Celine爸爸道義上有問題？薛家燕：希望佢唔好影響到個女
1 :
GS(14)@2017-06-22 08:03:19近日因為參加《全美一叮》（America’s got talent）嘅比賽片段一夜成名嘅Celine(譚芷昀)，前日就同爸爸一齊現身機場，搭飛機去旅行。不過人紅就梗係是非多啦！有人直指親手培養Celine妹妹嘅爸爸譚順生有問題，而苦主竟然係家燕姐！事源Celine曾經係「家燕媽媽藝術中心」嘅學生，而Celine當年仲係喺家燕姐介紹下去大台參加節目，其後喺2014年參加《中國新聲代》亦係由家燕姐穿針引線，不過家燕姐就好似對譚爸爸有微言。問及家燕姐係咪一早認識Celine爸爸？佢話：「係呀，Celine大約四五歲嗰陣就嚟家燕媽媽嗰度學嘢，我認識佢（譚先生）就應該係新城電台嗰陣識，佢唔知係咪參加個比賽定乜嘢，我唔記得，見到佢囡囡好精靈，同埋同聲好靚，咁我就問佢有冇興趣嚟我哋學校上堂呀？咁佢就嚟咗上演藝班嘅。佢爸爸教佢唱歌嘛。」原來譚順生後來成為「家燕媽媽藝術中心」嘅導師，家燕姐話：「後來佢爸爸（即譚先生）就上嚟自薦，話想喺我哋度做音樂導師，咁好啦。」咁之後發生咩事令家燕姐對譚順生有戒心？佢苦笑話：「應該係話失望。做我哋呢行，尊重行規，咁你自薦上嚟教，就算有乜嘢學生要補課，或者係要點樣上堂，都係要同我商量，就唔係嗌啲學生去佢個工作室上堂嘅。」家燕姐續指：「我最初都唔知嘅，咁逐個逐個學生去咗佢度上堂，啲學生話學費好貴，我收二千幾，佢成萬幾蚊，走返嚟問我哋，問『家燕媽媽知唔知我哋去佢度上堂好貴呀？上完又要再俾。』我就『吓？點解會咁㗎？』因為我就冇理到佢嗌啲學生去佢度上堂。我都唔知佢點聯絡啲學生，梗係逐個學生攞電話啦。就算個學生要上乜嘢堂，佢都應該要同我講聲。咁我諗起碼…佢喺我度教咗半年左右啦，咁我覺得『咦，呢個人道義上有啲問題喎，咁我決定唔用佢。』家燕姐不忙大讚Celine唱歌有天份同好乖。所以有合適工作都會安排畀Celine妹妹，佢話：「推薦過佢去無綫拍MV同母親節節目，大陸都有個《中國新聲代》。當時佢好似想去參加，但參加唔到，咁可能嗰期嘅年齡問題，咁佢有同我講，我話好吖，睇下我嘅關係可唔可以幫到佢，咁後來聯絡到湖南衛視畀佢上嗰個節目。」有指Celine爸爸當正自己有渠道安排學生去比賽，仲喺網站宣傳，家燕姐笑說：「係呀，佢話自己關係好，如果邊個想去就搵佢啦，哈哈哈哈。係啲學生話番畀我聽，我就得啖笑，唉，佢個人都係有點那個，不過真係其實呢啲嘢過咗去架喇，我都好開心佢個女，今次係《全美一叮》攞到個名譽，係一件好事，不過都提一提佢爸爸，以後安排自己做嘅嘢唔好影響佢個女。」對於好多人擔心Celine太細個唱歌會影響學業？家燕姐就認為唔會：「佢媽媽都ok，只係佢爸爸係佢經理人，所以處理事方面自己要留意。」而同樣喺「家燕媽媽藝術中心」工作過嘅蔡立兒回應《蘋果》話：「非常感激家燕姐之前給我機會在藝術中心教小朋友唱歌，任教時及現在都不認識及不曾接觸過譚先生及他的女兒Celine，所以對此事一無所知，不便參與任何意見！」
來源:
http://hk.apple.nextmedia.com/entertainment/art/20170620/20062227
林宥嘉學做爸爸湊仔
1 :
GS(14)@2017-06-23 01:44:34■林宥嘉笑言走可愛路線，自嘲不帥。
林宥嘉在紅館舉行一連兩場演唱會，前晚尾場他太太丁文琪坐於後排捧場。當林宥嘉獻唱《神秘嘉賓》一曲時，觀眾齊高舉入場時獲大會派發印有他和太太的卡通肖像的囍字手幅，相當合拍，林宥嘉笑說：「你們家裏有人結婚是不是？不過我很感動。」林宥嘉又開心到要跪地謝歌迷。
■林宥嘉（後排左三）一連兩場的香港演唱會前晚圓滿結束。
