中環在線：關師傅培訓影子經理 李華華
|
|
新 世界集團越嚟越響應企業責任運動，最新係同協和書院合辦「師友計劃」，概念類似大企業嘅培訓生計劃，由20位新世界高層帶20位協和中六學生，建立師徒關 係，等學生增廣見聞。適逢新世界百貨（825）噚日公佈中期業績，集團邀請呢廿位學生到記者會現場觀摩。新世界大公關關則輝嘅徒弟范智仁，話記者會相當有 趣，主要想見識吓執董鄭志剛點樣即場應付傳媒提問，好彩鄭志剛應付自如，冇令佢失望。至於佢同關師傅，暫時主要以電郵溝通，因為今屆計劃上月至開始，未有 咩大事發生。關則輝透露，今年係第二屆，如果效用理想，可能同其他中學合作都未定，當初都係協和一位社工主動建議，至有呢個計劃。遲吓佢徒弟可以跟佢返工 半日，做埋影子經理，體驗一下高層嘅上班生活咁話。
|
Next Page