【馮仁昭四圍超】周董加三場老婆嚟Shopping
1 :
GS(14)@2016-09-13 08:04:27台灣天王周杰倫（周董）下年1月喺紅館開騷，6場「地表最強世界巡迴演唱會」門票上個禮拜二開售，20分鐘就賣晒，轉頭就見網上有炒飛，最貴嘅1,080元炒高12倍變12,880元，認真誇張。買唔到飛嘅粉絲仲有機會，周董噚日喺尖沙嘴舉行記者會，宣佈加開1月15至17號3場，佢講笑話要開夠20場先滿足到粉絲需要：「見歌迷留言買不到票，我跟老闆說不如開20場，這是我的夢想。」講到啲飛炒到過萬蚊，周董話壓力好大：「真的不知道學生買票壓力很大，我現在壓力也很大，要唱得更好。」之前有網友貼出「絕望座位表」，投訴公售嘅飛唔夠五分一，其餘被內部扣起，問今次加場會唔會撥多啲出去賣，周董冇正面回答：「這次開9場，希望下次可突破數字，我也問過主辦方可否開20場。」
■周杰倫話老婆昆凌同囡囡都會嚟香港睇騷。
撞正結婚周年
下年1月18日係周董38歲生日，17日尾場又係佢同老婆昆凌結婚周年。佢笑話可以順便慶祝，開騷時老婆同囡囡都會嚟睇騷：「到時我唱歌，她們逛街。」囡囡已經過咗1歲，周董坦言想追個仔：「計劃是明年，可以生男生，做一個好字，我喜歡熱鬧，可以有足球隊或是樂隊。」撰文：馮仁昭
來源:
http://hk.apple.nextmedia.com/entertainment/art/20160913/19768879
【水着樂園】伍倩彤盼男友似周董
1 :
GS(14)@2016-09-29 08:05:54伍倩彤（Gillian）早前在一個汽水廣告中夥拍男神王宗堯跳懷舊舞，重演經典電影《阿飛正傳》一幕，廣告見街後伍倩彤被評有張曼玉氣質，令她突然很有壓力，不過有幸和男神合作感到開心興奮。現年24歲的伍倩彤主力向影圈發展，慢慢起步，希望獲得不同機會，最近與陳國坤和海俊傑合作一套電影，飾演海俊傑女友，角色要極度巴渣潑辣，她笑言是做回自己。伍倩彤現時暫未有拖拍，有不少追求者，擇偶方面希望遇上成熟男士，她說：「有啲周杰倫（周董）feel，有才華、顧家、孝順，而且識音樂男仔對我嚟講係特別加分。」採訪：卓寶花
來源:
http://hk.apple.nextmedia.com/entertainment/art/20160929/19784716
周董出聲明護妻
1 :
GS(14)@2016-11-18 17:56:38周杰倫（周董）跟昆凌婚後育有囡囡Hathaway，有報道指她是「雙面甜心」，指控有三大罪狀，包括拍攝前敷面膜要工作人員餵食、只對資深攝影師展露笑容，以及故意同小孩玩延誤拍攝。周董前日罕有發聲力挺老婆，獲fans稱讚。昆凌的經理人即時否認，拍廣告根本沒有時間敷面膜，攝影師亦是合作很久的老拍檔。當中指昆凌故意跟小孩玩，經理人表示是無稽之談，因休息室並沒有外人。周董前日的聲明中「雖然說是鳥新聞，還是很好奇的看了內容，看了真是替爆料人揑把冷汗，這種亂掰算是小兒科等級，你乾脆說她是假面騎士好了，比較聳動」。撰文：李森
來源:
http://hk.apple.nextmedia.com/entertainment/art/20161118/19837159
周董襲紅館 漫遊太空
1 :
GS(14)@2017-01-09 08:11:26■周杰倫一身型仔全黑打扮唱出多首經典歌。
周杰倫（周董）昨晚在紅館展開一連6場「地表最強世界巡迴演唱會」，三面舞台營造太空漫遊效果，甫開場有表演者化身太空人吊於半空出場，隨後穿上發出藍光衣的周董到台中心唱歌，充滿《星球大戰》感覺。
