【動畫●心理分析】情緒勒索係咩？輔導員：香港人唔黐線唔正常
1 :
GS(14)@2017-04-22 10:50:40《心理追兇》角色文哥自小受媽媽「情緒勒索」，最終崩潰殺死了媽媽。
女仔係咁撒嬌要男友做啲佢唔想做嘅事；小朋友一哭二鬧扭父母買玩具；長者無禮老奉要年輕人讓座，呢三件事一律都係「情緒勒索」﹗前者利用別人不好意思、羞愧、自責，要人就範。香港大學社會科學(輔導)碩士，現為實習戲劇治療師的伍嘉瑩提到我哋有時會不自覺咁樣，令身邊人情緒困擾。「情緒勒索係你有意圖地用情緒達到目的。」tvb劇集《心理追兇》內角色文哥的媽媽就經常對佢情緒勒索。伍嘉瑩說：「個角色從細到大被佢媽媽灌輸全世界只得媽媽對你好。個媽媽用呢樣嘢逼個仔一定要聽話，即使佢唔開心唔願意都都不能反抗，咁樣其實好影響情緒。」這類情緒勒索佢認為在華人社會好普遍，對着長輩大家好多時都會將鬱結吞下就算。到自己不能承受時，她認為要找個平等的空間，向對方說出感受，表達不快的事實，但非指責。「我哋有時都會咁做，但要衡量會否令對方不安或不舒服，到某個點接近崩潰。」即使人人都不以情緒勒索他人，大眾價值觀、政府施政荒謬足以把人逼瘋。「學生有自殺問題，我冇諗過政府只係每間學校比五千蚊。有時真係學生多啲，一個人買條雪條都唔夠錢。」一條命賤過一條雪條﹗思歪害人，影響一生。「高鐵、三跑、港珠澳大橋不停超支，你幾億幾億掉落去，好啦，GDP好高，數字好靚，但係大家係咪真係開心？我去大陸快咗幾分鐘，生活質素就可以提高咩？社會氛圍覺得要用數字判斷你係咪成功，根本就逼到一個人黐線。你唔發癲先唔正常。」我懷疑佢一秒可以講十個字，字字擲地有聲，痛快講出我的感受。她經常入學校帶小組練習，對學生處境頗理解。她發現學生很多時不懂用言語表達情緒，會用其他方法宣洩。「佢哋發牌氣時真係唔會有乜形容字眼，佢哋可能只會講句粗口，或者打人。」老師未必有時間慢慢梳理學生情緒，只會同學生講打人唔啱。「但佢唔明白點解不可以打人。你要慢慢一步步問佢問題，等佢知道人有憤怒情緒，但點回應有好多選擇，打人非唯一出路。」她早前到加拿大學校參觀，發現當地小朋友好樂意跟輔導員傾訴。「同朋友嗌交唔識處理，小朋友都可以入紙要求見駐校專業輔導員。佢哋從小培養咗一個好習慣，認為任何情緒都可以同人講。」香港小朋友沒這麼幸福，即使成年人遇上精神困擾，未至於係情緒病，往往只會叫自己樂觀一點，但強顏歡笑又點會有用呢？「從事精神健康服務的專業人士，除了心理學家與精神科醫生，仲有治療師及專業輔導員，遇上情緒困擾，其實有好多求助選擇，很多出路。」輔導員會幫受助人把事情整合，以另一角度呈現，過程中不帶任何批判。
外國有這類情緒卡，讓小朋友學習表達感受，香港小朋友無論在校或在家都較少這種訓練。
伍嘉瑩是港大輔導碩士，也是一位實習戲劇治療師，在香港學校工作時發現學生被問及感受時，總是啞口無言，不懂表達。
如果可以派嬲畀呢個人，我希望係一萬個。
記者：葉青霞攝影：張志孟2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/su ... t/20170422/19997694
周顯：猛人唔會揼石仔
1 :
GS(14)@2018-03-19 04:23:24【明報專訊】老拍檔搞比特幣，我堅決參與。這幾個月來，他小有斬獲，最大的收穫是，得到了知識，以及人脈，還有一點很重要，就是很多人都以為他是專家了。
朋友搞比特幣 知識人脈最大收穫
又有另一名老友，在搞ICO，我說，比特幣利潤不大，但ICO卻有潛質得多，我想玩呀！他說，我去日本搞，不如你去講個talk，我請你食飯吖？我說，不如你付錢給我，我請你食飯好過。Deal done。
跟着我又同個拍檔講起，他說，我都想搞ICO呀，我已經有人脈同關係，又有上市公司的資源。他有個朋友，自己搞了一隻，找了一個猛人站台，剛集資了億幾元，言下不勝羨慕。
我問，這個猛人，是行內還是行外的人先？他說，是虛擬貨幣的先驅，好多followers。我說，如果猛人是行外的KOL，你的朋友就是叻仔，真的集到了億幾銀，但如果猛人是內行人，又有名又有技術，點解要幫你的朋友呢？所以，結論是，朋友只是揼石仔的人頭，真正的幕後老闆，是那個猛人。
近來諸事不順，連看書也沒有心情，心諗，金翅大鑊鳥，以後的生活點過？日前去找老蕭，他給了我一本《蕭若元看明朝》，愈看愈精神，原來先前只是沒有好書看，並非失去了看書的興趣。
這本《蕭若元看明朝》，是我看過最好看的明朝書籍，資料也分析得很好，無他，老蕭二十幾歲時已在看《明朝的皇帝》，研究了40幾年，梗係勁啦。我認為他講明朝比講清朝和民國都要好，因為清朝和民國史料太多，無法卒讀，有的更分散在日本、美國、俄羅斯，以及兩岸政府機密資料，不是專業人士無法觸到，但明朝史料卻是困獸鬥，史料有限，考的是分析能力，就這一點，就很少人能及得上老蕭了。
[周顯 投資二三事]
來源:
http://www.mpfinance.com/fin/dai ... 8000&issue=20180316
Next Page