潤你: 張學潤 感染別人的快樂 2017-02-17
1 :
GS(14)@2017-02-19 14:58:51https://www.am730.com.hk/column/ ... f%ab%e6%a8%82-66204
今年應該又將會是無間斷地到外地工作的一年，常常在社交平台上，上傳到各地工作時拍攝的各款照片、很多朋友看後都紛紛留言說，既羨慕又妒忌常有這種免費旅遊的機會。唉！如果工作簡單，這種任務可也是無任歡迎的，既可賺取報酬、又可欣賞外地風土人情，真的何樂而不為！
奈何真的是那麼天從人願嗎？簡直是人前風光背後辛酸的最真實寫照！每逢到外地的工作，大多數做個你死我活，每天只有開工時間沒有收工時間。算算一整班人出門，不計工資成本，光是所有人的機票、酒店、食宿等，已經全都是錢，所以一定安排在最短的時間內，完成最多的工作，觀光旅遊？哼！想也不用想，旅程中能吃到一頓對胃口的，又能睡一覺好的已覺萬幸！試過從星期天早上6時，開工直踩至星期一晚上9時，所有幕前幕後連續差不多40小時不眠不休的拍攝，到尾段所有人都恍似是行屍走肉，沒有靈魂只剩軀殼。
其實年輕時也曾試過連續工作3天3夜沒睡的紀錄，但當時誰叫自己貪錢，同一時間連接多項工作，沒得休息也是咎由自取，怨不得人。但當時年輕精神體力都尚可支撐得住，再加上豐厚報酬的誘惑，意志力大得驚人，完全漠視休息的重要，隨著年齡漸長，已很久不敢再這樣和自己的健康如此對著幹了！
試過遊走在兩個極度迥異的國家工作，雖然甚麼都是走馬看花，但也有很深的體驗。俄羅斯人表面冷漠冰涼，日本人表面熱情有禮，到底內裡蘊藏的是甚麼樣的一種真實性情，在這兩個工作中，所參與的兩組不同的藝人的待人處事及工作態度，正好也和這兩個不同國度的表面性格一樣，一組冰冷、一組熱情。雖然兩組工作同樣辛苦地每天和時間體能競賽，但大夥兒的工作氣氛明顯有著天淵之別！快樂真的是可感染別人的！
【真‧集體回憶】孖街坊唱張國榮金曲《尋找快樂》撐廣東歌
1 :
GS(14)@2017-03-03 00:54:40(左起)Pam、Sammy、KB同阿偉上街捉街坊合唱80年代金曲
「快樂係好簡單，其實同最親嘅人嘅嗰種快樂，係無價嘅，我覺得錢買到番嚟嘅未必係快樂。」「真係笑，我覺得已經係快樂架喇！」「例如我第一次生小朋友，見到佢又好開心好激動，嗰種快樂係永遠喺你個腦度。」「每朝起身健健康康、健健全全，我已經覺得好開心o架喇，人生苦短嘛。」
呢位張先生唱《風繼續吹》都唱得有文有路o架
自稱唔係80後嘅陳小姐合唱完即刻要同各位合照，嘩！同KB頭貼頭喎
打緊機嘅張生覺得《Stand Up》好聽，但佢唱得仲好聽！
快樂就係咁簡單，就係開懷咁笑囉。音樂劇《尋找快樂時代》一眾音樂人KB李健宏(Kevin Boy)@LMF、Sammy(蘇浩才)@Kolor、阿偉(李兆偉)@RubberBand同和音女王鍾達茵(Pam)，日前走上街頭訪問一眾街坊，揀選心水80年代嘅廣東金曲，皆因《尋找快樂時代》呢齣音樂舞台劇，嚟緊3月30號開始一連四場，喺理工大學賽馬會綜藝館再次公演，當中會大唱經典廣東歌。佢哋四人問到好多街坊都揀哥哥張國榮嘅歌：《風繼續吹》、《Stand Up》，亦有揀選葉德嫻嘅《幸運是我》、同陳潔靈合唱嘅《千個太陽》，街坊們都喜歡80年代嘅歌曲多啲，話旋律、主題都比現時嘅歌豐富喎，四位音樂人仲即時同街坊大合唱，玩音樂就係要玩得開心嘛！
因乜事個個O晒嘴？
仲要跪晒喺度？原來紅髮女士係舞台劇前輩陳桂芬，佢哋4個要重申冇造馬內定
原來老闆想當年晚晚去酒廊聽歌，仲憶起尹光名曲《數波波》同《數毛毛》
