中環在線：十個詞語唱衰大陸基金 李華華
|
|
08 年，環球股市由天堂跌落地獄，基金表現有幾差，唔使多講。有內地傳媒就以十個詞彙濃縮基金表現，包括巨虧、遷址、換人、打折、保本、自投、牛市、專戶理 財、估值新規同新基金。除咗專戶理財、估值新規呢啲技術性字眼，其他唔使華華解釋，大家心照。至於點解要遷址，你以為佢哋蝕得多，所以大屋換細屋？啱啱相 反，雖然今年投資環境差，但仍然有大把基金產品推出，只係規模細咗，所以唔少基金公司搬寫字樓，越搬越豪。華華之前都講過，大陸唔少基金經理，投資雖然蝕 錢，但管理費照收，今年嘅管理費收入隨時多過07年，又點會手緊？
自我投資非自投羅網
至於自投，唔係話啲投資者自投羅網，而係好多基金公司為咗振奮投資者，就投資喺自己新成立嘅新基金，至於成績如何？又係嗰句，唔使華華多講啦吓嘩！
|
Next Page