鄧麗欣拒約異性過聖誕
1 :
GS(14)@2016-11-23 07:53:25鄧麗欣（Stephy）和導演葉念琛昨日去到奧海城為新片《失戀日》宣傳，自與拍拖10年的方力申分手後，Stephy今年將要度過單身聖誕，她說：「以前聖誕節都係做嘢，自己冇乜嘢重要日子，聖誕唔係好重要。」對於有否異性約會，Stephy回應：「如果講冇會好冇面，我會答有，係我唔去咋嘛，仲有好多㖭。」
Stephy最近為新片《空手道》學習空手道，她指不少鏡頭會親身上陣，當中一場要與黑帶三段對打，她說：「因為場戲講我輸，而家要學捱打，以前試過俾人打一拳就暈。」Stephy透露正學習初級空手道，願意計劃花數年時間考核黑帶級別。採訪：張俊銘攝影：仇志德
來源:
http://hk.apple.nextmedia.com/entertainment/art/20161123/19842330
【add】紅人主場：鄧麗欣忘記失戀
1 :
GS(14)@2016-11-24 07:39:42Self Portrait連身裙（Lane Crawford）
三字頭對於不少女生來說，都意味着成長階段的一個突破關口。33歲鄧麗欣（Stephy）在下月上映的新戲《失戀日》中，飾演一名貼地的三字頭女生，面對愛情、事業和生活都需要種種抉擇；現實中的Stephy，同樣不愛被框框局限生活，追尋自我改變，「你先要了解自己，然後再一步步去做，我而家正正係想跳出框框嘅時候。」統籌：林妙萍造型、撰文：陳蔚渝攝影：郭賢興化妝：Cyrus Lee 髮型：Vince Pang由《獨家試愛》、《十分愛》、《我的最愛》、《紀念日》，至新片《失戀日》，Stephy再次為葉念琛導演的電影擔當女主角，已經演過阿寶無數次的她，今次同樣是飾演阿寶，可以說是與阿寶一同成長，這個系列由單身、熱戀、紀念到分開，完全是度身訂做的一個戀愛寫照，「導演希望我成為呢一群女性嘅代言人，正正我都係呢一個年紀，我覺得自己呢幾年都有一啲轉變，可能想法或者將來，希望大家可以有共鳴。」
Emilio Pucci條子上衣Isabel Marant紅色短裙
Red Valentino針織蕾絲裙
落足力演好戲
新片與金燕玲、鮑起靜等前輩級演員合作，令到Stephy完全不敢鬆懈，「我好記得第一日同金燕玲姐姐對戲嘅時候，佢話『我唔會試戲，因為我係100%投入落去』，就算試戲，佢都會喊咗出嚟，我覺得好犀利，令我一刻都唔夠膽放鬆，要比平日更認真更落力，出到嚟幾場戲都非常好睇，我覺得佢可以激發到我嘅潛能出嚟。」《失戀日》之後，Stephy接拍了另一部電影做打女，希望可以呈現不同面貌給觀眾，為準備角色，她亦下足苦功，「電影背景係空手道，所以早幾個月就要去訓練，要做好多體能，因為有啲場面唔可以用替身，導演唔想咁多分鏡，希望可以見到多啲我去打嘅場面，所以要落足工夫，而唔係得個樣。」近年Stephy明顯將主力放在電影方面，問到可會再推出新歌，「講真冇諗過呢方面，可能大家會有啲失望，唔係唔鍾意唱歌，但係如果需要抉擇，我會捨棄唱歌先，會選擇專注拍戲，呢幾年有諗過，如果自己鍾意一樣嘢，想專注落去做好啲。」
■好姊妹Kary和Miki都已經結婚做幸福人妻。
《失戀日》劇照
單身認識自己
今年Stephy與方力申結束了十年情，雖然旁人覺得可惜，不過Stephy就覺得難得單身，就更應該去認識自己，「呢個都係一個人生幾重要嘅時刻，你點樣喺呢個時候發掘多啲自己，因為我覺得好多時拍緊拖都係盲目，好多嘢可能淨係見到對方，未必見到自己，所以呢段時間反而可以睇清楚更多自己，同埋做多啲以前做唔到嘅嘢。」Stephy又認為失意，又或者一個人的獨處時間，正正是尋找靈感的好機會，「一啲新想法，新思維都可能會係呢段時間出現，所以我要好好享受呢段時間。」雖然身邊的好姊妹吳雨霏和楊愛瑾都已經結婚做幸福人妻，不過Stephy認為婚姻是一件自然的事，所以不會強求，「我好相信緣份，所以唔會覺得人有我就要有，又唔係小朋友，我會戥佢哋開心，自己會享受自己嘅路。」
■Stephy自組排球隊Loey，身為班主的她帶領球隊多次出賽。
自組球隊圓夢
