ZKIZ Archives


全面反枱親證冇收前夫千萬黎瑞恩:膝頭對上就係俾!

2014-06-26  NM  
 

 

跟家族擁有過百億資產的金利來集團三少曾智明結婚十一年的黎瑞恩,因國產小三介入,導致婚變,年初帶同一對子女離開九龍塘大宅後,隨即搬入大埔凱悅酒店式住宅暫住。本月初,正式辦理離婚手續的黎瑞恩為讓子女重回正常生活,已搬離酒店,並以月租五萬多元,租住大埔比華利山屋苑,有指按月收二十萬贍養費的她,離婚後獲前夫分千萬身家,跟曾智明全面反枱的黎瑞恩斷然否認:「膝頭對上就俾!」㷫爆!自力搬屋

上週六,黎瑞恩揸車到大埔凱悅酒店,將存放在酒店的六大袋物品搬走,然後再返比華利山新居。

一味拖住

上週四(六月十九日)下午五點幾,黎瑞恩駕著平日用開的Jeep,載住一對子女及兩名朋友,離開新居比華利山,到附近的大埔超級城買家居日用品。之前被拍到在宜家買平價傢俬的她,跟子女在一田百貨繼續格價,三人在家居用品部行了接近一個鐘,黎瑞恩發現記者後,即發火:「唔好跟住!」掃了多款減價煮食用具及大堆文具後,一家人便折返新居。「新屋要五萬幾蚊租,得二千呎,比起以前住開嘅萬呎九龍塘大宅梗係細咗好多,但小恩子貪新屋方便仔女返學;話就話Ricky(曾智明)照跟番以前喺大宅廿萬家用一個月咁,俾三仔乸生活費,但佢哋而家搬開住,交租都唔見咗一截,Ricky又唔另外俾租,變相減咗生活費;之前連仔女嘅課外活動費都拖得就拖,三催四請先肯俾,小恩子都冇符。」知情者說。

家底厚俾多啲

就黎瑞恩與曾智明離婚,有關雙方贍養費問題,本刊諮詢了謝偉俊律師的法律意見,瞭解男方支付的贍養費數目,是否該給予女方離婚前一樣的生活水平?「呢個係儘可能,當然最重要係睇番雙方經濟條件同需要,保持番離婚前生活水平,呢個係理想化,但實際上好多時做唔到,原本一份變兩份比較困難,所以只係其中一個考慮因素。(如果男方家底顯赫,是否要提供離婚前生活水平?)可以咁講,男方如果家底厚,可以俾多啲。」謝偉俊說。

冇偈傾

多年來長駐內地的曾智明,就算放假回港,也從不爭取親子時間,與一對仔女感情十分疏離。據瞭解,女兒今個月小學畢業,缺席多次家長聚會的曾智明,為了不落人話柄,也有現身出席畢業禮。「嗰日凱栭都係黐住媽咪,冇乜點理爹哋,曾智明都有等畢業儀式完曬,同個女影完合照先走,但黎瑞恩同佢就全程冇傾過偈,連企埋少少都冇,互當透明。」有份出席的家長透露。

斤斤計較

據瞭解,黎瑞恩未有如外間所指收過千萬贍養費外,曾智明對前妻及子女的生活開支,反而斤斤計較。「當初小恩子以為自己搵到歸宿,為對方放棄事業,點知得到咁嘅結局;小恩子唔想再糾纏落去,佢覺得分開都唔緊要,只係曾智明竟然可以完全唔理對仔女,到今時今日仲同佢哋計較生活費,所以佢好傷心。」知情者說。 上週六(二十一日)下午二時,黎瑞恩將早前入住凱悅酒店期間的行裝搬走,在數名酒店職員幫忙下,將六大袋紅白藍膠袋搬上車。

20萬點分配

每月20萬生活費,一般人超級豪華好使!但對零收入、要請工人、一對仔女讀國際學校、交租都冇咗四分一的黎瑞恩來說,七除八扣下,不算好鬆動。屋租$55,000國際學校學費$15,000×2補習及課外活動費$15,000×2日常生活雜項$30,000工人$6,000總支出:約$151,000

