指2047後可考慮一國一制
1 :
GS(14)@2017-05-18 02:10:57【本報訊】現時距離《基本法》指「50年不變」的大限2047年尚有30年，今年78歲的基本法委員會副主任梁愛詩指，不存在2047年香港未來可以「重新傾過」，因為香港已回歸中國，問題只在於香港繼續「一國兩制」還是「一國一制」，最重要考慮是香港利益有否受損。
稱人權較回歸前改善
梁愛詩說，一國兩制落實整體上是成功，有人認為「一國兩制走樣變形」，但香港仍然是很自由的地方，人權較回歸前有改善，例如以往的警監會並非獨立，但現時監警會獨立於警隊，亦成立了婦女事務委員會。她認為社會上有很多好的事，大家都沒有去看，只會覺得社會紛亂，並強調不應單看香港面對多少衝擊，應細看香港如何應對社會的問題和衝擊。不少自決派提出，要開始討論2047年的香港未來，但梁愛詩認為選擇只有兩個：「有啲人話我哋2047（年）重新傾過，冇嗰樣嘢，回歸就回歸咗，所以，到時係一國兩制定係一國一制嘅啫。」但她認為，現談2047年實在是太早，因為中國未來30年的發展，也未能預計得到。梁愛詩沒有明言香港會走一國一制，只是說大前提確保香港利益不受損：「如果真係兩地用一個制度都唔會有乜影響時候，即係勿忘初心，初心就係唔好令香港同胞利益受損害，到時都係考慮呢個問題。」■記者姚國雄
來源:
http://hk.apple.nextmedia.com/news/art/20170515/20021853
張浚生：2047年問題很好解決
1 :
GS(14)@2017-06-10 13:21:05【本報訊】香港回歸20年，越來越多人關注2047年後的香港會否繼續一國兩制。前新華社香港分社（中聯辦前身）副社長張浚生（圖）1985年起處理回歸工作13年，他接受《明報》訪問時稱，一國兩制的初衷是保持香港長期繁榮穩定，又引述已故領導人鄧小平1988年的話稱，「前50年是不能變，50年之後是不需要變」。
「應教年輕人如何愛國」
現年81歲的張浚生稱，中央關於一國兩制、港人治港的方針政策得到貫徹執行，香港也保持繁榮穩定，肯定比回歸前進步。他認為2047年前後的技術問題如按揭及地契等「很好解決，不需要那麼緊張」；又指問題不涉修改《基本法》，「香港與內地都是一個國家……不涉及一國兩制的問題，到時候中央肯定有個態度」。他認為鄧小平說過「五十年不變」是一個形象的講法，「前50年是不能變，50年之後是不需要變」。提及港獨，張深信絕大多數港人愛國愛港，極少數人搞港獨成不了氣候，但須解決「如何愛國？如何愛港？」問題，認為要在教育上正確引導年輕人，以及盡快為23條立法。他指作為金融中心的香港優勢仍在，不是內地其他城市能一下子取代；但寄語港人不要迷戀過去的相對優勢，也不要妄自菲薄。■記者謝明明
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170609/20049843
梁國雄：自決派談2047前途搵笨
1 :
GS(14)@2017-06-25 10:30:02【本報訊】激進派在議會抬頭，可由社民連梁國雄在2004年當選立法會議員數起。曾是新東民主派票王的梁國雄稱，由缺乏支持至當選，反映市民期望有一個激進派夠膽講、夠膽做。回歸廿年，激進已非社民連專利，近年亦有本土自決派出現，但梁國雄卻認為，部份自決派大談2047年香港前途，是「政客搵香港人笨」，斥他們只因選舉找議題而已。梁國雄2000年以四五行動身份首次參選立法會新界東直選，以1.8萬票落敗。2004年，梁獲6萬票，由街頭走入議會，其衣着、發言、抗爭方式，顛覆議會傳統。梁國雄當年如此解讀當選原因：「我當選反映咗建華七年之亂嘅危機好深重，我提供嘅改變方法有人支持。」梁打開缺口後，2008年，激進派全港五區出擊，奪得10%選票；2012年，激進派奪得15%選票，2016年，社民連、人民力量、本土自決派等，一共奪得26%得票，回歸廿年，代表激進力量的議員一度由零增至8位（青年新政兩人已被褫奪議席）。梁國雄認為，回歸初期，激進派未獲足夠支持奪得議席，只是因港人尚要時間觀望，直至2003年沙士疫症和23條立法，市民覺得要找一個代表「旗幟鮮明，夠膽講，夠膽做」，部份支持者由主流泛民轉投激進，反映對中共態度的轉變。
■董建華出席最後一次施政報告答問大會，議員踴躍發問。
稱拉布對抗別無他法
