中環中心股東：唔會好多拆售
1 :
GS(14)@2018-03-11 23:42:43【本報訊】長實（1113）天價出售中環中心75%業權餘波未了，一直傳中港財團購入後拆售，惟多次否認，其中一名小股東蔡志忠昨日公開場合接受訪問時露出端倪，表示「唔會好多拆售」，尤其被問今年投資大計時回應「搞咗呢個（中環中心）先」。
蔡志忠：引入朱太是好事
中環中心引入金利豐朱李月華及世茂許榮茂作為股東之一，自稱是小股東的本港資深投資者蔡志忠昨日出席新春團拜時表示，引入朱太做股東是好事，市場轉趨明朗。現與銀行商討按揭已七七八八，將貸款四成，另有融資安排。被問是否5月上會，他回應：「上會後先安排部署呀…銷售呀…我諗問返朱太會合適。（之後會拆售?）真係未知，我哋唔會好多拆售，分貨，佢哋好多都自用。」至於國儲能源是否仍是股東，他笑後支吾以對地說：「暫時應該就……你真係問下佢哋，我覺得既然有啲退出，有啲入來，好正常。」談今年投資，他表示：「話就話中環中心小股東，但銀碼唔細，先搞咗呢個先。下半年諗住十零廿億掃寫字樓。」資深投資者林子峰表示無份參與中環中心交易，早年購入的領展（823）商場逐個翻新，大埔運頭塘邨商場翻新工程近尾聲，租金較翻新前升20%，下個翻新是上水天平商場。
來源:
https://hk.finance.appledaily.co ... e/20180306/20323793