完騷後，林宥嘉受訪時說：「為了今次演出，舞蹈練了很久，我不是很帥，走可愛路線。」對於有歌迷大叫催他生B，他笑說：「有男生叫我早生貴子，生小朋友是有計劃，但不是今年，可是我也不想太晚，做爸爸要有計劃，我要學習照顧家人。」採訪：黃曉妍攝影：陳慧安
來源:
http://hk.apple.nextmedia.com/entertainment/art/20170619/20060477
晒三代同堂相 吳岱融同爸爸勁似樣
1 :
GS(14)@2017-06-23 01:44:35■吳岱融父親扶着孫仔政樺騎膊馬，驟眼看還以為是吳岱融。互聯網圖片
至於吳岱融昨日在微博貼了多張家庭照，其中一張是吳岱融父親與孫仔政樺騎膊馬合照，吳岱融與吳爸爸似足九成，驟眼看還誤以為是他本人。記者昨致電吳岱融太太鍾淑慧時，她亦認同老公跟老爺似樣，她說：「佢兩仔爺似得好緊要，連牙齒嘅形狀都一樣，我差啲錫錯老爺㖭呀！」4月榮升爸爸的黎諾懿，昨日在Ig分享幫囝囝黎峰睿（小春雞）洗白白照片。
此外，方中信昨晚與太太莫可欣及囡囡一家三口，聯同方平和太太鮑起靜到銅鑼灣食飯過節。採訪：王連連攝影：仇志德
吳岱融
■方中信帶同妻女到銅鑼灣食飯慶祝父親節。
來源:
http://hk.apple.nextmedia.com/entertainment/art/20170619/20061256
Celine爸爸想收Artist級學生 「一哥」布偉傑學唱歌有折扣
1 :
GS(14)@2017-06-25 09:31:25曾經係大台「御用老外」嘅「阿一」布偉傑（Brian Burrell）日前同拍拖3年嘅化妝師女友Celia拉埋天窗，原來佢都曾經跟Celine爸爸譚順生(DR.Steve)學過唱歌。而譚順生嘅facebook都曾經以一哥作招倈話曾經跟過佢學唱歌。前日布偉傑接受《蘋果》電話訪問，佢話去年初經朋友介紹下跟譚順生學唱歌，佢話﹕「係TVB一位排舞老師介紹，佢話Steve想搵一啲artist級嘅學生，所以就去咗。(有冇收平啲？)都算係有big discount嘅。(知唔知facebook用你嚟宣傳，介唔介意？)冇問題，我哋係朋友。」對於薛家燕對譚順生嘅批評，一哥就話唔太清楚。不過，阿一上咗幾個月就跟咗其他老師學唱歌，佢解釋﹕「佢都教得好好，不過因為我有其他原因，所以轉咗老師。」問到跟譚順生學唱歌最大得着係乜？佢話﹕「最得着係震音，佢好鍾意集中喺震音。」
來源:
http://hk.apple.nextmedia.com/entertainment/art/20170624/20066978
得獎歌曲年份不符疑造假Celine爸爸捲拖糧風波
1 :
GS(14)@2017-06-25 10:11:19■譚順生與Celine將於今日由美國回港，星期日開記者會。資料圖片
現年9歲小巨肺譚芷昀（Celine）因為參加《全美一叮》（America's Got Talent），演唱電影《鐵達尼號》（Titanic）主題曲《My Heart Will Go On》爆紅，成網上熱話，連帶爆出爸爸譚順生（Steve）開設音樂學校Sing And You教唱歌。事後被薛家燕指譚爸爸為人「居心叵測」，譚爸爸在家燕姐的音樂學校任教時，撬走學生。事後譚爸爸迅速道歉，並答應捐出8萬元學費。
■譚順生在網頁公佈的歌曲獲獎年份，跟歌曲面世時間不符。互聯網圖片
■Celine晉身《全美一叮》，成為爸爸譚順生的音樂學校生招牌。
走兩間公司
