【人人試iPhoneX】專家讚保安功能勝Touch ID 女生最愛前置鏡頭瘦面
1 :
GS(14)@2017-11-05 17:38:10Gadget Guy馬不停蹄由旺角菜街轉戰尖嘴海防道等大家試機！
剛剛才於旺角做完Live畀大家試玩iPhone X，轉眼Gadget Guy「人人試iPhone X」專車已經開到尖沙咀嘴海防道，就在石牆前、大樹下擺攤畀大家試機！同場仲有香港資訊科技商會榮譽會長方保僑現場專業分析iPhone X入手指數，雖然方生早前就因為信心咭問題而訂不到機，但已即時用上台方法預訂iPhone X，「Face ID登錄時間確實比Touch ID快得多，唔使半分鐘就搞掂。」
方生亦認為Face ID保安應該比指紋來得安全，總結評分更畀9分之高(滿分為10分)，不過方生亦疑惑駕車時用Face ID解鎖會否不便。街頭畀大家實試部份，有人覺得iPhone X手感幾滑，亦有女生相當喜歡前置鏡頭拍攝效果。想知大家有乜評價，睇片啦！記者：韓繼聰、朱崇德、司徒港燊
來源:
https://hk.lifestyle.appledaily. ... e/20171103/20202624
中環在線：滙豐推face ID勸青春期 雙胞胎 勿用
1 :
GS(14)@2017-12-18 03:48:06■滙豐寫到明，如果閣下有雙胞胎或者長相相似嘅兄弟姊妹，就千祈唔好用人臉辨識功能作為認證之用。資料圖片
銀行近年推指紋認證，登入手機銀行功能比以前方便好多，不過Apple嘅iPhone X取消咗指紋認證功能，但新增咗人臉辨識（facial recognition），滙豐決定跟機，不過戴咗個頭盔，就係正值青春期嘅，或者有雙胞胎、有似樣嘅兄弟姊妹嘅你，就最好唔好用喇。
iPhone X嘅人臉辨識功能喺國外都有唔少被破解嘅例子，畀人開到電話唔緊要，開到銀行戶口就大件事，所以滙豐喺使用條款（T&C）都好小心，提醒要做好預防措施，防止欺詐。滙豐寫到明，如果閣下有雙胞胎或者長相相似嘅兄弟姊妹，就千祈唔好用人臉辨識功能作為認證之用；另一樣係如果閣下正值青春期（adolescence），由於臉部特徵仍然處於「迅速發育」嘅階段，都係唔應該用嘅。
宜用App化流動保安編碼
咁唔用嘅話，又有咩選擇呢？滙豐就話，可以考慮吓用流動保安編碼，密碼以獲取保安編碼代替，即係已經「App化」咗嘅保安編碼器，登入手機銀行戶口都方便嘅。成日提醒銀行注重風險嘅金管局又點睇呢？發言人就話銀行用呢類生物認證科技前，要仔細評估有關技術嘅操作風險，而且銀行需要通過雙重認證，先可以進行存款轉賬等高風險交易喎，即係暫時都好安全啦。
李華華
mailto:
[email protected]
來源:
https://hk.finance.appledaily.co ... e/20171211/20241209
【2018手機預測】拜拜Home掣/指紋辨識器 Face ID勢抬頭
1 :
GS(14)@2018-01-08 01:29:38分析師預測明年3款iPhone都會用上全屏幕設計，Home Button將會成為歷史。
全新旅遊專頁，即like籽想旅行：
https://fb.com/travel.appleseed2018將至，第一批旗艦機如Samsung Galaxy S9及LG G7也即將推出。2017年手機廠商紛紛為自家手機配備18:9全屏幕，2018年手機將會有什麼趨勢？
零件商Synaptics表示第一批隱藏式指紋辨識器已經向Vivo發貨，並指Vivo會推出全球第一款使用此技術的手機。
傳言Samsung及微軟都會於明年推出雙屏幕摺機。
（1）Face ID
Android陣營，早於2011年推出的Galaxy Nexus就已經支援臉部辨識，不過其原理簡單，用平面相片已經可以破解。今年iPhone X上的Face ID透過紅外線投影，用上立體影像感測，安全性自然較舊技術高，也就更為實用。2018年旗艦處理器，高通Snapdragon845就表明會支持Face ID功能，可預見下年配備此處理器的旗艦機很大可能會加入立體影像感測技術，Face ID或許會成為未來主流解鎖方式。
（2）隱藏式指紋辨識
在iPhone X及Galaxy S8/ Note8推出前，一直傳言這3部手機將用上隱藏式指紋辨識，但答案是否定的。相反內地廠商Vivo在6月，展示了兩款基於高通超聲波指紋辨識的原型機，將辨識器隱藏於屏幕或金屬機背之下，實現了隱藏式指紋技術。從現場示範可見，解鎖的速度與現有技術還有一段距離，年頭推出的S9或G7應該仍未能使用，期望Note9或V40能夠實現，Vivo也極可能會半路殺出，搶先推出首部隱藏式指紋辨識手機。
（3）單鏡頭手機消失
2017年雙鏡頭手機成為主流，雖然Google Pixel2憑單鏡頭，實現了人像模式，更打敗一眾雙鏡頭手機，成為2017影相機皇。不過長焦及超廣角鏡頭還是有其光學優勢，從用家角度來看，雙鏡頭感覺上也較單鏡頭「抵買」。明年恐怕Google及HTC也會加入推出雙鏡頭手機。
（4）再見Home Button
iPhone X從傳聞到發佈，坊間反應都麻麻，不過上市後，銷量卻節節上升，可看到全屏幕設計的確能俘虜人心。擅長預測蘋果趨勢的證券分析師郭明錤預測，下年Apple將會推出3款全屏幕iPhone，包括5.8、6.1及6.5吋版本，其中6.1為採用LCD屏幕的平價機款。郭明錤預測準繩度高，Home Button下年很可能正式成為歷史。
（5）取消3.5mm耳機插口
Google上年推出Pixel時還在取笑iPhone取消耳機插口，今年卻一個轉身取消了Pixel2的耳機插口。取消3.5mm耳機插口能騰出更多手機內部空間，以提供更高電池容量、更薄機身、更佳音質等。藍牙5.0逐漸普及後，明年只會有更多廠商取消3.5mm耳機插口。除了上述5點，AI人工智能、AR擴充實境以及eSIM（嵌入式SIM）都備受重視，明年都將是手機發展的趨勢。而Samsung及微軟都傳將於明年，推出雙屏幕摺機Galaxy X及Surface Phone，闊別已久的摺機或許快將回歸。文：梁志穎
來源:
https://hk.lifestyle.appledaily. ... e/20171228/20257124