📖 ZKIZ Archives

【馮仁昭四圍超】樂仔周冬雨晒蜜照

1 : GS(14)@2016-05-19 02:33:52

微博圖片








余文樂同內地女星周冬雨因為合作綜藝節目《我們相愛吧》第二季而傳緋聞，兩人一直做到關係好曖昧咁。噚日樂仔又喺微博貼親密照，周冬雨從後攬實樂仔，留言話：「她：我是不是身材真的很不好？我有24歲的年齡，14歲的身材。我：沒事啊，我34歲的年齡，14歲的智商。我們，挺合適的。」戲假情真公開戀情，抑或純粹宣傳？網民都議論紛紛。撰文：馮仁昭





來源: http://hk.apple.nextmedia.com/entertainment/art/20160517/19614582
PermaLink: https://articles.zkiz.com/?id=300383

【馮仁昭四圍超】阿姐喜戲曲中心升頂

1 : GS(14)@2016-05-19 02:33:58

汪明荃（阿姐）噚日以八和會館主席身份同羅家英出席天際100舉行「戲曲中心升頂慶祝儀式」，並陪同政務司司長林鄭月娥向五位青年演員頒發證書。戲曲中心預計2018年第三季啟用，阿姐憶起當年爭取興建場館至今，心情激動：「粵劇幾十年都冇自己屋企，而家有間屋可以招呼朋友嚟坐。」家英哥指未來係要諗吓行內要點做，佢個人嚟講可能會減少拍戲，專注粵劇傳承工作。撰文：馮仁昭





來源: http://hk.apple.nextmedia.com/entertainment/art/20160517/19614583
PermaLink: https://articles.zkiz.com/?id=300399

【馮仁昭四圍超】Chilam扮狗囝囝開心

1 : GS(14)@2016-05-19 02:33:58

張智霖（Chilam）係汪星人迷，順理成章幫動畫《Pet Pet當家》配音，聲演主角狗狗阿麥。配音嗰日佢帶埋愛犬貴婦狗阿金去，佢話8歲屋企就開始養狗：「我最鍾意電影入面主人離開屋企時，啲寵物即刻作反嘅情節，有雀仔玩電視遊戲機，有狗仔聽搖滾音樂。」佢話今次聲演專登向阿金偷師，觀察佢一舉一動。佢話今次最開心係鍾意睇卡通片嘅囝囝張慕童，因為有自己嗲哋參與，一定睇得仲投入。撰文：馮仁昭





來源: http://hk.apple.nextmedia.com/entertainment/art/20160517/19614577
PermaLink: https://articles.zkiz.com/?id=300400

【馮仁昭四圍超】花姨徵婚揀香港男士

1 : GS(14)@2016-05-19 02:33:59

宮雪花噚日同周永恒女友黃芊詠（Cherie）喺中環為電影《忍不住的眼淚》拍煞科戲，花姨自爆有內地報章想幫佢徵婚，但佢卻就淨係想揀香港男士，講到內地有好多「高富帥」，花姨話：「高富帥梗係會揀白富美啦，不過我都夠白。」另外，有報道話Cherie早前同男友嗌大交兼郁手，佢話：「唔係，不過就成日嗌交，佢冇郁過手，如果佢真係郁手我都接受唔到。」撰文：馮仁昭





來源: http://hk.apple.nextmedia.com/entertainment/art/20160517/19614589
PermaLink: https://articles.zkiz.com/?id=300401

【馮仁昭四圍超】卓慧敏遭冒名已報警

1 : GS(14)@2016-05-19 02:33:59

前亞視藝員卓慧敏（Dede）噚日喺麥長青（麥包左）同田啟文（田雞）陪同下，喺觀塘演藝人協會舉行記者會，澄清喺不知情下被冒認喺WhatsApp及facebook群組發放虛假訊息，訛稱被演藝人協會及曾志偉等藝人迫害，同時攻擊佢開辦嘅殘障人士機構。麥包話：「呢個人發放不實訊息，估計都係行內人，已經報咗警。」Dede話：「好影響其他人，特別係殘障機構，所以要澄清。」撰文：馮仁昭





來源: http://hk.apple.nextmedia.com/entertainment/art/20160517/19614592
PermaLink: https://articles.zkiz.com/?id=300402

【馮仁昭四圍超】苟姑娘凸腩等車

1 : GS(14)@2016-05-19 02:33:59

苟芸慧（中）為除「肥苟」污名努力收身，但成績麻麻，上周五晚11點幾，記者喺中環發現佢同細佬及一位女友人晚餐後等車，雖然佢穿上黑色長外套，但仍擋唔住個肚腩。嗰晚佢哋喺威靈頓街鏞記門外等車，其間苟姑娘攞住單張不停同友人研究，細佬同友人就各攞住一袋外賣，等了約10分鐘就有架美國電動車Tesla嚟接佢哋，相信係透過Uber call車接送，最後房車直駛貝沙灣住宅。撰文：馮仁昭





