| ||||||
經濟不景，就算聖誕臨近，市民都唔敢亂使錢，被迫做個精明消費者，睇住荷包做人。噚日，國際消費者組織Consumers International（下稱CI）趁聖誕購物高峰期前夕，公佈08年6間形象最差嘅國際性公司，批評佢哋唔負責任，濫用消費者權益。 六公司上榜 呢 6間公司唔少都係港人熟悉嘅名牌，包括英國零售商Tesco（樂購）、家樂士、樂高（Lego）、醫藥公司Eli Lilly、三星（Samsung）同豐田汽車。英國零售巨人Tesco被CI抨擊，話佢唔能夠接受外界絲毫批評，泰國有3個市民喺報章批評Tesco嘅 全球性擴張策略，結果惹上官司，俾Tesco大嗱嗱索償3432萬美金（2.68億港銀）。家樂士同樂高就被指唔照顧細路仔安全，合作推出嘅積木型糖果， 好易令細路混淆積木同真糖。至於三星嘞喎，俾人鬧經營副業，唔單止做電子消費產品，仲搞埋軍火。 08年最差形象公司 Tesco行業：零售連銷家樂士及樂高行業：食品及玩具Eli Lilly行業：醫藥三星行業：電子消費產品豐田行業：汽車資料來源：Consumers International | ||||||