拉布是激進派近年經常使用的板斧，也是主流泛民和激進派的路線之爭，梁國雄認為是別無他法：「根本冇辦法唔係咁做，一個咁唔公平嘅議會，唔用拉布，用乜呢？政府太唔合理，你鬧完佢就投票，咁咪即係放生佢，喺香港呢個制度，一定要對抗。」梁國雄促請不喜歡拉布的議員反思：「我哋存在價值係乜嘢呢？鬧兩句就走，呢樣嘢做咗好耐。」自決派大談香港2047年何去何從，梁國雄一談便火起：「2047年呢個問題係政客提出嚟問題，係自決派提出來，咪搵香港人笨……我哋分分鐘要改變呢個制度，成個激進派就係要改變現實吖嘛……因為當時要選舉，佢哋（自決派）解決唔到打乜議題，咁咪講將來囉……你?家做乜嘢可以改變到2047呢？政府DQ啲議員，你都頂唔到啦，講乜2047年之後呢，係咪？假問題！上年不斷講2047年，其實係博選票，因為只要有約11%支持，就可以做議員。」■記者姚國雄
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170625/20067806
港大民調 港人對2047悲觀恐核心價值消失 今日上街創造命運
1 :
GS(14)@2017-07-01 10:46:30■鍾劍華表示，經過雨傘運動及近年內地官員「打橫嚟」解釋《基本法》及一國兩制，欺凌香港人的態度，港人「冇理由會樂觀」。資料圖片
【本報訊】香港主權移交中國迄今20年，《中英聯合聲明》承諾的50年不變已經走樣。中國外交部昨公開宣稱，《聲明》已無現實意義。到了2047年的50年限期，香港會變成怎樣？本報委託港大進行的民調顯示，近半港人對香港仍能保存現有核心價值感到悲觀，他們也不相信屆時已落實特首及立法會雙普選；有一半人更認為一國兩制將會消失。中國國家主席習近平昨引用譚詠麟歌曲《創造命運》圖勉勵香港人；今日正好再次上街，民主自治、重奪香港的願望定會一切都變真。記者：陳沛冰
本報委託港大民意研究計劃進行民調，上月13日至15日以電話成功訪問1,008名18歲以上市民，當中46.4%人認為到2047年香港不會實現普選特首及立法會，只有21.6%人認為會實現；有46.9%人對2047年時香港仍能保存現有核心價值感悲觀，只有31.2%人感樂觀。有48.2%人認為2047年後香港與中國維持一國兩制，但有45.7%人認為會變成一國一制。
京：《聲明》無現實意義
以政治立場分析，大部份傾向民主派及中間派受訪者，都認為到2047年香港不會有雙普選，對仍能保存核心價值感悲觀，及2047年後香港變成一國一制。以年齡分析，逾半18至39歲受訪者也作出以上三個選擇，顯示較年輕一代不看好香港前景。中央政府又怎樣想？中國外交部發言人陸慷昨日在外交部例行記者會表示，香港是否成功，回歸20年的實踐已經證明；《中英聯合聲明》作為一個歷史文件，「不再具有任何現實意義」，對中央政府對香港特區的管理也不具備任何約束力。英方對回歸後的香港無主權、無治權，無監督權，希望國際社會認清現實。英國外交部回應稱，《中英聯合聲明》至今仍然有效，並指這是法律上具約束力的條約，已在聯合國登記備案；作為締約國，英國政府會履行密切監察條約落實的責任。理工大學應用社會科學系助理教授鍾劍華表示，經過雨傘運動及近年內地官員「打橫嚟」解釋《基本法》及一國兩制，欺凌香港人的態度，港人「冇理由會樂觀」，也令年輕人反彈特別強烈。剛過去的特首選舉及今屆政府問責官員任命，都被指有西環介入，「港人感悲觀好正常，睇唔到中央會有放鬆嘅迹象」。
學者：仍有不少人爭民主
但鍾表示，民調顯示不少人相信香港會有雙普選，顯示香港仍有不少人未放棄，心未死，繼續爭取自由民主。就如2015年及2016年的區會及立會選舉，市民以投票表達對政府不滿，才令本土派當選。《蘋果》亦在網上進行投票，結果顯示，66%人認為2047年後港人不會再享有言論及集會自由。33%人認為2047年後《蘋果日報》會消失、約39%人認為上facebook要翻牆。香港浸會大學傳理學院新聞系前助理教授杜耀明表示，反映港人憂慮香港會步內地後塵，變成傳媒自我審查，言論和集會自由受到限制。此外，港大民研6月以電話訪問逾千名市民，發現62%市民對成為中國國民沒感到自豪，較去年微跌3%，但比例仍高於感到自豪的34%。市民對中央政府的香港政策，感到正面及負面評價分別為35%及36%。中大香港亞太研究所同月也訪問716人，以100分為滿分，候任特首林鄭月娥的評分為53.9分，較5月份低0.9分。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170701/20075126
各界2047年預言
1 :
GS(14)@2017-07-01 10:46:30柯小姐（大學生）
「（30年後香港）應該會好亂，好多大陸人……都擔心（全街講普通話），其實?家成條街嘅人都係講緊普通話，呢個現象已經越嚟越普遍……如果你話講普通話都仲可以，但變成簡體字就冇道理囉，因為用開繁體字就應該堅持用返，唔應該話要遷就佢哋。」
