中環在線：華燊沈家燊冇得做董事
2008-09-04 AppleDaily
曾 經喺02年上過《福布斯》中國富豪榜，仲排到67位嘅華燊燃氣（8035）前主席沈家燊，家陣連公司董事都冇得做。話說，04年華燊燃氣被證監勒令停牌， 當時嘅報道話，華燊涉嫌造假數非法滙款，華燊當時出通告，話俾外管局指佢哋旗下內地子公司華燊燃氣（中國）涉及虛假利潤，已經收到2700幾萬罰款通知。 而當時香港證監會亦都關注華燊子公司嘅盈利究竟信唔信得過。
沈家燊亦都喺華燊停牌後冇幾耐辭咗主席同首席執行官個位。華燊停牌，一停就4年幾，噚日證監會 出新聞稿，話已經尋求法院頒令，唔畀沈家燊出任公司董事或者直接間接管理任何法團。至於限期係幾耐，就要視乎法庭決定。證監會懷疑有人偽造華燊截至04年 3月底止年度嘅賬目，誇大公司喺嗰段時間嘅資產值。而沈家燊係知情人士，甚至可能參與其中，總之就係作為一個管理人，但冇做好應盡嘅本份，維護股東利益， 所以就唔畀佢再管公司。沈家燊有冇得再做上市公司主席，對投資者都仲係其次，華燊繼續停牌先至大鑊，家陣華燊要等證監會批准先至可以復牌。今年5月華燊向 市場宣佈一項重組建議，家陣要等佢喺今個月底前向股東發出通函。華燊股東繼續望天打卦。
中環在線：牛根生冇得退休 李華華
2008-11-14 AppleDaily
大 陸毒奶事件，搞到內地奶製品一哥蒙牛（2319）焦頭爛額，聲名盡喪，創辦人牛根生一封「萬言書」，揭發外資對蒙牛虎視眈眈，為免民族品牌落入老外手上， 牛根生聲淚俱下向內地老總求救。噚日《第一財經日報》報道，蒙牛行政副總裁姚海濤話，為應付呢次毒奶危機，蒙牛高層已經集體減薪30至35%。
蒙牛高層減薪三成
唔 單止高層減薪共度時艱，連牛根生亦要擱置退休計劃。牛根生原本計劃今年50歲時，退出蒙牛管理層，全身投入自己一手創立嘅「老牛基金會」，為社會公益慈善 出力，但家吓爆出單毒奶事件，連累蒙牛股價今年勁挫七成七，試問牛根生點可以喺呢個時候抽身而去？公司表明希望佢繼續留低，牛根生亦已答應，幫助蒙牛走出 谷底。姚海濤仲話，到目前為止，蒙牛仲未有裁員，家吓公司營業額大約回復到毒奶事件前50至60%水平，但蒙牛仲未度過危險期，希望盡快恢復消費者信心咁 話。
中環在線： 任總：迷債令我痛心金勞詹：痛在快冇得撈李華華
|
|
雷曼迷債風波拖咗近5個月，調查真相難講幾時水落石出，的確幾打擊香港金融中心嘅形象，立法會財經事務委員會噚日又再開會傾吓。金管局總裁任志剛喺會上慨嘆，銀行業喺各方面都做得好好，銀行體制亦健全，卻因迷債蒙上污點，令佢相當痛心。
有 「潮州怒漢」之稱嘅金融服務界議員詹培忠即時扯火，揶揄任總可能只係因盛傳9月冇得撈而痛心。老詹喺議事堂聲嘶力竭咁話：「金管局喺呢件事絕對絕對犯咗錯 誤，任總到今日為止，只係講過一句對銀行可能出現錯失好痛心，到今日為止佢從來都冇良心對待苦主，佢痛心可能係失去佢個職位！」
老詹認為雷曼迷債問題始於證券業務嘅「一業兩管」制度，但任總卻又視而不見，「你係咪推卸責任，任意妄為？我話過你任一招，你又否認係任七招，o依家又任二波（金融海嘯第二波），喺雷曼點處理？你解釋吓。」
改新花名「任二波」
向 來EQ高嘅任總回應話，多謝老詹一直以嚟嘅「照顧」，話佢改花名有，個人針對亦有。任總強調，迷債早年喺香港受歡迎，主要係息率吸引，類似產品喺其他市場 都搵到。證監會行政總裁韋奕禮就重申，迷債名稱並非苦主嘅重點投訴對象。亡羊補牢未為晚也，任總話，未來會要求銀行提醒客戶投資產品嘅風險變動，到分行存 款同買股票，或者會分開櫃枱處理，點樣落實就要再傾。財經事務及庫務局局長陳家強亦話，既然市場要求設立金融申訴專員，港府砌好份建議書會再諮詢，未來亦 可能會加大證監會嘅權力喎。李華華[email protected]