提到廣東歌，佢哋四個不約而同都話要撐！KB就話：「係香港嘅魚蛋，魚蛋係香港嘅特色，廣東歌就係香港嘅特色。喂，例如國內都係buy我哋廣東歌手，係咪先？你喺香港唱廣東歌插咗旗，先會搵你返去唱吖嘛。」Sammy話：「我哋係香港人，我哋成長嘅語言就係呢樣嘢(廣東話)，起碼自己有共鳴，我唱出嚟有嗰個感覺。」阿偉：「廣東話係我哋嘅語言，係因為我哋愛我哋個地方，同埋愛我哋嘅語言，所以我哋必須好好保存呢樣咁重要嘅嘢囉。」
其實快樂就係笑囉
「由細到大講廣東話，廣東歌就係魚蛋，係香港嘅特色！」
採訪：懷鈺拍攝：廖達燊、Neo剪接：Roy場地：STUDIO KING
來源:
http://hk.apple.nextmedia.com/entertainment/art/20170301/19943070
Hea富生活：活得快樂才是贏家
1 :
GS(14)@2017-04-28 00:53:26此欄跟大家見面接近三個月，還沒有介紹過自己，未看過小弟拙作的朋友可能會覺得陌生，或者你會覺得呢條友一時講樓市，一時講外地樓，一時又講吓生意，奇也怪哉。此欄名為《Hea富生活》，顧名思義是注重生活，「Hea富」只是對本人生活態度的自嘲，認真就笨了。自覺只是一個不求長進，只求有能力選擇理想生活方式的一個小小生意人。自小家貧，旺角成長，讀書不成，預科畢業後擔起家庭生活擔子，跌跌撞撞活到今天，對生活有一點感悟，大膽分享。這裏始終是財經專欄，點都要寫番一排搵錢話題吸吸睛，今日想寫有關生活。引用周顯大師某周刊專欄名字《投資就是生活》，我們每天看財經版所為何事？就是想自己和家人過好一點的生活，這就是各位投資者的初心，做生意也是對自己的一項投資。我的理念是：無論多美好的投資項目，只要是影響初衷的，都會棄之不惜。過往認識很多做生意或投資非常了得的朋友，在其身上雖學到高超的賺錢技巧，但九成以上教不到你如何生活得更快樂。
成功人士五勞七傷
因大多數成功的生意人或投資者都有一個共通點，就是工作佔生活的全部，無暇顧及身體，以及夫妻、子女、父母關係。有上市公司主席因通波仔要長期服藥，有大型連鎖店老闆要接受心理治療，家庭破裂佔五成以上，與前妻子女不相往還為常事。極端的甚至壯年過勞死。最普遍的是連基本生活認知都嚴重缺乏，投資專家除股票以外一無所知，對其他賺不到錢的人和事沒有興趣，不知道便利店冇廁紙賣的，何止林鄭一個。反之一些專業人士，常在各大媒體接受訪問的KOL，又對投資一無所知，只把錢存入定期，年近五十仍然手停口停。近日看劉鑾雄專訪，以亞視解剖外星人形式每天播出一小段，令我最深刻的一句是：「?家咩都唔重要，最緊要身體健康。」當年的股壇狙擊手，上千億身家，肺腑之言竟是一句老生常談。有時跟一些舊同學見面，我們band5學校出身，大部份不是很能賺錢，有些可能四十過外還未上車，但他們家庭和諧生活美滿，雖然生活質素不及大劉億份之一，但他們投資在生活上的回報，可能比他更好。郭釗
http://fb.com/heaology.edu本欄隔周四刊出
來源:
http://hk.apple.nextmedia.com/financeestate/art/20170427/20002650
【專題籽】扭出快樂人生 小丑伯伯踩單車送扭波
1 :
GS(14)@2017-05-19 05:28:24黃振榮（71歲）自四年前起，每天騎單車風雨不改扭波波送給小朋友，街坊因此稱他「球王」。
