📖 ZKIZ Archives

私有化變政治化 左丁山


2009-02-12  AppleDaily



評 論員王岸然不時在《信報》與《新報》發表文章，罵人不遺餘力，佢嘅意見經常與左丁山嘅不符，因自己係市場派吖嘛。二月九日《新報》有王岸然文章，題目係 「電盈有違法進行私有化嗎？」左丁山未睇內容，以為王岸然又係鬧李澤楷啦，畢竟香港有的報紙及電台，以罵李澤楷為樂，已到了不顧事實，穿鑿附會程度，發動 起一場批鬥以及傳媒審判，加多一位王岸然都唔奇噃。原來沒有調查就沒有發言權，未讀過原始資料就唔好吹水太多，讀完王岸然篇稿之後，發覺自己對佢有預設意 見，王先生寫得十分冷靜，分析有理，與一般記者大講種票疑雲，立法會議員李慧瓊大罵證監會反應慢等等態度，有好大分別。

王岸然讀法律出 身，指出David Webb到廉署舉報，戲味十足，私人收股票做禮物並不違法，種票也不違法，證監會根本無法律根據嚟阻止法庭作決定。睇完王岸然篇文章，左丁山請教財務M： 「假設一批人同時買一手股票，同時轉名，是否違法？」財務M答：「No。」問：「一齊去投贊成或反對票，是否違法？」答案又係No。問：「佢哋投嘅票是否 有效？」財務M熟悉併購守則（take over code），又答：「有效，除非證監會有充份證據證明呢批人與要約方（offeror）係行動一致人士（persons acting in concert）。

如 果佢哋係普通投資者，一致認為買一手電盈（低於四元一股），註冊為股東，跟住去參加法院會議與股東特別大會，投票贊成私有化，兩個月後攞番四元五角，以年 率計，賺咗三十幾巴仙幾好吖。最重要嘅就係，佢哋與要約方毫無關係，咁就袋袋平安嘞。涂謹申議員其實明白呢個道理，李慧瓊議員就好似唔識法律，只識政治， 得啖笑！」證監會就唔識笑咯，已有兩單頭痛嘢在手──雷曼與延長董事禁售期，o依家又要攬埋電盈私有化一事上身，做到咳之餘仲要畀李慧瓊罵得不亦樂乎，證 監會行政總裁韋奕禮點識笑呀！本來私有化好講究合法性，財務M話法庭注重due process之合理性與合法性，但o依家部份傳媒就在種票疑雲上大做文章，大家識得嘅議員加入攞政治本錢，完全唔講法律，可嘆也，呢班人如要真係講程序 與法理，起碼要讀吓王岸然篇文先！


PermaLink: https://articles.zkiz.com/?id=5764
Next Page
ZKIZ Archives @ 2019