雷先生（學生）
「其實都係變咗做中國嘅啫，一國一制囉，2047年後唔會有真普選，六四集會都可能被禁止，?家中共不斷染紅香港，令到香港好多人權、自由都冇，呢個情況由回歸開始已經有。即使喺極權下傳媒都有生存空間，《蘋果》消唔消失就睇營銷手段同報道手法。」
李小姐（私人助理）
「30年後樓價繼續升，相信好多香港人都死晒啦喎，同埋應該移民咗去第二度地方，冇可能咁樣升㗎喎，但係始終中國政府做咗好多嘢令香港中國化，相信喺呢個情況下樓價飆升係好正常，到時亦有好多人生存唔到囉。」
梁先生（工程業）
「你睇得出不斷有講普通話或內地精英落嚟香港，就算2047嘅時候都係呢班人護住香港、統治香港，獨立嗰啲都唔會發生……最怕內地精英到時控制香港所有中產階級，呢個先最重要，到時香港咪變咗中國一個城市，呢個係必然㗎囉。」
黃小姐（社工）
「對2047年有真普選冇太大希望，因見到林鄭上場後，可能好快23條立法，可能我哋行出嚟之後會受到打壓，覺得香港越嚟越大陸化，所以唔敢講2047會發生乜事，我覺得所謂嘅普選係有嘅，但所謂一人一票就係中共內定兩個，唔係香港人想要嘅真普選。」
羅先生（廣告業）
「2047年？唔好話30年啦，3年都唔敢講，唔夠膽想像，到時23條應該立咗法，係睇形式上有冇少少轉彎（空間），我諗言論自由嘅範圍會縮細好多，同大陸?家嘅城市冇分別……以後睇新聞都係睇網上㗎啦，唔會有一份印刷嘅喺街度賣。」
戴耀廷（港大法律系副教授）
「啲人諗2047年，其實係假設中共仲喺度，我覺得呢個係好大嘅問號。如果中共以?家嘅形式繼續管治落去，未來十幾年中國已經要面對好大變化。不如諗咗點樣面對中國好大嘅轉變先啦。所以我唔覺得我哋需要諗到2047，呢個問題問得太早。」
陳健民（中大社會學系副教授）
「呢件事在乎中國。中國嚟緊十年八年都面對幾大轉變，就係習近平用?家嘅方法反腐成唔成功，之後會點？係走向更專政抑或自由化？我諗呢幾年要睇咗中國變成點，睇吓佢對香港會點。如果按?家呢種政策落去，唔使到2047年，香港都一國一制。」
田北俊（自由黨榮譽主席）
「我覺得到2047，可能香港人唔咁緊張一國兩制，因可能中國十大城市已同香港生活水準冇分別……佢哋好過我哋嘅話仲有乜好驚？當經濟發展得好，資訊一定流通，市民一定唔做順民，唔做順民唔一定反政府，你有腦會諗，發表意見，已代表自由、民主。」
梁國雄（立法會議員）
「如果你話2047香港可能變做一國一制，咁共產黨就冇需要2047前行一國兩制，就算佢講係一國兩制，其實都係一國一制。如果我哋?家維持唔到（一國兩制），話要確保2047維持到係嘥時間。若港獨、自決只限於你係咪信守97年嗰個制度，係冇意思。」
謝偉俊（立法會議員）
「再過多30年，香港唔會再搵得番以前嗰種地位。如果想香港繼續做國際城市，中英水平、禮儀、文化好好，呢個唔會再發生，因香港唔再係殖民地，將會係一個華人味道重嘅地方，價值觀唔會好似97前咁，好多嘢都已唔同咗，香港係變緊做一個內地省市。」
李卓人（工黨副主席）
「中國若繼續專制獨裁，就要睇香港仲有冇利用價值，如果有，北京可能仲想香港不變，但都無癮啦，我哋係想向前、命運自主。我某程度係樂觀，因香港有個公民社會、自主意識強，中共唔係咁易食咗我哋，但我哋守得住香港，係咪攞到民主？我唔敢樂觀。」
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170701/20075150
藝術家倒數2047年大限
1 :
GS(14)@2017-07-02 14:17:46【本報訊】維港兩岸昨晚再放煙花，但璀璨背後隱藏香港2047年前途不明朗問題。由一群關心香港政治的藝術家和文化工作者組成的「打氣小隊」，昨晚於facebook直播《沒煙花的維港》節目，以電腦效果將維港兩岸慶回歸的裝飾移除，將環球貿易廣場（ICC）外牆上換成顯示倒數2047的9位數字秒數畫面。「打氣小隊」指製作節目目的，是希望在現實世界煙花盛放時，在平行時空中將更合理、更真實的維港呈現出來，反映市民面對2047香港未來的情緒。他們預先到山頂拍攝夜景，以電腦技術將建築物上的慶回歸裝飾移除，再將由他們創作的《倒數機》投射在ICC外牆上，倒數2047年7月1日「50年不變」的大限，「這是我們今（昨）晚應該有的維多利亞港——不是外面那個」。■記者陳沛冰
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170702/20076089
Next Page