【專題籽：胚芽故事】兒時最愛到嘉年華會，從小丑手上拿一隻用藍色氣球扭成的小狗，那時動輒要在烈日當空下排一、兩小時。一位退休伯伯四年前起每天騎單車在將軍澳出沒，帶着一籃七彩氣球和充氣泵，頭頂「爆炸頭」假髮扮小丑，風雨不改送小朋友氣球，更會教你扭波波。米奇、蝴蝶、太陽花，你說得出他就扭得到。現在的小朋友真是幸運，嘉年華會沒有了，小丑卻就在家樓下。
71歲的黃振榮自言「後生無時停」，做過裁縫、巴士維修員，愛打籃球、足球、高爾夫球，更曾任足球教練，至今仍不時與譚詠麟和曾志偉等人踢波。「退休不用工作真悶！氣球便宜，顏色又好看，便買回來扭啊扭，誰知越扭越覺好玩，越扭越多款式！」起初黃伯扭波只為解悶，但有次在遊藝會，他看見小朋友為拿扭波排長龍，拿到後笑容滿面，就決定把家中扭好的氣球帶出街。「扭完放家中很耗空間，送給小朋友可換他們的笑容，何樂而不為？」
退休生活沉悶難耐 自學扭波尋樂趣
黃伯不但看氣球書參考，更會在家練習，加快扭波速度，不讓小朋友久等。每天帶備「扭波三寶」（充氣泵、數十個氣球和箱頭筆）騎單車出發，戴上自製假髮扮小丑，吸引小朋友。訪問當日天晴炎熱，他也堅持不除假髮，「做戲做全套，小朋友一看到小丑伯伯就會跑過來。」的確，小朋友看到他即衝過來，熟練地說出不同要求，既有常見的貓狗，也有人要手槍和波板糖。「飛機、大炮、電單車，你說要甚麼我就扭甚麼，這都是我的拿手好戲。」
對於有不少有心人希望幫助自己，伯伯說：「只要買氣球給我就好。」
爆炸頭假髮是黃伯的標記，他扭了一朵花送給小朋友。
出錢出力教徒弟 為哄小朋友開心
「小朋友天真可愛，來拿個氣球又跳又唱又叫，他開心時我又開心。」本着宗旨，黃伯天天出動，換來多段友誼，亦引來不少街坊和學生向他拜師，他笑說大學生和老人家都是徒弟。坊間教扭波波至少$200一堂，首兩堂只教你充氣和打結，黃伯卻從不收分毫，甚至提供氣球讓徒弟練習，絕不計較。「我希望能教到每區都有一兩個扭波人，在自己的社區幫幫忙，一起送氣球，哄全香港小朋友開心。」他認為只要哄得小朋友開心，大人看到天真笑容自然也會心微笑，「我相信這樣足夠令他們快樂一整天！」教徒弟不收費，送氣球又不收錢，他坦言退休金已夠過活，而且氣球成本極低，想不到收錢的理由。「曾碰過有些有心人，問應該怎樣幫助我，我都說不用了，只要買氣球給我就好。」四年來，這位小丑黃伯早已成了區內名人，街坊個個稱他「球王」，他更自豪地說：「區區都有我嘅腳毛。」最後他說：「很簡單，我只希望小朋友每天都開開心心，看到他們蹦蹦跳跳，不用發達我也快樂！」
每個小朋友拿到氣球，都笑着說謝謝，黃伯說這小朋友笑容跟自己很相似。
小男孩最愛的飛機、大炮、電單車，以及小女孩喜歡的花花、蝴蝶、卡通人物米奇老鼠（圖），都是黃伯的拿手好戲。
記者：黃凱婷攝影：潘志恆編輯：馮秀珍美術：孔文彬
來源:
http://hk.apple.nextmedia.com/su ... t/20170518/20024350
【美圖晒晒】鄰家女孩的快樂日常網友：超自然美！
1 :
GS(14)@2017-05-19 05:43:35台灣女生子茹散發着鄰家女孩的清純氣質，喜歡在Instagram分享日常生活。她的照片po在批踢踢Beauty看板後，引來大批網民瘋傳。子茹回應說：「中午的時候IG就狂跳了！一下班看IG是整個當機......前陣子真的比較低調，屬於活在自己的圈圈裏因此都設定隱私，直到最近才開放了。其實『分享生活、散播快樂』沒有甚麼不好的呀。」她更答應一眾網民：「我會盡量分享好看照片的！」網民立即回應：「子茹真的超自然美，難怪大家都喜歡」、「你真的太美啦」、「清新、陽光、可愛，挺！」
Instagram/批踢踢實業坊
來源:
http://hk.apple.nextmedia.com/international/art/20170519/20026476
