長期擔心對方出軌 祖藍爆同亞男相處之道
1 :
GS(14)@2017-02-11 18:58:05王祖藍同李亞男前年情人節拉埋天窗，今年情人節係佢哋結婚兩周年，早前一齊接受周刊專訪，亞男憶起結完婚嗰陣，祖藍要返內地拍劇3個月，有次亞男睇睇吓古裝劇忽然爆喊，有啲抑鬱嘅感覺，祖藍自從知老婆咁就就冇再接劇住，最多接劇都係拍一個月就完。祖藍又喺報道爆夫婦要擔心對方出軌先得，因為成日覺得對方唔會出軌先係一種誘惑，出問題多數都係其中一個太信對方，祖藍叫老婆唔好太信佢，要check住佢，同時又會想辦法令老婆放心，佢話自己都有啲女埋身，不過祖藍唔會單獨約女仔，就算車女同事，佢都會開住電話同太太講嘢，直至女同事落車，佢又話以為睇過本書，講有啲男人細個出去玩，遇到個啱嘅就會定落嚟，有啲男人從來未玩過，一出去玩就搞到冇咗頭家。
來源:
http://hk.apple.nextmedia.com/entertainment/art/20170211/19925122
等足四季克勤阿Lam幫口王祖藍成功舉薦杜麗莎登陸《歌手5》
1 :
GS(14)@2017-02-12 15:24:192017-01-19 NM
宇宙G.E.M.憑《我是歌手2》（現易名為《歌手》）紅爆大陸後，古巨基、李克勤和容祖兒都先後參與節目演出，至於第五季有份出戰的杜麗莎，雖然是唱得之人，但登陸《歌手》舞台過程艱巨，王祖藍、李克勤和林子祥均曾為她出盡牙力。機會來了，早前《歌手》監製洪濤來港，終有機會一睹杜麗莎唱live功力，更決定開綠燈，讓她硬撼林憶蓮，師徒對決。唔夠人氣
出戰《歌手5》的過江龍除了林憶蓮，還有歌齡超過四十年的杜麗莎。據了解，她在今個二十一日播出的首集已開腔，更力壓同場對手，技驚四座。簽了杜麗莎的王祖藍，對她可以出征《歌手5》，更加功不可沒。「祖藍跟過Teresa學歌唱，佢一直想內地人知道老師係幾咁唱得，早响第一季已經向洪濤推薦Teresa，但可能佢喺內地人氣唔夠，所以推咗。其實唔只祖藍，克勤同阿Lam都有向製作單位sell過Teresa。直到舊年兩師徒喺《跨界歌王》合唱，令洪濤留有印象，後來祖藍知道監製嚟咗香港，機不可失，即刻安排他出席一個Teresa唱live的活動。」知情者說。
師徒互片
杜麗莎唱服洪濤的演出，其實是她紀念母親逝世一周年的私人聚會。「Teresa搞咗個小型私人party紀念媽咪，出席嘅都係至親同朋友。Teresa答應返內地演出錢其次，佢覺得內地多高手，可以重燃自己對舞台嘅熱誠。而佢媽媽係上海人，佢覺得返內地唱歌，會令亡母好安慰。」由第一季等到第五季，錯有錯着，造就杜麗莎和林憶蓮師徒對決。「其實憶蓮係Teresa第一個學生，八十年代已經跟佢學唱歌，如今師徒互片，都係一個賣點。」知情者說。
鑽研蔬果汁
生於音樂世家的杜麗莎，父親Fernando Carpio為六、七十年代爵士樂鼓手，堂妹是韋綺姍。成名於七十年代的杜麗莎，先後移民到美國及加拿大，回流後，她轉做歌唱導師，主力培育後輩，學生有林憶蓮、鄭秀文、許志安、關心妍、薛凱琪及梁詠琪等。近年杜麗莎又埋首鑽研健康蔬果汁，在朋友圈開心share。
撰文、攝影、攝錄：娛樂組
李亞男要生B《老表》王祖藍趕工造人
1 :
GS(14)@2017-02-12 15:33:342017-01-26 NM
密返內地掘金的王祖藍，最近回歸大台，為自己有份編劇的無綫新劇《老表，畢業啦！》開工；要兼前顧後，仲要「交功課」俾一直恨生B的李亞男，王祖藍惟有開turbo，兼且推晒所有春晚邀請，安排同老婆農曆年出埠，再度蜜月，甜蜜造人！放假回氣生B
