澄清冇迷銅蔡曉儀有人追開心發福
1 :
GS(14)@2017-04-28 00:54:35■蔡曉儀剛台灣旅行回來，穿花花裙的她身形圓潤。
現年45歲、90年代亞視當家花旦蔡曉儀，自15年前拍完《法內情2002》之後，突然消失幕前。曉儀於三年前接受本報專訪，她坦承當年因為情緒困擾，壓力爆煲才被迫離場，她驚爆遭人落降頭，才一度失理智，有生不如死的感覺，幸好危困關頭有家人扶持，她的情緒得以釋放，並重新振作。近日有指她心思思想復出，不過蔡曉儀昨回覆本報根本沒復出之意，享受做個平凡人。
■蔡曉儀提供的自拍近照，笑容燦爛。
■蔡曉儀（右）1996年拍《我和春天有個約會》走紅。劇照
「對我唔公平」
昨有周刊報道蔡曉儀出巡銅鑼灣時，指她神情呆滯，更突然在鬧巿原地定格自轉，周刊記者上前查問她即閃。其後周刊又再發現蔡曉儀神遊銅鑼灣，當日雖化了妝，精神狀況欠佳，直到會合男友才多了笑容，兩人當街打情罵俏，濕平兼撐枱腳。記者昨聯絡有愛情滋潤的蔡曉儀，她強調沒有發生迷銅記：「精神好好，周刊亂寫。報道好誇張，話我定格自轉，我幾時做過呢啲嘢？你哋要同我澄清番。我去銅鑼灣行街，根本冇呆滯，你哋都影到相啦！如果冇影到我呆滯樣，咁樣寫對我好唔公平，啲人以為我仲係癲。我希望你哋明白我感受，同我澄清番。」
「不再做娛圈」
問到蔡曉儀是否計劃復出？她即答：「我現在經過考慮，我已不再做娛樂圈了。我想過啲平淡嘅生活，希望你們明白。」經濟上也沒問題？她說：「我幫屋企人手，生活好簡單，好開心。」是否等做少奶奶？她續說：「未結婚，但有人追。」蔡曉儀對答有紋有路，思路清晰，她甚至提供了4張近照，有兩張花裙相是剛在台灣旅遊時拍，相中所見她精神很好，身形圓潤又笑容燦爛，心情大靚的蔡曉儀，樂於享受人生，多過再捱更抵夜拍戲。採訪：陳杰
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170427/20002556
陳曼娜開心有大肚女陪
1 :
GS(14)@2017-05-14 10:50:58■陳曼娜今年的母親節甚有意義，因女兒亦將做媽咪。
陳曼娜女兒鄭祖兒（Joie）去年結婚，今年曼娜姐多了女婿蔡朝旭（Dicky）和女兒肚入面的4個多月大的孫兒為她慶祝。日前他們到尖沙嘴預祝母親節，Joie夫婦為曼娜姐準備兩束花、一個粉紅色大蛋糕，Dicky更送上3盒保健食品，令曼娜姐甜到漏。曼娜姐指婚前大家都是一齊過母親節，今年更有意思，因女兒要做母親了。Joie講到跟媽咪相處，忍不住喊出來：「之前我喺美國讀書，近幾年先返嚟，所以好少見。如果我喺美國，過時過節我會打電話返嚟，母親節一定打，因為媽咪特別孤單。我好內疚，喺外國讀咗15年，大部份時間都冇陪媽咪，我?家返嚟，主要都係因為媽咪。」採訪：黃曉妍攝影：陳俊強
來源:
http://hk.apple.nextmedia.com/entertainment/art/20170514/20020434
【add時尚】梁詠琪開心媽咪
1 :
GS(14)@2017-05-19 05:28:06Alice+ Olivia藍色長裙