【動畫‧厭倦香港】90後寧住韓國劏房「人生最快樂時刻」
1 :
GS(14)@2017-05-19 05:43:5390後YouTuber Mira話厭倦香港，喺韓國住咗一年幾。
【尋找首爾的香港】「我好想離開一個厭倦咗嘅地方！」目前住喺韓國首爾嘅90後YouTuber Mira話，鍾意韓國多過香港，「暫時喺呢廿幾年嘅人生中，呢刻最快樂！」
Mira嘅快樂嚟自韓國，亦嚟自佢做到鍾意嘅職業，尤其去到一個接納呢種職業嘅地方。佢話喺香港介紹自己係YouTuber，會被受質疑，喺韓國就開放得多，「韓國好多人靠YouTube或者直播節目賺錢，佢哋一聽到我話做YouTuber，就問『係做咩類型？』而唔係問『可以賺錢o架？』、『係一個職業呀？』」
話係廿幾年嘅人生中，最快樂時刻。
佢嘅YouTube Channel有超過20萬人訂閱，主題多數講韓國。
最勁嗰條片有超過300萬點擊。
Mira嘅YouTube Channel開咗短短年半，訂閱人數就超過20萬，最勁嘅短片仲超過300萬點擊。當外界認為YouTuber係廢青，Mira就有資格反駁，「唔係囉！」Mira為咗自己嘅YouTuber事業，曾經迫自己「每日一片」，「勤力啲每日upload一條片，就每日多一個機會曝光，令人認識我。」點解話「每日一片」係勤力？因為一條片嘅背後並不簡單。Mira話做YouTuber仲辛苦過打工，「瞓覺諗到橋就彈起身寫低，你睇3分鐘片，我可能拍咗幾個鐘，剪又三個鐘，就算行街、去玩，都帶住部相機，一見到值得介紹嘅嘢，就即刻roll機，24小時都做緊嘢。」不過，Mira唔係呻辛苦，只係想外界知道YouTuber背後都付出好多努力，而Mira話好enjoy呢個過程，「自己鍾意吖嘛！」
佢話韓國人比香港人更接受佢以YouTuber作為職業。
Mira靠YouTube分成同賣廣告，每個月最少搵萬幾蚊港紙，好嘅可以賺到兩至三萬。
點解Mira會成為YouTuber？事源係舊老細嘅一個任務，「當時上司叫所有女同事拍片，sell公司啲產品，拍攝、剪接都一手包辦，我覺得好得意，所以想整一個屬於自己嘅video。」2013年開始學韓文嘅Mira，最鍾意又最熟識嘅就係韓國，所以佢嘅片多數以韓國做主題。Mira食正韓國熱潮，頻道嘅訂閱人數不斷上升，短短半年就超過4萬，令佢越拍越有信心。不過，邊返工邊拍片好難兼顧，去年就決定辭職，專注做全職YouTuber，亦決定飛去韓國長住，始終人在當地，先發掘到更多內容，「當自己闖吓又好，體驗吓都好，總之唔想令自己後悔！」2015年3月，Mira拎住只能維持兩至三個月嘅積蓄去到韓國，連基本嘅屋都租唔到，「喺韓國租屋一般要畀按金，大約三至四萬港幣，當時我都無，咪揀啲細地方，即係韓國嘅劏房，不過都比香港大。」Mira寧願住劏房，慳啲洗，都要留喺韓國，「無錢，咪迫自己勤力啲去賺！」
Mira無乜budget，喺韓國要住劏房，不過都比香港嘅劏房大啲同舒服啲。
佢話無諗將來，o依家鍾意做YouTuber就盡全力去做，及時行樂！
Mira嘅收入來源包括拍片上載YouTube，YouTube會分成，又會接廣告，以每次計算，或以銷量分佣計算。佢話每個月基本都賺到萬幾蚊港幣，如果接到多啲廣告，就可能賺到兩至三萬。錢，未必賺得多；路，至少無行錯，Mira行咗一條通往快樂之路，「唔受時間，唔受地方限制，賺到錢，做到自己鍾意做嘅嘢，我好享受o依家喺韓國嘅生活。」Mira話無諗太多將來，「一年前我都唔知YouTuber會成為我嘅職業，o依家呢樣嘢係我鍾意做嘅，我就盡全力去做，及時行樂囉！」記者：鄒倩婷（阿仙）攝影：陳家文、李錦鏵剪接：Roy編審‧導演：陳家文