一向熱愛打排球的Stephy，為重拾夢想自組球隊Loey，身為隊長的她花費不少心機和時間，「我除咗係班主都係球員，所以都要畀時間練習。」隊員全部都要兼顧返工返學，所以Stephy認為在香港做球員一點也不容易，「大家有同一個信念，所以都盡量抽時間去做呢件事，其實定期一星期練三次波，但大家都好理解我。隊員來自五湖四海，其實都係一種緣份，上年比賽贏咗升咗班，其實都經歷咗好多，來來回回離開嘅隊員都有幾十個，所以剩低嘅呢一班有心打上去都唔簡單。」
來源:
http://hk.apple.nextmedia.com/entertainment/art/20161124/19843468
率球隊母校師生大戰鄧麗欣下一步男女混合賽
1 :
GS(14)@2016-12-07 07:41:15【巡賽開鑼】■鄧麗欣早前率球隊展開校園友誼賽之旅，首站是她的母校。
鄧麗欣（Stephy）是女子排球隊Loey的隊長，近年積極推動排球運動，最近Loey排球隊展開校園友誼賽之旅，首站是Stephy的母校屯門佛教沈香林紀念中學。早前Stephy率領球隊Loey到母校打友誼賽，先跟現役女子校隊作賽，之後就是舊生隊，全校師生和不少舊生都專程返校觀戰，結果兩場賽事由Loey隊勝出。
【心痛跌地】■鄧麗欣見隊友救波失敗，表情肉緊。
【全力扣殺】■瞓身扣殺的鄧麗欣，帶領球隊兩連勝。
■賽後鄧麗欣與母校現役女子校隊合照留念。
見老師好開心
Stephy接受訪問時說：「今日比賽地方好特別，就係我嘅成長地、我嘅母校，其實好耐冇返嚟，有返嚟都唔係打波，今次同咗學校現役女子排球隊同舊生隊打比賽，老師都有落場打，有體育老師、數學老師，好多老師都仲喺度，就算退咗休嘅老師都返嚟睇我哋，好開心，好犀利佢哋，咁多年都係咁有活力，仲跳得打得，當中有啲老師仲係當年教我打排球㖭。」
辦獎金制盃賽
對於今次選母校做排球友誼賽的首站，Stephy說：「今次籌備咗個幾月，親自聯絡學校，搵番啲舊生、以前師兄師姐同老師，我都估唔到咁齊人。」並表示心願是舉辦獎金制的排球盃賽，期望2017年可以達成。問Stephy會否想過找男球員加入Loey？她說：「我知道有啲地方有男女混合賽，喺台灣都有，真係一個正式比賽，同女排制度有少少唔同，我都想搞，因為香港未有，想引入個運動，等男仔、女仔一齊打，因為有時未必夠一隊女仔或一隊男仔去打，都幾有趣。」採訪：馬建華攝影：葉君海
來源:
http://hk.apple.nextmedia.com/entertainment/art/20161206/19856096
鄧麗欣揀減價貨快手
1 :
GS(14)@2017-03-22 00:47:16■Stephy睇中一條牛仔褲，好快就扑槌買。
鄧麗欣（Stephy）與方力申去年3月宣佈分手後，感情生活未有着落。沒拖拍的她，閒時跟所有港女一樣愛濕平，日前記者便見她一個人到銅鑼灣享受購物樂。日前下午4時許，穿上牛仔褲及灰色上衣的Stephy獨個兒現身銅鑼灣時代廣場，她先後行入Zara和Topshop兩間時裝店，原來Stephy之前買了一件衣服要到Zara更換，換完後Stephy再拿了一件衫和一條窄身褲試身，試啱後速速付款離開。之後Stephy再到Topshop睇衫，雖然舖內不少貨品正做特價，但Stephy不敢隨便亂掃貨，她左揀右揀一輪後，最終只買了一條減價褲。採訪、攝影：徐錦池
來源:
http://hk.apple.nextmedia.com/entertainment/art/20170321/19964524
鄧麗欣爆Miki陀仔
1 :
GS(14)@2017-04-04 08:59:27鄧麗欣昨日在觀塘出席「藍服日2017」，對於好姊妹楊愛瑾（Miki）預產期快到，她笑言未準備禮物，會否做契媽？她說：「我又冇諗過，因為我已經係兩個契仔嘅契媽，我驚契得多唔係幾好，大家知道關心對方就得，最緊要係BB健康。」Miki生女就有個契女，她卻口快快說：「仔嚟㗎！」活動上，鄧麗欣呼籲大眾關注自閉症，她表示情緒紓緩，最終要靠自己，不讓自己不開心一星期。問到跟舊愛方力申分手，也是花一星期調節情緒？她說：「唔開心每個人都有，但係咪一定要好表達出嚟呢，我會用其他方法，打波、做運動去抒發。」採訪、攝影：黃曉妍
