華仔教路祖藍執導筒
1 :
GS(14)@2016-03-17 14:52:52方逸華、劉德華、曾志偉、劉偉強、馮德倫和王祖藍等嘉賓昨日應邀出席灣仔會展舉行的「旗艦影業」成立發佈會，該公司投資一億，由馮德倫執導、馮紹峰主演作品《The Adventurers》，馮德倫說：「女主角仍然未定，今次我只會專心執導，唔會演出，客串都可以。」另一部電影《王牌逗王牌》由劉德華監製及演出，演員還有黃曉明及王祖藍，祖藍受訪時大讚華仔很年輕，他說：「華仔都係咁靚仔，佢着條吊腳褲，睇落年紀細過我。」祖藍的電影工作室將在年底開拍一部新片，並由他執導，問他會不會向華仔取經？他說：「在片場有時候傾兩句偈，已經有錢落我袋。」除了拍電影之外，祖藍忙個不停，造人計要不要推遲？在旁的李亞男搶答說：「這段時間冇得造人。」撰文：非非
來源:
http://hk.apple.nextmedia.com/entertainment/art/20160317/19532417
祖藍餅印媽拍MV
1 :
GS(14)@2016-05-08 02:56:15■王祖藍為母親節推出新歌，與媽媽母子檔上陣。MV圖片
王祖藍為慶祝明天母親節而炮製了新歌《要我幸福》送給媽咪及天下母親，他除了填詞、主唱和執導MV外，更邀請媽咪冼杏嫦首度粉墨登場做女主角。
MV將於明早在中港兩地同步推出，跟媽咪倒模餅印樣的祖藍，在MV中不滿媽咪經常弄同一味餸而發脾氣、又嫌媽咪逼他穿「現代虧佬褲」、又不滿媽咪逼他跳扇舞，歌詞中講到「跟你長得太像，一模一樣，基因在我身上太過強，每天為我煮飯，我嫌你太煩，這樣陪我成長……」最終祖藍也明白媽咪用心，母子一起合唱。雖然祖藍媽咪首次拍MV，但不少鏡頭也是一take過，連眼淚也是真情流露，被工作人員大讚有潛質。採訪：魯吉
來源:
http://hk.apple.nextmedia.com/entertainment/art/20160507/19601250
子珊簽王祖藍公司
1 :
GS(14)@2016-05-19 02:33:56徐子珊昨日應邀到到灣仔會展出席中小型企業「香港星級品牌2016啟動禮」，與商務及經濟發展局局長蘇錦樑並肩主持儀式，順道在場向商家偷師經營其網上手飾生意。徐子珊早前赴美國大西洋城登台時有意外收穫，她說：「我經常會配戴自己首飾見人，順便講解吓，點知登台後去慶功時，有位男士話想畀驚喜太太，叫我賣條手鏈畀佢，於是我真係賣咗畀佢，仲幫佢太太戴上，成件事好sweet，冇諗過登台賺錢又做到生意。」子珊脫離無綫後，終於有去向，她透露會簽邵氏旗下、王祖藍開設的經理人公司，日內會動筆簽約。採訪、攝影：卓寶花
來源:
http://hk.apple.nextmedia.com/entertainment/art/20160517/19614551
李亞男遊日唔舒服 祖藍護妻心切
1 :
GS(14)@2016-07-06 07:58:58王祖藍努力賺人仔，身家暴漲的他去年擲1.14億，並以老婆李亞男名義於大埔買入3,000呎豪宅，踏入暑假，兩公婆即飛往日本嘆世界。昨日有讀者潘先生透過「爆相爆片」分享相片，透露前日在京都稻荷神社遇見王氏夫婦，李亞男更換上浴衣，潘先生昨說：「佢哋下晝約4點半喺京都呢間寺廟出現，入廟前成班人入鄉隨俗洗手，有香港遊客認得佢哋，想同佢哋影合照，王祖藍就話『玩得開心啲』，跟住就拖李亞男入廟，入咗去約半個鐘出番嚟，李亞男個樣好似唔舒服，可能天氣熱又人多，王祖藍拖住佢快步走。」
■祖藍與李亞男入廟前入鄉隨俗洗手。
另外，祖藍早前以補位歌手身份參加內地節目《跨界歌王》，唱罷後全場觀眾及評判站起來鼓掌，與另一參賽者胡杏兒獻唱後的反應相差很大。採訪：王梓嫚
來源:
http://hk.apple.nextmedia.com/entertainment/art/20160705/19681188
傳賣樓賺逾200萬王祖藍否認：我間屋唔會賣呢個價
1 :
GS(14)@2016-09-17 17:52:53近年同老婆李亞男北上搵食，賺咗幾桶金嘅王祖藍，早排豪擲1.5億元，購入大埔逸瓏灣兩個單位，包括一個頂層特色單位。昨日有消息指，細屋搬大屋嘅王祖藍，隨著逸瓏灣入伙，剛以約1550萬元，售出其手持嘅大埔雅景花園洋房，持貨3年，賬面賺212萬元。不過王祖藍回覆《蘋果》時否認賣樓:「今(昨)日好多人打電話嚟問我，麻煩更正，係冇咁嘅事，我唔知邊度吹出嚟，我間屋重放緊盤，我間屋唔會賣呢個價，係咪我隔離左右佢哋認錯咗係我呀？我都好想知道。」
來源:
http://hk.apple.nextmedia.com/entertainment/art/20160917/19773128
祖藍當老婆搖錢樹
1 :
GS(14)@2016-10-21 05:28:13王祖藍、張敬軒昨日出席灣仔舉行廣東廣播電視台香港辦事處成立揭幕儀式。祖藍自組公司，忙個不停，更直言無暇造人：「而家一路傾緊，會簽二十個人，包括香港同內地北京嘅藝人。」有報道指李亞男為老公拉線簽藝人，祖藍說：「流嘅，係一個飯局，佢搵番藝人錢，佢係我賺錢工具，係我搖錢樹，唔使佢出面，佢出騷搵錢，返香港拍嘢，食吓飯得㗎喇。」來自廣州的張敬軒，直指廣東廣播電視台比香港的電視台製作質素更高，談到廣東話可能被取代，他說：「唔知邊度傳出嚟，廣東話電視台一定係廣東話廣播，我係其中一個廣東出道嘅人，好支持廣東音樂人。」採訪：羅慧敏攝影：陳慧安
來源:
http://hk.apple.nextmedia.com/entertainment/art/20161021/19807193
脷底生痱滋王祖藍：人生最痛苦
1 :
GS(14)@2017-01-09 08:11:30王祖藍揸弗嘅手工藝創作有限公司，跟佢搵食嘅藝人愈嚟愈多，除咗林欣彤、徐子珊，羅霖等外，o依家仲有鄧萃雯同周汶錡，確實人強馬壯！除咗要做經理人，王祖藍仲要返大陸做節目，又要留港拍劇，嚟緊春晚又要做騷，忙到連佢自己都話接電話接到手都軟。不過王祖藍呢排經歷爛口之苦，佢喺微博貼咗張擘大口嘅相，原來佢脷底生咗粒超巨型痱滋，每次開口都十級痛，佢留言話：「人生最痛苦的，莫過於當你想唱歌的時候，舌頭下的筋正中間長了潰瘍！」靠把口搵食嘅佢，真係有苦自己知！快啲叫老婆煲湯水潤潤佢啦！
來源:
http://hk.apple.nextmedia.com/entertainment/art/20170109/19891280
Next Page