17年後歷歷在人妻滕麗名︰翁文成好變態
1 :
GS(14)@2017-04-09 10:49:39滕麗名前日喺灣仔出席仁濟晚宴，講起駱達華接受《蘋果》訪問時透露已移居上海，冇諗過回流返香港。阿滕話同駱達華一直有保持聯絡，佢話：「有WeChat呀，知佢內地發展得唔錯，太太係上海人，早年我返上海拍戲都會見到佢。」提起00年《陀槍師姐II》，阿滕被飾演人格分裂嘅翁文成強姦，阿滕話到o依家都歷歷在目，佢話：「係呀，強姦犯吖嘛，好多人都有陰影，佢好入戲好變態，自己諗番都起晒雞皮。我成身貼晒膠紙好似爛晒咁，又放咗籠曱甴，現場仲有幾條底褲，成個畫面記得清楚，仲有暴力成份。」問到已成為人妻，o依家仲夠唔夠膽拍呢類題材？阿滕笑笑口話：「姦我？唔暴力得唔得呀？迷姦得唔得？我會舒服啲，唔使交戲，講緊做戲呀。」
來源:
http://hk.apple.nextmedia.com/entertainment/art/20170409/19984832