港姐鬥爭停不了 張名雅與陳庭欣反目升級
1 :
GS(14)@2017-01-02 17:02:122016-12-14 EW
近期港姐特別多是非，早前，陳法蓉與梁小冰因一件外套事件，搞到連日來隔空罵戰，而最近又有另一對港姐姊妹反目升級。
今年九月，一二年港姐冠軍張名雅與律師蔡錦豪舉行婚禮，當日，她身上掛滿金飾行頭十足，事後竟傳出開門利是不足五位數。當時，張名雅坦言已知誰是「二五女」；而嫌疑人物，盛傳是姊妹團之一的一〇年港姐冠軍陳庭欣，事件更令兩人在背後暗戰連連。
日前，本刊發現張名雅及陳庭欣，在無綫飯敍活動上被安排坐同一席，但兩人卻完全零交流；席間，記者要求合照，陳庭欣更立即攞袋走人，似乎昔日的好姊妹已達沒彎轉的地步。
派頭十足
一二年港姐冠軍張名雅，今年九月與律師蔡錦豪拉埋天窗，本來是開心的喜事，但卻鬧出是非風波。出閣當日，她邀請了九位伴娘、九位伴郎，取其「長長久久」之意；而新娘子身上孭着的金飾斤両十足，戴滿一對手外，身上還有一大串足金龍鳳鈪，再加上大大隻金豬牌，以及新娘子手上的三卡鑽石婚戒，估計總值逾八十萬，氣派十足。
可是，事後有人向傳媒爆料，當日開門利是只得三千八百元，九個姊妹每人分到不足五百元。張名雅看到報道後，在微博嬲爆留言﹕「人在做，天在看。」另外，她又重申﹕「姊妹團都清楚知道個數（開門利是）有五位數，因大家確確實實分咗開門利是嘅！我都係嗰句，冇所謂，最重要係開心事；我都冇嬲，只係覺得身邊仲有好多好好朋友。最緊要做好自己，謊言一定會自破。」口中雖說不憤怒，但言詞中卻甚有「捉鬼」的味道。
至於，爆料者的最大嫌疑人物，矛頭直指是當日姊妹團之一、一〇年港姐冠軍的陳庭欣，而自覺清者自清的她，對於事件就淡淡然的說：「知道一定唔係自己，其他唔想猜測，就算真有此人，可能冇心或唔小心講出嚟，況且又唔係事實嘅全部，由得佢！」據本刊收到的獨家消息，爆料者其實另有其人並非陳庭欣；可惜兩個「冠軍級港姐姊妹」的感情自此不再。
勢成水火
上周四（十二月八日），本刊就發現張名雅與陳庭欣，在無綫的「職藝員聯歡晚宴2016」活動上，被公司安排坐同一席；可是，陳庭欣見到張名雅同場，就刻意坐開。期間，即使陳庭欣的緋聞男友翟威廉嘗試做和事老，拉攏她們坐在一起，陳庭欣一樣冇面畀。席間，兩女縱然同桌而坐，但完全零交流兼且面左左；而當記者要求她們合照時，反應甚大的陳庭欣，更立即攞袋走人，令一眾人為之驚訝。
上周五（十二月九日）中午時份，記者在銅鑼灣希慎廣場、譚凱琪開設的西餐廳，又發現張名雅與一班好友飯敍。據悉，已經將事件放下的張名雅，為答謝一班姊妹團，在婚禮當日仆心仆命地照顧她，於是搞了這餐慰勞宴。同時，亦希望藉此與陳庭欣重修舊好；可惜，事與願違，被邀的陳庭欣婉拒出席。兩屆冠軍級港姐，昔日攬頭攬頸，如今形同陌路人，確實無奈。
撰文☆武儀 採訪☆娛樂追蹤組 設計☆蔡宛真
【豪門爭產】祥嫂同仔女反目
1 :
GS(14)@2017-02-18 00:51:22新馬師曾
趙世光離世引發三奶爭產，豪門家族的奪產風波時有聽聞。
新馬師曾
粵劇名伶新馬師曾鄧永祥97年病逝後發生爭產風波，更要對簿公堂，06年，祥嫂61歲壽宴，本與子女和好，惟到前年又再反目。
蒙民偉
已故「電飯煲大王」蒙民偉10年離世，前妻楊雪姬連同蒙倩兒等5名子女，向蒙遺孀王蓓芬興訟，入稟高院要求兩名受託人交出信興股權。
陳廷驊
已故南豐集團創辦人陳廷驊前妻楊福和於10年入禀，指女兒陳慧慧在分配陳廷驊的資產時未有計算升值。最後楊勝訴，法庭下令陳要賠償給母親，金額高達80億。
何鴻燊
賭王何鴻燊11年因產業分配，引發爭奪糾紛。經調停後，二房繼續掌管信德及新濠，三房保有原先獲分的澳娛股權，至於四太則取得澳博話事權。
