女扮男裝四圍呃手法高但衰身材好
1 :
GS(14)@2016-03-02 15:01:44內蒙阿拉善右旗一名女子扮男人，用假名字四出行騙，多年來合共騙得60多萬元（人民幣‧下同），但因為他的胸部實在太大，被警方識穿是女兒身落網。這名女扮男裝的騙徒，自稱周軍。據其中一名被騙的退休職工陳先生表示，周軍是由他的一名朋友介紹相識，兩人一起吃過幾次飯。周軍自稱是包工頭，負責當地幾個礦區的後勤採購，表示會介紹生意給陳先生。去年12月，周軍借走陳先生19,728.7元。至本月17日，他多次致電周軍，但對方手機語音提示周軍欠費停機。陳先生到電訊公司一查，才發現發手機機主不是周軍，而是翟XX。陳先生懷疑自己受騙，於是報警。警方調查後發現周軍「甘肅民勤口音，中等身材，愛抽煙喝酒。」在阿拉善右旗巴丹吉林鎮，很多人都認識周軍。警方隨後連到6宗詐騙案，包括當地一名姓謝的男子兩年來被周軍騙了約10萬元；去年周軍以工程資金周轉、契女等錢用等理由分4次向王X借款5.81萬元；以給老家的女兒辦幼兒園和自己相親為由兩次向裴X借款1.66萬元；67歲的朱老漢借給周軍2.7萬元；周軍分兩次向張X借款1.55萬元；周軍以工地採購年底結賬的方式，拖欠多家商戶肉款9.7萬多元。警方專案組對管轄內近400名叫周軍的男子進行了人口訊息排查，未發現疑犯，初步判斷疑犯有可能使用了化名。隨後，有受害人指，周軍胸部較大。警方懷疑周軍是女人，於是讓受害人對網上女逃犯的照片進行辨認，受害人一眼認出一名姓朱女逃犯。當時受害人都呆住了，和自己相交一年多的周軍竟然是女兒身。警方指，周軍即朱X，今年48歲，甘肅武威市人，前年在阿拉善左旗涉及一宗詐騙27萬多元案件，被警方上網追緝。警方經部署，本月26日在金川區一家餐廳將正在後廚揉麵的朱X抓獲。與朱X同一宿舍的3名工友和飯店員工竟然不知道，和他們一起工作了一個多月的朱X是女人。就連辦案警員也說：「當時我們抓到朱X時，不仔細看，真的認為她就是男的，她的身材偏胖，留着平頭，膚色偏黑，說話甕聲甕氣的。如果是個有心人，會發現她的胸部比較豐滿，而且沒有喉核。」正北方網
來源:
http://hk.apple.nextmedia.com/international/art/20160302/19513090
內地場外配資復活 零首期炒房 貸款打包成理財產品 風險四圍擴散
1 :
GS(14)@2016-03-04 23:28:00【明報專訊】去年讓內地股市瘋狂?C升的場外配資，如今在樓市「借屍還魂」。有投資內地地產的基金表示，在內地一線城市，普通市民已很難上車，樓市「高燒不退」實為炒房兵團作祟。新華社周三發文批評P2P、眾籌等方式推高樓市槓桿。場外配資平台左手貸出款項，助炒家「零首期」(內地稱「零首付」)炒樓；右手則將債務包裝為理財產品銷售，將樓市風險轉移至大眾。本報了解到，搜房近日已因炒風過盛收緊旗下「首付貸」。
明報記者 顧冷冰、鄭智文、武君
本報翻查內地各主要「首付貸」平台操作情況，無論是搜狐旗下的搜易貸，搜房網旗下的房天下，京東金融，甚至是最近由於違規操作被調查的鏈家理財，各平台都以「低息、特快審核(1至3天)、毋須抵押」作招徠，最大的賣點則是「一成首期」甚至「零首期」便可買樓。
最多借一半樓價 年息24厘
2月2日，內地非限購城市首付比例可由25%向下浮動至20%，只要向配資機構借貸樓價兩成，便可輕鬆實現無本金炒樓。內地一線城市雖然首付比例仍是三成，但本報了解到，房天下向二手房買家提供最多五成「首付貸」，樓市?C升之下，照樣「無本生利」。
個別平台開始收緊「首付貸」