|
冇得拍膊頭搞掂 宗菁華
2011-10-27 NM
上個禮拜有個澳洲對沖基金嘅話事人質疑華寶（336）公布嘅毛利率過高。Blog內短短四百字，令華寶股價跌一成，市值蒸發十六億，即係每隻字值四百萬，勁過字字千金多矣！網上資訊認真唔講得笑也。
呢個基金話華寶毛利率高，主要係靠高價賣煙葉俾國營香煙企業，咁點解咁做會令華寶豬籠入水？無他，過去國營企業買嘢，唔使公開競投，好多時候都係買賣雙方自己斟掂。咁樣做法點解有助於提高華寶嘅毛利，唔使畫公仔畫出腸啦啩？ 不過，舊年中國煙草總公司開始整頓行業運作，從此國企煙仔廠買貨要投標，唔少公司嘅業績即刻走晒樣矣。影響所及，另一間上市公司澳科控股（2300）亦有排震。呢間公司專做捲煙包裝印刷，客戶包括雙喜同紅塔山等龍頭大廠，今後佢哋一樣要依足規矩投標，冇得拍膊頭搞掂。 又有本地對沖基金估計，新政策起碼影響澳科兩成單。唔淨止咁，煙草總公司要加強審核，啲單全部要由高層處理，由是拖長招標程序事小，積壓資金、加重營運成本事大，因為咁會扯低盈利。基金佬都睇到華寶、澳科面對嘅問題，本地散戶又豈可唔打醒十二個精神？
黃毅力業務多元化
富利堡嘅黃毅力業務多元化，賣水貨車之餘，走去將軍澳寶林開咗間香港茶餐廳。餐牌大大隻字寫明，下午茶餐雲吞麵、水餃麵同魚蛋麵，通通每碗三粒。明碼實價，講明只得三粒，肯定開茶餐廳先河。 黃老闆話咁做法唔驚人客鬧佢孤寒，至緊要係有言在先，以免誤導顧客造成爭拗。何以只得三粒？佢話計過數，每粒魚蛋成本係三蚊八毫二，（計到小數點後兩個位，認真唔講得笑，果然係大老細作風。）三粒則剛好啱數，放多粒，已經維唔到皮矣。 佢仲話啲魚蛋係人手將海南門鱔打出嚟者，真材實料，冇花冇假。業務多元化，肯定係好事，一於祝佢好運，起碼都好運過張大導嘅表哥茶餐廳啦。
康文署露底
煲 呔曾以至成個特區政府民望「尋底」，大家知之矣。唐、梁兩「備選人」上京「摸底」，睇吓自己有冇行，乃特區跑馬仔之指定動作。及至出年特區政府換屆、三司 十二局問責高官有幾多個會「過底」俾新特首，至今尚是未知數。成功「過底」，則不妨去茶餐廳飲杯茶，加兩蚊整番件「烘底」奶油多。 喺公園，「為免造成滋擾，請把聲浪降底」，呢個「降底」究竟開邊瓣則還請全特區最有文化嘅衙門康樂及文化事務署揭開「謎底」。呢個衙門個老頂嘅老頂曾德成 未入仕之前係《大公報》老總，又做過特首國師中央政策組參謀，理應好有文化㗎噃。咁樣「露底」法咪好唔抵？弊！
金牙大狀講嘢 工聯會專倒米
工聯會上街反對俾外傭居港權，話咁樣做會搶走本地工人嘅飯碗。當中有人尤其擔心一有居港權，外傭唔再打住家工，走去高級餐廳做嘢；外傭英語能力強，肯定揮低本地人云云。 以咁嘅理由反對外傭居港權都算奇特。咁講法，工聯會應該上街抗議官府搞再培訓；事關受過再培訓，識嘢肯定多過冇被再培訓嘅工人，咁容乜易俾佢哋搶走晒所有人嘅飯碗？ 同樣道理，工聯會應該馬上上街抗議官府搞十二年免費教育，因為讀過十二年書，無論中、英文都分分鐘好過冇受過十二年教育嘅在職人士。咁班後生容乜易搶走晒低學識、低技能嘅工人嘅飯碗？ 明知學識、英文都未夠班，唔自我反省、自我投資學好佢，反而要政府禁止資歷高嘅人搶飯碗，工聯會有此思維實不為怪。大佬，有名得過你叫，係工聯會噃，識見認知係咁上下㗎啦！聽呢班人支笛、由得佢哋話事，莫講佢哋嘅飯碗不保，七百萬人都通通要紮砲也！
