑說：「佢都會嚟睇，當然係我逼佢嚟睇啦。」採訪：王連連攝影：陳順禎、葉君海
演唱會曲目
1.《我與你》2.《非常夏日》3.《今晚要盡情》4.《慢慢》5.《離人》6.《這麼近（那麼遠）》7.《怎麼捨得你》8.《愛火花》9.《忘記他》10.《我真的受傷了》11.《頭髮亂了》12.《和好不如初》13.《時間有淚》14.《寂寞的男人》15.《野貓之戀》16.《餓狼傳說》17.《如果這都不算愛》18.《我醒著做夢》19.《不經不覺》20.《春風秋雨》21.《妳的名字我的姓氏》22.《愛是之恆》23.《祝褔》
Encore（Medley）：24.《用餘生去愛》25.《給朋友》26.《心如刀割》27.《離開以後》28.《一千個傷心的理由》29.《只想一生跟你走》30.《我等到花兒也謝了》31.《吻別》32.《每天愛你多一些》33.《李香蘭》34.《Amour》35.《情已逝》36.《如果．愛》
來源:
http://hk.apple.nextmedia.com/entertainment/art/20161206/19856155
梁振英夫婦睇學友騷唱完即閃驚啲咩？
1 :
GS(14)@2017-01-02 01:05:43■梁振英與太太唐青儀睇學友演唱會，散場時即急急閃人。梁栢堅fb圖片
歌神張學友呢排喺紅館舉行演唱會，鍾楚紅、葉德嫻、吳婉芳、劉嘉玲、陳奕迅、楊千嬅同老公丁子高、張家輝同關詠荷夫婦、任達華、胡楓、何超蓮、何超雲、容祖兒、蔡卓妍、劉美君、吳業坤、周麗淇……排隊朝聖嘅藝人，幾隻手都數唔晒！然而，大前晚觀眾席上卻出現咗一對夫婦，搞到網友㷫爆群起改歌詞唱。事緣音樂人梁栢堅喺facebook貼咗特首梁振英夫婦現身紅館、兩人坐喺控制台下面嘅VIP位睇騷，梁栢堅仲藉住學友嘅歌曲諧音寸爆689兩公婆：「噚晚張學友：還是覺得你老母、每天插你多一些、愛摸蝦...餓狼傳說！」佢班網友亦熱烈留言：「時運低呀你。」、「我都睇咗噚晚嗰場，唱完佢即閃人。」、「搞乜咁慘時運低撞到污糟嘢！」無論係梁栢堅定佢啲追隨者，一向都有個習慣，就係每次出事都鍾意改歌詞，今次又點會例外先？睇相都㷫爆嘅網友，紛紛加入改歌詞行列發洩：「怎麼你新聞表現X了，髮型又亂了，彷彿見曉明被換了，一覺知、心裡知不妙，這晚你去過那裡吧，與上海幫靜靜談著舊調。」、「狼在叫，獸與妖，面似坦率心在笑，雙手搶，尾巴搖，競向中央比折腰。」、「餓狼傳說，直頭唔使改詞。」梁栢堅前日接受《蘋果》電話訪問，佢話呢張相係朋友影嘅：「2016年走咗咁多人，咁見到嘅人都要珍惜吓，可能呢，唔知幾時會唔見啦，呢啲嘢，下話！」梁栢堅仲忍唔住出手改歌詞潤爆689：「即使你離開，有葉劉下海，這漫長夜裏，林鄭仲有鬼胎......」
來源:
http://hk.apple.nextmedia.com/entertainment/art/20170101/19883393
Miki胎教睇學友騷
1 :
GS(14)@2017-01-05 08:01:12歌神張學友昨晚在紅館舉行尾場演唱會，前日元旦，安胎中的楊愛瑾（Miki）出動朝聖，她去年4月嫁給永安太子爺郭永淳，同年11月宣佈有喜，估計Miki現懷胎約5個月。
Miki趁完騷，不忘入後台找學友集郵，她昨在Instagram貼相：「2017年第一天過得好開心。」記者昨問Miki是否讓腹中BB聽學友的歌胎教，Miki短訊回覆：「聽歌神唱歌。」相中的Miki仍然臉尖尖，穿上鬆身外套。Miki昨日懶床，卻被愛犬Toffee站在床邊投訴，她忍不住說：「我知我真係瞓太多，但係我肚裏面嗰位小朋友想我多休息嘛，你等等我，好快會同你玩㗎喇！」Toffee索性將行動升級跳上Miki床抗議。採訪：劉敏
來源:
http://hk.apple.nextmedia.com/entertainment/art/20170103/19884454
23場個唱結束不捨山頂歌迷學友感慨：再開都62歲
