袁彩雲孖利嘉兒飯聚囡囡Alycia皺眉扮驚訝
1 :
GS(14)@2015-03-12 19:21:11
現年39歲嘅袁彩雲（Fiona)自從2009年同加拿大籍飲食才俊江銘峰（Anthony）結婚後，隨即移居加拿大，淡出娛樂圈，過住幸福少奶奶嘅生活，間中先返港探吓朋友。早前好友陳敏之先喺網上貼出佢同彩雲母女嘅合照，見到彩雲囡囡Alycia眼仔睩睩，越大越精靈，真係好可愛，大家都以為彩雲只係回港過農曆年。原來彩雲目前仲喺香港，另一好友利嘉兒(Lily)今日凌晨就貼咗幾張彩雲囡囡Alycia嘅相，留言：「多謝Fiona的美味晚餐，Alycia妹妹實在太可愛!」約埋黃宇詩一齊嘆西餐，近睇Alycia又確係越大個樣越標緻，影相嗰陣，一時皺眉、張開口扮驚訝，一時又瞪大眼仔，望住你笑，個樣認真甜到漏。
來源:
http://hk.apple.nextmedia.com/entertainment/art/20150312/19073081
GiGi囡囡姓梁？
1 :
GS(14)@2015-03-17 08:44:54
■GiGi昨在微博貼相大晒為囡囡訂製的朱古力。
梁詠琪（GiGi）剛於上月二十八日為西班牙籍老公Sergio誕下六磅多混血女兒Sofia，榮升人媽。GiGi昨日在微博貼相，大晒法國甜點老店DALLOYAU為女兒訂製的馬卡龍和朱古力，GiGi留言說：「非常感謝大家對小女兒Sofia的祝福和愛護，今天起會陸續送上Dalloyau特別為Sofia訂製的馬卡龍和巧克力boxset給圈內好友們，分享我們這份喜悅，正式喜迎Sofia的來臨！」
GiGi愛女全名是Sofia Crespo Leung，有網民疑惑，以為Sofia隨GiGi姓梁，但其實西班牙人會將爸爸的姓氏放在中間，媽媽的姓氏放在最後。撰文：小米
來源:
http://hk.apple.nextmedia.com/entertainment/art/20150317/19078855
請假探BB滿面憂心Yumiko又笑又喊：囡囡有進步
1 :
GS(14)@2015-04-11 11:43:33【神情擔憂】■心急如焚去探BB的Yumiko在七人車內木無表情。
鄭希怡（Yumiko）大前日弄瓦之喜誕下乳名「梁浸浸」5.5磅重的囡囡，不過當晚B女由港安醫院轉送到東區醫院的兒童及新生嬰兒ICU，據老公梁學儲（Andy）透露BB的呼吸麻麻。因為Yumiko剖腹生產，所以未能即時出院探望BB，但愛女心切的Yumiko昨日下午2時由老公Andy及助手陪同下，頭戴冷帽及口罩，身穿長衫密不透風離開港安醫院。
老公開路護駕
由於當時下着毛毛細雨加上她傷口未完全癒合，所以每一步都行得很慢，精神雖然不俗，但神情凝重難掩傷感之情。老公一面為Yumiko開路護駕，另一方面又提醒記者小心，之後他們乘七人車離開。七人車大概半小時後到達東區醫院，Yumiko緩緩下車和老公慢步進入醫院大堂等電梯。
【老公護駕】■Yumiko昨由老公梁學儲陪同下離開港安醫院，前往東區醫院探囡囡。
【回復笑容】■探完BB後兩公婆笑個不停。
等候期間Yumiko被問到身體狀況時僅點頭示意，但再問到囡囡肺部是否出現問題時，Yumiko繼續點頭，但已見到眼有淚光。臨入電梯前Yumiko以微弱的聲音說：「唔該晒。」Yumiko事前已透過助手表示不會接受訪問，一切會留待今日出院再談。
回復笑容受訪
