📖 ZKIZ Archives

孳息率曲線 CUP

From

http://hk.myblog.yahoo.com/Chui-Cup/article?mid=13179

http://tabodiary.blogspot.com/2009/05/blog-post_30.html
 


通街都講泡沫，先信貸泡沫、後資產泡沫、再有債券泡沫，大家有冇諗過之後係乜呢？

大口仔大膽講，之後出現的可能是"通脹泡沫"....

今年初無(或者好少)人講美國孳息曲線開始變得陡峭，甚至去到五月，大口仔再次用筆提醒各位美國孳息息差越來越闊，那時坊間的所有報章都未有關注此一趨勢，卻忽然，五月份的最後兩個星期，美國孳息息差成為各大財經報章的頭版，銀湖天峰賣個滿堂紅。

大 家睇孳息曲線，除了要睇長短債息差的分野，亦唔應該忽略當中所有年期息率的實際數字。美國國債的1年期孳息率係幾多？答案係0.44厘！2年呢？1厘有 找，係0.91厘.....數字話俾我地知，美國政府做左好多措施去拖抵短錢，長債息率亦曾經短暫押抵過令美國貸款者湧去做再按揭，兩項措施都係救(補 貼)銀行的部分策略，措施實施的時間性唔需要長，只要有足夠時間讓有能力的美國人去做再按揭便足夠。

美國政府根本唔需要將長債的孳息長期 押抵過3厘，相反押抵短錢一段長時間作為對銀行的無償補貼及鼓勵投資卻有其必要。無錯孳息曲線確實可反映市場對未來通脹的看法，但短息自金融海嘯爆發以來 從未升過，這數字對投資者又有冇啟示呢？人人話美國政府有難，因為長債越來越貴，但大家如果睇實際數字，30年長債現時是4.34厘，比歷史上大部分時間 仲要抵，咁又算唔算有難呢？

當市場話短期內"惡性通脹"即將橫掃全球，但大口仔相信在全球經濟不景氣、出口及消費市場大幅委縮的情況下，大家未來兩年要擔心的是通縮，不是通脹。


－－－－－－－－－－－－

 


見大口哥講通脹泡沫講得咁過癮，我又來執他口水尾講下。


 


我認為長債可反映市場對未來通脹的看法。我會看十年長債，十年長債現時的利率是大約三厘半，也肯定不是歷史的高水平。

 
Fed 可以影響短債的利率，但長債價格大部份時間是自由市場所決定，長債息率代表市場的共識。
  
我不太擔心未來兩年通縮或者超通脹，我覺得有機會是溫和的通脹。
  
另外，陡峭的孳息率曲線，表示銀行放貸實在是甚為有利可圖（仲好過去搶）。這是美國政府樂於見到的情況。這有助塞錢入銀行的袋，另外有助鼓勵放貸，令經濟重新運轉和增加動力。
 


PermaLink: https://articles.zkiz.com/?id=8248
Next Page
ZKIZ Archives @ 2019