來源:
http://hk.apple.nextmedia.com/entertainment/art/20170217/19930687
為錢同蘇永康反目林慕德破產欠人400萬
1 :
GS(14)@2017-03-24 17:08:05近日陽光檸檬茶30周年，網民尋回當年廣告歌原唱人，令「林慕德」、「楊楚營」等名字再次被觀眾認識。如果淨係聽到「林慕德」呢個名，你未必好有印象，除咗陽光檸檬茶廣告歌外，不過再數埋《激光中》、《捨不得你》、《哪有一天不想你》、《深深深》，甚至「萬里望花生」廣告歌；你就會「哦，原來係佢」，因為呢幾首歌都係出自林慕德手筆。不過o依家林慕德已經轉行做語言教育。喺8、90年代，林慕德叱吒風雲，因其才華超卓，且對音樂有靈敏嘅觸覺，但一路走來，林慕德都遇過不少風波。89年林慕德一手發掘蘇永康，為其製作《失眠》大碟，可惜及後二人因財反目；林慕德在訪問中講過，如果蘇永康要怪自己唔捧佢都冇辨法，因為當時興偶像派，林更用「捧一次，死一次」去形容當時狀況。到98年，蘇永康上位及轉唱片公司後，林慕德以前製作人身份推出蘇永康精選碟，蘇永康得悉事件後直言：「我希望佢真係會計清楚分紅俾我！」最後林慕德公開親自簽一張36,000港元支票，蘇永康亦表示恩怨從此一筆勾銷。到00年，林慕德喺大陸創立網站「樂神互聯網」，食住當時嘅「.com」熱；因為科網爆破，公司出現資金問題，6名網站員工由當年4月開始收唔到薪金。06年底，林慕德遭一名債權人入稟高等法院，要求頒令破產。案中指林欠下21名人士約400萬元欠款。到07年7月，有報道指林慕德已還清欠款，並已繳付破產管理署的堂費，法庭已撤銷其破產呈請。
來源:
http://hk.apple.nextmedia.com/entertainment/art/20170324/19968707
嘉玲靚足30年傳與曾華倩關之琳為仔反目
1 :
GS(14)@2017-05-13 02:04:14Super Girls最近內訌，有傳陳穎欣(Yanny)暗媾李靜儀(Heidi)嘅男朋友。其實咩年代都有姊妹為仔反目例子，但有時隨住歲月都可以和好如初。17歲就考入無綫藝員訓練班嘅曾華倩，同高佢一屆嘅師兄梁朝偉拍拖。曾華倩曾經講過入娛樂圈最大嘅收穫就係有偉仔呢位男朋友。但後來偉仔因為拍劇太忙，曾華倩無法容忍，拍拖6年最終都分手。有傳當時係被與華倩同屆藝訓班嘅劉嘉玲橫刀奪愛，兩人從此反目。直至04年，喺吳君如嘅穿針引線之下，劉嘉玲上曾華倩嘅節目做嘉賓，一段恩怨先就此化解。而劉嘉玲雖已成人妻，經常同梁朝偉出雙入對，但依然好惹火。早前被關之琳（之之）指摘與前夫陳泰銘行山，係唔顧及別人感受嘅行為。早前兩人同場都係前後腳現身，之之被問到係咪早有心病？佢冇否認，只拋下一句﹕「唔講。」
來源:
http://hk.apple.nextmedia.com/entertainment/art/20170511/20017379
Freeze錢銀瓜葛反目Echo不和拆伙各散東西
1 :
GS(14)@2017-05-18 01:10:51古語有云：「女人多是非」尤其係做女子組合，大多都係合久必分，好似Twins咁相親相愛情同姊妹嘅真係唔多，而反面甚至係拆伙嘅真係比比皆是
Echo由李蕙敏同區海倫喺1989年組成女子組合Echo，不過出道三年組合就拆伙，有指當時係因為二人不和所致，解散後李蕙敏就去咗電台做DJ，之後仲單飛做歌手，而區海倫去咗大台做主持人，之後仲同香港三大紡織廠創辦人之一陳元鉅嘅囝囝陳仲尼結婚，佢仲表明寧願湊仔，冇打算復出。
