【馮仁昭四圍超】張雨綺再婚拍拖70日閃嫁土豪
1 :
GS(14)@2016-10-27 06:02:40■張雨綺老公被起底，係上海金融界人士，目前坐擁多家公司，財力雄厚。微博圖片
現年30歲、曾演出《長江7號》嘅「星女郎」張雨綺，2011年喺西安宣佈同導演王全安領證結婚，老公王全安於2014年被爆嫖妓被捕，兩人翌年離婚。事隔一年，張雨綺噚日透過微博「張雨綺工作室」公佈再婚，佢同姓袁嘅內地土豪富商相識10天就相戀，拍拖70日即閃婚。
■張雨綺噚日喺微博自爆再婚。微博圖片
■張雨綺早前同老公被影到一齊睇上海豪宅，估計係共築愛巢。互聯網圖片
■張雨綺五年前嫁導演王全安，但兩人去年離婚。資料圖片
上海豪宅築愛巢
內地網民極速將姓袁土豪起底，張雨綺新任丈夫叫袁巴元，係復旦大學博士，有着多年證券、基金從業經驗，目前坐擁多間公司，財力雄厚。另據知情人士透露，張雨綺同老公喺今年7月2日男方公司舉辦嘅活動中認識，兩人一見鍾情。「張雨綺工作室」微博仲以「貝拉公主」已經找到「野獸王子」形容一對新人，話張雨綺同現任老公係一段恰到好處嘅相遇，留言：「相信愛的人會一直得到命運的眷顧。謝謝大家的關心和祝福，惟願安安靜靜的攜手，平平淡淡的生活。」據內地報道指，張雨綺早喺本月初已被影到同神秘男現身上海機場，當日張雨綺穿上超短熱褲，兩人拖手甜蜜逛超市，更約埋一齊睇上海最貴嘅住宅區，估計係共築愛巢。撰文：馮仁昭
來源:
http://hk.apple.nextmedia.com/entertainment/art/20161027/19812987
【異地戀成功】梁詠琪閃嫁西班牙老公
1 :
GS(14)@2016-11-23 07:53:21異地戀難維持，但圈中亦有不少成功個案，由拍拖到結婚，與另一半手牽手踏入人生另一階段。
梁詠琪
2011年2月完成香港演唱會後到西班牙旅行，認識西班牙籍的Sergio，其間有傳Sergio來港三次拜訪GiGi母親，同年10月閃婚，現育有一女。
小雪
兩度失婚的小雪，去年下嫁細她四年的韓國男友Robin Cheung。本來在韓國生活的Robin，為了小雪離開成長地，搬到澳洲居住及工作。
鍾嘉欣
去年認識無綫集團前主席梁乃鵬的醫生姪仔Jeremy，發展異地戀，拍拖10個月後，今年2月擺酒，8月更榮升媽媽生了囡囡。
石天欣
今年7月公開婚紗相，宣佈與拍拖四年的圈外男友Jacob拉埋天窗。Jacob長居美國，石天欣仍未決定會繼續分隔兩地，還是搬去當地。
來源:
http://hk.apple.nextmedia.com/entertainment/art/20161123/19842338
梁麗翹閃嫁金融才俊
1 :
GS(14)@2017-02-11 18:58:03■梁麗翹拍拖兩個月，上周二在美國舉行婚禮。
《東張西望》主持梁麗翹與圈外金融男友Nic，上周二在美國結婚，她昨日在facebook分享了行禮和新娘子鞋底寫上Wifey for lifey的照片，留言指夢想成真，擁有浪漫婚禮。梁麗翹昨受訪說：「好開心，多謝老公由求婚、簽紙到行禮，more than perfect，覺得自己好幸福。我叫Nicole，佢叫Nic，我鍾意食，佢鍾意煮，我哋真係好夾。」原來二人拍拖兩個月就閃婚，Nic分別在香港、上海求婚，最後在香港註冊，美國行禮，問到是否奉子成婚？梁麗翹否認：「結婚plan咗大半年，生BB順其自然。」採訪：嵐山
來源:
http://hk.apple.nextmedia.com/entertainment/art/20170211/19924634
陳雅倫閃嫁吳彥祖表哥「佢迷戀咗我好耐」
1 :
GS(14)@2017-02-12 13:52:32■半百陳雅倫跟吳彥祖表哥Martin拍拖半年，男方去年底求婚成功，並打算今年閃婚。
當緣份要來時，真是擋都擋不住，半百「凍齡女神」陳雅倫出道以來，情路崎嶇，但去年中經好友劉永健介紹，在朋友聚會認識了吳彥祖的45歲表哥Martin，二人拍拖三個月即被求婚，更自爆未婚夫迷戀了她很久，會做雞年新娘。
現年50歲的「凍齡女神」陳雅倫（Ellen）被爆會做雞年新娘，未婚夫是吳彥祖的表哥Martin，Martin比她年輕5歲，在美國長大的Martin，畢業後到內地工作，兩人於去年邂逅，拍拖半年即決定閃婚。陳雅倫近年專注留在北京發展，偶然遇上Martin，女神宣佈做雞新娘，身在北京的她昨接受電話訪問時說：「仲安排緊，未有確實日期。」講到兩人相識經過，她表示去年8月在朋友聚會上邂逅男友：「Martin同我都有共同朋友劉永健，Martin一見到我就展開攻勢，好積極囉。」Martin不但跟劉永健是小學同學，也是方中信好友。
■陳雅倫大讚未婚夫Martin高大威猛及乖仔孝順。
■Martin樣貌酷似表弟吳彥祖，吳彥祖與Lisa S.（右圖）結婚六年多並育有一女，今年就輪到Martin娶老婆。
■（左起）吳君如、陳雅倫、李美鳳、邱淑貞及張曼玉88年參演電影《求愛敢死隊》，五女以泳衣上陣騷身材。資料圖片
拍拖三個月被求婚
陳雅倫形容兩人約會有puppy love的感覺：「去完街返到屋企，仲要傾四、五個鐘電話，都唔知邊有咁多嘢講。」她坦言第一眼見到Martin都有feel，但最感動到她是對方深情表白：「同佢拍咗一個月拖左右，我好認真同Martin講：『唔想玩玩吓，如果你諗住玩玩吓就唔好嘞！』佢已經第一時間講係想大家有將來，令我好感動。」她透露男友於去年11月的生日派對上求婚：「佢突然間喺佢啲朋友面前講：『好希望嚟緊呢年，Ellen可以做到黃太』，好感動，冇諗過佢當住咁多朋友講。呢個年代好少男人肯公開commitment（承諾）。」陳雅倫不打算大搞婚禮，只想與至親在一個特別的地方分享喜悅，但一對準新人要完成手頭工作才着手籌備婚禮，她暫時未收到訂婚戒指。問會否擔心相識半年便閃婚太快？她說：「冇話快，圈中好多人都識咗冇耐就結婚，梁詠琪都係好似三個月就結，夾就得。」
協議婚後定居香港
Martin身高六呎，樣子酷似表弟吳彥祖，也是運動健將，除外在條件優勝，陳雅倫再補充說：「佢都好孝順、細心同有耐性。」Martin過往在內地替Nike、adidas兩品牌推廣，但近年做老闆代理了三款高爾夫球桿。兩人婚後有共識會在香港定居，因雙方的媽咪也在港居住，至於造人她表示會順其自然，但當然希望有BB。不過陳雅倫忍不住大爆未婚夫小秘密，她說：「佢迷戀咗我好耐。」她表示在微博的朋友圈知道彼此有很多共同朋友，Martin一早已想叫身邊女性友人介紹認識，惟陳雅倫經常不在港，料不到及後便在友人聚會上遇到，更成功私有化，Martin平日會暱稱陳雅倫做「BB」。對於表哥Martin閃婚，吳彥祖昨日透過經理人回覆：「冇嘢回應。」採訪：何永寧
來源:
http://hk.apple.nextmedia.com/entertainment/art/20170212/19925552
Next Page