昨日本報讀者陳先生爆料，指原本到一間叫Consult DB公司實習，最後變成到譚爸爸學校任職，陳先生昨日以短訊回應：「最後間公司介紹咗我去另一間公司，就係譚生間教人唱歌公司，之後先發現原來Consult DB呢間headhunt都係譚生嘅。」陳先生見工時明言是實習，所以一星期只返三日，每日工作8小時，人工大概2,000元左右，他說：「我返咗一個月，好奇怪嘅係我一星期返三日，但係兩邊走。喺Consult DB又唔係做公司嘅嘢，係做音樂學校嘅嘢。」陳先生表示做了一個月，譚爸爸完全沒有出糧意思，他說：「之前畀晒銀行戶口佢，冇過戶亦冇出過現金，覺得間公司好怪，所以一個月之後就冇做。」本報為此聯絡譚爸爸，但至截稿前未有回覆。譚爸爸的唱歌資歷亦被網民起底，發現他申報贏獎時唱的歌曲，在參賽時仍未面世。例如張學友的《妳的名字我的姓氏》，在他聲稱獲獎的9年後才面世，同樣事亦發生在許志安的《唯獨你是不可取替》及黎明的《愛比我重要》，都被譚爸爸「預早唱過」。另外，《全美一叮》的官網上載了Celine唱歌片段，引來主題曲原唱者Celine Dion在自己網頁轉發，更讚對方可愛。外籍藝人布偉傑（Brian Burrell）曾跟譚爸爸學過唱歌，他說：「最大得着係學識震音，佢好鍾意集中喺震音。」譚爸爸跟Celine到外地旅遊，據知今日會由美國返港。譚爸爸會於星期日出席自己的新碟記者會，屆時回應近日的不利傳聞。採訪：李森
來源:
http://hk.apple.nextmedia.com/entertainment/art/20170623/20065396
中環在線：李嘉誠：咪再諗住有富爸爸喇
1 :
GS(14)@2017-07-01 10:18:01■李嘉誠叫大家唔好發夢諗住有個富爸爸。 互聯網圖片
香港人成日都講一句:「點解我老豆唔係李嘉誠!」噚日，李嘉誠就叫大家唔好再發夢喇，咪再諗住想有個富爸爸喇！超人噚日喺汕大以《願力人生》為題致辭，勉勵學生咪做愚人，只知道「to do」，反而要成為有願力嘅智者，將「to do」變做「to be」。佢指出，愚人經常抱怨，被墨守成規，被制度營役，被繁文縟節綑綁，成日渴求「贏在起跑線上」，希望有個富爸爸。佢提出「願力一族」修煉、處世、存在之道，透過科學心智與藝術心靈嘅覺醒，條煉人生才是正道。其實，超人舊年喺畢業禮都講過《未來就在眼前》，指自己最怕主觀、因循嘅「心向」，都係希望學生好好修身，再建立一個更好社會。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170628/20071024
溫情相用唻賣酒廣告雨傘爸爸憤怒了
1 :
GS(14)@2017-07-05 03:42:20還記得這張照片嗎？因為一張給兒子打傘，自己全身濕透的背影照，來自天津的80後爸爸劉僑走紅網絡，被諸多中外網友稱為「雨傘爸爸」（Umbrella Dad）。這張背影照不僅打動了眾網友，也「打動」了不少商家。上至一些大型國企，下至小小的微信公號商家，不少企業都盜用了它大做廣告。身處美國的劉僑忙於工作，一直無暇顧及打擊這些李鬼（指故意冒充他人、混淆視聽的人），但近來他看到照片被用在酒類廣告後，終於坐不住，決定對這些不法商人採取法律行動。在上海地鐵沿線的不同月台上，可以看到一幅紅色的「京東超市——五糧醇」廣告，廣告的背景就是劉僑為兒子雨中打傘的照片，並配有「父親的愛，醇厚的愛」醒目大字，左下角是一瓶五糧醇的酒瓶圖。該幅廣告是配合今年6月18日的父親節而推出，「不完美的父親，完美的愛」這行小字列在照片頂端。6月29日，劉僑為此事接受了上海澎湃新聞記者的專訪。「從撐傘的背影照走紅網絡後，一開始是一些微信的公益活動開始使用，因為是公益的我並沒有干涉。接着是一些小的商家，然後許多大型企業也開始盜用照片。比如中國電信、太平保險、電影《刺蝟小子》、360APP等。」他展示了一些截圖照片，上述企業有的直接引用原照片，有的則是將照片進行漫畫、素描處理，再配以自身產品的標籤和廣告詞。讓他哭笑不得的是，電影《刺蝟小子》的宣傳海報上，直接將他兒子PS成了一隻刺蝟。