📖 ZKIZ Archives

心如挺巨肚拖霍建華

1 : GS(14)@2016-10-28 06:24:18

■林心如日前在台北被捕獲挺巨肚拖實霍建華。微博圖片



林心如和霍建華今年7月閃婚，在峇里舉行婚禮時，仍未公開承認未婚懷孕一事，直至9月，胎兒情況穩定，心如在一個公開場合承認有喜，不過當時她仍然穿鬆身衫刻意遮肚，亦甚少在社交平台貼懷孕新相，最多只貼看到上半身的美女圖，未知是否害怕其體形曝光，被猜到分娩日期，或者不想被人看到肥腫難分的外表。最近在網上流傳了多張林心如和霍建華手拖手拍拖相，網民在台北東區街頭見到素顏心如，她束起頭髮，當時的她肚凸凸，已經是一個不折不扣的大肚婆，拖着老公行街的她，手腳纖幼，步履輕盈，並未有腳腫肥胖的情況，而霍建華則戴上鴨嘴帽和太陽眼鏡，頭向下垂，似乎不想太過高調。撰文：非非




來源: http://hk.apple.nextmedia.com/entertainment/art/20161028/19814275
PermaLink: https://articles.zkiz.com/?id=313839

疑遭霍建華fans抹黑林心如出聲明反駁兼追究

1 : GS(14)@2016-10-29 13:20:34

林心如同霍建華呢對俊男美女，今年7月底喺峇里舉行婚禮，當時已經傳心如有咗「華種」，不過佢哋一直避談呢件事，直到9月出席活動開腔認懷孕。正當心如、霍建華同埋啲朋友都好期待BB來臨之時，昨日林心如工作室喺微博發咗一個聲明，原來近日有網民留言抨擊心如，唔止話佢當日係主動追霍建華，仲有好多留言係詆毀兼人身攻擊添。心如啲同事話其實佢哋一早已經想發聲明，但係心如覺得自己冇做過呢啲嘢，所以唔怕人哋講啲乜。但係大家都覺得呢個情況越嚟越嚴重，所以佢哋最後決定出聲明，兼且將啲留言cap圖，仲話：「雖然作為藝人，私生活被拿來討論在所難免，然而這些言論的出現，除了呈現出網路暴力越演越烈的現象外，也表現了此類言論者對女性的一種根深蒂固的歧視，在婚姻問題上，難道女性永遠都只是被選擇？請不要把自己的觀念強加到別人身上。」聲明還寫道：「我們會對此類不法言論發佈者保留法律追責的權利，由北京星權律師事務所進行取證並採取相關法律措施，以正視聽。」有唔少網民留言支持心如，但亦有人覺得身為老公兼爹哋嘅霍建華，好應該為呢件事表態。




來源: http://hk.apple.nextmedia.com/entertainment/art/20161029/19816013
PermaLink: https://articles.zkiz.com/?id=314001

老公霍建華生日放閃林心如蛋糕洩蜜陀B女

1 : GS(14)@2016-12-27 12:32:07

40歲林心如同細3年嘅霍建華，今年7月喺峇里結婚，當時盛傳佢陀B3個幾月，數數手指，下年2月就係預產期，日前準媽咪心如就話收爐專心安胎。之前心如閨蜜許瑋甯就爆好友陀緊B女，亦即係話心如將會生位小公主。雖然林心如冇承認，不過佢昨日喺facebook就貼咗同老公慶生相。望望個蛋糕，有個紥住辮嘅公仔企喺蛋糕上面，側面就寫上「I Love Daddy」字樣，生仔生女？呼之欲出啦！而Boxing Day生日嘅霍建華，喺相入面塊面紅卜卜，至於就生得嘅心如，雖然個肚遮住咗，不過就見佢精神奕奕冇乜水腫！




來源: http://hk.apple.nextmedia.com/entertainment/art/20161227/19878133
PermaLink: https://articles.zkiz.com/?id=320206

霍建華停工返台陪入產房林心如誕女　遺傳小酒窩

1 : GS(14)@2017-01-08 19:02:48

■林心如與霍建華去年7月底結婚，前日榮升父母，心如在台北誕下B女。資料圖片



台灣女星林心如去年7月底嫁給霍建華，當時已雙喜臨門陀B女，預產期原在1月底，但她選擇前日在台北中山醫院開刀，誕下7.3磅、長50厘米的B女。心如前晚在facebook宣佈喜訊榮升媽媽，更貼出B女的小腳板相：「歡迎我們的小天使。」身在北京拍攝電視劇《如懿傳》的霍建華，當然有返台陪心如入產房。現年40歲的心如昨日接受台灣《蘋果日報》訪問，表示老公一直抱着B女不捨得放手，更指女兒集合了父母的優點：「她有兩個酒窩耶，剛好我們倆一人一邊有，她集合了兩個，好好玩！」