1 :
GS(14)@2017-01-05 08:07:15■學友前晚完成23場騷，更籌到60萬善款捐「快樂港仁」助長者睇中醫。
歌神張學友於紅館舉行的23場「A Classic Tour世界巡迴演唱會2016」前晚落幕，吸引楊千嬅夫婦、舒淇、梁詠琪、林嘉欣、譚詠麟等朝聖，學友在台上依依不捨：「四面台係一樣好經典嘅嘢，特別係『山頂嘅朋友你哋好』，呢句說話係香港人先會有反應，其他地方觀眾係冇反應。」
■楊千嬅孖老公再睇學友演唱會，握手時笑到四萬咁口。
■梁詠琪陪完大肚婆楊采妮後，返港即到紅館看學友尾場騷。
■學友舉行尾場騷，吸引了舒淇和譚詠麟等朝聖。
■學友被讚個唱水準高，對其他歌手造成壓力。
「返香港做好緊張」
完騷後學友在後台舉杯慶祝，瘦了很多的他說：「好多人問我點解要辛苦自己，其實自己想做好啲，所以就算辛苦都係開心嘅，證實我又真係做到，已經過咗半百，再唔做都做唔到。每次返嚟香港做都好緊張，?家鬆咗一口氣，之前喉嚨有少少發炎，仲要食消炎藥。」 前晚送畫環節揀了一家三口觀眾，當時學友跟女孩說：「多啲時間陪父母，唔好激佢哋。」問到是否經常被囡囡激？學友睩大眼說：「佢哋好錫我，錫到我不得了。」他坦言太太羅美薇看了兩場，囡囡就看了三場。
「做騷係同自己比」
問到以後還會開演唱會嗎？學友說：「今次同自己講要做得最好，因為人係會衰退，體力會減，兩年後完咗巡迴都57歲，等多五年再開都已經62，到時大家見到我跳，都唔想我咁辛苦。」至於今次香港站獲眾星朝聖，陳奕迅、鄭秀文、容祖兒等都讚好睇，有指學友對其他歌手造成壓力，將演唱會的底線拉得太高，學友坦言：「做騷係同自己比較，而唔係互相比較。」對於有網民將他的騷和王菲騷比較，指王菲走音，學友說：「咁比較唔係太公平，佢唱得一場，得就得，冇得操，我有咁多場就可以調整嘅。」採訪：馬建華 攝影：仇志德
來源:
http://hk.apple.nextmedia.com/entertainment/art/20170104/19885354
李幸倪翻唱學友金曲
1 :
GS(14)@2017-01-07 00:29:07李幸倪（Gin Lee）早年以張學友的歌曲參加過比賽，今趟她重新演繹學友的經典金曲《天變地變情不變》，編曲加入現代化的感覺，以女性角度出發，有別於學友的唱腔。她說：「聽到咁簡單嘅旋律，加上實而不華嘅詞，極具感染力，更加係現今流行歌曲少見，我好榮幸可以翻唱呢首歌。」而原曲由盧冠廷作曲、太太唐書琛填詞，兩人在聽過Gin Lee的版本後，盧冠廷的評語：「我好少讚人唱歌好聽，但Gin Lee絕對可以做得到。Excellent！Good job！」唐書琛表示聽起來好舒服，感覺好溫柔。撰文：李森
來源:
http://hk.apple.nextmedia.com/entertainment/art/20170106/19887606
學友唔玩《歌手》怕計算
1 :
GS(14)@2017-04-12 22:42:37■張學友拒絕參加內地歌唱比賽節目，他坦言過不到自己那一關。微博圖片
張學友曾多次拒絕參加內地《我是歌手》節目，前年他接受商台訪問的短片被翻抄，被問到會否參加節目？他霸氣說：「我唔會，我唔係反對嗰啲節目，只係過唔到自己嗰關，我已經比（賽）咗一世，一路咁比都好攰，近呢十年我覺得幾自在，而且我唔需要去比啦！」學友坦言好佩服參賽歌手：「大佬，嗰啲評判都唔知識唔識嘅，老實講，我係歌手嚟，我唱歌，仲要俾你去講，咁你究竟知唔知我做緊乜嘢呢？先講嗰啲評判，有時聽得耐想瞓覺㖭，咁如果你突然間嘈一嘈佢：『好嘢呀！』佢可能咁樣揀你都未定，如果要比賽就要計算，呢樣我唔係好鍾意，唱歌太多計算唔好！」撰文：皓騫
來源:
http://hk.apple.nextmedia.com/entertainment/art/20170411/19986259
Next Page