記得帶埋隻雞
對有關佢「感情缺失」之提問，唐唐喺兩分十三秒之內四度重複「我係唔會回應任何以緋聞為包裝嘅報導」，足見佢細個之時背書肯定絕對攞足一百分。 耶穌被捕後，聖彼得三度否認識得佢，何以唐唐要否認多一趟？原因可能係唸咗三次「我係唔會回應任何以緋聞為包裝嘅報導」，都冇隻雞走出嚟啼，向佢通水已經到數，可以慳啲，以致佢要背多趟書。 拍過《狂情》、現今幫唐唐統籌公關嘅Heidi•關鄭麗敏下趟唔該記得帶埋隻雞啦，OK？
保育、保良兩落空
立法會搬咗去添馬艦，中環大葛樓冷冷清清淒淒慘慘戚戚。更是愁煞人者，係大葛樓之奠基石，油漆剝落，雖然主禮嘉賓港督卜公爵士嘅大號隱約可見，但仄師名號則不復辨認矣。煲呔政府滿口保育，見諸大葛樓嘅一片荒涼景象，你話又似唔似啦！ 不過，口保育而實不至都總好過保良局，佢哋門口石柱副對聯，金漆照人，但「大英」二字則刻意剷走。忘本如此，又何以言保良哉？保育、保良兩落空，呢個就係今時今日香港地嘅可悲境況啦！
公司註冊新例 董事冇得匿
| 2014-01-30 NM |
| |
一枚在英屬處女島埋藏已久的黑色炸彈，上星期瘋狂轟炸兩岸三地，國際調查記者同盟（ICIJ）一項調查發現，多達三萬七千個離岸公司投資者的資料涉及中港台人士，名單上赫見前國家主席胡錦濤、前總理溫家寶的親人；香港特首梁振英、新世界發展集團主席鄭家純、前警務處長曾蔭培及工聯會會長林淑儀均榜上有名。不少港人開設離岸公司隱藏個人投資，根據香港的公司註冊條例，只要董事及股東全部以離岸公司登記，公眾便無法知道公司誰屬。不過，公司註冊處三月三日起推行新措施，董事至少要有一位具名人士登記，幕後老闆將無所遁形。 立法會議員謝偉俊在議會個人利益申報中，報稱擔任十一間公司的董事，但公司註冊處資料顯示，其中五間公司的董事及股東非以謝偉俊個人申報，全都由英屬處女島（British Virgin Islands，簡稱BVI）登記的離岸公司持有。如非謝偉俊自揭擁有該批公司，無人得知他是幕後老闆。這批公司替謝持有不少物業，單從立法會的申報顯示，他與白韻琹合共擁有中、港、美、澳二十六項物業，堪稱「大業主」。 謝偉俊：為保私隱 然而，經修訂的《公司條例》三月三日實施後，在香港註冊成立公司，董事名單上至少要有一位具名的董事，不能單以離岸公司或香港公司作為董事，新成立公司須符合要求，已成立公司亦須加上董事名稱，違例者可被罰款十萬元。新例一推，所有香港註冊的公司揸fit人也要曝光。謝偉俊接受本刊查詢對新例的意見時稱：「對於做開呢方面（以離岸公司登記），私隱可能會受影響，不過而家定咗案，要向前一步行，透明度高咗。」他稱，要申報也沒有所謂，又表示用離岸公司持有物業，是參選立法會之前的事。香港中小型企業聯合會永遠榮譽主席劉達邦在東莞及香港擁有工廠及餐廳，他稱曾經考慮成立離岸公司，「但搞BVI要搞登記，又要搵會計做一份賬目，要做一輪功夫，最後都冇做喇。」對於公司註冊新法例，劉稱不擔心私隱問題，「其實做生意嘅人，都唔會遮遮掩掩，好多人都會喺公司註冊上寫清楚自己個名。」 七千五百元代辦註冊 開設離岸公司，程序比香港開註冊公司複雜，本刊向一位代辦註冊離岸公司的顧問查詢，「如果去塞舌爾開公司，收費九千八百港元，半個月就搞掂。如果去百慕達，就收你四萬五千港元，另外當地政府每年要收三萬美元，大約要一個月先辦好。」最受港人歡迎的英屬處女島，代理收九百五十美元註冊費，另當地每年收七百五十美元。在香港成立註冊公司，只要一千七百二十元。