轉眼梁詠琪（GiGi）囡囡Sofia已兩歲，去年GiGi全面復工，繼產後首部電影《骨妹》後，早前拍攝了另一部電影《西遊記：女兒國》，之後會繼續20周年巡迴演唱會，縱然工作忙碌，GiGi也不會忽略家庭，早前因為工作關係飛往紐約，老公與囡囡溫馨陪住飛，來了一趟家庭旅行，實行寓家庭樂於工作。撰文：陳蔚渝攝影：周樂恒化妝：Andy Leung of ndnco髮型：Ziv Yeung of Pi4 Limited梁詠琪工作關係，經常周圍飛，有些時候配合電影拍攝，更需要離家整整一個月，GiGi慶幸這個年代科技發達，即使與囡囡分隔兩地，都可以即時見到面，「一日幾次視像通話，見吓佢就滿足。」
■GiGi母親和孫女在紐約街頭漫步。
■其間GiGi一家去了Brooklyn Bridge。
■GiGi不時在Ig上載溫馨家庭照。
講故事?瞓覺
GiGi早前以聯合國兒童基金香港委員會大使身份，出席Montblanc於紐約舉行的活動，特別攜同老公與囡囡同行，順道來一趟家庭旅行，但由於時差關係，GiGi接受訪問時笑說，要把握囡囡的睡眠時間來休息，「去旅行佢算容易凑，出trip必備幾本圖書，瞓覺前一定要講故事佢先瞓。」與小朋友旅行，當然要照顧他們需要，給予他們空間走走跳跳，「今次發掘咗唔少紐約嘅兒童playroom，地方當然都比香港大好多，另外又帶咗囡囡去MoMA博物館同Central Park。」問GiGi將來最期待與囡囡去哪裏外遊，「我想同佢去睇北極光，因為我都未睇過，我想第一次睇嘅經驗留畀同個女一齊睇。」教導囡囡，GiGi沒有刻意催谷，反而注重家庭教育，灌輸正確觀念，「係要話畀佢知點解要讀書，有時讀書唔一定係為咗目的，或者求學求分數，係要話畀佢知，知識可以改變命運，知識係有力量可以令你做人更加有自信心，識得表達自己，可以用正確方式同人溝通，建立良好關係，係要話畀佢知點解要學習。」
囡囡唱歌跳舞
GiGi身為UNICEF大使超過十年，曾多次去貧窮地方作慈善探訪，所以都希望能與囡囡一齊參與探訪活動，「等佢大啲想帶佢一齊去探訪，等佢知道自己身在福中要惜福。」所謂有其母必有其女，GiGi分享囡囡平日最愛與她一起唱歌，「佢鍾意手舞足蹈咁喺屋企大聲唱歌，將來有機會想帶佢去學跳舞，等佢可以建立自信心。」問到可會鼓勵囡囡追尋夢想，「會，如果佢有嘅話，我諗佢應該有啩，不過佢年紀仲咁細個，夢想不外乎都係睇吓電視，媽咪幫佢沖涼，呢啲係佢嘅夢想，好易實現啫。」說罷GiGi忍不住哈哈大笑。
■GiGi出Trip原來沒特定要帶甚麼。
■GiGi一講到囡囡，就停不了口。
成日黐住最好
GiGi今年會在內地和美國繼續巡迴演唱會，另外又會投入新的電影拍攝工作，看來又要離家一段時間，難怪大呻掛住囡囡，「都冇辦法，又唔可以話好掛住佢就乜都唔做，要攞個平衡，如果你問我，我梗係覺得二十四小時黐住佢就最開心。」所以GiGi都慶幸家人幫忙照顧囡囡，讓她可以安心工作，「拍戲最辛苦，一走就走一個星期，惟有視像通話，我哋呢一代已經好幸福，有視像通話唔使驚話好耐冇見，個女會唔認得你。」
跟GiGi上飛機
a：add g：GiGi
a：曾經最難忘的外遊經歷？
g：都係去啲埃及、越南，平日唔係好去嘅地方。
a：每次外遊必帶的隨身物？
g：冇，我係去邊度都OK，冇話一定要帶啲乜。
a：長途機必備的三項護膚品？
g：潤唇膏、眼藥水、潤手霜。
a：搭飛機最愛嘅穿搭？
g：我以前會專登帶睡衣上飛機換，但有幾次發現帶咗都唔會換，因為會唔小心瞓着。
a：外遊必備三項fashion items？
