業界維持「計掂就買」看法
1 :
GS(14)@2017-10-22 17:46:55【本報訊】施政報告後，二手交投轉旺，祥益地產總裁汪敦敬認為市場明朗化，吸引買家入市。他強調不要期望樓價跌，堅持「計掂就買」的睇法。汪敦敬表示，施政報告後樓價不會大升大跌，交投轉旺反映市場明朗化，因政府沒新增供應，而購買力增加，尤其兩類人包括等施政報告措施及白表輪候人士，此購買力將令樓價緩升。
料樓價半年升5至10%
他不同意綠置居、白居二恒常化將導致細價樓下跌，「我80年代入行，當時有前輩話『政府狂推居屋，樓價有排跌』，最後有冇？冇！」他續稱：「草根階層目前仍有選擇，包括等居屋、綠置居，抽唔中始終都係抽唔中，唔能夠咁就等於樓價跌。」他認為，有能力買400萬元樓的人不要等樓價跌，若樓價像過去7年般年年上升，兩年後可能買不到。他堅持「計掂就買」，尤其沒買樓的租客，「唔好立亂去做一個等嘅決定，相當危險……千祈唔好期望樓價會跌，呢個期望喺過去幾年已經累死好多人」。他預計樓市整固完再升，目前沒轉勢的元素，未來半年樓價升5至10%，之後調整3至6%，如此類推。
來源:
http://hk.apple.nextmedia.com/financeestate/art/20171019/20187622