中環在線：丁世民強勢回歸敦沛 李華華
|
|
平 時貼開外滙金價走勢嘅期貨專家Simon丁世民，下個月又回流返敦沛期貨做CEO。相隔後5年強勢回歸，佢話今年2月加盟歐洲期交所做資深顧問，喺短短9 個多月內，已經喺中港台三地建立比以往更緊密嘅人脈關係，咁啱舊老細想逆市喺亞太區發圍，雙方傾掂數就一拍即合。
中環人都知，Simon縱橫期貨界嘅威水 史，佢廿年嚟都有親自落場買賣，唔係淨係得個噏字，實戰經驗豐富，難怪經常俾人高薪挖角，先後喺滙豐、美國大通、美銀、紐交所同亞達盟擔任要職，只係今年 年頭跳槽去歐洲期交所，先至放棄經紀牌。華華問佢幾時重新操盤，佢就答話好難講，但暫時會做好CEO份工先。
|
Next Page