各平台均實行「左手借右手還」的策略，將「首付貸」債務包裝為理財產品銷售。以搜房房天下為例，貸款被包裝成平台主打的高收益投資項目「天下金」。100元(人民幣·下同)起投，年回報率約8%，每筆總投資金額在50萬元左右，投資期限多數在一至三個月。項目詳情則是「借款人籌集資金用於支付購房首付款產生的貸款，經核實，真實有效」。
本報記者昨致電各配資平台，發現實際利率遠高於網上宣傳利率，且最近樓市狂牛乍現，個別平台已開始收緊借貸。搜房的房天下客服人員表示，新房「首付貸」已經被暫停，何時重啟不得而知。二手樓首付貸可以申請免抵押貸款，但貸款時限由上個月的一年縮短至目前的半年。貸款上限依然高達樓價的五成，利率每月2厘，年利率高達24厘。其他融資平台多籠統回覆，具體貸款利率、上限都要由具體審核決定。
降首期標準 償還風險難料
有內地地產基金在《金融時報》撰文表示，很多豪宅購房者並非高淨值人群，而是炒房者，「2100萬元的房源，200萬元資金即可入場」。另有不具名美資投行分析師表示，「首付貸」降低了首期標準，失去對借款人的風險辨識能力；將貸款打包再出售，則進一步擴散了風險，一旦樓價下行，買家違約，可引發連串劇烈反應。他認為，配資平台收緊貸款期限，可能是為了避過提前到來的樓價下跌。
瑞信亞洲房地產研究主管杜勁松表示，「首付貸」平台暫停一手樓業務，可能是由於部分銀行不願與涉足「首付貸」的開發商合作。他相信監管機構或將出手管制，不過未必有用。一方面市場的力量強大，另一方面一線城市政府從房價暴漲中受益。
來源:
http://www.mpfinance.com/htm/finance/20160304/news/ea_eaa1.htm
馮仁昭四圍超：陳庭欣瞞翟威廉 硬撬大狀
1 :
GS(14)@2016-03-05 01:12:11■陳庭欣不時同唐偉倫一齊出席飯局。互聯網圖片
現年28歲嘅前港姐冠軍陳庭欣（Toby）雖然一直唔認，但同港男冠軍翟威廉拍拖已經係公開嘅秘密，兩人仲發展成半同居關係。不過噚日有雜誌報道話Toby瞞住男友，暗交楊恭如舊愛、有米大狀唐偉倫，而男方亦已經有一位穩定女友Candice，因而發展出一段四角戀。
■陳庭欣一直唔承認同翟威廉係男女朋友關係。資料圖片
■早前陳庭欣明明係大狀屋企留宿，但就喺Ig貼咗一張準備瞓覺嘅相。互聯網圖片
明目張膽攬頭攬頸
雜誌報道指上月22號Toby趁唐偉倫個正印Candice唔喺香港，兩人雙雙去數碼港嘅戲院睇戲，一出戲院門口Toby就戴番口罩遮樣，兩人前後腳去攞車，之後就返咗男方喺附近碧瑤灣嘅寓所。其實數碼港戲院已經成為佢哋兩個人嘅密會勝地，月前佢哋又約係嗰度睇戲，Toby又係包到實現身。最高招仲係明明事後Toby去咗大狀屋企留宿，但就喺Instagram貼咗一張準備瞓覺嘅相，被指製造假象畀翟威廉睇，扮喺屋企。報道又話，正印Candice舊年已經知道Toby呢位小三存在，亦都捉過幾次佢同自己男友約會。最後Candice選擇原諒，唔知係咪咁，Toby試過喺一個春茗飯局明知Candice在場，Toby仲特登同唐偉倫攬頭攬頸挑釁，又試過將唐偉倫嘅愛犬相放上自己Ig示威。撰文：馮仁昭
來源:
http://hk.apple.nextmedia.com/entertainment/art/20160303/19513580
【馮仁昭四圍超】沈卓盈冧新歡「佢好gentleman」
1 :
GS(14)@2016-03-08 00:08:32【搭膊頭】■沈卓盈前晚俾疑似新歡搭膊頭好受落，但佢仲死撐話唔係拍拖。
沈卓盈舊年中同圈外男友Ray分手之後，感情生活一直都冇着落，前晚終於見到佢同疑似新歡男友喺銅鑼灣行街，仲蹺住手食雪條。佢位疑似新歡戴住眼鏡，警覺性好高，不停周圍望，起初仲企開幾個身位，之後入咗雪糕店買雪條食，佢哋揀咗個靠牆死角位坐，不時頭貼頭傾偈。其間沈卓盈有拎手機出嚟自拍，仲好快擺咗上Ig，當然就冇男伴份啦！大約半個鐘之後離開，對方仲好細心蹺住沈卓盈過馬路。兩人之後去咗睇眼鏡，跟住繼續喺銅鑼灣一帶行街，但每當去到人多地方就特別有戒心，分開幾丈遠，不過一過馬路或者去到窄路，新歡有好幾次都會攬住佢行，夠晒體貼。