■心如前晚公開了囡囡的腳印仔相，並稱呼囡囡為「小天使」。互聯網圖片

■心如有不少媽咪級友人，早前便母愛爆棚抱住BB實習。資料圖片

■心如上月為霍建華慶祝生日，當時已暗示陀女。資料圖片


感動飆淚

B女暫時未改中、英文名，心如就稱她為「小天使」。提到初為人母，心如表示十分感動：「我一聽到女兒哭聲，馬上就飆淚了，好神奇哦！」霍建華在現場拍照，但未有拍片。問到霍建華有否落淚，心如表示：「因為轉不了身去看他的臉，所以不知道他有沒有哭，加上寶貝出來後，他就去護士那邊跟着檢查，我也動不了，但我們兩個都很感動啦！」心如生B後身體恢復得快，已經可以落床走動及順利餵母乳，她會找陪月幫手調養身體。



■舒淇和林熙蕾（中）知道好友林心如生女，都送上祝福。資料圖片

舒淇祝賀

心如夫婦收到不少圈中好友祝賀，他們已叮囑朋友不要破費買禮物，心如更在fb回覆好姊妹，如徐若瑄留言：「好感動、好期待見到小美女，媽咪辛苦了！雖然為母則強，但希望你休息好喔！Love love。」舒淇則在微博轉貼霍建華工作室的相片，並留言：「辛苦偉大媽咪，這麼幾個月的小心飲食，終於迎接了一位心愛的可人的小美人兒。」而曾合演《還珠格格》的好姊妹趙薇就留言：「還珠二代，添新丁，美麗的到來，美麗的到來！」撰文：唐如




來源: http://hk.apple.nextmedia.com/entertainment/art/20170108/19889721
PermaLink: https://articles.zkiz.com/?id=321880

林心如親證囡囡未曝光霍建華請假陪妻女過年

1 : GS(14)@2017-01-26 18:22:17

林心如於1月6日，喺台灣為霍建華誕下囡囡「小天使」，一向低調嘅心如就冇打算向外公佈囡囡嘅相，但唔知點解，近日網上就流出「小天使」嘅相，其中一張係林心如抱住一個初生BB嘅相，話雖然睇唔到BB嘅五官，話佢一定遺傳咗父母嘅基因，一定會係一位小美人喎！另一張就見到BB大字形咁好可愛咁瞓喺床上，眼仔碌碌咁望鏡頭，但BB對眼仔就已經打咗格仔，完全睇唔到佢嘅真面目。但台灣傳媒向林心如了解時，林心如睇過啲相後，即時大笑起來兼否認個BB係佢個女，佢仲話前幾日已經睇過啲相，朋友仲講笑話呢個年頭寶寶都有山寨版。林心如仲透露，目前仲為改囡囡個名而苦惱，所以O依家都喺「寶貝」、「寶寶、「心肝」來稱呼愛女。據知網上流出個張單人「華心寶寶照」，其實早於2015年就出現喺某醫學報導嘅文章，甚至好多媽媽懶人包嘅文章都會中也可以見到呢張Baby照，都算係個網紅寶寶。此外，正喺大陸同周迅拍攝《如懿傳》嘅霍建華，有指佢特別向劇組請假三天，回台灣陪伴妻女過農曆新年，之後又要趕返大陸繼續拍攝，中國情人節即元宵節，就唔能夠陪老婆，只能同戲中嘅後宮佳麗一齊過。




來源: http://hk.apple.nextmedia.com/entertainment/art/20170126/19909544
PermaLink: https://articles.zkiz.com/?id=324286

【馮仁昭四圍超】霍建華被讚超級奶爸

1 : GS(14)@2017-05-01 11:58:06

霍建華同周迅合作拍嘅古裝大劇《如懿傳》6月先煞青，預計今年底播出，佢哋差唔多用咗一年時間拍呢套劇，搞到林心如生完囡囡，身為老公嘅霍建華都冇乜時間陪家人，不過同劇嘅女演員胡可噚日爆料，話霍建華其實好好玩，不僅笑點低，而且好吹得，有次霍喺台灣探完女同老婆，回劇組就同胡可講：「不管餵奶、換尿布還是洗屁屁，我都能獨立完成。」讓胡可不禁大讚佢係超級奶爸。撰文：馮仁昭



難得生性暴龍哥創科眾籌夢，遭隱世肥報販秒殺！https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170501/20007032
PermaLink: https://articles.zkiz.com/?id=332182
Next Page
ZKIZ Archives @ 2019