經過繁複程序開設離岸公司戶口，換來的最大好處是公司資料保密度高。當地只會公開公司註冊證書、組織章程大綱、註冊辦事處地址，董事或股東的個人資料全部隱藏。香港則公開董事個人資料、每年公司要提交董事資料等。離岸公司另一個吸引力是可作避稅之用，最直接方法是將資產，例如：土地、物業，甚至藝術藏品轉到公司名下，離岸公司透過買賣獲取利益，註冊當地並不會收取任何利得稅。換言之，外間無從得悉資產真正持有人的利潤，無法向其徵稅。謝偉俊表示，開離岸公司的人不一定用作避稅，「純粹有啲人比較私人，例如有些人不喜歡讓人看身份證，對私隱度要求不同。」然而，ICIJ揭露各國政要及商賈設離岸公司逃稅後，個人私隱是否比掩飾逃稅和犯罪活動重要，已引發國際社會熱烈討論。 工聯會長也開BVI公司 在ICIJ公開的資料庫中，中、港人士首選在BVI成立離岸公司，分別擁有逾七千及逾一萬四千間，多位本港政商界人士出任BVI公司董事，包括梁振英的HK Millennium Limited、曾蔭培擔任十四間BVI公司董事，新世界發展集團主席鄭家純至少是一百一十四間BVI公司的董事。工聯會會長林淑儀亦出任一間於○七年一月成立、名為Duty Win Limited的BVI公司的股東，公司另一股東為曾任工聯優惠中心董事總經理的馮彪。本刊翻查公司註冊處資料，發現馮彪現為三間香港公司的董事，其中兩間包括文輝國際及聯得國際，以及Duty Win所申報的北角及天后的住址，均為中聯辦子公司新民置業所持有，顯示他和中聯辦有十分密切的關係。本刊趁林淑儀週日出席工聯會年宵攤檔開幕活動時向其查詢，她一聽到「BVI」即大為緊張，以現場嘈吵為由借勢避開，記者追問下她才指該公司「無做過嘢，已經過咗去喇，我一做咗會長就退出咗喇！」她又稱馮彪只是其朋友，其他有關該公司的資料，她一概表示「唔記得」。六十歲的林淑儀前年接替鄭耀棠，成為工聯會首位女會長。九三年起她出任全國政協委員，其夫是民建聯立法會議員黃定光。 |
中環行蠱惑：「街佬」冇得撈 轉型唔易
1 :
GS(14)@2011-11-14 23:02:25http://hk.apple.nextmedia.com/te ... 104&art_id=15798778
區選落幕，成敗得失就留畀啲政治評論員、政黨人士去馬後炮，細莊比較好奇嘅係落選人士、特別係全職從政者，點樣面對加入失業大軍嘅問題。細莊老友 W，現職人力資源公司，以前係區議員，由佢講從政者辛酸，份外到肉。
諗住選立會仲大鑊
W同細莊講，一般較新、較年輕者，思考出路何去何從比較容易，通常都係搵份工再諗是否繼續投資時間做地區工作或者索性唔玩；最麻煩都係做咗幾十年嗰啲「街佬」，轉型唔易，又因為做慣議員，俾人招呼慣而放唔低身段， W面對呢類「求助」個案，都會同佢哋做個幾有趣同徹底嘅「自我認知」分析。
呢個分析主要係要呢班人面對現實，先搞清楚自身經濟實力，例如：有冇物業、要唔要供樓、有冇其他收入或賺錢能力、老婆有冇工作養唔養得起頭家、有冇「課外活動」同停止參加「課外活動」有冇手尾跟等。所以，好似啲本身係專業人士又開餐廳嘅，當然可以繼續發政治夢又照樣參加「課外活動」。又或者好似啲有好多抗爭平台嘅政客，一年到晚都有藉口籌款嘅「富貴草根」，亦當然生活冇問題啦。
W又繼續講，佢話最大鑊係明年仲諗住選立法會嘅朋友。成世人都係想入立法會，但選一次就起碼要成球嘢。朋友係冇乜家底兼要照顧一堆失業黨友，即使有人介紹佢去做雜誌、傳媒亦幫補唔到幾多，人去茶凉又未必再有「一筆過撥款」， W好擔心佢下年參選要按咗層樓，再輸就成為真正嘅無產階級，被迫同地產霸權抗戰到底。