「一些公益機構用這張照片我還能接受，但是看到被用在商業、酒類產品上，怎麼都覺得不舒服。」據悉，劉僑已於2016年向相關機構申請了這張照片的著作權，並於今年初獲得通過。他委託的律師王志勇表示，劉僑對雨傘爸爸圖片及其中的人物形象等享有著作權和肖像權。京東和五糧醇在上海有關地鐵站等公共場所投放廣告，不僅使用了劉僑擁有著作權的作品，也侵犯了劉僑的肖像權。劉僑說，他們已經向京東、宜賓五糧醇品牌營銷有限公司發律師信，希望他們立即撤下廣告。近日也已在上海公證處進行了證據保全公證。王志勇表示，會按相關法例，要求京東和五糧醇立即停止涉嫌侵犯的違法行為，消除影響，並與他們聯絡協商處理後續賠償等相關事宜。2015年9月10日，劉僑和兒子在紐約皇后區法拉盛（Flushing）街頭的背影被拍下。他憶述，當時下班往幼稚園接兒子，「一出幼兒園門雨突然下大，但是因為我家就在附近，所以沒避雨」。他完全沒想到自己會被拍下並爆紅，這只是做父親的本能。在中國出生及長大的劉橋，曾在商務部、摩根大通任職。有感於中美教育的不同，一年後劉僑辭職回國創業，成立「雨傘爸爸教育」。上海澎湃新聞
來源:
http://hk.apple.nextmedia.com/international/art/20170704/20078509
【列席爸爸手記】成績表的缺點
1 :
GS(14)@2017-07-29 03:25:23【文化籽：列席爸爸手記】每個學年年尾的大執拾，大家總會保留成績表，這除了是升學及就業的證明外，也是一面鏡子，把子女一年內的學習及成長反映出來。很多家長會着眼於級別名次，有些則留意總平均分，部份亦會細心觀察各科分數，但甚少細閱操行及獎罰的部份。其實操行獎罰比學科分數更重要，它不單反映了個人特質及性格，更代表了他曾作出的努力及需改善之處。
較早前收到大兒子的成績表，成績中上，品行乙等，不過不失，符合了我作為家長平凡的期望：「不求有功。」奈何下句：「但求無過」卻不能達標，他得到了一個缺點，是在學生涯的第一個缺點！試問一張剛剛起稿繪圖的畫紙，給墨水滴上了一點，能如何畫下去？一朵快要綻放的百合花，給沾上了鳥糞，它還能香麼？不過，我卻沒有太大的反應，亦沒有憤怒，只有嗟嘆，因這是他要學習的功課。事緣他曾多番欠交功課及欠帶書簿，班主任不斷的提點，甚至作出了嚴厲的警告，卻不得要領。個案轉交訓導組，由小息罰企至罰留堂，仍未能完全改善問題。老師及班主任曾來電與我商討改善方法，但最終仍未能有效解決，需以缺點作為懲戒。我作為家長，沒有為兒子解話，亦沒有哀求校方寬容對待！因為過犯雖小，但其背後的意義重大；罰則雖不輕，卻是十分難得的受教時刻。這個缺點會伴着他一世，但有高有低才是人生，經得起風浪的才是硬漢子，能承擔更重的責任，也叫他能在往後的日子中走得更暢順。
親子小點子：成績表大檢閱
家長收到子女成績表，同時亦可在床底找回封塵甚久的成績表，讓子女也評評父母的成績。比較並不緊要，重要的是大家有溝通、有話題，父母亦可分享兒時讀書上課的趣事，又或是失敗經歷，讓子女感覺父母是與他們同行。成績是死的，如何詮釋才更重要！
撰文：列氏
平凡的全職爸爸，在兒子的生命路上，曾作主席，現今出席，將來只需列席，但從不缺席。
編輯：馮秀珍美術：楊永昌
2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170727/20102224
龐卓欣鍾意「同爸爸打網球」被淘汰劉穎敏嗜好「撰稿」
1 :
