今日操作 (2 NOV 2012) PARTIPRAL 派得好
http://partipral-hk.blogspot.hk/2012/11/2-nov-2012.html賣出6,000和電香港(0215.HK)@$3.28
買入4,000稻香控股(0573.HK)@$4.35
今日恆指抽爆頂, 突破2萬2. 就算點唔信基本因素改善, 都已經唔可以再太過固執. 中短期分水嶺可能分別係21,000/21,500左右, 一日未跌破, 都值得繼續重倉持股.
如何選股係最大問題, 正如早幾日講過, 現時要贏得勁, 一定係渣多少少HIGH BETA進攻股例如水泥, 基建, 濠賭等等. 不過人始終係人, 未必時時都可以輕鬆地打倒昨天的我. 以我自己為例, 近期升得最勁果堆股票基本上都好難說服自己落注, 一來無跟進開唔夠熟, 二來純粹跟國策炒又非自己強項, 所以呢一輪升市實在太難中.
升市時跑輸可以令人感到相當痛苦, 但亦唔代表要眼紅人地賺錢. 專注自己組合, 儘量優化方為目前首要任務. 堅持防守股未來一段時間仍會續領風騷, 當中包括中港公用, 餐飲, 收租, 本地電訊等等, 所以主力重倉仍然應該集中於此類股份. 個人認為和電香港仍然值得持有, 不過市場明顯有相反睇法, 自己渣得太重倉, 萬一睇錯既話就會好傷, 所以今日決定止蝕一半換馬至稻香.
自己其實睇中稻香好耐, 只係一直嫌三嫌四未有機會買. 翠華月內上市, 預期P/E高達17-22倍, 或者有機會將整個板塊估值提升. 稻香現價$4.35, 預測P/E 16倍, 短期上望水位可能都係10-15%左右, 但勝在防守力算強, 同和電比較一樣可以揸得安穩兼有信念, 又能收分散風險之效, 算係一舉兩得.