📖 ZKIZ Archives

搬出黎自己一個住有法?(答) Home Blogger

先作個人評估，假設息口不變讀者月入23000，可用盡11500供樓，攤長30年可借三百萬，加上自己60萬首期確實可買入3.50mil之珀麗灣。惟必須自己冇其他借貸及借貸力會消耗盡。給予解答前先重溫下2012年7月之貼文「認識自己是庸才」。

專才運用特有知識提供服務去提取你口袋既錢，例如醫生、通渠。但係醫生有法律例文保障入行資格，知識不會太濫而造成與通渠之大差異。通才利用頭腦靈活，找出世界需和求去賺錢。專才可是有人走上門比生意佢做的，通才者有如老闆、政客、政府官員，都係靠自己代表雙方利益而從中搵食的! 筆者建議讀者在踏入社會後先為自己找份銷售工作，試下自己係咪一個通才。因香港十幾年既教育係「零考核」你是否一個通才的，故你要自己去摸索一下。另外你要搵錢，即係錢係人地手上啦! 如果你連做sales講句野都唔掂，人地又點會乖乖將錢交比你呢?

九成人係庸才。包括今次問問題讀者都係。做庸才不打緊，要識搵人幫你。庸才翻身第一可靠銀行借錢，有個有錢親戚除外。讀者要攪好「自己盤數」不過現時睇情況一般。另外一個可依靠既人都未出現: 即婚後之伴侶。所以計極盤數都好緊絀。如果佢真係想享受一個人搬出黎住，就要交出可觀既人工升幅先可在此時做到。唔想人工加而又完成此心願，就要交出耐性等。總之呢個香港係no free lunch，必須付出再有收獲，仲要比十蚊買到八蚊個隻!

係前幾段前設下，讀者不應用盡銀彈係旺市買入珀麗灣，何況太偏遠又冇24小時交通未必適合後生一輩。青怡翠怡係上車好選擇，不過諗樣都同意現價過高，置安心效力已現。如果有錢又一家要係兩者選一，不如購入馬灣。因為青衣將來有既交通改善，馬灣一樣有(同屬港珠澳及離島效應)。但係你要改善自己能力，先可以應付得黎。有時買棲呢樣野，急不得。至衰你單身人工剛過政府申請居屋之入息上限，其實只不過想要個單身安樂窩，居屋又平又正啦(不過有居屋都可以五六百萬)。

總結後生仔可以自己搬出黎住加埋做業主有幾個因素:

1. 人工夠低可以買居屋，係新界區百餘萬可成。唔知煩請其他讀者提供
2. 父母比首期。有父母確實會的，當逼仔女儲錢。如果你知阿爸有米而關係不太好，可用此作selling point令大家和諧一下
3. 你屋企人根本有間屋比你
4. 你(扮)有病，可極快上到公屋變相隔離
5. 中左馬又唔冇輸返哂比馬會，淨係做到上一句已抵你做業主!

係香港，想自己一個人住，係幾奢侈的。

至少對後生仔確實是。努力!

2014想生小朋友、想今年內搬出、舉一反三(答) Home Blogger

私樓居屋定村屋

BY買樓問題首先要解答問入何種住宅，私樓對於大部份打工仔一族肯定是最好的。因九成打工仔都缺錢，買樓要配合銀行做按揭。而私樓用作抵押借錢可借最多成數、息口又低，較易批核。居屋當然借錢易，但如日後你想套現作私人用途，一來未補地價之居屋近乎做不到，二來居屋客路總是「平民」，大部份時候跑輸大市。當然現時政府每年為市場引入5000買家，令居屋市場「十年逄一潤」，往後居屋變化還看政府政策。村屋通常只借一半或七成，小心買入時要同律師搞好業權(尤其丁屋)和其餘法律責任，適合已有一定經濟能力者購入。當然有部份不願花錢於樓房者亦會買入偏遠村屋，做法會令本段所提及之壞處集合起來。

先要步驟都要計算兩人之購買力，在家庭月入$36500下，可撥最多月入50%作首套自住房的按揭供款，即$18500。根據現時按揭年息2.15%，分30年清還每一萬元供款可借入約2.65mil，讀者可借盡1.85*2.65=4.90mil。當然這假設了借款人無重大欠債及買入樓齡25年下之樓房。樓齡太高之樓宇如35年，一般只可做(55-35)=20年之供款，當然美孚新村或太古城的屋苑會有例外，錦鏽花園或康樂園的業主做按揭亦有機借足九成上會。買入村屋不好選擇附近連路都無一條的，更要問DD/LOT NUMBER，先可準確地將估價給後，再評估是否能「上會」。

居屋不一定實用高

至於居屋不一定實用高，75-80%實用之居屋大有存在，85-90%實用的私樓亦不乏供應，實自己先在數據網站一看。至於你提議的公屋少年「上流」步驟，筆者認為是可取的。方法一為先將自己除名買細屋私樓，及後儲錢將父母的公屋升格至三房居屋。到有小朋友可以交小朋友比父母照顧，自己同老婆住返係細樓，周未先「領回」仔女，減少自己換房壓力。因細屋換大樓，在現時市升時不難做到，但花無百日紅，最慘奠過於在好市時「洗大左」到市差時痛苦萬分。

方法二已由讀者來文提供，即先買細樓，然後再儲錢買入三房居屋，等父母百年後再舉家搬入三房自住，細樓租出去幫補供樓。此做法要自己兄弟姊妹不反對才可行，亦將父母身故時間與自己小朋友發展扯上關係，如弄得不好小心對小朋友發展構成問題。因小朋友和大人不同，搬新居亦會更換朋友圈子，或會成為插班生。當然你選擇兩間樓房買在同一區域便無朋友圈子問題，但此方案要顧及較多是肯定的! 可能在現時父母多生一個小朋友之下，實行方法二會容易更多!

方法三最適合庸才，結婚時先用自己單名買入細樓，如細樓樓價上升(當然要升先得!)先套現首期，再用另一半之單名用九成按買三房上會邀請父母與自己同住，「捱過」小朋友一到五歲幾年。係呢幾年將細樓租出補貼供三房，父母原本自己樓房如可租出更令你有錢儲，夠交下書薄費。到小朋友入小學享受免費教育，讀書支出反會減少(自資名校除外)，又同父母拆返開住。及後父母舊樓收租，細樓父母入住，自己住三房。只要乖乖地供完哂三間樓退休基本上無憂，四十五歲比人裁左都未係絕路。當然此方案最大問題係你老婆(或老公)要同父母一齊住幾年，但可以慳返些少又唔使請工人，更可減少湊好仔女工作，都是不錯之法。庸才不作苦忍，在港難改善生活。如你是人才就不用受此苦難。

李謀偉反電價漲　搬出「台韓競爭」老梗