ZKIZ Archives


青心直說:揀股無秘技靠勤做功課


2009-06-16  AppleDaily


當兩萬點與黃金交叉被傳媒齊齊高唱之際,原來不少投資者已經虎視眈眈, 等待大市6月飛霜回歸,跌至50日線與250日線交滙處進行後抽測試一下支持。事實上恒生指數於月初見18917點水平,突破早一個交易日高位18896 點之時,9天相對強弱指標(RSI)由78.9回至67,之後一個交易日進一步高見18967點,該指標則重上69,似解除短線威脅,惟當大市完成整固至 17710點再向上挑戰,才是對動力的最大考驗,之前3個交易日最低限度都過900億元成交金額,但當再闖高峯時成交連800億都唔足。到上周五之突破高 位見過19162點,同一指標則位於66.6,簡單技術分析輔助指標中的慢隨機指標(STC)也出現背馳現象,同樣背馳亦出現於動力指標及 ROC,MACD柱狀持續呈負數,不利後市發展。港股已響起六級警報,假如恒生指數短期未能再跨越18805點即大位頂31958和大底10676之反彈 跌幅0.382,那麼現時位於18023點之保力加通道底隨時危危乎,亦解釋點解好多投資者已在等50日線(16605點)才撈貨。經紀行所見好多返股票 行如返工嘅散戶已變得好精靈,上個星期擺到明停晒手,我哋呢啲日日要揀一隻交畀股票機仔及電台網頁嘅都紛紛出現「揀股障礙綜合症候群」,有時諗到頭爆都未 諗到一隻較為畀得落手嘅股票,搞到朝朝早嘔心瀝血,噚日畀咗兩碗逆市奇葩即食麪,都係好唔容易諗出嚟。發掘呢類股份其實無秘技,離不開先睇資金與國策兩項 頭號指標,再掃出股價方向與成交是否匹配,再留意有否同時出現同行業板塊聯動,再查察有否行業因素與個別股份本身相關利好報道,睇睇盤數,逐個條件篩選, 以上種種就係我每天其中一樣要做嘅工作,而且好花時間。

唔肯做功課惟有信高人

唔肯花時間做功課,點解唔索性跟住高人指路行 蹤,彤叔自己都係開股票行嘅,斷估唔會甩拖,因為呢個世界八成嘅財富都係被兩成人壟斷晒,點解唔搵嗰兩成嘅人做盲公竹。人家隔幾日就增持隻新時代 (166),有晒入市位,仲越買越高,理得佢個阿根廷油田座落於阿根廷邊一忽,實不相瞞,有啲睇圖睇業績你都唔會吼嘅股票,只有信人。胡孟青

 
青心 直說 揀股 股無 秘技 靠勤 勤做 功課
PermaLink: https://articles.zkiz.com/?id=9548

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019