大劉係Hermès粉絲子華神格仔衫爆搶衫潮
1 :
GS(14)@2016-10-11 08:11:52香港人每次行山，可能都會留意住附近會唔會有一個着黑色衫褲跑到實嘅男人，因為呢個人好可能就係「發哥」周潤發，事關佢每次行山，都係同一個造型，風雨不改。其實唔只發哥，好多大人物都好少換造型，培養咗個招牌look：喬布斯（Steve Jobs）：蘋果創辦人喬布斯個一套黑色衫配牛仔褲真係好經典，喬布斯喺佢授權嘅傳記講過，呢個招牌造型係出自日本設計師三宅一生，佢當時仲打算當做員工制服o添！但員工唔肯咁着，所以喬布斯就拎嚟喺發佈會着。朱克伯格（Mark Zuckerberg）：同樣鍾意一款行走天下嘅，仲有facebook創辦人朱克伯格，佢選擇嘅就係牛仔褲襯灰色短袖T恤。至於點解要係固定造型呢？佢就好瀟灑咁講過，唔想浪費精神時間喺服飾上面，寧願花時間去諗點樣改善社會。黃子華：子華神一把口好煞食，舉手投足只係一個動作，都精采到足以令觀眾由心笑出嚟，試問咁樣仲邊個在意佢嘅衣著呢？佢喺09年同佘詩曼合作嘅大台劇《絕代商驕》，就係以一個造型打天下，一件白色T恤外加一件紅黑格仔衫，有時仲多件好似垃圾膠嘅黑漆漆外套，睇落有啲hea，但唔係講笑，當年真係有唔少人上網問子華神件紅黑格仔衫邊到有得買。老夫子：要數屋企有好多同款衫嘅人，一定要講老夫子！雖然老夫子係漫畫人物，得一套造型好合情合理，不過咁，老夫子其實係會換衫o架，曾經有一話畫過佢屋企衣櫃，裏面都係擺滿個黃黑色招牌衫，解開咗老夫子日日都着同一款衫呢個秘密。劉鑾雄：「大劉」劉鑾雄鍾意法國名牌Hermès唔係咩秘密，多年來無論係身邊女伴、仔女同媽媽，都係用Hermès嚟裝身。而大劉自己就鍾情藍色，無論係以前個款短恤T恤，定係近排嘅長袖樽領衫，都係以藍色做主，絕對係位「大藍人」。
來源:
http://hk.apple.nextmedia.com/entertainment/art/20161011/19796775
十萬Hermès袋算甚麼？林夏薇豪戴名錶界一哥PP鑽錶
1 :
GS(14)@2016-10-29 13:20:34林夏薇、朱晨麗、李佳芯及蔡思貝，前日同賀同事黃子恆做老闆。在眾女士中，行頭最勁一定是秘嫁金融才俊Jason、榮升闊太的林夏薇，單計手中最搶眼的粉紅色Hermès Kelly bag已經索價約十萬。珠寶、腕錶多是闊太身上至貴item，林夏薇就戴上有名錶界「一哥」之稱的Patek Philippe(PP)，品牌入門級手錶一隻約十萬，她的腕錶由錶殼至錶冠都鑲有閃鑽，配備矜貴的鱷魚皮錶帶，內含年曆、月相等複雜時計功能，索價約50萬，認真貴氣逼人。背心雖是英牌Simone Rocha過季的春夏作，但網店做半價折扣後仍要逾$3,600，一件上衣，分分鐘已經貴過同場女星全身服飾。至於飾滿窩釘的高踭鞋，屬紅底鞋王Christian Louboutin，賣$10,500。更多時尚、美容新聞，即上：
http://add.appledaily.com
來源:
http://hk.apple.nextmedia.com/entertainment/art/20161029/19816023
究竟有幾多個？袁詠儀買餸都孭Hermès手袋
1 :
GS(14)@2016-11-16 05:10:16Hermès一向是阿太界最愛手袋品牌，人人都知愛馬仕手袋一袋鞋難求，有錢都買不到，不過偏偏城中富豪大劉的女友甘比和袁詠儀（靚靚），每次都見人都孭新款，幾萬到甚至過百萬的款式都有。日前靚靚就被本報拍到一個人去了銅鑼灣時代廣場嘅c!ty'super買餸，原來是慶祝魔童10歲生日，靚靚就孭了Hermès的Kelly Bag買餸，相信又是老公張智霖(Chilam)送的禮物，早前Chilam接受本報專訪時表示買Hermès手袋已買到馴晒，而靚靚日常出街都是Hermès不離身，出埠也用，去到邊都要孭，Birkin、Kelly、Toolbox、Kelly Clutch、Lindy等通通有齊，Chilam買到馴晒，靚靚用到貫晒，認真幸福！更多時尚、美容新聞，即上：
http://add.appledaily.com
來源:
http://hk.apple.nextmedia.com/entertainment/art/20161114/19833329
Next Page