Freeze2007年出道嘅女子組合Freeze由甄穎珊、陳樂榣及石詠莉組成，喺2010年甄穎珊指另一成員陳樂榣借錢唔還，但仲可以日日買名牌，三位成只反目，而同年甄穎珊同經理人公司解約，Freeze名存實亡。
Super Girls成軍5年嘅Super Girls成員有趙慧珊（Aka）、吳嘉熙（Cheronna）、陳穎欣（Yanny）、蔡明思（Jessica）和李靜儀（Heidi)，佢哋一直睇落都情同姊妹，不過最近有傳Yanny多年前硬撬Heidi有米男友，為保形象Heidi仲要被封嘴，姊妹情凍過水。
來源:
http://hk.apple.nextmedia.com/entertainment/art/20170517/20024200
【獨家】Raidas反目解散？黃耀光爆有人藉《傾心》追周慧敏
1 :
GS(14)@2017-05-18 02:08:19Ken話Raidas解散有啲唔開心但冇遺撼，仲話o依家少玩結他。
電影《春嬌救志明》入面，春嬌(楊千嬅飾)同Isabel、Brenda組成MKB48，喺K房唱出80年代組合Raidas嘅經典歌《傳說》，即刻喺網上瘋傳，《蘋果》日前專訪Raidas嘅主腦、為組合作曲嘅黃耀光(Ken)，佢對於電影中有呢首歌：「有份知遇之情，真係多謝。」
楊千嬅演嘅春嬌唱番紅首《傳說》(網上截圖)
自己玩古琴多
雲鑼嘅聲音都可以放鬆心情，Ken話《傳說》中有用呢種樂器。
當年Raidas出道短短兩年、只推出1張EP、2張大碟就解散，係咪阿Ken同主唱嘅陳德彰反面？佢話：「冇反面，呢一段時間都曾經見過幾次面，有心病都應該放開啦，吓話？組合必然有啲意見嘅，咁先會有火花。」佢亦暗示「被解散」而唔開心：「唱片公司覺得《傾心》爆咗出嚟，點解唔做一個solo singer。」《傾心》係咪傳聞所講陳德彰要嚟追周慧敏㗎？佢笑住話：「原意唔係嘅，係偶然之中發生咗啫。咁我哋畀寫詞人若愚(黃凱芹筆名)都係追周慧敏㗎！」
Raidas嘅主音陳德彰，當年唱《傾心》俾女友周慧敏聽，不過唔係專登係遇然。(資料圖片)
Ken爆當時若愚(即黃凱芹)填詞《傾心》，都係追周慧敏。(資料圖片)
上到山都會做瑜伽。(被訪者提供圖片)
訪問中又提到自己曾兩度患上抑鬱症，第一次喺1989年佢話：「因為演藝界寫咗隻歌叫《為自由》，我同蔣志光帶上去北京，後來返落嚟就好低落，嗰陣時唔知咩叫抑鬱症，音樂唔想掂，總而言之乜嘢都唔想做、唔想見人。」之係喺1996年，佢遇上金融風暴做咗「樓蟹」：「入不敷支，孭磚頭吖嘛，就係最大嘅問題。有睇法轉變咗，就係喺下半生我唔會再儲蓄財富，而係會儲蓄快樂，咁快樂就最好幫人。」
1989年《民主歌聲獻中華》活動上，黃耀光(左)同蔣志光上台講述親到北京的感受。(網上截圖)
曾兩度患上抑鬱嘅Ken，以鑽研多年嘅正念瑜伽去幫自己同幫人。呢招空中央瑜伽。
佢仲研究古典瑜伽
現時阿Ken將多年嚟所讀所學嘅心理學、冥想、瑜伽，運用喺正念(Mindfulness)同靜觀減壓課程(MBSR)上並幫人，咁有冇諗過以Raidas去治癒你的歌迷？佢話：「有一個重聚，其實都係一件幾美好嘅事。」咁即係會唔會重組開騷呢？
早排Ken帶一班學員去蓮花山上mindfulness課程。(被訪者提供圖片)
識玩好多樂器，又可以音頻療癒，好似呢樣頌缽。
場地：city oasis採訪：余燕儀、懷鈺攝錄：馮峰 Neo拍攝：沈健程
來源:
http://hk.apple.nextmedia.com/entertainment/art/20170516/20022604
Next Page