《老表》系列收得，最新一輯《老表，畢業喇！》，王祖藍繼續坐鎮度橋外，更加拉咗不少老友埋位，包括蔡少芬、郭晉安、欣宜同林欣彤等，為新劇加強陣容，省靚自己個招牌。早前王祖藍孖住郭晉安、泰臣等現身上水假日農莊為新劇趕工，雖然是日要搶拍多個場口，但大家都非常專業，大部分一take過，省下不少拍攝時間。空檔休息，祖藍拉住拍檔郭晉安雞啄唔斷，其間，郭晉安頑童上身，搞到祖藍一面泥，演員合作得順，開工輕輕鬆鬆！「祖藍因為要度橋同負責大部分幕後工作，佢習慣事事親力親為，所以自己只係做個戲份極少嘅角色。不過祖藍想過年陪吓老婆，佢一早同導演傾好，喺農曆前先拍晒佢啲戲份。其實李亞男一直都想快啲生BB，所以祖藍都話忙完呢套劇，要休息吓先，儲番啲精力，同老婆造人交差！」一名劇組工作人員說。
捱義氣頂上
王祖藍原本計劃新一輯《老表》由原班人馬演出，但有部分演員度唔到期，要重新編配角色人選。「今次劇本出得比較急，開始埋班搵人嗰陣，祖藍已經呻過話好大壓力，好似張繼聰要陪老婆（謝安琪）生BB，今次只可以客串，而王菀之又因為要開演唱會，冇時間兼顧拍劇，好彩最後都搵到蔡少芬頂咗要做舞台劇嘅萬綺雯，仲有臨急臨忙仗義幫忙嘅欣宜，大家都好支持祖藍。」劇組工作人員說。
撰文、攝影、攝錄：娛樂組
祖藍去錯地方觀禮陳明恩嫁初戀：感激遇到好男人
1 :
GS(14)@2017-02-26 13:24:04■陳明恩昨與初戀男友Eddy行禮，她穿上傳統裙褂戴金?，獲老公錫到燶。
現年35歲無綫女藝人「鬼妹」陳明恩，昨日與圈外初戀男友鄭獻（Eddy）共諧連理，Eddy與陳明恩相識兩年才拍拖，昨日兩人冒寒在屯門黃金海岸戶外草地舉行婚禮，一對新人行完禮即錫錫，司儀更爆料指是兩人的「初吻」。圈中教友羅蘭、王君馨、胡楓、王祖藍及老婆李亞男等到場恭賀，過氣情侶張彥博和裕美被要求合照，男方顯得尷尬，他原想輕搭舊愛的腰，但最後沒有行動。
■陳明恩宣誓時，被老公感動到喊不停。
■眾圈中好友一早到場，賀陳明恩成為人妻。
穿裙褂特別
陳明恩在行禮前穿上裙褂，手上佩戴三對龍鳳?及頸掛金豬牌，與新郎Eddy先接受訪問，她表示早上有傳統斟茶儀式，由媽咪替她穿裙褂，兩母女覺得很特別，陳明恩說：「今朝冇喊，不過噚晚見到澳洲、新西蘭、日本各地親友時，就感動到喊。」談到Eddy吸引之處，陳明恩用行動攬實Eddy，並喊着說：「好感激遇到我心目中好男人，佢跳舞叻、靚仔同對工作認真。」一對新人計劃享受兩年二人世界才生B。儀式在昨午2時半開始，陳明恩換上婚紗，由爸爸邊唱歌邊引領下進場，陳明恩已開始喊，進行宣誓後，明恩再度落淚，儀式後兩人即錫錫。
■王君馨預計今秋出嫁，笑言到場取經。
■王祖藍和老婆李亞男昨擺烏龍，幸好趕及觀禮。
■過氣情侶張彥博和裕美大方合照，但男方不敢掂對方腰部。
王君馨取經
同樣在今年出嫁的王君馨，直認來取經，可是未婚夫避傳媒而缺席，君馨透露婚禮籌備進度理想，暫定不擺酒，改為酒會形式，她說：「婚禮應該秋天前。」王祖藍夫婦昨擺烏龍去錯地方，幸趕及觀禮，兩人剛去完美國旅行。此外，美亞老闆李國興昨晚娶新抱，在灣仔會展設宴，一對新人Xinyi和Jason招呼賓客，英皇老闆楊受成、陳惠敏、鄒凱光、冼國林、葉念琛、吳思遠、林建岳及陳百祥夫婦等到賀。向華強夫婦到場時，向太指劉德華情況幾好：「佢開始做緊復健。」洪金寶則拿着枴杖現身，去年底他曾撐枴杖示人，兒子洪天明透露父親將要做小手術。採訪：馬建華、王連連攝影：仇志德、陳慧安
來源:
http://hk.apple.nextmedia.com/entertainment/art/20170226/19940333
王祖藍拒陪亞男入產房
1 :