一個笑話

本刊記者趁機上前,問她有關曾智明拒負責交租一事。壹:搬咗去比華利山?黎:係,唔通長時間住喺度(大埔凱悅酒店式住宅)。壹:有傳聞話你收咗前夫一 千萬。黎:你覺得有冇吖!壹:新屋係曾生負責俾租?黎:膝頭對上就俾。壹:你自己俾屋租?黎:梗係我自己 俾啦。壹:之前囡囡畢業禮,你同曾生一齊?黎:我見唔到佢喎。壹:有報導話你收三千萬 復出。黎:真係多謝大家俾面,到今時今日都有唱片公司肯俾面用三千萬簽我,真係一個笑話。不過好多謝大家鼓勵,我暫時未有呢個諗法,只係想全心全意照顧一對仔女。開車前,黎瑞恩校低車窗說:「唔該唔好再問我,呢啲咁負面嘅嘢,我唔會再答。」

衰收尾

一生一世的時代早已過去,夫妻關係到盡頭只有離婚,繼而爭撫養權、拗贍養費,醜惡人性暴現。

葉蘊儀

13歲出道的葉蘊儀,95年下嫁玩具商人陳柏浩,後因第三者介入,結束六年婚姻,離婚後,葉蘊儀慘被前夫爆閨房事,對方更唔肯俾贍養費,為搵錢養大一對仔女,葉蘊儀幾乎有乜做乜。

羅霖

去年羅霖和劉坤銘離婚,協議共同撫養三子,及後羅霖曾公開暗示前夫俾唔足贍養費兼倒欠她過百萬,之後劉坤銘更反口力爭三子撫養權,並倒向羅霖追討贍養費。

小雪

與家人台灣旅行期間,小雪老公陳迅元竟與大乳牛蔡慧敏在當地開房,二人06年離婚,但陳迅元一直拖欠贍養費,經常要出動律師追討;11年,小雪甚至要申請前夫破產來追贍 養費。

PermaLink: https://articles.zkiz.com/?id=104050

何傲兒冇收周子揚邀請

1 : GS(14)@2016-12-03 05:12:37

何傲兒昨日在時代廣場出席活動,被問到早前周子揚表示透過經理人向她發出邀請函,她否認:「唔知有件咁嘅事,關於佢嘅嘢唔講,我哋冇聯絡。」如事件屬實周子揚有抽水之嫌,她說:「好小事啫,我近日好開心,同家姐即興去咗韓國旅行,喺街頭hea住目及靚仔。」何傲兒預告聖誕冇男伴,要好好檢討自己。早前她在內地和李逸朗拍網劇,要親對方臉頰,她笑言:「真係辛苦晒佢,我幾日冇刷牙。」另外,陸詩韻於本月29日36歲生日,揚言歡迎大家邀約。同屆港姐葉翠翠和鄧上文都已婚,她坦承:「同齡都結婚生仔,有追求者但未拍拖,而家好認真,要搵結婚對象。」採訪:卓寶花攝影:仇志德




來源: http://hk.apple.nextmedia.com/entertainment/art/20161202/19851848
PermaLink: https://articles.zkiz.com/?id=318111

【馮仁昭四圍超】阿Yu反擊冇收一百萬

1 : GS(14)@2017-03-24 17:08:01

資料圖片





趙頌茹(阿Yu)同周永恒(Roy)搞離婚,Roy卻拒上家事法庭,噚日Roy新歡Britni喺社交網警告阿Yu:「唔好逼我公開你嘅秘密。」阿Yu喺電話反擊:「我都唔係好想畀人消費囉,第三者嘅事我就唔會多作回應。」問到阿Yu有冇收過Roy嘅100萬?阿Yu諷刺話:「嘩,如果我真係有呢一球,應該可以風流快活,冇就係冇,希望件事快啲完結囉。」撰文:馮仁昭




來源: http://hk.apple.nextmedia.com/entertainment/art/20170324/19967841
PermaLink: https://articles.zkiz.com/?id=328649

Next Page

ZKIZ Archives @ 2019