g：我出trip時唔太注重fashion，會實際啲，不過一定要有小手袋，最好係有鏈帶，如果突然要隆重啲都OK；短靴舒服又保暖，仲有一樣係太陽眼鏡，通常有時差嘅話，個樣都會好嚇人。
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170518/20024727
SMAP解散心情兩極草彅剛憔悴坐街 木村開心攻康城
1 :
GS(14)@2017-05-21 00:59:24日本組合SMAP不歡而散，木村拓哉近日飛往法國出席第70屆康城影展，其舊隊友草彅剛近日被指行為再度失常，更被拍得帶住愛犬坐在鬧市街頭，舉動十分神化，加上有傳連中居正廣也決定留在尊尼事務所，並非如傳聞所指跟草彅剛、香取慎吾及稻垣吾郎離巢另起爐灶，令人擔心草彅剛的精神狀態正陷入低潮。
「不該原地踏步」
木村拓哉昨日偕導演三池崇史及上位女星杉咲花，宣傳入圍非競賽電影的新片《無限之住人》，是木村繼王家衞執導的競賽片《2046》後，相隔13年再有電影在康城參展。雖然木村在記者會上的髮型遭網民取笑，但他受訪時對於再有電影出戰康城覺得很開心，被問到SMAP解散後有否感到孤單，木村回應：「事實還事實，但我認為不該原地踏步。」近日有傳他已辭演原定10月播出的富士電視台「月9」檔新劇，秋天之後暫冇新工作。
■草彅剛被影到上周五坐在街頭沉思，一度疑感觸落淚。
■有傳中居正廣留在尊尼事務所，令草彅剛（圖）感背叛致精神狀況不佳。
中居正廣
相反42歲的草彅剛卻十分清閒，昨日出版的雜誌《FRIDAY》發現他上周五神化出沒東京住宅區。當天草彅憔悴放狗，其間被拍得坐在街上沉思，並低頭擦眼睛，懷疑他感觸落淚。據報道指，八年前曾在公園全裸被捕的草彅，最近的精神狀況似乎回落。草彅當日帶住愛犬坐在街頭，現場距離其寓所約有10公里路程，隨後抱住狗狗漫步，卻一時將狗放入布袋，一時又放小狗出來散步，之後他再坐在行人路垂頭擤鼻涕。記者見狀上前問個究竟，草彅立即起身並指自己在散步，禮貌地拒答記者有關SMAP及事業等問題，又透露想要截的士走人，可惜沿路一直沒有的士經過，他惟有抱住小狗向寓所方向離去。撰文：哥羅
來源:
http://hk.apple.nextmedia.com/entertainment/art/20170520/20026844
謝安琪開心永和號免拆卸
1 :
GS(14)@2017-06-11 16:09:15■謝安琪夫婦對於永和號有美好結局而高興。資料圖片
前身為永和號的唐樓日前獲評為一級歷史建築，張繼聰於09年寫歌《永和號》紀念這間雜貨店，對於這棟逾百年歷史的建築物得以保留，阿聰在電話說：「梗係好開心，證明呢啲真係有價值，社會發展無可厚非，但香港仲有好多人情味可以保育。」
■前身為永和號的唐樓日前獲評為一級歷史建築。資料圖片
阿聰的老婆謝安琪同樣開心：「永和號本身係雜貨舖，呢種尖頂建築物香港好少，而且佢嘅地段商業價值好高，好大可能性會被拆咗起商廈，但?家佢嘅歷史價值高過商業價值，我會帶小朋友去睇吓。」唱過《囍帖街》的她更有感而發：「張繼聰唱過《永和號》，而永和號最終被保留，我覺得係緣份，自己唱嘅《囍帖街》最後無緣保留被拆卸，?家永和號得到比囍帖街更加好嘅完美結果，真係好開心。」採訪：皓騫
來源:
http://hk.apple.nextmedia.com/entertainment/art/20170611/20051789
Next Page