逢周一刊出
金融雲端：冇得中立
1 :
GS(14)@2012-01-19 23:00:56冇得中立
中國燃氣（ 384）被中央級國企中石化（ 386）睇中，想收歸旗下，兩大原有股東出手鞏固股權，顯然不願意將肥肉拱手相讓。此時有消息指董事會要求一眾董事保持中立/獨立，令我大惑不解。
根據本報日前一篇題為「中燃命董事保持中立」的報道，中燃董事會近日開會，要求董事確認在收購事情上保持獨立性，原因可能是原本一致反對中石化收購建議的董事，有人想轉軚。
照顧股東利益 董事有責
中燃一名高層，昨日向我否認董事會曾要求個別董事保持中立或者獨立，但拒絕透露董事會內有沒有分歧。
我認為面對敵意收購，公司董事毋須中立，也不用怕轉軚。因時制宜，為股東爭取最大利益，推薦最佳方案，是公司董事的主要責任。問題是如果轉軚只是照顧個別股東的利益，並非考慮整體股東利益，就有違董事的 Fiduciary Duty。
中燃董事會目前有 12人，梁永昌、龐英學、朱偉偉及馬金龍 4名執行董事，全是打工的專業管理人員，持股不多。非執行董事文德圭、 P K JAIN、 Mulham AL-JARF及山縣丞，分別來自中燃 4個主要外資股東，包括韓國 SK、印度 GAIL、 Oman Oil和亞洲開發銀行；另有獨立非執行董事 3人，包括擔任中燃主席的招商局國際副總經理黃倩如。
這個 12人董事會，去年在中石化聯同新奧能源（ 2688）提出敵意收購中燃的建議後，發表公告指摘建議是機會主義性質，未能反映公司之基本價值。現在如果有人轉軚，我猜最大可能是個別外資股東與中石化達成共識，願意接受中石化的 Offer，其董事代表因而改變立場。
我之前寫過，中石化作為中央級國企，有財有勢有政府部門作後台，中燃的外資股東未必敢得失。個別外資股東今次給中石化行個方便，助其達成併購心願，換取其他生意機會，大有可能。然而這些外資股東的董事代表，仍然須負起為全體股東謀取最大利益的責任；公司董事不論背景，不管當初被委任的原因，都要向全體股東而非個別主要股東負責。
兩大股東增持 抗衡敵購
中燃其他外資股東心意難測，但兩大主要股東—韓國 SK集團及劉明輝，各自出招，前者拋出 8億元預算，增持中燃股份；後者找商人邱達昌幫手出資增持，鞏固持股權。
兩主要股東都不惜以高於中石化的收購價，在二手市場掃貨。既然兩大股東都對中燃價值有無比信心，中燃董事更加沒有理由改變主意，向股東推薦接納中石化的收購建議。
沙膽虹手記：住宅樓根本冇得炒
1 :
GS(14)@2012-08-31 10:37:50http://www.sharpdaily.hk/article/news/20120831/128882
炒樓人士一般都傾向低調，唔想將自己身家曝光，更唔會公開寸政府，一來財不可露眼，二來唔想稅局開正「快勞」調查有否避稅，但前日卻有位初生之犢炒家，透過中原地產代理，安排記者逐家訪問，大談自己的炒樓經，話自己最近沽出兩個太古城單位，扣除雜費和上繳政府百萬元額外印花稅後，仍賺九十萬，又話三十二歲的他，曾買賣過二十個物業，過去三個月就沽出咗五個，還預計梁振英會出招，樓價明年會跌兩至三成。如此高調的炒家，令沙膽虹十分好奇他甚麼葫蘆賣甚麼藥？而且佢講到炒樓好似好容易賺錢，更令沙膽虹擔心有人信以為真，撲去炒樓而焦頭爛額。事實上，住宅樓根本冇得炒！
