Hea富生活：混淆旅遊和投資概念
1 :
GS(14)@2018-01-15 03:10:27「租唔出咪得閒飛去住吓囉，反正我都鍾意去嗰度旅行嘅！」「你喺東京有樓，去旅行係咪住番自己間屋唔使租酒店呀？」不知大家有沒有聽過身邊朋友講過類似的說話？我教班時，遇上不少混淆旅遊和投資概念的學生，物業投資不外乎追求租金回報和樓價升值，若然留來自用，即刻變成消費品，可能你看好樓市必定向上，納空租也值得，但就浪費了租金收回的機會成本，萬一睇錯市，更是雪上加霜。我有個朋友對泰國情有獨鍾，一年幾次曼谷、布吉、清邁循環又來曼谷……，陽光海灘按摩做spa食好住好，貪其消費低廉，差不多去三次泰國才等於一次日本的使費，着實抵玩。基於對泰國的美好印象，四年前當其朋友提議投資一個曼谷豪宅樓花項目時，他二話不說跟大隊，一口氣買入兩個單位，各140萬港元，Full Pay沒承造按揭。他形容給我聽，該地段不近Sathorn、Siam、Chit Lom、Phrom Phong等商業和購物中心，揸車要20分鐘左右，或者可稱為曼谷的貝沙灣，附近有BTS站，但屬比較偏遠，不是遊客會到訪那種。
偏遠物業欠潛力
半年前他終於收樓，但至今保持清水房的模樣，一直空置着，我問他為何沒有放租，他說：「一來地點偏離市中心，其實有代理幫我搵租客㗎，但冇乜人睇樓，最初諗住如果租唔出，留番畀自己同朋友住囉，但原來唔work，一來真係有啲遠，吓吓搭的士都唔係咁方便，二來要揼十萬八萬裝修買傢俬，我又唔想，已經零回報㗎啦，不如等一、兩年賺少少賣咗佢算數！」基本上他等收樓這四年間，由於市場大量一手樓供應，除了商業核心區的樓價有升幅外，較外圍的地區唔跌已經執到。可能你會問為何這位朋友不考慮經營Airbnb，答案很簡單，因為不合法囉！經營Airbnb屬於短期租賃，可能會被認為從事經營旅館，依照泰國法律規定，必須要通過環境影響評估、消防安檢等流程，才可取得旅館執照。若沒有合法執照而經營旅館者，將被判處一年以下有期徒列或罰款2萬泰銖，另違規期間每日可罰款1萬泰銖，去年曼谷政府就加大力度打擊及票控非法民宿。買樓投資用不着以身試法，這個道理，大家怎會不明白？郭釗
http://fb.com/heaology.edu本欄逢周四刊出
來源:
https://hk.finance.appledaily.co ... e/20180111/20271281