📖 ZKIZ Archives

【馮仁昭四圍超】杜如風唔敗家養阿媽

1 : GS(14)@2016-11-16 05:47:56

互聯網圖片





杜如風出名癲喪爛玩，使錢從來唔手軟，但自從爸爸杜惠東病逝後，「敗家」性格逐漸收斂，而且經常喺節目中提到媽咪，講明賺到錢要帶媽咪吃喝玩樂，最近仲俾雜誌影到佢一出糧，就撳咗大叠銀紙畀媽咪做家用，由蒲精變咗做孝順女。報道仲話杜如風身形又腫又脹，係因為受到爸爸離世打擊，搞到濕疹發作，長期食類固醇搞到咁，杜如風亦自嘲肥過部貨車。撰文：馮仁昭




來源: http://hk.apple.nextmedia.com/entertainment/art/20161116/19834777
PermaLink: https://articles.zkiz.com/?id=315822

杜如風斷十字韌帶變長短腳

1 : GS(14)@2016-12-11 14:12:47

■杜如風前日進行韌帶接駁手術，昨日報平安。微博圖片



杜如風昨日忽然在微博貼出瞓醫院相，她大呻：「其實係因為自己百厭得滯，成日追趕跑跳碰，結果斷咗條膝頭哥嘅十字韌帶，要做手術駁番，我終於都入埋香港嘅醫院啦！」原來她跛腳斷十字韌帶，前日入院做手術。



■杜如風昨展示手術後傷口，她表示不痛。

■杜如風早前到日本拍外景時，不慎傷及右膝舊患。微博圖片


學泰拳傷膝

記者昨日致電杜如風，她表示年半前學泰拳傷右膝，當時未有留意，其後到日本拍外景再傷舊患。她說：「最近拍廣告，咔咔咔終於扭到三節，我行路開始拐吓拐吓，一隻腳冇力，長短腳，阿媽叫我睇骨科，照X光同去磁力共振，原來係十字韌帶前面斷咗，仲要融埋，應該我捱咗好耐都唔知。而家就駁番十字韌帶，做完手術，半月板有磨損，而家傷口唔痛，可能有止痛藥，要吊鹽水同葡萄糖，醫生話兩、三個禮拜後可以行，但要做物理治療，我成日就係冇心機做。」留院的杜如風笑言有媽咪監察，飲食要戒口。採訪：陳杰




來源: http://hk.apple.nextmedia.com/entertainment/art/20161211/19861508
PermaLink: https://articles.zkiz.com/?id=319197

杜如風帶豪華團為搵老公

1 : GS(14)@2017-01-08 19:02:53

杜如風昨日在銅鑼灣出席瘦面活動，早前她入院接受接駁膝蓋的十字韌帶手術，她表示已拆線，但傷口還有點痛，需要6個月才完全康復，提到仍穿高踭鞋時，她笑說：「幾時都係要靚唔要命。」對於大年初二首度帶團到日本本州旅遊5天，團費需要88,888元，杜如風雖然都覺得貴，但她指食住都是頂級，她還笑言今次帶團目的是為了搵老公，她說：「見到和藹可親就叫奶奶，可能就釣到金龜，2017年喜事等我宣佈啦！」她透露媽媽都會同行，笑言可對親家，但她說：「今次都使唔到錢，買唔到嘢，媽咪喺度，帶個細篋去，因為佢成日話『唔買就最抵』。」採訪、攝影：黃曉妍




來源: http://hk.apple.nextmedia.com/entertainment/art/20170108/19889842
PermaLink: https://articles.zkiz.com/?id=321896

杜如風認8萬8團費貴　驚被反枱

1 : GS(14)@2017-01-31 03:13:30

■杜如風昨現身機場，以客席導遊身份帶團到日本。



杜如風昨日現身機場，首度以客席導遊身份帶團到日本本州五日四夜，今次行程令她很大壓力：「團友畀咗咁多錢，88,888蚊一個人，之前開茶會嘅時候，我有問佢哋想我表演啲乜，我希望盡量滿足到佢哋嘅要求，唔好反我枱，因為團費太貴。」杜如風透露會取消多個看風景的地方：「帶團友去買嘢，因為我買嘢最耍家，可以幫佢哋襯埋衫都仲得。」今次她還帶媽咪一齊去：「對上一次同媽咪去旅行，我係13、14歲，?家係第二次帶佢去旅行，根本就係搵自己笨，好似帶住矛盾去旅行，因為佢唔畀我買嘢，所以一定會嘈。」採訪：黃曉妍




來源: http://hk.apple.nextmedia.com/entertainment/art/20170130/19912609
PermaLink: https://articles.zkiz.com/?id=324713

杜如風刪行程帶富貴團掃貨

1 : GS(14)@2017-02-05 10:55:21

■杜如風（右）帶超豪團到日本，媽咪亦有同行。



杜如風兼職導遊，於年初二帶超豪團出發到日本，每位收費88,888元，有網友嘲是「新春水魚團」，前日杜如風在網上貼酒店浴室相並留言：「五日四夜之超級豪華團在笑聲中完結了！」問到團友是否滿意行程？昨日她在電話說：「我諗OK，起碼冇人反我枱先。」團友對行程有甚麼意見？杜如風說：「團友想去買嘢，商量完刪走好多景點，直接去買嘢。本身諗住釣金龜，點知就冇，反而識咗奶奶，話返港煲湯畀我飲，但冇女婿囉。」她續說：「其中一餐食最出名伊勢龍蝦，每人食6隻，全部唔同煮法。」採訪：皓騫