來源: http://hk.apple.nextmedia.com/entertainment/art/20160517/19614586
PermaLink: https://articles.zkiz.com/?id=300403

馮仁昭四圍超：愷威楊冪父親節留港　劉丹開心湊孫

1 : GS(14)@2016-05-21 13:13:45

劉愷威同楊冪婚後誕下女兒「小糯米」後一直各有各忙，兩歲嘅小糯米出世惟有跟爺爺劉丹喺香港生活。因為劉愷威同楊冪聚少離多，兩人早前傳出婚變，最後要發聲明澄清謠傳。爺爺劉丹前晚喺將軍澳錄影節目時接受訪問，拍完千集處境劇嘅丹爺終於可以全心全意全職湊孫，丹爺笑笑口以普通話回應：「是啊，太好玩了，看着小孫女，有空就打打球，非常輕鬆愉快。」


■劉丹話嚟緊父親節，終於有機會三代同堂見吓面。

楊冪母女心靈相通

跟住爺爺嫲嫲長大，小糯米終日粘着爺爺嫲嫲，丹爺話：「有時候愷威回來，她一看到愷威特別的親切，看着媽媽也特別親切，很奇怪的，雖然他們見面的時間比較短，可能真是心靈相通吧，她有那個很親切很特別的感覺，這很奇怪，我也想不通。」對於劉愷威同新抱婚變傳聞，丹爺就好鬼嬲話︰「慶幸他倆都是信佛，凡事心平氣和去處理，可以釋懷。雖然母親節孫女未能跟媽媽慶祝，不過好像那個戲快要殺青了，這應該有些時間可以回香港，六月父親節應該可以父女相見！怎麼慶祝就交給阿威安排了，最重要就是一家人在一起。」撰文：馮仁昭





來源: http://hk.apple.nextmedia.com/entertainment/art/20160518/19616002
PermaLink: https://articles.zkiz.com/?id=300572

馮仁昭四圍超：On仔獨享女角兜巴星

1 : GS(14)@2016-05-21 13:13:45

組合C Allstar昨日到尖沙嘴出席耳筒品牌活動，講到啱啱推出新歌《專業失戀30年》，MV內少有地出現女主角，但只得成員On仔（右）獨享，不過佢話：「一啲都唔過癮，因為要淋雨濕晒身仲要畀女主角兜巴星，拍嗰時佢哋三個就好似花生友咁企埋一邊笑。」成員Jase就話：「導演本來話可以同女主角『打茄輪』，大家都好踴躍，後來變咗係兜巴星，咁畀On仔去做啦。」撰文：馮仁昭





來源: http://hk.apple.nextmedia.com/entertainment/art/20160518/19616009
PermaLink: https://articles.zkiz.com/?id=300573

馮仁昭四圍超：Fiona扮性感阿姐

1 : GS(14)@2016-05-21 13:13:46

薛凱琪（Fiona）今年出新歌《Miss Fiona》，首歌用咗佢英文名，佢話係希望俾外界感受佢嘅成長：「以前我好軟弱，為好小事就喊，為八卦新聞耿耿於懷，而家個人堅強咗好多，善意批評會反省，玩針對同無理嘅會當睇唔到。」佢早排為新歌拍MV，拍攝主景係一間懷舊酒樓，Fiona着住圍裙水靴、拎水煲扮性感洗碗阿姐。撰文：馮仁昭





來源: http://hk.apple.nextmedia.com/entertainment/art/20160518/19616005
PermaLink: https://articles.zkiz.com/?id=300574

馮仁昭四圍超：曹星如慶功遇杜德偉

1 : GS(14)@2016-05-21 13:13:46

有香港拳壇「神奇小子」之稱嘅曹星如（右）上星期六喺灣仔舉行嘅「王者對決」中，以技術性擊倒南韓裴永吉，創下19連勝佳績，藝人網民洗版力撐。噚晚曹星如就喺Instagram貼咗張同杜德偉嘅合照，話食慶功飯見到杜德偉，佢話：「同家人慶功食大餐時，突然有人恭喜我。嘩！杜德偉呀！好開心佢有留意我嘅比賽。」不過，有唔少網民就搞笑留言話嗰個係許志安。撰文：馮仁昭





來源: http://hk.apple.nextmedia.com/entertainment/art/20160518/19616011
PermaLink: https://articles.zkiz.com/?id=300575
Next Page
ZKIZ Archives @ 2019