湯文亮：跟別人比較是侮辱自己
1 :
GS(14)@2018-01-22 04:53:32【明報專訊】昨日有老友話畀我知，紀惠竟然可以上到福布斯，排名25，雖然比去年升一位，但仍然輸給同是地產投資者的四太及大鴻輝，我話以紀惠這樣一間小公司，這樣的人腳，可以上到福布斯，已經是對我們的鼓勵，又怎會與其他投資者比較？正所謂「人比人，比死人」。
老友話我經常引經據典，不是太多人明白，現代人又怎樣說？我記得蓋茨曾經講過：「不要跟別人比較，這樣做是侮辱自己。」我們做好自己工作就算了，如果跟別人比較，永遠有其他人好過我們，變成永遠不開心，不但是侮辱自己，更加是虐待自己，我不會這樣做，正如集團主席廖太說，既然得到福布斯錯愛，大家享受一下。
睇淡細價樓 不等於叫人賣樓
老友死心不息話，我過去兩三年不斷唱淡樓市，是否唱淡入貨，令紀惠可以打入福布斯。老友可能想多了，在過去兩三年，我的確大部分時間睇淡，但我只是睇淡細價樓，並不是整個樓市。我們持有豪宅、商舖、甲級寫字樓，又怎會不知樓市情况？不過，利好樓市的消息太多人講，我只是提及不利樓市的消息，提醒買細價樓上車的人，必須要顧及本身實力，因供應會增加，利息亦會上升，如果沒有能力負擔，就算上到車都會被迫落車。
所有睇好樓市的專家同樣提醒上車人士要量力而為，其實他們所說的與我一樣，不過他們是提及利好樓市的消息，而我提的是不利消息，最主要的是我並沒有叫人賣樓，這點有很多人誤會了。
老友鍥而不捨地繼續說，如果我咁叻，就不會輸給領展（0823）王國龍，攞唔到2017年EY最佳企業家大獎，老友真的是搞錯了，我絕對唔叻，更不是企業家，只是做好本份，對主席、客戶、同事都有一個交代，根本不可以與王國龍比較，更何况王兄的確是有企業家風範，老友唔記得，人比人，比死人。
紀惠集團行政總裁
[湯文亮 敢說亮話]
來源:
http://www.mpfinance.com/fin/dai ... 5885&issue=20180119