來源: http://hk.apple.nextmedia.com/entertainment/art/20170205/19918078
PermaLink: https://articles.zkiz.com/?id=325533

杜如風帶團嗌腳痛

1 : GS(14)@2017-02-06 07:28:04

杜如風首次客串做導遊，新春率5天超級豪華團遊大阪，團費88,888元，初六返港的她慶幸團友沒反枱，究竟豪華團有幾豪？她前日說：「每餐起碼有15道風味，除咗和牛、懷石料理，有餐食最出名嘅伊勢龍蝦，我諗呢程食咗半年要食嘅嘢，但價錢唔清楚。」住得最貴的酒店是Amanemu Resort，一晚房價約一萬多元，團友中有一對從加拿大回來的老人家，其餘是香港粉絲。問到行程應團友要求刪景點改去購物，她有否大出血？她說：「媽咪全程企我隔籬，眼神叫我走啦，自己偷偷去專門店買鞋。隻腳行到第三日開始痛，但帶團冇辦法啦。」採訪：皓騫




來源: http://hk.apple.nextmedia.com/entertainment/art/20170206/19918979
PermaLink: https://articles.zkiz.com/?id=325671

杜如風遊日被摸Pat

1 : GS(14)@2017-03-04 10:18:40

杜如風昨日在商台分享對日本的愛恨，她表示最恨日本癡漢及日本人的固執：「喺日本真係隨時俾人非禮，搭火車、地鐵都會，但佢哋嘅文化係好proud of俾人非禮，所以唔會有人出聲。」杜如風曾被人摸臀，她說：「我即刻鬆踭，同埋用個袋頂住佢。」她又指日本人很固執，拍攝前要不停開會：「我試過借舖頭拍嘢，出街就5分鐘，但之前開咗兩日會。」問到何時再帶隊去旅遊？杜如風說：「準備咗旅遊節目先，不過?家整親腳，唔跑得又唔跳得，所以地點都未決定，但我好多地方都未介紹過，北海道、九州都未，放心，我邊度都買到嘢㗎。」採訪、攝影：盧妹




來源: http://hk.apple.nextmedia.com/entertainment/art/20170304/19946656
PermaLink: https://articles.zkiz.com/?id=327771

杜如風助手男友笑餐死

1 : GS(14)@2017-04-29 23:24:43

■杜如風接受本報訪問即哈哈大笑，澄清Alvin係佢助手。



杜如風向來緋聞不多，但昨日有周刊報道，指她硬搶好姊妹兼御用化妝師Jenny男友Alvin，又影到Alvin不時出入其香閨及結伴shopping，杜如風更讓男方駕駛其座駕。報道還指，今年2月影到Alvin為女友慶祝生日，但上月中又與杜如風私會，Alvin更登堂入室去杜如風香閨，甚至熟悉地按大閘密碼。杜如風昨日接受《蘋果》訪問即哈哈大笑：「笑料一宗，佢係我助手嚟㗎！」她又說：「佢女朋友係我好姊妹，佢笑到死，仲話要澄清，個生日會係我同佢搞，唔係佢男朋友同佢搞！」採訪：小米



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170428/20003864
PermaLink: https://articles.zkiz.com/?id=331847

杜如風畀名份又南

1 : GS(14)@2017-06-11 16:09:21

杜如風的品牌FUNGOLIA首間期間限定店昨日在中環開幕，她表示由於不用租金，所以暫做一個月。其緋聞男友黃又南亦有現身，他說：「嚟影張新相啦，次次都出嗰張，人哋會好悶，我一直好支持佢嘅品牌。」杜如風笑指黃又南經常問她攞衫：「3個碼佢都話啱身，真係日防夜防，家賊難防，佢今日嚟，最主要係我哋最初被傳緋聞係2007年。」




來源: http://hk.apple.nextmedia.com/entertainment/art/20170611/20051686
PermaLink: https://articles.zkiz.com/?id=335345

杜如風買衫慰藉　好過買樓

1 : GS(14)@2017-07-01 10:50:20

■對「衫癡」杜如風來說，靚衫遠比磚頭來得重要。



現年42歲、走在潮流尖啄的杜如風，跟普通女人一樣不停減肥，日前她在中環接受專訪公開地獄餐單：「我食緊水飯房嘅嘢，阿媽自創餐單，豆腐加嚿海參，?家一日食一餐，有衫買就得。」減肥都是為了穿靚衫，「衫癡」杜如風坦言每年置裝費夠畀4、500呎樓的首期：「做嘢咁辛苦，梗係搵嘢開心吓，冇理由買啲磚頭返嚟。」採訪：余燕儀攝影：沈健程




來源: http://hk.apple.nextmedia.com/entertainment/art/20170701/20074513
PermaLink: https://articles.zkiz.com/?id=337522
Next Page
ZKIZ Archives @ 2019