【食雪條】■兩個人行到最入嘅死角位坐低食雪條。
【想拖手】■疑似新歡男友行到暗處，仲想趁機會拖下沈卓盈手仔。
■沈卓盈出門個時仲風騷揈頭髮。
多人地方要保護
沈卓盈之前單身嘅一段日子，成日黐住好姊妹徐淑敏一齊玩，間中約吓閨蜜嘆茶，又話要工作為先，點知原來已經靜靜雞拍拖。沈卓盈噚日回覆本報同新歡行銅鑼灣食雪條，當然例牌否認有新戀情：「都話唔係咯，朋友呀！朋友出街食飯行吓街，佢好gentleman，多人地方都護一護。咁我單身嘛，朋友出街食飯正常社交。」撰文：馮仁昭
來源:
http://hk.apple.nextmedia.com/entertainment/art/20160307/19519113
馮仁昭四圍超：揀父母紀念日註冊何潤東娶老婆 晒婚環
1 :
GS(14)@2016-03-11 13:30:53■何潤東同Peggy帶上鑽戒及婚環宣佈結婚，仲好有意思咁揀正同父母同日註冊。
現年40歲嘅「岡本男神」何潤東同女友Peggy拍拖8年，噚日喺台北登記結婚，何潤東晏晝喺微博宣佈喜訊：「婚戒不如自己老婆親手設計的婚環來的有新意。明年的今天是我爸媽結婚50年，也會是我結婚一周年。」噚日原來仲係父母嘅結婚49周年，揀呢日註冊鋪定路下年同父母一齊慶祝，何潤東亦都希望可以好似父母咁白頭到老。
■Peggy專誠設計婚環紀念與何潤東喺28歲相識。互聯網圖片
未定時間擺酒
早喺前年父親節，何潤東已經答應爹哋會喺兩年內結婚生仔，而家就行出第一步。據知，何潤東婚後先陪老婆一星期，月中會去內地開工，稍後會喺台北補辦喜酒，何潤東話：「還沒正確決定在甚麼時候！因為目前手頭上還有一部電影。」Peggy仲為自己設計嘅手環創立咗個名為「28women」嘅品牌，原來呢個名都有特別意思，用嚟紀念自己28歲嗰年遇上何潤東，佢話：「在28歲的那年遇上了他，28歲時最開心的時刻。因為喜歡畫女人的側臉。」Peggy又解釋手環嘅概念嚟自啞鈴，代表運動，做運動就代表健康，真係有心思。撰文：馮仁昭
來源:
http://hk.apple.nextmedia.com/entertainment/art/20160311/19524534
馮仁昭四圍超：脹爆齊昕伴母遊美睇星
1 :
GS(14)@2016-03-16 14:28:13■齊昕（中）前日被發現同媽咪唐青儀遊美國洛杉磯星光大道，戴住黑框眼鏡素顏嘅佢，精神幾好。讀者提供圖片
【爆相爆片】上年特首女梁齊昕出盡風頭，踏入新一年，齊昕好似冇晒蹤影，原來近呢幾個月，佢先後去咗澳洲、英國同美國旅行。噚日《蘋果》讀者陶小姐將前日影到齊昕同媽咪唐青儀去咗美國洛杉磯旅行嘅相透過本報「爆相爆片」開心share，見到齊昕同媽咪仲專登去咗當地著名嘅星光大道。
■相中齊昕（右）肥咗一個碼，有指係因為食藥副作用所致。
匆匆收線
有指齊昕情緒經常起伏，要keep住食藥，搞到有副作用致暴肥，相中齊昕的確肥咗成個碼，不過精神唔錯。至於行喺前面嘅阿媽，就拎住個膠袋，睇嚟兩母女啱啱shopping完。馮仁昭噚日越洋致電齊昕，問佢係咪同媽咪去咗美國散心，佢就話：「……唔，係……Sorry，我唔方便講！」然後就匆匆收線。仲記得齊昕喺舊年萬聖節當街激摑阿媽震撼全城，事隔幾個月，兩母女俾人影到喺中環酒吧消遣，搭膊頭又蹺住手，母女果然冇隔夜仇。
來源:
http://hk.apple.nextmedia.com/entertainment/art/20160316/19530959
Next Page