| ||||||
金 融海嘯令美國華爾街從業員冇啖好食，今年花紅可能大減45%，高盛、大摩同美林嘅高層甚至冇花紅。不過唔係個個咁黑仔，事關雷曼執笠後，金融市場大起大 落，刺激滙市交投暢旺，紐約諮詢機構Options資料顯示，外滙交易員今年花紅可能比舊年少15%，但比起一般交易員同投資銀行家嘅45%跌幅，已經好 得多。 根據美國貨幣監理署數據，今年第二季美國商業銀行外滙交易收入按年升66%，喺雷曼9月中倒閉後，交易更加速上升。全球兩大外滙交易商德意志銀行同瑞士銀行，外滙交易收入更加連續三季創新高。 兩大滙商交易創新高 德 銀北美外滙部阿頭拉斯卡拉（Russel LaScala）猛晒命，話年初開始佢個team好忙，勢估唔到雷曼摺埋後，滙市更波動仲更好搵。業界透露，做咗3年同埋有副總裁title嘅外滙交易 員，今年花紅平均35萬至45萬美金，即273萬至351萬港銀；如果係外滙交易部環球主管就更和味，可達450萬美金，即3510萬港銀，比舊年只少收 10%左右，喺家陣環境，真係恨死搞結構性產品同其他產品嘅i-banker（投資銀行家）。 | ||||||