ZKIZ Archives


【進階教學】Pokémon GO八大秘訣 懶人孵蛋靠狗狗

1 : GS(14)@2016-07-17 15:41:39

Pokémon GO熱潮殺到香港,有不少港人已越牆美國下載,近日不斷有消息指今個星期將登陸亞洲,即係隨時有得玩。玩Pokémon GO的其中一大樂趣,便是向朋友炫耀你儲了多少隻寵物小精靈,不想來來去去都使用跟隨角色的小火龍,便要留意以下八大秘訣!秘訣一:短時間去最多地方想捕捉多啲精靈,用最短時間去最多地方一定有着數。坐電車係唔錯選擇,因為電車行得夠慢,坐喺車度都捉到,慳番唔少腳骨力。踩單車、踩滑板都得,但當然要先注意安全啦。玩得夠癲嘅,仲可以約埋一齊租架車,當正追星咁去捉精靈。秘訣二:頻頻光顧PokéStops大家要去多啲PokéStops,因為呢度可以拎到精靈球同精靈蛋做獎勵。香港有度好,就係PokéStops比較密集,搭一程巴士都可以經過唔少PokéStops。秘訣三:懶人孵蛋法要孵隻精靈蛋,又唔想行幾km,懶人梗係有方法,只要將部手機綁喺你隻狗狗度,等佢自己來回走,一樣可以呃「里數」!網上亦流傳唔少奇怪方法,試唔試就自己諗吓。秘訣四:建立消息群組同friend一齊玩Pokémon GO有兩個好處,一來冇咁悶,二來可以分頭行動,或者建立群組,搵到精靈之後再互通消息,咁就事半功倍啦。秘訣五:航拍精靈匿埋喺窿罅位?唔使驚。天外飛仙咪得囉,出動到航拍裝置,精靈捐去邊都走唔出你手指罅。秘訣六:練習掟球技巧前面講幾多都假,唔識掟精靈球,一樣捉唔到精靈。按實個精靈球,等到綠色圈變細,捉到精靈機率會增加,但就難啲掟中。另外,又可以掟出旋轉球,掟中可以攞到多啲經驗值。正所謂熟能生巧,平時可以玩射籃球game練習吓。  秘訣七:完善配備裝置工欲善其事,必先利其器,玩Pokemon Go咁食電,尿袋梗係不能缺少。隻game玩一粒鐘大概用50mb,有無限上網plan或者用wifi就比較有so。秘訣八:課金講到尾,隻game都係鬥錢多。你畀到起錢,可以買高級版嘅精靈球,藥水、香薰等一大堆輔助物品,大前提係你都要有番咁上下level。





來源: http://hk.apple.nextmedia.com/entertainment/art/20160716/19697326
PermaLink: https://articles.zkiz.com/?id=303964

百厭B倒狗餅落馬桶天真笑當無事打救靠狗狗

1 : GS(14)@2016-10-11 08:11:48

英國一隻「百厭星」日前將一大包狗糧全部倒進馬桶內後,竟自豪坦承狀舉扮無事,可愛得連讓母親都不忍出言苛責,但結果就苦了父親,還有狗狗!該名母親日前在網上分享片段,可見馬桶內竟浮滿無數啡色圓狀的狗餅,還穿着尿片、一頭金髮的布萊克(Blake)站在座廁旁,揮舞着一把地拖,似在苦惱如何解決「蘇州屎」。母親問布萊克是否他搞鬼時,他語氣自豪地應「是」。布萊克似是要證明這是自己的狀舉,他轉過頭便放下地拖,再舉起狗糧袋倒向馬桶,不過裏面已空空如也。母親見狀亦感無言:「我們要怎樣清理它們?」布萊克頓時懊惱地望向母親「噢、噢」叫,又俯身撐在馬桶上望向狗糧,似是才明白自己做錯事。片刻,布萊克便想出好計策,掩上廁所蓋「掩耳盜鈴」。母親亦無眼睇,同意掩上廁所蓋,「我不想執手尾,爸爸一會會想辦法清理」。此時狗狗走進洗手間前,看到心愛的狗糧被倒進馬桶,不願浪費吃了幾口。母子倆對能置身事外,有爸爸與狗狗幫忙清理,不禁相視而笑。英國《每日郵報》




來源: http://hk.apple.nextmedia.com/international/art/20161011/19797511
PermaLink: https://articles.zkiz.com/?id=311527

前首相吉田茂曾到訪 靠狗破冰

1 : GS(14)@2016-12-27 12:31:53

安倍訪珍珠港的消息月初傳出時,曾被誤為首個在任日揆訪當地。其實前首相吉田茂早在二戰日本戰敗後六年已親往致意,而且靠一條狗破冰完成任務。在二戰後做過七年多首相的吉田,於1951年9月往美國加州三藩市簽署《舊金山和約》;也許被這件歷史大事的影響蓋過,他回國途中低調訪珍珠港的事沒太多人記得。吉田當日穿白西裝拿着手杖,走入窗外就是珍珠港的美軍太平洋艦隊辦公室,看來有點繃緊。時任艦隊指揮官拉德福德在回憶錄說,他睡在辦公桌前的蘇格蘭嗲利犬,適時懶洋洋地起身,踱到吉田身邊聞聞嗅嗅打招呼,讓愛狗的吉田立時放鬆,用流利英語打開話匣子。「我們聊起來,幾乎一直在談狗。」多年後吉田向拉德福德太太坦言當時心情複雜,到過港口後頗感難堪,很慶幸狗兒破冰幫了他一把。其實吉田那次赴美中途亦到過夏威夷,惟當時和約未簽,技術上仍是「敵人」的吉田,被勸勿離酒店,但他堅持去給陣亡將士墓園獻花。美聯社




來源: http://hk.apple.nextmedia.com/international/art/20161227/19878039
PermaLink: https://articles.zkiz.com/?id=320168

Next Page

ZKIZ Archives @ 2019