90後開掘礦公司 每月電費逾4萬
1 :
GS(14)@2018-02-21 06:20:49■90後的Ronald為coulla掘礦公司的董事，生意越做越大，正逐步擴充辦公室。方家遠攝
【本報訊】「如果忍受到熱同嘈，mining（掘礦）係可以喺屋企做！」90後的Ronald為coulla掘礦公司的董事，跟拍檔看好以太幣的潛力，生意越做越大，正逐步擴充辦公室。「掘礦」即是用家透過電腦數學演算式維護加密貨幣系統而獲得獎勵（加密貨幣），同一時間越多人掘礦，總運算難度便會提升，產量就會下跌，因此加密貨幣的產量沒有絕對的保證。
Ronald透露每度電大約7毫至1.2元，一個大約1,200呎的礦場平均每月要4萬多元電費，「好多時係用晒電量，但地方多咗幾千呎出嚟，唔知做咩好。」Ronald解釋除了電費貴，搵地方更難，不過coulla堅持留守香港。
300部礦機 24小時運作
「香港有一定的優勢，電費、人工係貴過其他地方，但香港有其他保障，例如保安及政府的立場，雖然未有監管，但會話畀你聽咩係做得，咩係唔做得。」現時coulla總共有300部礦機，分開4個地方擺放，全天候24小時運作，每日嚴格監控溫度及濕度，有閉路電視監測之外，更有工作人員每日遊走四個場地確保運作順暢。
coulla賣「運算力」的兩年期150mh合約承惠48,000元，大約能生產9至10粒以太幣。合約包電費、租金、人工、保險，定價不算便宜但仍不愁客源，公司首月銷售額近百萬元、第二個月已成功突破百萬關。
來源:
https://hk.finance.appledaily.co ... e/20180215/20306300