來源:
http://hk.apple.nextmedia.com/entertainment/art/20170403/19978143
鄧麗欣養腎保肺救人
1 :
GS(14)@2017-05-07 15:29:05鄧麗欣（Stephy）和吳卓羲昨日在樂富廣場出席器官捐贈計劃宣傳活動，兩人均有留意女子捐肝救人新聞，Stephy認為自己的腎和肺功能最可令人受惠，因為不煙酒，飲食習慣健康。一直有指Stephy會簽約古天樂旗下做打女，她說：「唔係，只係之前拍咗套古天樂投資嘅電影，?家電影工作去到9月，完成後再打算。」她日前探望好姊妹楊愛瑾的囝囝，激讚BB眼仔睩睩似公仔，樣子十足爸爸餅印。吳卓羲曾跟江若琳傳緋聞，對於她近日大方公開與「生煎包王子」蕭潤邦戀情，吳卓羲說：「恭喜佢，間中都有聯絡，早年喺內地合作過拍劇。」採訪、攝影：卓寶花
來源:
http://hk.apple.nextmedia.com/entertainment/art/20170507/20013014
鄧麗欣堅守排球夢「直到打唔到」
1 :
GS(14)@2017-05-21 13:16:15■兩年前Stephy成立Loey排球隊，目標希望升到甲一球隊。攝影：馮峰
鄧麗欣（Stephy）中一開始打排球，當年更加是香港青年軍，直至19歲入娛樂圈而無奈放棄排球，幸好有教練陪她搵番團火。Stephy日前接受《蘋果動新聞》專訪時說：「教練問我有冇興趣打番波，如果組球隊嘅話，佢就義務教我。」
■球場上Stephy（右）跟隊友默契十足，大家互相鼓勵。
■Stephy希望以行動證明自己搞球隊絕非是玩玩吓。
■Stephy將加盟張晉和朱茵經理人公司成為二人師妹。資料圖片
聽過閒言閒語
Stephy兩年前成立Loey排球隊，但期間也聽過不少閒言閒語，Stephy說：「頭一年輸得好慘，之後就聽到好多人講Stephy搞隊波都係玩㗎啫，都唔係認真打㗎喇。」她表示排球隊一年起碼要花十幾萬，有時都幾氣餒，為此她要以行動證明Loey並非玩玩吓，以打入甲一為目標。她揚言會一直打排球，直到打不到為止。對於有網民狠批Loey冇品輸波賴地硬，身為隊長的Stephy雖然覺得是刻意攻擊，但表示若事件令對方不高興，願意代隊員和教練道歉。
成為張晉師妹
此外，有報道指今年初已約滿太陽娛樂的Stephy將加盟凱藝國際娛樂，成為張晉與朱茵師妹，凱藝發言人昨表示：「Stephy加入咗我哋公司，佢唔單止喺電影方面發展，當然仲會全方位發展，所以同張晉或其他藝人一定有合作機會！」採訪：植詠珊、唐琛悠
來源:
http://hk.apple.nextmedia.com/entertainment/art/20170521/20027801
當差湊拜金妹妹鄧麗欣減肥襯陳凱琳
1 :
GS(14)@2017-08-04 06:35:49由鄧麗欣（Stephy）、陳凱琳（Grace）、林耀聲、游學修及「巨胸翠如」鄧月平主演的電影《起底組》，昨日在尖沙嘴舉行開鏡拜神儀式，故事根據年前的解款車在鬧市跌錢案改編。戲中Stephy飾演女警，陳凱琳則飾演Stephy的拜金妹妹。
提小方奇怪
Stephy接受訪問時，被問到前度男友方力申在ViuTV節目訪問中，表示以前跟她去旅行、拍拖的感覺就像偷食一樣，Stephy回應說：「我冇睇，冇特別唔開心，大家?家都係朋友，但個感覺幾奇怪，唔使成日提太多。」她表示戲中有不少追逐鏡頭，都擔心很難應付。早前在戶外活動了長時間，也有輕微中暑感覺，要即時停下來飲水休息。首次參與電影演出的Grace自言有點緊張，她說：「自己都有緊張，會問Stephy的意見，今次做一名拜金女係新嘗試，要着裙同高踭鞋，唔怕畀人拜金形象，其實入行咁耐都想有啲新嘗試，冇乜所謂。」Stephy就指Grace太瘦，令自己站在她身旁變成巨人，所以有減肥計劃，她又趁機拉攏Grace打排球鍛煉體能。鄧月平在片中有被騙財騙色的戲份，她笑言寧可被游學修騙財騙色，亦不選林耀聲，她解釋說：「因為戲入面阿修係演一個媾女毒男，而林耀聲就係好毒嘅毒男。」
■鄧麗欣、陳凱琳等昨日為新戲《起底組》開鏡切燒豬。