來源:
http://hk.apple.nextmedia.com/entertainment/art/20170519/20025679
【嫩口快樂爸】童顏老竇仔細老婆嫩 唔怕再生多個
1 :
GS(14)@2017-06-23 01:45:16原本憧憬在30歲前到日本體驗工作假期，夢想隨諾諾的出現而化為泡影，Cyrus卻很享受這種家庭樂。
23歲，投身社會不久，事業起步，順理成章。而對鄒志文（Cyrus）來說，已是他成家立室之年。Cyrus笑起來露出兩隻虎牙，眼睛瞇成一條線，絲毫未帶歲月的痕迹；太太何珈其（Kaki）身形瘦削，把金髮綁起一條小辮子，戴着草帽，臉上掃了櫻桃色的胭脂，打扮像極個日本女孩。三年前，Cyrus與Kaki拍拖兩年，感情穩定，原定9月結婚，打算婚後養育小孩的兩人，第一次沒有做避孕措施就一撃即中，Kaki提早在婚前懷孕。
「冇諗過唔要，因為我哋自己都係想要小朋友。」當時Kaki才19歲，年齡卻從來不是他們的顧慮，第一個面對的挑戰，是要向家人交代。Kaki把當時的情境娓娓道來，「本身屋企係比較嚴，容許我拍拖，但係就連去人哋屋企都唔可以，一知道係好擔心點同我爸媽講。」過了媽媽那關，再戰戰兢兢告訴向來較嚴厲的爸爸，結果沒有被罵，只是叮囑兩人想清楚，好好計劃往後的路。父母開通，卻曾經聽過不順耳的話，Cyrus憶述：「啱啱知道嗰日，我老婆就同咗我哋大家都識嘅朋友講，佢就偷偷哋同我老婆話，佢覺得咁早有BB就唔好喇，因為始終綁死住佢，同埋話假如有一日，我識咗第二個，走咗點算呢？」兩人當時心意堅決，並沒因閒言閒語動搖。兒子鄒卓諾（諾諾）出生後，偶爾帶他到酒樓飲茶時，也遇過好奇的旁人，「多數啲酒樓姐姐就會講，咁後生就做爸爸，咁大隻，搞唔搞得掂㗎，嘩你咁早就結婚……好似好唔符合佢哋大人入面嘅眼光。」事實是除了這些，他們都沒有遇過太多惡言，或者是他們根本沒有放上心，「就算啲街外人或者親戚朋友話，有啲說話聽嘅時候，我哋都會覺得，只要我哋負擔得到，生咗出嚟我哋照顧得到養到佢，有能力嘅話，都唔洗聽人哋講啲乜嘢啦。」臉上仍帶點稚氣的Kaki淡淡然道出這番話，確實來了個反差。
牙牙學語的諾諾，親他一下，然後說「I love papa」，爸爸聽着心裏應長出花來。
年紀輕輕已為人父，Cyrus自覺比以前EQ高了，衝動不再，為的是身教。
長着一副童顏的Cyrus，高舉起心肝寶貝，綻開慈父的笑容。
從來現實便是作任何決定的最大敵人。回想當年拍拖時，22歲的Cyrus在旺角開玩具精品店，經歷短暫的異地戀後，Kaki索性不再讀書，從新加坡回來後二人一起經營小店，然而生意普普通通，頂多只達收支平衡，發現懷孕後，他們忐忑，即使應付到頭兩年的開支，諾諾要上學校就一定不夠，所以把心一橫擴展生意，也度過了一段艱難的日子，「我唔喺到我老婆就繼續孭住佢（諾諾）喺前面收銀，我哋嗰時冇請人，因為負擔唔到。」年輕過的都知道，青春是最大的資本，用之揮霍看想看的世界。原本憧憬在30歲前到日本體驗工作假期，夢想隨諾諾的出現而化為泡影，他們卻自得其樂，「冇得去working holiday，我哋又唔會話特別覺得可惜嘅，working holiday係可以去第二個國家體驗生活，而家冇機會去，但我哋依然可以帶埋諾諾去旅行，有啲朋友會話，其實佢兩歲前都唔會有記憶㗎啦，但我同太太都覺得，呢個記憶係屬於我同我太太，雖然小朋友可能唔記得，但係我哋帶住諾諾我哋一樣咁開心。」也許對Cyrus和Kaki來說，世界就是家庭，是諾諾。路走得比人快，惟有提早成熟，Cyrus笑說：「以前細個返學成日都會鬧老師，同埋周圍打交，有咗小朋友EQ高咗，唔會好似以前咁唔思考就做，小朋友學嘢好快，可能我而家同我老婆講一句老婆，佢都會跟我講一句老婆。」身教要緊，警惕他們無時無刻做個好榜樣，生活除了工作就是照顧諾諾，為的是給予諾諾最好的一切，儲蓄不為物質，只為買樓，最大的心願是擁有一個安樂窩。