周董演唱《英雄》及《無雙》兩首歌後，隨即換上全黑造型唱《世界末日》，唱罷他即說：「謝謝，送你們一首《開不了口》。」而後台的出入位，亦猶如太空艙出入口般，周董似置身太空唱歌。他換上第三套服飾再度出場唱《床邊故事》，現場放置了4個十字架棺材，周董坐在一張座椅上，任由性感女舞蹈員圍在他身邊跳舞，惟美中不足是座椅的一邊燈失靈。採訪：王連連攝影：陳慧安
■周董昨晚在紅館舉行頭場騷，舞台設計甚有太空feel。
■幾位性感女舞蹈員圍着周杰倫身邊跳舞。
■場外售賣多張周杰倫陳年舊唱片。
來源:
http://hk.apple.nextmedia.com/entertainment/art/20170109/19890666
【馮仁昭四圍超】超蓮周董合唱：我太丟臉
1 :
GS(14)@2017-01-12 08:08:30■何超蓮前晚睇周董演唱會，喺台下開金口唱《甜甜的》。互聯網圖片
賭王三房千金何超蓮愛追星，更封周杰倫為「永遠的男神」，前晚佢去睇偶像嘅紅館騷前，悉心打扮去中環修甲，之後就會合好友馬天佑，而超蓮家姐超雲都睇同一場。周董騷每晚都有點唱環節，前晚點中曾經幫佢做造型嘅馬天佑，而馬天佑就將呢個機會轉送超蓮。
■超蓮家姐超雲都有份捧場。微博圖片
緊張講普通話
超蓮接過馬天佑支咪即刻緊張，周董主動同佢打招呼：「你好！」台下嘅超蓮即刻面紅狂笑，原本想講普通話變講廣東話：「我好緊張！」全場觀眾爆笑，周董笑住安撫：「你講廣東話都得，我哋廣東話都得，請問點甚麼歌曲呢？」超蓮繼續緊張，要馬天佑幫佢點唱周董冧歌《甜甜的》，周董先唱一段，之後示意超蓮接力，超蓮唱了幾句，歌喉唔錯冇甩嘴，不過其後又緊張到唱唔到，要由周董完成。超蓮騷後入後台同周董合照，更笑自己係「小迷妹」。她檢討表現：「腦中一邊空白，我的天啊，我也太丟臉了吧！2017年才剛開始就發生了這一輩子最難為情的事情，這一輩子也不會忘的甜甜的。」馬天佑接受《蘋果》訪問就話冇造馬，仲笑話唔讓畀超蓮，會俾佢哦成晚。撰文：馮仁昭
來源:
http://hk.apple.nextmedia.com/entertainment/art/20170112/19893700
【馮仁昭四圍超】尾場台下捧場周董話昆凌黐身
1 :
GS(14)@2017-01-19 08:08:04■周杰倫前晚喺生日前夕完成演唱會，話想買一幅畫慶祝生日。
周杰倫嘅「周杰倫地表最強世界巡迴演唱會─香港站」前晚尾場，周太昆凌終於現身，坐喺控制台下面第一行，當佢見到鏡頭即好避忌，唔知係咪自然反應呢！有理由相信周太出現，係因為周董噚日38歲生日。完騷後，周董話想買一幅畫慶祝生日：「近年多看畫，少買跑車，買畫同媽媽說比較容易，因媽媽都是藝術家嘛，興趣都比較跟她一樣。現在未知買甚麼類型，只是想房間內放一幅畫。」主人房唔係放結婚相咩？佢好型咁話：「房間一般人都放結婚相，對不對？但我跟別人不一樣。」
■周太昆凌（箭嘴示）終於現身捧老公場。
■譚詠麟（左）和周董喺演唱會上合唱《一生中最愛》。
阿倫笑似唱俄文
尾場亦係周董同昆凌嘅結婚紀念日，周董話想送一條頸鏈畀老婆：「未選，忙演唱會，但是當年兩人的婚戒在香港買的，當時也是開演唱會，趁空檔的一天偷偷跑出去買，沒有人知道。今次沒有時間，買禮物要很秘密，老婆常常都跟着，很難給她驚喜。」周董喺演唱會上唱《一生中最愛》，問佢係咪送畀太太：「只是報紙寫的，選這首歌是因為這是一首經典老歌，剛好樂手中有香港人，他教我怎樣唱。報紙都這樣寫，所以就順水推舟跟老婆說『是送給你的！』」校長譚詠麟喺台上話聽到周董唱歌似俄文？周董講笑話：「在綵排唱《千里之外》時，校長說只聽到這首歌唱甚麼，但不是聽懂他，而是聽懂和他合唱這首歌的費玉清所唱的。」周董又恭喜Angelababy生B，指佢生之前睇佢演唱會係好好嘅胎教。撰文：馮仁昭
來源:
http://hk.apple.nextmedia.com/entertainment/art/20170119/19901130
Next Page