■巨胸翠如鄧月平在新戲中被騙財騙色。
■林耀聲（左）和游學修同樣扮演毒男，但後者較得鄧月平芳心。
拒戲假情真
獲鄧月平欽點的游學修表示會好好看顧對方，問到會否再次戲假情真，他一口否定說：「戲假情真我至憎！」問他是否見過鬼怕黑？他說：「講笑啫，畀啲嘢大家寫。」作為同志界男神的林耀聲自言在接戲前，有跟女朋友張沛樂報案會跟鄧月平合作，他說：「都係拍戲啫。」採訪：張俊銘 攝影：陳順禎
來源:
http://hk.apple.nextmedia.com/entertainment/art/20170804/20110687
杜汶澤 鄧麗欣 以空手道的名義 2017/11/03
1 :
GS(14)@2017-11-06 04:32:16https://skypost.ulifestyle.com.h ... 4%E5%90%8D%E7%BE%A9
《空手道》，簡單直接的片名，承載的是杜汶澤自編自導自演的勵志故事和本土情懷。本身已取得空手道黑帶的他，在片中飾演繼承師傅空手道館的過氣師兄，與師傅女兒平川真理（鄧麗欣飾）因空手道館業權安排而重遇，兩人透過一場格鬥，重新找回自己的價值和存在意義，譜寫一段貼地而動人的奮鬥經歷。
看過《空手道》，便會發現一個從未如此這般的鄧麗欣（Stephy）。拋開過往葉念琛的「阿寶」包袱，這一次，Stephy以行動和信念來證明她好打得也好演得。「第一次見到劇本時，只聽到三個字︰空手道。我其實也很搲頭，因我對空手道毫無認識，所以後來和杜汶澤出來談劇本時，我也有問他究竟空手道、跆拳道及柔道有甚麼分別，然後我便上網看相關資料和片段。」Stephy說完，身旁的阿澤即時補充︰「就像我上網學煮餸一樣。」Stephy回想當日練習時，根本不知由何開始。「當時阿澤的日本籍大師兄教我基本功和套拳，其實基本功才是最難。開始時我覺得很挫敗，因為覺得自己甚麼都錯，45度和46度的角度是如何分辨？我只覺得自己永遠都不達標，可幸大家後來也給我信心，令我終於克服這些困難。」
片中杜汶澤和Stephy飾演師兄妹，二人經歷過人生的失意和低潮，憑着空手道，讓自己告別爛泥式生活，重拾自尊和自信。空手道已不僅是一門運動，而是砥礪人生的精神。杜汶澤說：「其實當初我學空手道只為打架，本身我是反對人們說空手道是運動，不過學完後我會深深體會它的確是運動，要達到一定程度的話，就必須刻苦、捱痛。」
受倉田保昭啟發
戲中飾演杜汶澤師傅、鄧麗欣父親的資深日本演員倉田保昭，本身也是空手道高手，由他參演本片絕對是錦上添花。「我見到倉田師傅時，第一感覺就是如果我70歲時，也能像他一樣把腿踢得那麼高就好。然後，他跟我說他從來不煙不酒，聽完後我想，我還是應該不會踢得那麼高。倉田師傅16歲便已考到黑帶，空手道的帶是跟人一世的，所以現在他的黑帶經歷了數十年洗禮，已經磨得變成淺灰色。他的一生就是空手道人生，其實有時做人如果簡簡單單，只沉迷一件事的話，也是好事。還記得在沖繩集訓時，倉田師傅說當地有三位空手道高手，兩位仍在任教，另一位則是的士司機，令我深深意識到，在生活中你遇到的下一個人，可能就是武林高手。」
阿澤充滿感染力
阿澤和Stephy在戲中飾演分別多年再遇的師兄妹，現實中二人早在十年前的《破事兒》已碰頭，只是當時對對方的印象並不算深刻。「他的心很細，注意到很多事情，《空手道》的團隊精神也是取決於他，他也很有感染力，所以這次我也拍得很開心，體力上縱然勞累，但整體來說也不會覺得辛苦」Stephy說。阿澤則笑言面對面前的Stephy，其實不太習慣。「我未接受到她化粧。由我和她談劇本到埋位拍攝，她其實都沒化粧，現在見到這位我不禁要問她是誰。」阿澤這番話，正好說明Stephy和她飾演的平川真理一樣，告別過去，脫胎換骨。
撰文︰宣柏健
攝影︰林良明
編輯︰黃卉彤
設計︰梁政敏
杜汶澤
髮型︰ Milk Chan@Xenter Salon
化粧︰ Mon Chun
鄧麗欣
髮型︰ Euling Chow@IL COLPO TST
化粧︰ Cyrus Lee
服裝︰ Edition Mo & Co
場地：The Mira Hong Kong
Next Page