Yumiko和老公在ICU逗留一小時後離開，神情顯然輕鬆了很多，更回復笑容，心情轉好的Yumiko今趟主動接受訪問，她說：「今日終於鬆番口氣，頭先醫生話BB好咗好多，開始有進步，好多謝大家呢幾日祝福同關心。」言談間Yumiko表現得很感觸，再問到目前感受時，她的聲音已變得哽咽說：「終於體驗到為人父母緊張同牽掛。」被問到是否為BB哭了很多遍時，她沒有正面回應說：「唉！希望大家所有BB都身體健康。如果BB繼續進步，希望盡快出院。」她又感激這幾天老公的照顧及看護，而自己開刀的傷口已經不痛。稍後Yumiko和老公乘七人車回到港安醫院，兩人心情明顯更輕鬆，對記者的提問亦笑笑口點頭，他們全程保持笑容返回病房，Yumiko則將照原定計劃今日出院。採訪：卓寶花、馬建華攝影：陳俊強、仇志德
■Yumiko懷孕期間一直有將近照放上網分享。資料圖片
■Yumiko於大前日在fb貼囡囡腳仔相。資料圖片
■當年英皇力捧的小花3T都已成為人妻，劉思惠和鄭希怡更於去年及大前日升級做媽媽。資料圖片
■梁漢文昨表示希望好友鄭希怡母女健康。
【全城祝福】梁漢文網友齊打氣
梁漢文昨日到商台宣傳新碟時，談到好友鄭希怡的囡囡「梁浸浸」正於東區醫院的兒童及新生嬰兒ICU留醫，他表示暫時不便打擾她，以他所知BB女沒問題，大家可以放心，希望她母女都健康。另外，亦有媽媽級網友，於網上留言送上祝福，為她們兩母女打氣。網民NG Rozitaaa特別在Yumiko的facebook留言說：「唔好太擔心，我女出生嗰時就係因為呢個問題，即刻入咗ICU……隔咗一陣就冇事㗎喇，醫生都話，BB喺我肚度住慣咗，出到嚟未習慣『換新方式呼吸』。放心～初生BB乜嘢情況都會有，適應番就OK㗎喇！」採訪、攝影：溫敏芝
來源:
http://hk.apple.nextmedia.com/entertainment/art/20150411/19108094
囡囡肺積水有改善Yumiko返家學泵奶
1 :
GS(14)@2015-04-12 16:25:30■Yumiko獲醫生批准出院後，昨日已秘密返家休息。 資料圖片
鄭希怡（Yumiko）上周三在港安醫院剖腹誕下5.5磅女兒梁浸浸（乳名），豈料BB出世不足24小時就要放進氧氣箱送往公立醫院ICU病房，初為人母的Yumiko懇求醫生批准其外出探望初生女兒，終於前日在老公梁學儲陪同下，前往東區醫院探囡囡，原來囡囡是肺積水，經過治療，情況已好轉，而Yumiko昨日就秘密出院回家休息了。
■剛出生的梁浸浸有肺積水情況，要送往東區醫院嬰兒ICU病房醫治。
■Yumiko前日在老公梁學儲陪同下，前往東區醫院探望囡囡。 資料圖片
B女料留院一周
Yumiko剖腹誕下囡囡梁浸浸後，醫生已發現其女兒有氣促情況，所以要把她放進氧氣箱，後來因情況未見好轉，院方為其檢查始發現是肺積水，為安全起見，主趁醫生建議把BB女送往設備較完善的東區醫院嬰兒ICU病房接受醫治。一直擔心女兒情況的Yumiko翌日已要求去醫院探囡囡，但醫生認為其狀態還未可以出院，直至前日才批准外出，當Yumiko看到女兒剛出世就要插喉的樣子，就忍不住流淚起來。初生嬰兒出現肺積水並不罕見，Yumiko是剖腹產子，BB沒有經過自然分娩程序，有部份BB可能未及反應，自行將肺部胎水排出，故才會出現肺積水情況，經院方悉心治療後，梁浸浸肺積水情況已改善，預計留院一周就可以出院。前日探過女兒的Yumiko終於鬆一口氣，乖乖返回醫院休息，而昨早醫生檢查過她的健康情況後已批准出院，之後Yumiko在老公陪同下，秘密出院返家休息。據悉當囡囡稍後出院回家，Yumiko會以人奶餵哺，連日她來已學習泵奶。經理人霍汶希（Mani）昨日被問到Yumiko是否已出院，她證實說：「今朝已經出院返屋企，噚日佢見咗BB已經放心，心情好咗好多，多謝大家關心。」採訪：鍾國仁
來源:
http://hk.apple.nextmedia.com/entertainment/art/20150412/19109144
囡囡留院兩周提心吊膽Yumiko接梁浸浸團聚
1 :
GS(14)@2015-04-22 22:35:08■Yumiko在Instagram上載梁浸浸的大頭照，B女精靈可愛，是美人胚子。互聯網圖片
鄭希怡（Yumiko）在本月8日於港安醫院剖腹生了5.5磅的B女「梁浸浸」，不過，梁浸浸出生不足24小時，因呼吸系統出現問題及有肺積水情況，要轉送東區醫院ICU，令人擔心；幸好留院兩個星期後，梁浸浸終於可以出院。
Yumiko和老公梁學儲昨日分別在不同社交網貼相，公佈梁浸浸出院的好消息，又貼囡囡大頭相，梁浸浸雖然只有兩星期大，但眉清目秀，不但有雙眼皮、而且鼻仔高高、下巴尖尖，五官清秀，絕對是美人胚子。本報透過短訊恭喜Yumiko，她就透過短訊回覆：「多謝關心。」
■Yumiko早前公開與女兒拖手的照片，場面溫馨。資料圖片
■梁學儲在Instagram展示接女戰車，又代囡囡留言致謝。
老公扮囡囡留言致謝
昨午Yumiko更向傳媒報平安：「梁浸浸已經返咗屋企，我諗佢第時一定會係好獨立及貪玩小朋友，因為佢一出世想自己靜吓，出去住一排，跟住先肯返屋企。」
Yumiko續說：「喺呢段時間我好提心吊膽，亦都好擔心，好珍惜每日喺醫院見佢好短暫時間，但幸福往往嚟得好突然，喺我毫無準備下，醫生就話其實佢而家情況都開始穩定，你會唔會想帶佢返屋企？嗰一刻好開心，亦都好多謝東區醫院醫生及護士喺呢十幾日對佢悉心照顧，令佢好番得咁快。」Yumiko又感謝所有朋友同事、傳媒朋友、網上朋友對佢鼓勵及打氣。她更解釋女兒梁浸浸名字由來：「上海話係『亮晶晶』。」而她老公梁學儲就在社交網站代囡囡留言說：「我出院啦，多謝各位一直為我打氣同祝福，更衷心地多謝東區醫院所有哥哥姐姐。梁浸浸上」採訪：小米
■梁學儲和Yumiko等足兩星期，終於可以接B女返家，非常開心。資料圖片
■梁浸浸之前在東區醫院留醫，現已康復回家。攝影：陳順禎
來源:
http://hk.apple.nextmedia.com/entertainment/art/20150422/19120564
徐淑敏湊囡囡荔園贏把扇
1 :
GS(14)@2015-07-06 08:36:00■黃浩跟二女Renee（左二）掟階磚，可惜得個桔。
【爆相爆片】結業18年的荔園近日在中環海濱重開，吸引不少一家大細捧場，如徐淑敏（Suki）前日便偕老公黃浩及兩個囡囡Vianna和Renee到荔園享受家庭樂。昨日讀者劉先生透過本報「爆相爆片」報料，指前日下午4時半左右發現Suki一家四口現身荔園，同行還有兩個黑人保鑣，認真大陣仗。不過，劉先生指Suki一家全程只攻攤位遊戲，包括掟階磚、飛甩雞毛和彈跳青蛙等，但Suki只是負責影相，由黃浩出馬跟兩個囡囡玩遊戲，可惜屢次失手，僅在其中一個遊戲贏得小禮物，而他們玩掟階磚其間，有荔園高層上前跟Suki夫婦打招呼和合照，然後送了兩個公仔給兩個小朋友。劉先生又表示，Suki疑似是真空上陣，不少途人認出Suki並舉機拍照，Suki也未有抗拒任影唔嬲，而她一家逗留了半小時便撤退，本來Suki欲帶女兒玩摩天輪，但未知是否天氣太熱還是其他原因，最後還是打消念頭上車離開。
■索爆徐淑敏前日現身中環荔園，被不少途人認出並以手機拍照，分分鐘搶鏡過荔園中其他景點。讀者提供圖片
■徐淑敏裙背開窿，又難怪被誤會為真空上陣。
■二女Renee（中）手上的扇，是黃浩玩遊戲贏得的。
■黃浩一家四口遊荔園，也要黑人保鑣（箭嘴示）同行，相當大陣仗。
「背脊有個窿啫」