餅印般的兩父子。
活潑的諾諾在公園蹦蹦跳跳，Cyrus也不忘照顧他的責任，一時餵他喝水，一時為他抺汗。
年紀輕輕揹起一個家庭，三口子將迎來新成員。
為人父母，年齡畢竟也只是個虛數，Kaki說：「生小朋友就算乜嘢年齡嚟講都係第一次，所以冇話佢大個啲生嘅就會成熟啲，生完小朋友照顧小朋友，都係出自父愛母愛，唔關經歷嘅問題。」一步一步向前走，兩人準備迎接下一胎，「所有嘢都係有計劃咁做，佢而家成日都會話想要妹妹，佢始終獨生成日覺得好悶，前排商量過諾諾都大，隔咗三年係咪都差唔多。」訪問完畢，兩口子拖着諾諾，小不點蹦蹦跳跳，嚷着要去冒險樂園。三人徐徐地步出公園，年紀輕輕揹起一個家庭，讓我剎時覺得，他們的身影越走越大。記者：鄧天蔚攝影：蕭志南2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170619/20060320
仔女快樂≠媽咪快樂肥媽：創傷係永遠㗎！
1 :
GS(14)@2017-06-25 10:11:19又到人哋家事（但又關大家事）嘅時間…之前講過曾經受過家暴嘅肥媽Maria Cordero同林雅詩，上《關你家事》做嘉賓，講到家暴經歷，林雅詩話個仔原來暗地裏好驚爸爸（林雅詩前夫），一講呢啲，佢又眼濕濕，節目中嘅專家提醒林雅詩，如果想再發展一段新關係時，可能會驚咗，個人變得敏感，就喺呢個時候，林雅詩就搭嘴話會有陰影，啲眼淚就嚟料，佢哽咽話：「好多嘢會有陰影，會好驚囉！接觸人呀，或者再有個新嘅感情，會好驚囉！」肥媽就話：「你都儍嘅，驚咩啫？衰過佢好難搵，好過佢嘅周街都係。」去到咁，林雅詩破涕為笑。然後，終於到咗到萬眾期待嘅喊位，事緣個案主角Wilson話希望已離異嘅父母可以喺番埋一齊，一家四口齊齊整整咁，但係估都唔估到有「大眾阿媽」形象嘅肥媽，唔同意呢個講法……肥媽話：「希望所有嘅子女，因你哋嘅寄望呢，係一家人齊齊整整就好快樂，你記得，個快樂係你嘅，我唔介意我啲仔女同邊個結婚，因為我想佢快樂，相對嘅做仔女一樣，我唔介意我媽媽有冇丈夫，或者會唔會嫁過第二個，或者爸爸會唔會娶過第二個，因為最緊要佢幸福。」「因為你哋咁多人，除咗我同佢（林雅詩）都冇人有資格講，就係……當你被一個人（肥媽停頓咗3秒，深呼吸）打嘅時候，嗰種創傷……嗰種身體……唔係你講兩句可以抹咗（眼淚來襲！）。尤其是自己啲仔女被人打，係幫唔到嗰種創傷，唔係你哋講佢已經改咗喇，你o依家做咩呀？改功課呀？佢做完作業之後、改完功課，得喇畀佢pass咩？唔係呀，嗰種創傷係永遠㗎！」最後，肥媽再話：「最緊要你睇到我快樂，我同佢一樣，當我哋離開嗰陣時，嗰種快樂呢真係好似飛天咁，真係好似可以飛嘅咁，嗰種嘢係你冇辦法明白嘅。」肥媽覺得，一家人齊齊整整唔使住埋一齊，係追求quality time唔係quantity time（即重質不重量），佢重申啲仔女唔會明白曾經被家暴嘅人嗰種恐懼：「嗰種創傷唔係淨係肉體上嘅」，講到咁，連主持人麥長青都要拍吓肥媽個膊頭嚟安慰……
來源:
http://hk.apple.nextmedia.com/entertainment/art/20170623/20066240
Next Page