照呢位炒家咁講，佢賣出持有一年多的兩個太古城單位，賺了九十萬，至於另外三個單位淨賺多少，他沒有透露，可能也只是數十萬，五個單位加加埋埋市值分分鐘近二千萬，一買一賣的佣金、釐印、貸款利息、管理費、地租、額外印花稅共一百多萬，扣除所有成本才賺一百多萬，可謂天一半地一半，本大利小，收益與風險根本不成正比，已間接證明了額外印花稅實施後，住宅樓已好難短炒。更何況銀行已有正面信貸資料庫，現在根本不可能像過去般在五間不同銀行借五個物業貸款，而互相不申報；若要坦誠申報，同時做五個樓按，即使現時利息低企，亦要有雄厚財力和超高薪金才能獲批，特別是擺明車馬炒樓而非自置的物業，銀行批核更嚴，所以要像這位炒家能同時炒五項物業，又獲銀行貸款，非高薪厚祿或財力雄厚不能做到！咁高調的炒家，想唔俾政府查都難！
沙膽虹
2 :
Sunny^_^(11601)@2012-08-31 10:45:14佢講既野咁似昨日我地講既野...
3 :
GS(14)@2012-08-31 10:50:07他們日日望住那幾個網?
4 :
Sunny^_^(11601)@2012-08-31 15:48:163樓提及
他們日日望住那幾個網?
我覺得有可能呢.
5 :
GS(14)@2012-08-31 15:52:45其實他們肯定有睇我地
人在中環：其實係冇得改 CK
1 :
GS(14)@2013-04-15 00:05:25http://smartjobscmp.blogspot.hk/2013/03/blog-post_22.html
作者：CK
綜合小弟過往十年的經驗，我發覺，那些被我辭退的同事，到落手「炒魷」的一刻，我多少都會怨自己「炒得太遲」。
每個人都必定有缺點的，這當然包括我自己在內。然而有某些性格上的缺點，就是會很影響工作和團隊。如果同事「不幸」擁有這些缺點，同事必須要把它「改掉」，我們才能把她留下來。不然的話，終有一天，同事跟公司，是要「分手」的。
這是我出來做生意頭幾年的想法。很天真是不是？經過許多年不斷撞板之後，我得出來的體會是很灰的：這些影響工作的性格缺點，其實是改不了的。我們天真地以為，同事這些缺點，只要經過年月點化，是有機會「改善」的…真的是錯晒，而且是錯得離譜。
新同事剛剛上班，對工作還未上手，又或者對行業認識不夠深，所以做得不好，這些工作上的缺點，透過經驗累積，的確是會改善的。假如那些缺點是「性格上」的，再多的工作經驗，更多的旁人勸告，通常不會改善。「性格上」的問題，是同事從多年的成長過程中培養出來，根深蒂固，而且有不少跟自身的價值觀有著割不斷的關係。要改變她們這些問題，就連她們自己的價值觀也要一拼改變才行。我們這些僱主，跟同事萍水相逢，要改變她們心中的「核心價值」，怕且是大想頭了一點吧？
很多老闆都以為自己感染力過人，面對這些同事的時候，往往可以感染到她們有所改變。結果怎麼樣，大概也不用我說吧。然而就正正因為我們自以為有辦法讓她們慢慢改善，結果卻是延誤了把她們辭退的時間，讓她們的問題，有更足夠時間去發酵，為團隊創造更多的矛盾和麻煩。
你或者會問：「一發現佢哋有呢類性格問題就炒，不近人情啲掛？」較有人情味的做法，大概是把她的工作安排變一變吧，好讓她的「缺點」不會影響大局。例如把一個跟其他同事有相處問題的人，調任一些不用跟團隊合作，只需「自己顧自己」的崗位上…諸如此類。當然要作這些安排，也要看公司的實際情況。有時現實情況不許可，那就只可以做那件「不近人情」的事了。
性格問題，從來都最難搞。即使是老闆、高層，講到尾其實也只是個普通人。最愚蠢，是高估自己的感染力，以為改變別人是件容易的事。大家不妨回顧一下，成年之後，你對上一次成功「改變別人」，是多少年前的事？
Next Page