GS(14)@2017-03-03 00:59:53王祖藍和太太李亞男昨日在灣仔出席「協康會全港廚師精英大匯演」活動，二人早前放了三星期大假，先去美國探親，再到日本旅遊，問有否努力造人？祖藍說：「暫時未，睇時間要一年後先，我哋第一年搬出嚟過二人世界，畀太太先甜後苦啦！」亞男直言：「?家係黃金時間，見到啲朋友做咗媽咪付出好多，做媽咪真係唔容易，冇晒二人世界。」祖藍同時預告將來生B，不會陪入產房，亞男聞言即說：「我搵第二個男人嚟幫手，就係我爸爸，佢好勇敢。」對於遷入的大埔豪宅升值不少，祖藍笑言：「係摸頂時買入，樓係用嚟住，唔係用嚟炒，打算住成世。」採訪、攝影：卓寶花
來源:
http://hk.apple.nextmedia.com/entertainment/art/20170302/19944300
葉德嫻祖藍送最後一程陳佩華化輕煙
1 :
GS(14)@2017-05-28 10:38:17■陳佩華兒子陳永康捧住母親遺照一臉哀傷。
資深電影人及無綫前藝員科高級經理陳佩華生前人緣甚佳，上月28日她不敵癌病與世長辭，享年68歲。其家人前晚在九龍城浸信會為佩華姐舉行安息禮拜。佩華姐好友洪金寶、「桃姐」葉德嫻（Deanie）、張學友、張家輝等前來送別，就連月前墮馬受傷的劉德華，亦堅持拿着枴杖跟太太朱麗倩低調到場跟佩華姐告別。據悉，華仔瞻仰遺容時心情極悲痛，他拿着枴杖由太太朱麗倩扶住圍着靈柩慢慢行了一圈，作為向相交數十載、視如家人般看待的佩華姐作最後敬禮。
■劉偉強與樂易玲昨到鑽石山火葬場送別陳佩華。
■王祖藍昨日與太太李亞男到場，他表示從陳佩華身上獲益良多。
■葉德嫻在陳佩華彌留時陪伴身旁，昨日她亦有送好友最後一程。
兒子：分享佢嘅喜樂
佩華姐的火葬儀式昨早10時在鑽石山火葬場進行，Deanie姐、王祖藍夫婦、樂易玲、曾醒明、何麗全、導演關信輝、劉偉強等前來送別。佩華姐是電影《桃姐》監製，跟Deanie姐私交甚篤，上月佩華姐彌留期間，Deanie姐一直陪伴，昨日佩華姐的火葬儀式，Deanie姐也有前來送好友最後一程，跟華仔一樣有情有義。儀式後，佩華姐兒子陳永康在樂易玲和王祖藍陪同下接受訪問：「首先想代表媽媽同埋家人，感謝傳媒朋友及媽媽嘅圈中朋友、治喪委員會嘅朋友幫忙，成件事都好圓滿，亦都好凸顯到媽媽嘅想法。媽媽一路都話，喺地上嘅嘢已經做咗，能夠返到天上，覺得好得無比。佢希望朋友去到佢嘅安息禮拜，可以分享佢嘅喜與樂，分享到佢嘅平安。」陳永康並表示帛金將會捐給慈善機構及福音團體。
樂易玲：永記在心
樂易玲難掩哀傷說：「台前幕後好多同事同埋圈中好友個個都好掛住佢，但係佩華姐一路都安慰我哋，叫我哋放心，佢OK，仲叫我哋要感恩，呢樣嘢我哋都會擺喺心裏面。」王祖藍表示從佩華姐身上獲益良多，並透露佩華姐沒有遺憾。採訪、攝影：畢紹基、仇志德
來源:
http://hk.apple.nextmedia.com/entertainment/art/20170528/20035878
金剛離巢跟王祖藍
1 :
GS(14)@2017-06-25 09:31:27■金剛（圖）獲王祖藍幫忙接洽內地綜藝節目。資料圖片
日前有網民發現「無綫五大笑匠」金剛被除名，之前盛傳曾志偉跟無綫高層爭執，令拍《獎門人》系列的金剛和王祖藍等被封殺，金剛惟有跟隨志偉北上搵食，去年尾在王祖藍工作室參與製作的內地節目《勝利的遊戲》中任嘉賓，隨即有傳金剛離開無綫，簽約祖藍新公司。王祖藍昨日在商台受訪，他以短訊回覆本報：「金剛本身母語係普通話，佢好想返台灣發展，亦想睇吓有冇機會開拓內地市場，同佢傾完都好投契，應該會過嚟，已幫佢接緊內地綜藝節目。」問是否曾志偉拉攏？王祖藍說：「咁大家都係跟獎門人，我知佢工作態度非常專業，對佢好有信心。」採訪：嵐山攝影：張俊銘
王祖藍
來源:
http://hk.apple.nextmedia.com/entertainment/art/20170624/20066586
Next Page