GS(14)@2017-08-04 06:11:50香港小姐呢個比賽，參加得嘅佳麗，都要美貌與智慧並重，所以一班佳麗嘅資料，都要報告下自己嘅資料，身高、體重、三圍呢啲就基本啦，仲有一樣就係嗜好喇，其實以前啲嗜好都正正常常，但到咗近年，啲嗜好都奇奇怪怪咁。好似麥明詩咁，佢嘅嗜好係唱歌，跳阿根廷探戈，看維基百科/時事新聞，以麥明詩嘅能力嚟講，應該係睇英文維基嘅，咁真係學到嘢，如果係睇中文維基呢，可能會睇到啲古怪嘢。同屆嘅仲有龐卓欣，佢嗜好係：騎馬、唱歌、和爸爸打網球、健身、陪狗狗同行山。大家留意，龐卓欣嘅嗜好，唔係打網球，而係「同爸爸打網球」，唔通同其他人打就唔係嗜好？小小超女友郭嘉文，佢嘅嗜好係：唱歌、烹飪、寫作同寵物訓練。嗜好唔係養寵物，而係寵物訓練，幾有大志。到上年喇，港姐們嘅嗜好都好特別，好似落選嘅陳惠麒咁，佢嗜好係：搜羅健康美味的食物及食肆、瑜珈、唱歌、學習中醫食療保健養生知識，講得好詳細，因為平時啲人都係就咁寫美食咁，但佢就要「搜羅健康美味的食物及食肆」，可惜佢落咗選，唔係嘅話可以做飲食節目。到咗今年喇，就真係精采喇。今次嘅候選港姐，嗜好亦填得相當詳細，好似張寶欣咁，佢運動嗰一部分，係要寫埋咩運動，例如排球、游泳、遠足、跑步。而被淘汰嘅劉穎敏呢，佢嗜好係彈鋼琴、跑步、閱讀、繪畫、撰稿。點解係「撰稿」？而唔係用「寫作」，咁佢係咪可以撰返佢自己被淘汰嘅稿呢？梁雯蔚佢其中一樣嗜好係唱歌，但當中強調咗包括粵曲，仲有跳舞，都強調係中國舞，真係相當熱愛中國文化。順帶一提，好多佳麗都有寫嗜好係「觀賞電影」，字眼上真係靚咗好多，以前就係「電影」兩個字就算，今時今日就要變做「觀賞電影」。唔通真係越多字越有文化？
來源:
http://hk.apple.nextmedia.com/entertainment/art/20170803/20110549
【列席爸爸手記】露出原形的露營
1 :
GS(14)@2017-08-04 06:12:00【文化籽：列席爸爸手記】我年少時曾有一個夢想，組織一個溫馨的家庭，與子女一起打機打波、一起露營看星，成為他們最親密的朋友。當我做了爸爸後，總要為兒子們立界線、定規矩，更要擔任警察和法官，追查過犯及儆惡懲奸，與他們的距離便慢慢的遠了。他們面對着我時，也都戰戰兢兢，不敢輕鬆的表現真我。我常常想着：若爸爸不用每天都是父親，可以放下嚴肅與規範，兒子也不用謹言慎行，活出真我，那是多麼美好的親子關係！
這些機會在日常生活中並不常見，總要親自安排！在暑假中我與兒子們三人特地走到西貢露營，放下平日的角色，用一個全新的身份去迎接營中各樣的挑戰。平日甚愛遊玩的老大一早已嚷着要擔任大廚製作三餐，主動的在冰櫃中找食材，更無怨言的背負了不少公家物資。他更放下與老二競爭的心，悉心地教導他不少野外的知識及技巧。平日懶散的老二則變成一個全能的協助者，無論是架搭營帳、取水洗米、清洗食具，他雖未能一力承擔，但都盡力協助。我則放下了父親的角色，成為一個營會導師，導引着兩位小隊員完成任務，而且更有空間與他們共玩戶外遊戲，享受了半天的親子時刻。
在這短短十數小時的營會，他們展現出被埋藏的另一面，我看到他們的可愛、才能及關顧別人的心，更見到他們從心底綻放出被愛的喜悅。而我最終能如願，與兒子們大玩特玩，作了一天「沒那麼惡」的爸爸。露營真的能叫我們露出更美的原形，我決定要與兒子們多多露營。
親子小點子：在家中露營
購置一個沙灘用的輕便營帳，放在睡房或客廳，父母走進營帳中扮作病人，由子女扮成醫護人員去照顧。檢查、醫治、飲食、娛樂都交由子女安排，直至兩小時後走出醫院（營帳）便完。家長更可準備感謝卡送給細心照顧他們的子女。子女樂於父母能全心全意的陪着他們，也歡喜能共創一個屬於父母與他們的小空間，更會因為父母的讚賞及感謝而在生活上活得更起勁，當然大家的關係亦更融洽。
撰文：列氏平凡的全職爸爸，在兒子的生命路上，曾作主席，現今出席，將來只需列席，但從不缺席。
編輯：馮秀珍美術：孔文彬
來源:
http://hk.apple.nextmedia.com/su ... t/20170803/20109613
Next Page