財經專題：Goxip起家靠厚面皮打電話
1 :
GS(14)@2018-02-28 07:57:59■Goxip聯合創辦人詹明月指每次簽約都好有滿足感。晉平安攝
時尚網購平台Goxip上月進行A輪融資500萬美元，美圖（1357）、南豐作坊投資基金、賭王女兒何超盈均有參與。成立僅一年半，Goxip起家全靠厚面皮、不斷打電話予歐美品牌，說服對方進駐。即使現時商戶達500間、涵蓋逾5萬個品牌，聯合創辦人詹明月（Juliette Gimenez）說每次簽約依舊有滿足感，「可能我真係好鍾意我呢間公司」。
Goxip以圖片搜索時裝的概念，於2015年贏得RISE亞洲區初創公司比賽，獲馬來西亞富商陳志遠女兒陳雪鈴、風投公司Ardent Capital作種子投資162萬美元。「佢（陳雪鈴）投資我哋嗰陣，我哋得一個未開發的網站、未推出，佢哋就係相信我哋的信念。」以歐美商戶為目標，Goxip冀成為品牌打入亞洲網購市場的平台。最初只有3名員工，詹明月和另一名聯合創辦人、高登討論區投資者柳宇澄，事事親力親為。尤其說服商戶進駐，她說：「嗰段路係好難行，諗返起都係好辛苦。」先靠關係厚面皮「怒問」聯絡方法，獲安排電話會議後，再努力游說對方，往往數月後才有回音。每一間商戶的考慮都不同，高檔品牌尤其注重美感，「如果Goxip本身醜樣，佢都嫌你整衰佢啲嘢。」因為有時差，常在半夜打越洋電話，日夜顛倒。直至首批商戶如Topshop、ASOS首肯合作，「慢慢簽到一間，個成功感好大，現時我簽到500間都仲有呢個成功感。」
成功吸引何超盈投資
Goxip發展快速，陳雪鈴為公司介紹新資金，促成何超盈參與融資。詹明月指，陳與何兩人乃朋友，準備A輪融資時，「佢（何超盈）就話：我係有興趣，我自己都真係一個用戶，都畀你吸引咗入去買。」何更幫Goxip打算，認為公司需要策略投資者，而美圖在女性市場有一定份量，相信可助公司更上一層樓，故引薦美圖投資。詹明月指，美圖在東南亞擁有一定用戶，料有利Goxip打入泰國。記者：卓茗
來源:
https://hk.finance.appledaily.co ... e/20180228/20317847