記者昨致電Suki，她指前日family day帶兩女到荔園逛逛，細女Isabella因為年紀太細未同行，Suki說：「當嘉年華會咁，其實同以前荔園又唔係好似，但佢哋（女兒）都開心。」未有參觀恐龍屋？她說：「冇呀，好熱呀，所以玩咗一陣，影咗啲相就走。老公掟中咗把扇咋，咁啱撞見個PR，佢送咗兩隻公仔畀我哋。嗰度有啲噴水咪降吓溫囉！跟住帶啲小朋友去食雪糕。」對於讀者指她真空，Suki笑住否認：「背脊有個窿啫！唔係真空。」採訪：魯吉
來源:
http://hk.apple.nextmedia.com/entertainment/art/20150706/19209586
憂囡囡俾功課壓死羅敏莊陪女泰國升學
1 :
GS(14)@2015-09-01 06:59:53■估不到羅敏莊會計劃帶女兒到泰國升讀國際學校。資料圖片
提起香港的教育制度，香港人無不搖頭嘆息！不少家長都要提早計劃子女的教育路，甚至送子女到外國讀書。昨日帶同女兒陳禛出席港台在馬鞍山廣場舉辦「國際兒童嘉年華」的陳國邦和羅敏莊（Mimi）亦是其中之一，Mimi表示擔心女兒的升學問題，計劃安排陳禛到泰國升學，藉此希望換取女兒一個開心快樂的童年。
Mimi和囡囡悉心打扮，以母女裝現身，相當搶眼，Mimi表示囡囡今年升讀K1，但她未有特別報讀九龍塘的名校，她說：「喺屋企樓下屋苑讀幼稚園，好方便，冇話特登去其他地方讀，咁細個最緊要讀得開心，知道再升上去，有啲主流學校，每日有十幾樣功課要做，我讀書時候都未試過，做功課要做到11、12點，都唔明點解而家會變成咁，如果有選擇都想畀佢讀國際學校，但係未必喺香港讀，會揀第二個地方，去泰國囉！」
■羅敏莊和陳國邦希望女兒陳禛可以在一個開心快樂的環境成長。
■Dino三年抱兩，太太下月將再誕麟兒，一家四口樂融融。
預計港泰兩邊飛
Mimi講起囡囡升學大計時一臉認真，她解釋說：「因為距離香港近，但係最近泰國爆炸事件，可能會再考慮清楚，身邊人都會覺得奇怪，朋友會覺得揀英國，但係我覺得近香港可以我隨時飛返香港做嘢，好方便。」原來Mimi已經有全盤計劃，她說：「係打算小一讀，所以而家要計劃，我好鍾意泰國人好和善，好有好感，一路睇好呢個地方，唔希望再有爆炸事件發生，係個別嘅悲劇。」Mimi送女兒到泰國讀書，陳國邦又有何想法？Mimi說：「一早同老公有共識，我哋兩公婆感情好，唔想因小朋友學業嗌交，所以有關於女嘅嘢會坐低一齊慢慢傾。」另外，Soler成員Dino的太太下月開刀產子，他表示大仔升讀K1很喜歡上學，亦很期待弟弟的來臨，他說：「太太喺瑪麗醫院開刀，因為第一胎大仔頭太大，今次細佬再大啲，醫生都係建議開刀。」採訪、攝影：馬建華
來源:
http://hk.apple.nextmedia.com/entertainment/art/20150831/19276072
蒙民偉囡囡挾13A讀劍橋
1 :
GS(14)@2015-09-25 01:17:53有「電飯煲大王」之稱、信興集團已故創辦人蒙民偉逝世五周年，他的慈善基金前晚在尖沙嘴文化中心舉行慈善音樂會。遺孀王蓓芬跟囡囡蒙珮兒到場支持。珮兒接受訪問時透露三年前憑英國會考考獲13A，入讀英國劍橋大學修讀經濟學。對於今年有狀元級的港姐誕生，她謙虛說未夠靚參選：「我仲未夠靚，未諗過畢業係咪會做生意。」而蒙太則表示蒙生生前很喜歡古典音樂，她說：「佢贊助過好多音樂會，好似郎朗、李雲迪等，所以慈善基金會就舉行呢個音樂會。」前晚音樂會司儀由朱潔儀擔任，她笑言為慈善不收錢亦沒有所謂。採訪、攝影：羅慧敏
來源:
http://hk.apple.nextmedia.com/entertainment/art/20150924/19306697
Next Page